ನೀವು ಹೇಳಿದ್ರೆ ಬಾಯಿ ಮುಚ್ಕೊಂಡು ಆ ಸಿನಿಮಾ ಮಾಡ್ತೀನಿ ಅಂತ ಪ್ರಭಾಸ್ ಹೇಳಿದ್ಯಾರಿಗೆ?

ಬಾಹುಬಲಿ ಪ್ರಭಾಸ್ ಎಷ್ಟೇ ಎತ್ತರಕ್ಕೆ ಬೆಳೆದರೂ ಕೊಂಚವೂ ದರ್ಪ ತೋರಿಸಲ್ಲ ಎಂಬ ಮಾತಿದೆ. ತನ್ನ ಜೊತೆ ಕೆಲಸ ಮಾಡಿದ ಆಪ್ತರ ಜೊತೆ ಪ್ರಭಾಸ್ ಸದಾ ಜೊತೆಯಲ್ಲಿರುತ್ತಾರೆ.

ಪ್ರಭಾಸ್

ಈ ಜನರೇಷನ್ ತೆಲುಗು ಹೀರೋಗಳಿಗೆ ಪ್ಯಾನ್ ಇಂಡಿಯಾ ಮಾರ್ಕೆಟ್ ಪರಿಚಯ ಮಾಡಿಕೊಟ್ಟ ಕೀರ್ತಿ ಪ್ರಭಾಸ್ ಗೆ ಸಲ್ಲುತ್ತದೆ. ಅಷ್ಟೇ ಅಲ್ಲದೆ ತೆಲುಗು ಸಿನಿಮಾ ಖ್ಯಾತಿಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪರಿಚಯಿಸಿದ ಹೀರೋಗಳಲ್ಲಿ ಪ್ರಭಾಸ್ ಮುಂಚೂಣಿಯಲ್ಲಿ ನಿಲ್ಲುತ್ತಾರೆ. ತಮ್ಮ ಇಪ್ಪತ್ತೆರಡು ವರ್ಷಗಳ ಸಿನಿ ಪ್ರಯಾಣದಲ್ಲಿ ಯಾವ ತೆಲುಗು ಹೀರೋಗೂ ಸಾಧ್ಯವಾಗದ ಎಷ್ಟೋ ದಾಖಲೆಗಳನ್ನು ಪ್ರಭಾಸ್ ಮರುರೂಪಿಸಿದ್ದಾರೆ. ತೆಲುಗು ರಾಜ್ಯಗಳಿಗೆ ಸೀಮಿತವಾಗಿದ್ದ ತೆಲುಗು ಮಾರ್ಕೆಟ್ ಅನ್ನು ಬಾಹುಬಲಿ ಸಿನಿಮಾದ ಮೂಲಕ ದೇಶಾದ್ಯಂತ ವಿಸ್ತರಿಸಿದ ಹೆಗ್ಗಳಿಕೆ ಪ್ರಭಾಸ್ ಗೆ ಸಲ್ಲುತ್ತದೆ. 

ತೆಲುಗು ಸಿನಿಮಾಗೆ ಸಾವಿರ ಕೋಟಿ ರೂಪಾಯಿ ಕಲೆಕ್ಷನ್ ಮಾಡುವ ಶಕ್ತಿ ಇದೆ ಅಂತ ಬಾಹುಬಲಿ -2 ಸಿನಿಮಾದ ಮೂಲಕ ಪ್ರಭಾಸ್ ಸಾಬೀತುಪಡಿಸಿದ್ರು. ಸಿನಿಮಾ ರಿಸಲ್ಟ್ ಹೇಗಿರುತ್ತೆ ಅನ್ನೋದನ್ನ ಬಿಟ್ಟು ಪ್ರಭಾಸ್ ಸಿನಿಮಾ ಅಂದ್ರೆ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ಸೃಷ್ಟಿ ಮಾಡೋದು ಕಾಮನ್ ಆಗಿ ಹೋಗಿದೆ. ಆದ್ರೆ ಅದೇ ಸಮಯದಲ್ಲಿ ಎಷ್ಟೇ ಎತ್ತರಕ್ಕೆ ಬೆಳೆದ್ರು ನೆಲದ ಮೇಲೆ ಕಾಲು ಇಟ್ಟು ನಡೆಯೋ ವ್ಯಕ್ತಿತ್ವ ಪ್ರಭಾಸ್ ದು.

ತಮ್ಮ ಜೊತೆ ನಟಿಸೋ ಹೀರೋಗಳು, ಚಿಕ್ಕ ಹೀರೋಗಳು, ಯಾರ ಸಿನಿಮಾ ಪ್ರಮೋಷನ್ ಆದ್ರೂ ಮ್ಯಾಕ್ಸಿಮಮ್ ಹೆಲ್ಪ್ ಮಾಡ್ತಾರೆ. ಅದೇ ರೀತಿ ಸೀನಿಯರ್ಸ್ ಗೆ ಪ್ರಭಾಸ್ ಕೊಡೋ ಗೌರವ ಸಾಮಾನ್ಯವಾಗಿರಲ್ಲ. ಈ ವಿಷ್ಯ ಸೀನಿಯರ್ ನಿರ್ದೇಶಕ ರಾಘವೇಂದ್ರ ರಾವ್ ಅವರ ಜೊತೆ ಮಾತನಾಡುವಾಗ ಮತ್ತೊಮ್ಮೆ ಹೊರಬಿದ್ದಿದೆ.

ಒಂದು ಶೋ ನಲ್ಲಿ ಭಾಗವಾಗಿ ನಿರ್ದೇಶಕ ರಾಘವೇಂದ್ರ ರಾವ್ ಅವರು ಪ್ರಭಾಸ್ ಅವರಿಗೆ, ನಿಮ್ಮ ಬಾಡಿ ಲ್ಯಾಂಗ್ವೇಜ್ ಭಕ್ತಿ ಪಾತ್ರಗಳಿಗೆ ಸೂಕ್ತವಾಗಿರುತ್ತದೆ ಅಂತ ಹೇಳಿದ್ರು. ಅದರ ಜೊತೆಗೆ ಒಂದು ವೇಳೆ ಅವಕಾಶ ಸಿಕ್ಕರೆ ನಿಮ್ಮ ಜೊತೆ ಖಂಡಿತ ಒಂದು ಭಕ್ತಿ ರಸ ಪ್ರಧಾನವಾದ ಸಿನಿಮಾ ಮಾಡ್ತೀನಿ ಅಂತ ರಾಘವೇಂದ್ರ ರಾವ್ ಹೇಳಿದ್ರು. 

ಅದಕ್ಕೆ ತಕ್ಷಣ ಪ್ರತಿಕ್ರಿಯಿಸಿದ ಪ್ರಭಾಸ್, ನೀವು ಹೇಳಿದ್ರೆ ಬಾಯಿ ಮುಚ್ಕೊಂಡು ಆ ಸಿನಿಮಾ ಮಾಡ್ತೀನಿ ಅಂತ ಹೇಳಿದ್ದಾರೆ. ಇವರಿಬ್ಬರ ಕಾಂಬಿನೇಷನ್ ನಲ್ಲಿ ಒಂದು ಭಕ್ತಿರಸ ಚಿತ್ರ ಬರೋ ಅವಕಾಶ ಕಡಿಮೆ ಇದೆ. ಆದ್ರೆ ಪ್ರಭಾಸ್ ಅವರು ಹಿರಿಯರ ಬಗ್ಗೆ ತೋರಿಸೋ ಗೌರವ, ವಿನಯ ಮಾತ್ರ ಮೆಚ್ಚಲೇಬೇಕು. ಈ ವಿಷಯವನ್ನು ಇವಾಗ ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಹಳೆ ವಿಡಿಯೋ ಶೇರ್ ಮಾಡಿಕೊಂಡು ಮಾತನಾಡ್ಕೊಳ್ತಿದ್ದಾರೆ. 

ಪ್ರಸ್ತುತ ‘ರೆಬೆಲ್ ಸ್ಟಾರ್’ ಪ್ರಭಾಸ್ ಅವರ ಸ್ಪೀಡ್ ಅನ್ನು ಬೇರೆ ಯಾವ ಹೀರೋ ಕೂಡ ಮುಟ್ಟೋಕೆ ಆಗಲ್ಲ ಅನ್ನೋ ಹಾಗೆ ಸಿನಿಮಾ ಮಾಡ್ತಿದ್ದಾರೆ. ನಾಲ್ಕೈದು ಪ್ಯಾನ್ ಇಂಡಿಯಾ ಬಜೆಟ್ ನ ಸಿನಿಮಾಗಳು ಲೈನ್ ನಲ್ಲಿವೆ. ಡಾರ್ಲಿಂಗ್ ಒಂದೇ ಸಮಯದಲ್ಲಿ ಮೂರು ಸಿನಿಮಾಗಳ ಶೂಟಿಂಗ್ ನಲ್ಲಿ ಭಾಗಿಯಾಗ್ತಿದ್ದಾರೆ. ಪ್ರಭಾಸ್ ಒಪ್ಪಿಕೊಂಡಿರೋ ಸಿನಿಮಾಗಳಲ್ಲಿ ‘ಸಲಾರ್ 2’ ಶೂಟಿಂಗ್ ಸ್ವಲ್ಪ ಟೈಮ್ ತೆಗೆದುಕೊಳ್ಳುತ್ತೆ ಅನ್ನೋದು ಗೊತ್ತಾಗಿದೆ.

ಪ್ರಸ್ತುತ ಪ್ರಭಾಸ್ ‘ರಾಜಾಸಾಬ್’ ಸೆಟ್ ನಲ್ಲಿದ್ದಾರೆ. ಮೊದಲು ಈ ಸಿನಿಮಾ ಶೂಟಿಂಗ್ ಪೂರ್ತಿ ಮಾಡಿ.. ಹನು ರಾಘವಪುಡಿ ಪ್ರಾಜೆಕ್ಟ್ ನಲ್ಲಿ ಜಾಯಿನ್ ಆಗ್ತಾರೆ.

ಇನ್ನೊಂದು ಕಡೆ ರಾಜಾಸಾಬ್ ಮುಗಿಯೋ ಮುಂಚೆನೇ ಹನು ರಾಘವಪುಡಿ ಮೂವಿ ಶೂಟಿಂಗ್ ಸ್ಟಾರ್ಟ್ ಆಗಿದೆ. ತಮಿಳುನಾಡಿನ ಮಧುರೈನಲ್ಲಿ ಮೊದಲ ಶೆಡ್ಯೂಲ್ ಮುಗಿಸಿದ್ದಾರೆ. ಈ ಶೆಡ್ಯೂಲ್ ನಲ್ಲಿ ಪ್ರಭಾಸ್ ಇಲ್ಲದ ಸೀನ್ ಗಳನ್ನ ಹನು ಚಿತ್ರೀಕರಿಸಿದ್ದಾರೆ. ಒಂದು ವಾರದ ಕಾಲ ಈ ಶೆಡ್ಯೂಲ್ ನಡೆಯುತ್ತೆ ಅಂತ ಮಾಹಿತಿ ಇದೆ. ಪ್ರಭಾಸ್ ರಾಜಾಸಾಬ್ ಚಿತ್ರದ ಶೂಟಿಂಗ್ ಮುಗಿಸಿಕೊಂಡು ‘ಫೌಜಿ ಸಿನಿಮಾದಲ್ಲಿ ಜಾಯಿನ್ ಆಗ್ತಾರೆ. ಈ ಸಿನಿಮಾ 1945 ರಲ್ಲಿ ನಡೆಯೋ ಕಥಾ ಹಂದರವನ್ನು ಹೊಂದಿದೆ.

ಕಲ್ಕಿ 2 ಸಿನಿಮಾ ಕೆಲಸ ಕೂಡ ಶುರುವಾಗಿದೆ ಅಂತ ತಿಳಿದು ಬಂದಿದೆ. ಈಗಾಗಲೇ ಈ ಸಿನಿಮಾ ಶೂಟಿಂಗ್  ಪೂರ್ತಿಯಾಗಿದೆ. ಶೀಘ್ರದಲ್ಲೇ ಪ್ರಭಾಸ್ ಕಲ್ಕಿ 2 ಸಿನಿಮಾ ಕೂಡ ಪೂರ್ತಿ ಮಾಡೋಕೆ ರೆಡಿ ಆಗ್ತಿದ್ದಾರೆ. ಈ ಸಮಯದಲ್ಲಿ ನಾಗ್ ಅಶ್ವಿನ್ ಕೆಲಸ ಮುಗಿಸಲಿದ್ದಾರೆ.