ನಟ ಶಿವರಾಜ್‌ಕುಮಾರ್‌ ಅವರ 124ನೇ ಚಿತ್ರಕ್ಕೆ ಬಾಲಿವುಡ್‌ನ ಮೆಹ್ರೀನ್‌ ಪಿರ್ಜಾದ ನಾಯಕಿ ಆಗುತ್ತಿದ್ದಾರೆ.
ಟಾಲಿವುಡ್‌ ನಿರ್ದೇಶಕ ರಾಮ್‌ ದುಲಿಪುಡಿ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದು
ಇತ್ತೀಚೆಗೆ ತೆಲುಗಿನ ರವಿತೇಜಾ ನಟನೆಯ ‘ರಾಜಾ ದಿ ಗ್ರೇಟ್‌’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದರು. ಈಗ ಕನ್ನಡಕ್ಕೆ ಬರುತ್ತಿದ್ದಾರೆ.
ಈ ಚಿತ್ರದ ನಿರ್ಮಾಪಕರು ಹಾಗೂ ನಿರ್ದೇಶನದ ಜತೆಗೆ ತಾಂತ್ರಿಕ ತಂಡದಲ್ಲಿ ಬಹುತೇಕರು ಟಾಲಿವುಡ್‌ ಮಂದಿಯೇ ಇದ್ದಾರೆ.
ಈಗ ನಾಯಕಿ ಕೂಡ ಬಹುಭಾಷೆಗೆ ಪರಿಚಯ ಇರುವವರನ್ನೇ ಕರೆತರುತ್ತಿದ್ದಾರೆ.
ಎರಡು ರೀತಿಯ ಶೇಡ್‌ ಇರುವ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಳ್ಳುತ್ತಿದ್ದಾರೆ.
ಈ ಪೈಕಿ ಆರ್ಮಿ ಕತೆಯನ್ನು ಹೇಳುವ ಪಾತ್ರವೂ ಒಂದು. ಚಿತ್ರದ ಕತೆ ಹಾಗೂ ಪಾತ್ರಧಾರಿಗಳ ಆಯ್ಕೆ ನೋಡುತ್ತಿದ್ದರೆ ರಾಮ ದುಲಿಪುಡಿ ಶಿವಣ್ಣರನ್ನು ಟಾಲಿವುಡ್‌ಗೂ ಕರೆದುಕೊಂಡು ಹೋಗುತ್ತಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
ಈ ಚಿತ್ರವನ್ನು ಕನ್ನಡದ ಜತೆಗೆ ತೆಲುಗಿನಲ್ಲೂ ರೂಪಿಸುವ ಪ್ಲಾನ್‌ ಚಿತ್ರತಂಡದ್ದು.
ತಮಿಳು ಹಿಂದಿ, ತೆಲುಗು ಸೇರಿ ಹಲವು ಭಾಷೆಯ ಸಿನಿಮಾದಲ್ಲಿ ನಟಿಸಿದ್ದಾರೆ ಈಕೆ
ಸುಮಾರು 15ಕ್ಕೂ ಹೆಚ್ಚು ಸಿನಿಮಾ ಮಾಡಿರೋ ನಟಿ ಈಗ ಸ್ಯಾಂಡಲ್‌ವುಡ್‌ನಲ್ಲಿ ನಟಿಸುತ್ತಿದ್ದಾರೆ.