ನಾಗಾರ್ಜುನಗೆ ಮಿಸ್‌ ಆದ ಸಿನಿಮಾದಿಂದ ಚಿರಂಜೀವಿ ಬ್ಲಾಕ್‌ಬಸ್ಟರ್‌ ಹೊಡೆದ್ರು: ಯಾವುದು ಆ ಚಿತ್ರ!

ಕಿಂಗ್ ನಾಗಾರ್ಜುನ ಹೀರೋ ಆಗಿ ಪರಿಚಯ ಆಗಬೇಕಿದ್ದ ಸಿನಿಮಾವನ್ನ ಚಿರಂಜೀವಿ ಹೀರೋ ಆಗಿ ಮಾಡಿ ಬ್ಲಾಕ್‌ಬಸ್ಟರ್ ಹೊಡೆದ್ರು. ಇದರಿಂದ ನಾಗ್‌ಗೆ ದೊಡ್ಡ ಹೊಡೆತ ಬಿತ್ತು. ಆ ಸಿನಿಮಾ ಯಾವುದು ಅಂತ ಇಲ್ಲಿ ತಿಳಿದುಕೊಳ್ಳೋಣ. 

ಅಕ್ಕಿನೇನಿ ನಾಗಾರ್ಜುನ.. ಅಕ್ಕಿನೇನಿ ನಾಗೇಶ್ವರರಾವ್ ನಟ ಪುತ್ರನಾಗಿ ಚಿತ್ರರಂಗಕ್ಕೆ ಕಾಲಿಟ್ಟರು. ವಿದೇಶದಲ್ಲಿ ಓದಿ ವ್ಯಾಪಾರ ಮಾಡಬೇಕು ಅಂತಿದ್ದ ನಾಗ್‌ ಮನಸ್ಸು ಥಟ್ಟನೆ ಬದಲಾಯ್ತು. ಸಿನಿಮಾಗಳಲ್ಲಿ ನಟಿಸಬೇಕು ಅಂದುಕೊಂಡರು. ಎಎನ್‌ಆರ್‌ಗೆ ಈ ವಿಷಯ ಹೇಳಿದಾಗ ಅವರು ಓಕೆ ಅಂದ್ರು. ಒಟ್ಟಿನಲ್ಲಿ 1986ರಲ್ಲಿ `ವಿಕ್ರಮ್‌` ಸಿನಿಮಾದ ಮೂಲಕ ಹೀರೋ ಆಗಿ ಬೆಳ್ಳಿತೆರೆಗೆ ಪರಿಚಯ ಆದರು ನಾಗಾರ್ಜುನ. ಆಕ್ಷನ್‌ ಪ್ರಧಾನ ಚಿತ್ರದ ಮೂಲಕ ಗಮನ ಸೆಳೆದರು. ಆದರೆ ನಾಗ್‌ ಮಾಡಬೇಕಿದ್ದ ಮೊದಲ ಸಿನಿಮಾ ಇದಲ್ಲ. ಆ ಸಿನಿಮಾವನ್ನ ಚಿರಂಜೀವಿ ಮಾಡಿ ಸೂಪರ್ ಹಿಟ್ ಹೊಡೆದ್ರು.

ನಾಗಾರ್ಜುನ ಹೀರೋ ಆಗಿ ಪರಿಚಯ ಆಗಬೇಕಿದ್ದ ಸಿನಿಮಾ `ವಿಜೇತ`. ಈ ಸಿನಿಮಾ ಬೆಂಗಾಲಿ ಚಿತ್ರದ ರಿಮೇಕ್‌. ಅಲ್ಲಿ `ಸಾಹೇಬ್‌` ಅಂತ ಬಂದು ಹಿಟ್ ಆಗಿತ್ತು. ತೆಲುಗು ರಿಮೇಕ್‌ ಹಕ್ಕುಗಳು ನಿರ್ಮಾಪಕ ಅಲ್ಲು ಅರವಿಂದ್‌ ಬಳಿ ಇದ್ದವು. ಅವರು ಕೊಡಲಿಲ್ಲ. ಹಾಗಾಗಿ ಇನ್ನೊಂದು ಹಿಂದಿ ರಿಮೇಕ್‌ ಮಾಡಿದ್ರು ನಾಗ್‌. 1983ರಲ್ಲಿ ಬಾಲಿವುಡ್‌ನಲ್ಲಿ ಬಂದ `ಹೀರೋ` ಸಿನಿಮಾ ರಿಮೇಕ್‌ ಹಕ್ಕುಗಳನ್ನು ತೆಗೆದುಕೊಂಡರು. ಅದರಲ್ಲಿ ಬದಲಾವಣೆಗಳನ್ನು ಮಾಡಿ ನಾಗಾರ್ಜುನ ಜೊತೆ ತೆರೆಗೆ ತಂದರು. ಅದೇ `ವಿಕ್ರಮ್‌`. ರೊಮ್ಯಾಂಟಿಕ್ ಆಕ್ಷನ್‌ ಆಗಿ ಬಂದ ಈ ಚಿತ್ರ ಹೆಚ್ಚು ಗಮನ ಸೆಳೆಯಲಿಲ್ಲ. ಸುಮ್ಮನೆ ಓಕೆ ಅನ್ನಿಸಿತು. ವೀ ಮಧುಸೂಧನ್ ರಾವ್ ನಿರ್ದೇಶನದ ಈ ಚಿತ್ರದಲ್ಲಿ ನಾಗಾರ್ಜುನ ಜೊತೆ ಶೋಭನ ನಾಯಕಿ.

ಇನ್ನು ಅಲ್ಲು ಅರವಿಂದ್‌ `ಸಾಹೇಬ್‌` ಕಥೆಯಲ್ಲಿ ಬದಲಾವಣೆಗಳನ್ನು ಮಾಡಿಸಿ ಚಿರಂಜೀವಿ ಹೀರೋ ಆಗಿ ಸಿನಿಮಾ ಮಾಡಿದ್ರು. `ವಿಜೇತ` ಹೆಸರಿನಲ್ಲಿ ಈ ಚಿತ್ರ ತೆರೆಗೆ ಬಂತು. ಕೋದಂಡರಾಮಿರೆಡ್ಡಿ ನಿರ್ದೇಶನದ ಈ ಚಿತ್ರದಲ್ಲಿ ಭಾನುಪ್ರಿಯ ನಾಯಕಿ. ಶಾರದ ಮುಖ್ಯ ಪಾತ್ರದಲ್ಲಿ ನಟಿಸಿದ್ರು. 1985ರಲ್ಲಿ ಬಂದ ಈ ಸಿನಿಮಾ ಬ್ಲಾಕ್‌ಬಸ್ಟರ್ ಆಗಿತ್ತು. ಈ ಚಿತ್ರ ಮೆಗಾಸ್ಟಾರ್ ಚಿರಂಜೀವಿ ನಟಿಸಿದ ಟಾಪ್ ಸಿನಿಮಾಗಳಲ್ಲಿ ಒಂದು ಅಂತಾನೆ ಹೇಳಬಹುದು.

`ಖೈದಿ` ತರಹದ ಆಕ್ಷನ್‌ ಸಿನಿಮಾದಿಂದ ಮಿಂಚಿದ್ದ ಚಿರಂಜೀವಿಗೆ ಈ ಕೌಟುಂಬಿಕ ಕಥೆಯ ಸಿನಿಮಾ ಪ್ರೇಕ್ಷಕರನ್ನು ವಿಶೇಷವಾಗಿ ಆಕರ್ಷಿಸಿತು. ಅದೇ ಸಮಯದಲ್ಲಿ ಟಾಲಿವುಡ್‌ನಲ್ಲಿ ಕೌಟುಂಬಿಕ ಚಿತ್ರಗಳಿಗೆ ಜನ ಬೆಂಬಲ ಇದೆ ಅಂತ ತೋರಿಸಿಕೊಟ್ಟ ಚಿತ್ರ ಇದು. ಇದರಲ್ಲಿ ಹೀರೋ ಫುಟ್‌ಬಾಲ್ ಆಟಗಾರ ಆಗಬೇಕು ಅಂದುಕೊಂಡಿರುತ್ತಾನೆ. ಆದರೆ ಕುಟುಂಬದ ಆರ್ಥಿಕ ಸಮಸ್ಯೆಗಳಿಂದಾಗಿ ಕುಟುಂಬಕ್ಕಾಗಿ ತನ್ನ ಕಿಡ್ನಿ ದಾನ ಮಾಡಲು ಸಿದ್ಧನಾಗುವುದೇ ಈ ಚಿತ್ರದ ಕಥೆ. ಪೂರ್ತಿ ಸೆಂಟಿಮೆಂಟ್‌, ಭಾವನಾತ್ಮಕ ಮಿಶ್ರಣವಾಗಿರುವ ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಭರ್ಜರಿ ಗಳಿಕೆ ಕಂಡಿತು. ಅದೇ ಸಮಯದಲ್ಲಿ ಯುವಕರಿಗೆ ಸ್ಫೂರ್ತಿಯ ಚಿತ್ರವಾಗಿಯೂ ಉಳಿದಿರುವುದು ವಿಶೇಷ.

ಹೀಗೆ ನಾಗಾರ್ಜುನ ಮಾಡಬೇಕಿದ್ದ `ವಿಜೇತ` ಚಿತ್ರವನ್ನು ಚಿರಂಜೀವಿ ಮಾಡಿದರು. ನಾಗ್‌ ದೊಡ್ಡ ಹಿಟ್‌ ಮಿಸ್‌ ಮಾಡಿಕೊಂಡರೆ, ಚಿರು ಗೆಲುವು ಸಾಧಿಸಿ ತಮ್ಮ ವೃತ್ತಿಜೀವನದಲ್ಲಿ ಮತ್ತೊಂದು ಮೆಟ್ಟಿಲು ಏರಿದರು. ಇದರಲ್ಲಿ ಅಲ್ಲು ಅರ್ಜುನ್‌ ಬಾಲನಟನಾಗಿ ನಟಿಸಿದ್ದಾರೆ. ಅವರು ಬಾಲನಟನಾಗಿ ಪರಿಚಯವಾದ ಮೊದಲ ಚಿತ್ರ ಇದೇ. ಒಂದು ರೀತಿಯಲ್ಲಿ ಬನ್ನಿಗೆ ಇದು ಅದೃಷ್ಟದ ಅವಕಾಶ ಅಂತಾನೆ ಹೇಳಬೇಕು. ಒಂದು ವೇಳೆ ನಾಗ್‌ ಈ ಸಿನಿಮಾ ಮಾಡಿದ್ದರೆ ಅಲ್ಲು ಅರ್ಜುನ್‌ಗೆ ಈ ಅವಕಾಶ ಸಿಗುತ್ತಿರಲಿಲ್ಲ. ಒಟ್ಟಾರೆ `ವಿಜೇತ` ಮೆಗಾಸ್ಟಾರ್‌ರನ್ನು ವಿಜೇತರನ್ನಾಗಿ ಮಾಡಿತು ಅಂತ ಹೇಳಬಹುದು.