ತಮಿಳು ಚಿತ್ರರಂಗದಿಂದ ನಟಿ ಇಲಿಯಾನಾ ಡಿಕ್ರೂಜ್ ನಿಷೇಧ? ಕಾರಣವೇನು ಗೊತ್ತಾ?

ಸೌತ್ ಇಂಡಸ್ಟ್ರಿಯ ತಾರೆ ಇಲಿಯಾನಾ ಡಿಕ್ರೂಜ್ (Ileana D'Cruz) ಅವರು ತಮ್ಮ ಸಂಭಾವನೆ ಸ್ವೀಕರಿಸಿದರೂ ಚಲನಚಿತ್ರವೊಂದರಲ್ಲಿ ಕಾಣಿಸಿಕೊಳ್ಳಲು ವಿಫಲವಾದ ನಂತರ ತಮಿಳು ಚಿತ್ರರಂಗದಿಂದ ನಿಷೇಧಕ್ಕೊಳಗಾಗಿದ್ದಾರೆ ಎಂದು ವರದಿಯಾಗಿದೆ. ನಿಜವಾಗಲೂ, ಇಲಿಯಾನಾ ಡಿಕ್ರೂಜ್ ತಮಿಳು ಚಿತ್ರರಂಗದಲ್ಲಿ ಕೆಲಸ ಮಾಡುವುದನ್ನು ನಿಷೇಧಿಸಲಾಗಿದೆಯೇ? ವಿವರಗಳು ಇಲ್ಲಿದೆ

ಇಲಿಯಾನಾ ಡಿ’ಕ್ರೂಜ್, ಸಕ್ರಿಯವಾಗಿ ಚಲನಚಿತ್ರಗಳನ್ನು ಮಾಡುತ್ತಿಲ್ಲ. ಆದರೆ, ನಟಿ ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ಅಭಿಮಾನಿಗಳನ್ನು ಹೊಂದಿದ್ದು, ಅಲ್ಲಿ ಅವರು ತಮ್ಮ ಫೋಟೋಗಳು ಮತ್ತು ವೀಡಿಯೊಗಳನ್ನು ನಿರಂತರವಾಗಿ ಹಂಚಿಕೊಳ್ಳುತ್ತಾರೆ. 

 ಬರ್ಫಿ, ಪೋಖಿರಿ ಮತ್ತು ಬಾದ್‌ಶಾಹೋದಲ್ಲಿ ತನ್ನ ಅದ್ಭುತ ನಟನಾ ಪ್ರತಿಭೆಯಿಂದ ಎಲ್ಲರನ್ನೂ ಮೆಚ್ಚಿಸಿದ ನಟಿಯನ್ನು ಈಗ ತಮಿಳು ಚಿತ್ರರಂಗದಿಂದ  ನಿಷೇಧಿಸಲಾಗಿದೆ ಎಂದು ವರದಿಯಾಗಿದೆ.

ತಮಿಳು ನ್ಯೂಸ್ ಪೋರ್ಟಲ್‌ಗಳಲ್ಲಿ ಹರಿದಾಡುತ್ತಿರುವ  ಹಲವಾರು ವರದಿಗಳ ಪ್ರಕಾರ, ನಟಿ ಪ್ರಾಜೆಕ್ಟ್‌ಗಾಗಿ ಮುಂಗಡ ಹಣ ಪಡೆದಿದ್ದಾರೆ ಆದರೆ ನಂತರ ಶೂಟಿಂಗ್ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ವಿಫಲರಾಗಿದ್ದಾರೆ ಎಂದು ತಮಿಳು ನಿರ್ಮಾಪಕರು ಸಲ್ಲಿಸಿದ ದೂರಿನ ಹಿನ್ನೆಲೆಯಲ್ಲಿ ನಟಿಯನ್ನು ನಿಷೇಧವನ್ನು ವಿಧಿಸಲಾಗಿದೆ. 

Ileana

ಇಲಿಯಾನಾರ ಈ ನಡುವಳಿಕೆಯ ಕಾರಣದಿಂದ ನಿರ್ಮಾಪಕರಿಗೆ ಭಾರೀ ನಷ್ಟ ಉಂಟಾಗಿದೆ. ಹಿಂದಿ ಪ್ರಾದೇಶಿಕ ಸುದ್ದಿ ಪೋರ್ಟಲ್ ಪ್ರಕಾರ, ಇಲಿಯಾನಾ ತಮಿಳು ಚಿತ್ರಗಳಲ್ಲಿ ನಟಿಸುವುದನ್ನು ನಿಷೇಧಿಸಲಾಗಿದೆ.

ಆದರೆ,  ನಟಿಯ ನಿಷೇಧದ ಬಗ್ಗೆ ಇದುವರೆಗೂ ನಿರ್ಮಾಪಕಿ ಇಲಿಯಾನಾ ಅಥವಾ ಅವರ ತಂಡದಿಂದ ಯಾವುದೇ ಅಧಿಕೃತ ದೃಢೀಕರಣ ಹೊರಬಿದ್ದಿಲ್ಲ. 

ಇಲಿಯಾನಾ 2012 ರಲ್ಲಿ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ನನ್ಬನ್ ತಮಿಳು  ಚಿತ್ರದಲ್ಲಿ ಕಾಣಿಸಿಕೊಂಡರು, ಅದರಲ್ಲಿ ಅವರು ಸಕಾರಾತ್ಮಕ ವಿಮರ್ಶೆಗಳನ್ನು ಗಳಿಸಿದ್ದರು.

ಒಂದು ತಿಂಗಳ ಹಿಂದೆಯಷ್ಟೇ ಇಲಿಯಾನಾ ಆಸ್ಪತ್ರೆಗೆ ದಾಖಲಾಗಿದ್ದರು. ಅಲ್ಲಿದ್ದ ಫೋಟೋಗಳನ್ನು ಶೇರ್ ಮಾಡಿದ್ದರು,  ಅವರು ತಮ್ಮ Instagram ಸ್ಟೋರಿಗಳಲ್ಲಿ ಎರಡು ಫೋಟೋಗಳ ಕೊಲಾಜ್ ಅನ್ನು ಪೋಸ್ಟ್ ಮಾಡಿದ್ದಾರೆ. 

ಫೋಟೋಗಳಲ್ಲಿ ಒಂದರಲ್ಲಿ, ಆಸ್ಪತ್ರೆಯ ಬೆಡ್‌ನಲ್ಲಿ ಮಲಗಿರುವಾಗ ಆಕೆಯ ಮಣಿಕಟ್ಟಿಗೆ IV ಟ್ಯೂಬ್ ಅನ್ನು ಜೋಡಿಸಲಾಗಿತ್ತು. ಅವರು ಡಿಸ್ಚಾರ್ಜ್ ಆದ ನಂತರ ಮತ್ತು ಮನೆಗೆ ಹಿಂದಿರುಗಿದ ನಂತರ ಎರಡನೇ ಫೋಟೋವನ್ನು ತೆಗೆದುಕೊಳ್ಳಲಾಗಿದೆ. 

ಅದರ ನಂತರ ಇನ್ನೊಂದು ಸ್ಟೋರಿಯಲ್ಲಿ ಅವರು ತಮ್ಮ ನಗುತ್ತಿರುವ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು 'ನನ್ನ ಆರೋಗ್ಯದ ಬಗ್ಗೆ ನನಗೆ ಸಂದೇಶ ಕಳುಹಿಸುವ ಎಲ್ಲರಿಗೂ, ನನ್ನ ಬಗ್ಗೆ ನಿಮ್ಮ ಕಾಳಜಿಗೆ ತುಂಬಾ ಧನ್ಯವಾದಗಳು. ನಾನು ಪ್ರೀತಿಯನ್ನು ನಿಜವಾಗಿಯೂ ಪ್ರಶಂಸಿಸುತ್ತೇನೆ. ನಾನು ಈಗ ಚೆನ್ನಾಗಿದ್ದೇನೆ ಎಂದು ನಾನು ನಿಮಗೆ ಭರವಸೆ ನೀಡುತ್ತೇನೆ. ಸರಿಯಾದ ಸಮಯಕ್ಕೆ ಉತ್ತಮ ವೈದ್ಯಕೀಯ ಸೇವೆ ಸಿಕ್ಕಿತು'. ಎಂದು ಬರೆದಿದ್ದಾರೆ.

ಇಲಿಯಾನಾ ಆಸ್ಪತ್ರೆಗೆ ದಾಖಲಾಗಲು ಕಾರಣವೇನು ಎಂಬುದು ಸ್ಪಷ್ಟವಾಗಿಲ್ಲವಾದರೂ, ಹಿಂದಿನ ಸಂದರ್ಶನವೊಂದರಲ್ಲಿ, ನಟಿ ತಾನು 12 ವರ್ಷ ವಯಸ್ಸಿನಿಂದಲೂ ದೇಹದ ಡಿಸ್ಮಾರ್ಫಿಕ್ ಡಿಸಾರ್ಡರ್‌ನಿಂದ ಬಳಲುತ್ತಿದ್ದೇನೆ ಎಂದು ಬಹಿರಂಗಪಡಿಸಿದರು.

ಇಲಿಯಾನಾ ಡಿಕ್ರೂಜ್ ಕೊನೆಯದಾಗಿ ದಿ ಬಿಗ್ ಬುಲ್ ಚಿತ್ರದಲ್ಲಿ ಮೀರಾ ರಾವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.  ಪ್ರಸ್ತುತ ನಟಿ  ತೇರಾ ಕ್ಯಾ ಹೋಗಾ ಲವ್ಲಿ ಮತ್ತು ಹೆಸರಿಡದ ಶಿರ್ಷಾ ಗುಹಾ ಅವರ  ಚಿತ್ರವನ್ನು ಹೊಂದಿದ್ದಾರೆ.

ಇಲಿಯಾನಾ ಶೀಘ್ರದಲ್ಲೇ ವೆಬ್ ಸರಣಿಗೂ ಪಾದಾರ್ಪಣೆ ಮಾಡಲಿದ್ದಾರೆ. ಅಪ್ಲಾಸ್ ಎಂಟರ್‌ಟೈನ್‌ಮೆಂಟ್‌ನಿಂದ ಮುಂಬರುವ ಆನ್‌ಲೈನ್ ಸರಣಿಗೆ ಸಹಿ ಹಾಕಿದ್ದಾರೆ ಎಂದು ವರದಿಯಾಗಿದೆ.