ಬಾಲಿವುಡ್‌ನ ಮೋಸ್ಟ್‌ ಟ್ಯಾಲೆಂಟೆಡ್‌ ನಟರಲ್ಲಿ ಒಬ್ಬರಾಗಿರುವ ಮನೋಜ್ ಬಾಜಪೇಯಿ (Manoj Bajpayee) ಅವರು ಅಂತರ್ ಧರ್ಮೀಯ ವಿವಾಹದಲ್ಲಿ ಪತ್ನಿ ಶಬಾನಾ ರಜಾ ಅವರನ್ನು ವಿವಾಹವಾಗಿದ್ದಾರೆ. ಈ ಕುರಿತು ಮಾತನಾಡಿದ ಅವರು, ಶಬಾನಾ ಅವರನ್ನು ಮದುವೆಯಾಗಲು ನಿರ್ಧರಿಸಿದಾಗ ಮನೆಯ ಪರಿಸ್ಥಿತಿ ಮತ್ತು ಅವರ ವೈವಾಹಿಕ ಜೀವನದಲ್ಲಿ ಧಾರ್ಮಿಕ ವ್ಯತ್ಯಾಸದ ಬಗ್ಗೆ ಮತಾನಾಡಿದ್ದಾರೆ.
ಬಾಲಿವುಡ್ ನಟ ಮನೋಜ್ ಬಾಜಪೇಯಿ ಇತ್ತೀಚಿನ ಸಂದರ್ಶನವೊಂದರಲ್ಲಿ ತಮ್ಮ ಮತ್ತು ಅವರ ಪತ್ನಿ ಶಬಾನಾ ರಜಾ ನಡುವಿನ ಧಾರ್ಮಿಕ ವ್ಯತ್ಯಾಸದ ಬಗ್ಗೆ ಮಾತನಾಡಿದರು.
ಮನೋಜ್ ಅವರು ತಮ್ಮ ಸ್ವಭಾವದಿಂದ ಕುಖ್ಯಾತರಾಗಿದ್ದಾರೆ ಮತ್ತು ಇದರಿಂದಾಗಿ ಜನರು ತಮ್ಮ ವಿರುದ್ಧ ಯಾವುದೇ ಹೇಳಿಕೆ ನೀಡುವುದನ್ನು ತಪ್ಪಿಸುತ್ತಾರೆ ಎಂದು ಹೇಳಿದರು.
ಇದರೊಂದಿಗೆ, ಅವರು ತಮ್ಮ ಮನೆಯಲ್ಲಿ ಎಂದಿಗೂ ಧರ್ಮದ ಬಗ್ಗೆ ಚರ್ಚಿಸುವುದಿಲ್ಲ ಮತ್ತು ಮೌಲ್ಯಗಳಿಂದಾಗಿ ನಮ್ಮ ಸಂಬಂಧ ಮುಂದುವರಿಯುತ್ತಿದೆ ಎಂದು ತಮ್ಮ ಅಂತರ್ ಧರ್ಮೀಯ ವಿವಾಹದ ಬಗ್ಗೆ ಮನೋಜ್ ಹೇಳಿದ್ದಾರೆ.
'ನಮ್ಮ ಸಂಬಂಧವು ಮೌಲ್ಯಗಳಿಂದಾಗಿ ಮುಂದುವರಿಯುತ್ತಿದೆ. ನಾವು ಪರಸ್ಪರರ ಮೌಲ್ಯಗಳನ್ನು ಗೌರವಿಸದಿದ್ದರೆ ನಮ್ಮ ಮದುವೆಯು ಕೆಲಸ ಮಾಡುವುದಿಲ್ಲ. ನಾನು ಬ್ರಾಹ್ಮಣ ಕುಟುಂಬದಿಂದ ಬಂದವನು. ಅದೇ ಸಮಯದಲ್ಲಿ, ಶಬಾನಾ ಕೂಡ ಪ್ರತಿಷ್ಠಿತ ಕುಟುಂಬದಿಂದ ಬಂದವರು. ಆದರೆ ಅಚ್ಚರಿಯ ವಿಷಯವೆಂದರೆ ನನ್ನ ಮದುವೆಗೆ ನನ್ನ ಮನೆಯವರು ಯಾರೂ ವಿರೋಧ ವ್ಯಕ್ತಪಡಿಸಿಲ್ಲ. ಅವರು ಶಬಾನ ಧರ್ಮದ ಬಗ್ಗೆ ಎಂದಿಗೂ ಮಾತನಾಡುವುದಿಲ್ಲ ಎಂದು ಶಬಾನಾ ಅವರನ್ನು ಮದುವೆಯಾಗುವಾಗ ಸಾಮಾಜಿಕ ಅಥವಾ ಕುಟುಂಬದ ಒತ್ತಡವನ್ನು ಎದುರಿಸುತ್ತಿದ ಬಗ್ಗೆ ಹೇಳಿದ್ದಾರೆ ಮನೋಜ್.
ಅವಳು ಹೆಮ್ಮೆಯ ಮುಸ್ಲಿಂ ಮತ್ತು ನಾನು ಹೆಮ್ಮೆಯ ಹಿಂದೂ, ಆದರೆ ಅದು ಪರಸ್ಪರ ಘರ್ಷಣೆಯಾಗುವುದಿಲ್ಲ. ಏಕೆಂದರೆ ನಾವು ಧಾರ್ಮಿಕತೆಗಿಂತ ಆಧ್ಯಾತ್ಮಿಕರು. ನನ್ನ ಹೆಂಡತಿಯ ಧರ್ಮದ ಬಗ್ಗೆ ನನ್ನೊಂದಿಗೆ ಮಾತನಾಡಲು ಯಾರಿಗೂ ಶಕ್ತಿ ಅಥವಾ ಧೈರ್ಯವಿಲ್ಲ. ನಾನು ಈ ವಿಷಯಗಳನ್ನು ನಂಬುವುದಿಲ್ಲ ಎಂದು ಅವರಿಗೆ ತಿಳಿದಿರುವ ಕಾರಣ, ಯಾರಾದರೂ ಈ ರೀತಿ ಮಾತನಾಡುವಾಗ ನಾನು ತುಂಬಾ ಕಟ್ಟುನಿಟ್ಟಾಗಿರುತ್ತೇನೆ. ನಾನು ರಫ್‌ ವ್ಯಕ್ತಿ. ಜನರು ಈಗಲೂ ನನ್ನ ಕೋಪದ ಬಗ್ಗೆ ಮಾತನಾಡುತ್ತಾರೆ ಎಂದು ಮನೋಜ್ ಮತ್ತಷ್ಟು ಹೇಳುತ್ತಾರೆ.
ಮನೋಜ್ ಬಾಜಪೇಯಿಯವರು ತಮ್ಮ ಜೀವನಚರಿತ್ರೆಯಲ್ಲಿ, ಪತ್ನಿ ಶಬಾನಾ ಅವರನ್ನು ಮೊದಲ ಬಾರಿಗೆ ನೋಡಿದ ಸಮಯದ ಬಗ್ಗೆ ಮನೋಜ್ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾರೆ.
ಹನ್ಸಲ್ ಮೆಹ್ತಾ ಪಾರ್ಟಿಯಲ್ಲಿ ಶಬಾನಾ ಅವರನ್ನು ನೋಡಿದಾಗ ಅವರ ಸರಳತೆ ತನ್ನ ಗಮನವನ್ನು ಸೆಳೆಯಿತು ಎಂದು ಮನೋಜ್ ಪುಸ್ತಕದಲ್ಲಿ ಹೇಳಿದ್ದಾರೆ.
ಮುಖಕ್ಕೆ ಮೇಕಪ್ ಇರಲಿಲ್ಲ, ಕೂದಲಿಗೆ ಎಣ್ಣೆ ಹಚ್ಚಿ ಕನ್ನಡಕ ಹಾಕಿಕೊಂಡಿದ್ದರು. ಈ ಸರಳತೆಯಿಂದ ಅವರು ಪ್ರಭಾವಿತರಾದರು ಎಂಬುದನ್ನು ನಟ ಬಹಿರಂಗಪಡಿಸಿದ್ದಾರೆ.
ಮನೋಜ್ ಮತ್ತು ಶಬಾನಾ 2006 ರಲ್ಲಿ ವಿವಾಹವಾದರು. ಶಬಾನಾ ರಝಾ ಅವರನ್ನು ನೇಹಾ ಬಾಜ್ಪೈ ಎಂದೇ ಫೇಮಸ್‌. ಶಬಾನಾ ಅವರು ಕರೀಬ್ , ಹೋಗಿ ಪ್ಯಾರಾ ಜೀತ್‌ ಮುಂತಾದ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.