ಕಮಲ್ ಹಾಸನ್ ನಟನೆಯ ‘ಥಗ್ ಲೈಫ್’ 5ನೇ ದಿನ ಬಾಕ್ಸ್ ಆಫೀಸ್ ಕಲೆಕ್ಷನ್

Kamal Hassan's Thug Life: ಕರ್ನಾಟಕದಲ್ಲಿ ನಿಷೇಧಕ್ಕೊಳಗಾಗಿರುವ ಕಮಲ್ ಹಾಸನ್ ನಟನೆಯ ‘ಥಗ್ ಲೈಫ್’ ಸಿನಿಮಾ ಐದನೇ ದಿನಕ್ಕೆ ಕಡಿಮೆ ಕಲೆಕ್ಷನ್ ಎಷ್ಟಿದೆ ಗೊತ್ತಾ?

ಮಣಿರತ್ನಂ ನಿರ್ದೇಶನದಲ್ಲಿ ಕಮಲ್ ಹಾಸನ್, ಸಿಂಬು, ತ್ರಿಷಾ, ಅಭಿರಾಮಿ, ಐಶ್ವರ್ಯ ಲಕ್ಷ್ಮಿ, ಅಶೋಕ್ ಸೆಲ್ವನ್ ಮುಂತಾದವರು ನಟಿಸಿರುವ ಚಿತ್ರ ‘ಥಗ್ ಲೈಫ್’. ಇದು ತಮಿಳು, ತೆಲುಗು, ಕನ್ನಡ, ಮಲಯಾಳಂ, ಹಿಂದಿ ಐದು ಭಾಷೆಗಳಲ್ಲಿ ನಿರ್ಮಾಣವಾಗಿದೆ. ಜೂನ್ 5 ರಂದು ಬಿಡುಗಡೆಯಾದ ಈ ಚಿತ್ರ ಕನ್ನಡ ಭಾಷಾ ವಿವಾದದಿಂದಾಗಿ ಕರ್ನಾಟಕದಲ್ಲಿ ಬಿಡುಗಡೆಯಾಗಿಲ್ಲ. ಉಳಿದ ನಾಲ್ಕು ಭಾಷೆಗಳಲ್ಲಿ ಬಿಡುಗಡೆಯಾದ ಈ ಚಿತ್ರಕ್ಕೆ ಮೊದಲ ದಿನದಿಂದಲೂ ನೆಗೆಟಿವ್ ರಿವ್ಯೂಗಳು ಬಂದಿವೆ.

ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಚೆನ್ನಾಗಿದ್ರೂ, ಮುಂದಿನ ದಿನಗಳಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಪ್ರತಿಕ್ರಿಯೆ ಸಿಕ್ಕಿಲ್ಲ. ಹೀಗಾಗಿ ‘ಥಗ್ ಲೈಫ್’ ಚಿತ್ರತಂಡ ನಿರಾಸೆಗೊಂಡಿದೆ. ಸಿನಿಮಾ ಬಿಡುಗಡೆಗೆ ಎರಡು ವಾರಗಳ ಮೊದಲೇ ಚಿತ್ರತಂಡ ಪ್ರಚಾರಕ್ಕಾಗಿ ಹಲವು ರಾಜ್ಯಗಳಿಗೆ ತೆರಳಿತ್ತು. ತಮಿಳುನಾಡಿನಲ್ಲೂ ಪ್ರಚಾರ ಕಾರ್ಯಕ್ರಮಗಳು, ಪತ್ರಿಕಾಗೋಷ್ಠಿ, ಸಂದರ್ಶನಗಳ ಮೂಲಕ ಪ್ರಚಾರ ನಡೆಸಲಾಗಿತ್ತು.

ಸಿನಿಮಾ ಹಾಡುಗಳು ಹಿಟ್ ಆಗಿದ್ವು, ಕನ್ನಡ ಭಾಷಾ ವಿವಾದ, ಕೇರಳದ ಪ್ರೇಕ್ಷಕರಿಗಾಗಿ ಜೋಜು ಜಾರ್ಜ್‌ರನ್ನು ಸಿನಿಮಾದಲ್ಲಿ ಸೇರಿಸಿಕೊಂಡಿದ್ದು, ಯುವಜನರನ್ನು ಆಕರ್ಷಿಸಲು ಸಿಂಬುನ ಸೇರಿಸಿಕೊಂಡಿದ್ದು, ಜಿಂಗುಚಾ ಹಾಡು ಹಿಟ್ ಆದದ್ದು ಹೀಗೆ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ನಿರೀಕ್ಷೆ ಮೂಡಿಸಿತ್ತು. ಆದ್ರೂ ಸಿನಿಮಾ ಕೊನೆಗೆ ಸೋತಿದೆ. 

38 ವರ್ಷಗಳ ನಂತರ ಮಣಿರತ್ನಂ ನಿರ್ದೇಶನದಲ್ಲಿ ಕಮಲ್ ಅಭಿನಯಿಸಿದ್ದರಿಂದ ಪ್ರೇಕ್ಷಕರಲ್ಲಿ ದೊಡ್ಡ ನಿರೀಕ್ಷೆ ಇತ್ತು. ಟ್ರೇಲರ್, ಟೀಸರ್ ನೋಡಿ ಸಿನಿಮಾ ಅಂತಾರಾಷ್ಟ್ರೀಯ ಮಟ್ಟದಲ್ಲಿರುತ್ತೆ ಅಂತ ಪ್ರೇಕ್ಷಕರು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಹಾಕಿ ನಿರೀಕ್ಷೆ ಹೆಚ್ಚಿಸಿದ್ರು.

ಆದ್ರೆ ಸಿನಿಮಾ ಬಿಡುಗಡೆಯಾದಾಗ ಅವರು ಊಹಿಸಿದಷ್ಟು ಚೆನ್ನಾಗಿರಲಿಲ್ಲ, ಕಥೆ ಕೂಡ ಸರಿಯಿಲ್ಲ ಅಂತ ಗೊತ್ತಾಗಿ ಪ್ರೇಕ್ಷಕರಿಗೆ ನಿರಾಸೆಯಾಯ್ತು. ಸಾಮಾಜಿಕ ಜಾಲತಾಣಗಳಲ್ಲಿ ‘ಥಗ್ ಲೈಫ್’ ಚಿತ್ರಕ್ಕೆ ಭಾರೀ ಟೀಕೆ ವ್ಯಕ್ತವಾಯಿತು. 

ಇದೇ ಸಿನಿಮಾ ಕಲೆಕ್ಷನ್ ಕುಸಿತಕ್ಕೆ ಕಾರಣ ಅಂತ ಹೇಳಲಾಗ್ತಿದೆ. ಚಿಕ್ಕ ಬಜೆಟ್‌ನಲ್ಲಿ ನಿರ್ಮಾಣವಾದ ಸಿನಿಮಾಗಳು ಜನಪ್ರಿಯವಾಗ್ತಿರೋ ಈ ಸಮಯದಲ್ಲಿ, ದೊಡ್ಡ ಬಜೆಟ್, ದೊಡ್ಡ ನಟ-ನಟಿಯರು, ಕೋಟಿಗಟ್ಟಲೆ ಖರ್ಚು ಮಾಡಿದ್ರೂ ಕಥೆ ಚೆನ್ನಾಗಿಲ್ಲದ್ದರಿಂದ ಸಿನಿಮಾ ಕಲೆಕ್ಷನ್ ಕುಸಿದಿದೆ.

ಬಾಕ್ಸ್ ಆಫೀಸ್ ಕಲೆಕ್ಷನ್ ವರದಿ ಮಾಡುವ ವೆಬ್‌ಸೈಟ್‌ಗಳ ಪ್ರಕಾರ ‘ಥಗ್ ಲೈಫ್’ ಮೊದಲ ದಿನ 15.5 ಕೋಟಿ, ಎರಡನೇ ದಿನ 7.15 ಕೋಟಿ, ಮೂರನೇ ದಿನ 7.75 ಕೋಟಿ, ನಾಲ್ಕನೇ ದಿನ 6.5 ಕೋಟಿ, ಐದನೇ ದಿನ 3.25 ಕೋಟಿ ಕಲೆಕ್ಷನ್ ಮಾಡಿದೆ. 

ಭಾರತದಾದ್ಯಂತ ಸುಮಾರು 40 ಕೋಟಿ ಮಾತ್ರ ಕಲೆಕ್ಷನ್ ಆಗಿದೆ ಅಂತ ಹೇಳಲಾಗ್ತಿದೆ. ಇದು ‘ಇಂಡಿಯನ್ 2’ ಕಲೆಕ್ಷನ್‌ಗಿಂತ ಕಡಿಮೆ. ಮೊದಲ ದಿನದಿಂದಲೂ ಕಲೆಕ್ಷನ್ ವರದಿಗಳು ಬರ್ತಿರುವಾಗ ‘ಠಗ್ ಲೈಫ್’ ಚಿತ್ರತಂಡ ಸುಮ್ಮನಿದೆ.