ಕಾಂತಾರದ 'ಲೀಲಾ' ಸಪ್ತಮಿ ಗೌಡ ಟಾಲಿವುಡ್‌ಗೆ, ಖ್ಯಾತ ತೆಲುಗು ನಟನ ಜೊತೆ ರೊಮ್ಯಾನ್ಸ್‌!

'ಕಾಂತಾರ'ದ ಲೀಲಾ ನಟಿ ಸಪ್ತಮಿಗೌಡ ಟಾಲಿವುಡ್‌ಗೆ ಎಂಟ್ರಿ ಕೊಡೋಕೆ ಸಜ್ಜಾಗಿದ್ದಾರೆ. ಕಾಂತಾರ ಸಕ್ಸಸ್ ಬಳಿಕ ಸಪ್ತಮಿ ಬೇರೆ ಯಾವ ಸಿನಿಮಾದಲ್ಲೂ ನಟಿಸಿರಲ್ಲಿಲ್ಲ. ಆದ್ರೆ ಈ ಚೆಲುವೆಯೀಗ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಡ್ತಾರೆ ಅನ್ನೋ ಸುದ್ದಿ ಕೇಳಿ ಬರ್ತಿದೆ. 

'ಕಾಂತಾರ' ಸಿನಿಮಾ ನಟಿ ಸಪ್ತಮಿ ಗೌಡ ಅವರು ಲೀಲಾ ಪಾತ್ರದ ಮೂಲಕ ದೇಶಾದ್ಯಂತ ಪ್ರೇಕ್ಷಕರ ಮನ ಗೆದ್ದಿದ್ದಾರೆ. ಈ ಮೊದಲು ಸಿನಿಮಾ ಮಾಡಿದ್ದರೂ ಸಪ್ತಮಿ ಗೌಡ ಕ್ಲಿಕ್ ಆಗಿದ್ದು 'ಕಾಂತಾರ' ಚಿತ್ರದ ಮೂಲಕ.

'ಕಾಂತಾರ' ಸಕ್ಸಸ್ ಬಳಿಕ ಸಪ್ತಮಿ ಬೇರೆ ಯಾವ ಸಿನಿಮಾದಲ್ಲೂ ನಟಿಸಿರಲ್ಲಿಲ್ಲ. ಆದ್ರೆ ಈ ಚೆಲುವೆಯೀಗ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಡ್ತಾರೆ ಅನ್ನೋ ಸುದ್ದಿ ಕೇಳಿ ಬರ್ತಿದೆ. 

ಕಾಂತಾರ ಪಾತ್ರಕ್ಕಾಗಿ ನಟಿ ತಿಂಗಳ ಕಾಲ ವರ್ಕ್​ಶಾಪ್ ಕೂಡಾ ಎಟೆಂಡ್ ಮಾಡಿದ್ದರು. ಬಹಳ ನೈಜ್ಯವಾಗಿ ಮೂಡಿ ಬಂದ ಲೀಲಾ ಪಾತ್ರ ಸಿನಿಮಾದಲ್ಲಿ ಸುಂದರವಾಗಿ ಮೂಡಿ ಬಂದಿದೆ. ಸಪ್ತಮಿ ಗೌಡ ಅವರು ಮೂಲತಃ ಬೆಂಗಳೂರಿನವರು. ಈಗ ನಟಿ ಕನ್ನಡ ಮಾತ್ರವಲ್ಲದೆ ಎಲ್ಲಾ ಭಾಷೆಗಳಲ್ಲಿ ಕೂಡಾ ಪರಿಚಿತರಾಗಿದ್ದಾರೆ.

'ಕಾಂತಾರ' ನಟಿ ಸಪ್ತಮಿ ಗೌಡ ರೊಮ್ಯಾಂಟಿಕ್ ಚಿತ್ರದಲ್ಲಿ ನಿತಿನ್ ಜೊತೆ ತೆಲುಗು ಪಾದಾರ್ಪಣೆ ಮಾಡುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡ್ತಿದೆ.  ಕನ್ನಡದ ಖ್ಯಾತ ನಟಿ ಸಪ್ತಮಿ ಗೌಡ ಅವರು ವೇಣು ಶ್ರೀರಾಮ್ ನಿರ್ದೇಶನದ ಮುಂಬರುವ ಚಿತ್ರ 'ತಮ್ಮುಡು' ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ.

'ಕಾಂತಾರ' ಕನ್ನಡದಲ್ಲಿ ಮಾಡಿದ ಸಿನಿಮಾವಾದರೂ ಅತಿ ಹೆಚ್ಚು ಗಳಿಕೆ ಮಾಡಿದ ಚಲನಚಿತ್ರಗಳಲ್ಲಿ ಒಂದಾಗಿ ಹೊರಹೊಮ್ಮಿತು. 16 ಕೋಟಿ ಬಜೆಟ್‌ನೊಂದಿಗೆ, ಚಿತ್ರವು 400 ಕೋಟಿಗಳಷ್ಟು ಗಲ್ಲಾಪೆಟ್ಟಿಗೆಯನ್ನು ಗಳಿಸಿತು. ರಿಷಬ್ ಶೆಟ್ಟಿ ಹಾಗೂ ಸಪ್ತಮಿ ಗೌಡ ಅವರ ನಟನೆ ಎಲ್ಲರ ಗಮನ ಸೆಳೆಯಿತು. ಚಿತ್ರದಲ್ಲಿ ಸರಳವಾಗಿ ಲೀಲಾ ಪಾತ್ರದಲ್ಲಿ ಮಿಂಚಿದ ಸಪ್ತಮಿಗೌಡಗೆ ಈಗ ಟಾಲಿವುಡ್‌ನಲ್ಲಿ ಅವಕಾಶ ಸಿಕ್ಕಿದೆ.

ಟಾಲಿವುಡ್‌ನ ಪ್ರಮುಖ ನಟ ನಿತಿನ್ ಚಿತ್ರದ ನಾಯಕನಾಗಿದ್ದು, ಪವನ್ ಕಲ್ಯಾಣ್ ಅವರ 'ವಕೀಲ್ ಸಾಬ್' ಚಿತ್ರದ ನಿರ್ದೇಶಕ ವೇಣು ಶ್ರೀರಾಮ್ ನಿರ್ದೇಶನ ಮಾಡಲಿದ್ದಾರೆ. 'ತಮ್ಮುಡು' ಎಂಬ ಶೀರ್ಷಿಕೆಯ ಈ ಚಿತ್ರವನ್ನು ದಿಲ್ ರಾಜು ನಿರ್ಮಿಸಿದ್ದಾರೆ ಎಂದು ತಿಳಿದುಬಂದಿದೆ.

ವಕ್ಕಂತಂ ವಂಶಿ ನಿರ್ದೇಶನದ ನಿತಿನ್ ಅಭಿನಯದ ‘ಅಸಾಧಾರಣ ಮನುಷ್ಯ’ ಸಿನಿಮಾ ಸದ್ಯ ನಿರ್ಮಾಣ ಹಂತದಲ್ಲಿದೆ. ಈ ಚಿತ್ರದಲ್ಲಿ ನಿತಿನ್ ಮತ್ತು ಶ್ರೀಲೀಲಾ ನಟಿಸುತ್ತಿದ್ದಾರೆ. ಚಿತ್ರ ಔಟ್-ಅಂಡ್-ಔಟ್ ಎಂಟರ್ಟೈನರ್ ಎಂದು ವಿವರಿಸಲಾಗಿದೆ. ಸದ್ಯಕ್ಕೆ ಶೇ.60ರಷ್ಟು ಚಿತ್ರೀಕರಣ ಮುಗಿದಿದ್ದು, ‘ಡೇಂಜರ್ ಪಿಳ್ಳಾ..’ ಎಂಬ ಲಿರಿಕಲ್ ಹಾಡು ಸದ್ದು ಮಾಡ್ತಿದೆ.

ಅಭಿಮಾನಿಗಳು ಸಪ್ತಮಿಗೌಡ ಮತ್ತು ನಿತಿನ್ ಆನ್-ಸ್ಕ್ರೀನ್‌ನಲ್ಲಿ ಮ್ಯಾಜಿಕ್ ಅನ್ನು ಕಾತುರದಿಂದ ನಿರೀಕ್ಷಿಸುತ್ತಿದ್ದಾರೆ. ಹಿರಿಯ ನಾಯಕಿ ಲಯಾ ಅವರು ಈ ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತಿದ್ದಾರೆ ಎಂದು ವರದಿಯಾಗಿದೆ. ಲಯಾ, ನಿತಿನ್ ಸಹೋದರಿ ಪಾತ್ರ ಮಾಡುತ್ತಿದ್ದಾರೆ ಎಂದು ತಿಳಿದುಬಂದಿದೆ. ರೆಗ್ಯುಲರ್ ಶೂಟಿಂಗ್ ಶೆಡ್ಯೂಲ್ ಸೆಪ್ಟೆಂಬರ್ 1ರಂದು ಪ್ರಾರಂಭವಾಗಲಿದೆ.