ಹೆಂಡತಿಗೆ ವಿಚ್ಛೇದನ ನೀಡಿ ಆ ನಟಿಯೊಂದಿಗೆ ಸಂಬಂಧ ಹೊಂದಿದ್ದ ಸಂಗೀತ ನಿರ್ದೇಶಕ?: ಅಸಲಿಗೆ ಏನಾಯ್ತು?

ಸಿನಿಮಾ ರಂಗದಲ್ಲಿ ಪ್ರೇಮ ವ್ಯವಹಾರಗಳು ಸಾಮಾನ್ಯ. ನಟ-ನಟಿಯರ ನಡುವೆ ಹೆಚ್ಚಾಗಿ ಗಾಸಿಪ್​ಗಳು ಕೇಳಿಬರುತ್ತವೆ. ಆದರೆ ಮದುವೆಯಾದ ನಟನ ಬಗ್ಗೆ ಗಾಸಿಪ್ ಬಂದರೆ ಅದು ಸಂಚಲನವಾಗುತ್ತದೆ. ಇಂತಹ ವ್ಯವಹಾರಗಳು ಈ ಹಿಂದೆಯೂ ನಡೆದಿವೆ. ಆದರೆ ಇತ್ತೀಚೆಗೆ ಮಲ್ಟಿ ಟ್ಯಾಲೆಂಟೆಡ್ ನಟ ಮತ್ತು ಯುವ ನಟಿ ಈ ರೀತಿಯ ಸುದ್ದಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಆ ನಟನ ಹೆಸರು ಜಿ.ವಿ. ಪ್ರಕಾಶ್ ಕುಮಾರ್. ಜಿ.ವಿ. ಪ್ರಕಾಶ್ ಬಗ್ಗೆ ಪರಿಚಯಿಸುವ ಅಗತ್ಯವಿಲ್ಲ. ಎ.ಆರ್. ರೆಹಮಾನ್ ಅವರ ಸೋದರಳಿಯ ಜಿ.ವಿ. ಪ್ರಕಾಶ್ ಇಂಡಸ್ಟ್ರಿಗೆ ಕಾಲಿಟ್ಟರು. ನಟನಾಗಿ, ಸಂಗೀತ ನಿರ್ದೇಶಕನಾಗಿ, ಗಾಯಕನಾಗಿ ಮಿಂಚುತ್ತಿದ್ದಾರೆ. ಜಿ.ವಿ. ಪ್ರಕಾಶ್ 2024ರಲ್ಲಿ ತಮ್ಮ ಪತ್ನಿ ಸೈಂಧವಿಯಿಂದ ವಿಚ್ಛೇದನ ಪಡೆದು ಬೇರೆಯಾದರು ಎಂಬುದು ತಿಳಿದಿರುವ ವಿಷಯ.

ಆದರೆ ಜಿ.ವಿ. ಪ್ರಕಾಶ್ ಮತ್ತು ಸೈಂಧವಿ ಅವರ ವಿಚ್ಛೇದನಕ್ಕೆ ಯುವ ನಟಿ ದಿವ್ಯ ಭಾರತಿ ಕಾರಣ ಎಂದು ಹೇಳಲಾಗುತ್ತಿದೆ. ಜಿ.ವಿ. ಪ್ರಕಾಶ್ ಮತ್ತು ದಿವ್ಯ ಭಾರತಿ ಇಬ್ಬರೂ ಡೇಟಿಂಗ್​ನಲ್ಲಿದ್ದಾರೆ, ಅದಕ್ಕಾಗಿಯೇ ಈ ನಟ ತನ್ನ ಹೆಂಡತಿಯಿಂದ ದೂರವಾಗಿದ್ದಾರೆ ಎಂದು ಸುದ್ದಿ ಹಬ್ಬಿದೆ. ಇತ್ತೀಚೆಗೆ ದಿವ್ಯ ಭಾರತಿ ಮತ್ತು ಜಿ.ವಿ. ಪ್ರಕಾಶ್ ನಟಿಸಿದ ಕಿಂಗ್ಸ್ಟನ್ ಸಿನಿಮಾ ಮಾರ್ಚ್ 7ರಂದು ಬಿಡುಗಡೆಗೆ ಸಿದ್ಧವಾಗಿದೆ.

ಪ್ರಚಾರ ಕಾರ್ಯಕ್ರಮಗಳಲ್ಲಿ ಜಿ.ವಿ. ಪ್ರಕಾಶ್ ಮತ್ತು ದಿವ್ಯ ಭಾರತಿ ಇಬ್ಬರೂ ತಮ್ಮ ಬಗ್ಗೆ ಬರುತ್ತಿರುವ ಗಾಸಿಪ್ ಬಗ್ಗೆ ಮಾತನಾಡಿದ್ದಾರೆ. ದಿವ್ಯ ಭಾರತಿ ಮಾತನಾಡಿ, ಜಿ.ವಿ. ಪ್ರಕಾಶ್ ತಮ್ಮ ಹೆಂಡತಿಯಿಂದ ದೂರವಾಗಲು ನಾನೇ ಕಾರಣ ಎಂದು ಅನೇಕರು ನನ್ನನ್ನು ದೂಷಿಸಿದ್ದಾರೆ. ನನ್ನನ್ನು ತುಂಬಾ ಕೆಟ್ಟದಾಗಿ ಬೈದು ಮೆಸೇಜ್​ಗಳನ್ನು ಹಾಕಿದ್ದಾರೆ ಎಂದು ದಿವ್ಯ ಭಾರತಿ ಹೇಳಿದ್ದಾರೆ. ನಾನು ಮತ್ತು ಜಿ.ವಿ. ಈ ಹಿಂದೆ ಬ್ಯಾಚುಲರ್ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದೆವು. ಈ ಸಿನಿಮಾದಲ್ಲಿ ನನ್ನ ಮತ್ತು ಜಿ.ವಿ. ನಡುವಿನ ಕೆಮಿಸ್ಟ್ರಿಗೆ ಪ್ರೇಕ್ಷಕರಿಂದ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಅದರಿಂದ ನಾವು ರಿಲೀಸ್ ಲೈಫ್​ನಲ್ಲಿಯೂ ಹಾಗೆಯೇ ಇದ್ದೇವೆ ಎಂದು ಎಲ್ಲರೂ ತಪ್ಪಾಗಿ ಅರ್ಥೈಸಿಕೊಂಡಿದ್ದಾರೆ. ನನ್ನನ್ನು ಬೈಯುತ್ತಾ ಹೆಚ್ಚಾಗಿ ಮಹಿಳೆಯರೇ ಮೆಸೇಜ್​ಗಳನ್ನು ಹಾಕುತ್ತಿದ್ದರು ಎಂದು ದಿವ್ಯ ಭಾರತಿ ಹೇಳಿದ್ದಾರೆ. ಜಿ.ವಿ. ಮಾತನಾಡಿ, ನನಗೂ ಮತ್ತು ದಿವ್ಯ ಭಾರತಿಗೂ ಒಳ್ಳೆಯ ಸ್ನೇಹವಿದೆ, ಅಷ್ಟೇ. ನಾವಿಬ್ಬರೂ ಹಲವು ಪ್ರಾಜೆಕ್ಟ್​ಗಳಿಗಾಗಿ ಕೆಲಸ ಮಾಡಿದ್ದೇವೆ. ನಾನು ಇರುವುದು ಆಡಿಯನ್ಸ್​ಗೆ ಮನರಂಜನೆ ನೀಡಲು, ಉಳಿದ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ ಎಂದು ಜಿ.ವಿ. ಹೇಳಿದ್ದಾರೆ.