ಇತ್ತೀಚೆಗೆ ವಿವಾಹವಾದ ಕೆಲವು ಪ್ರಸಿದ್ಧ ಜೋಡಿಗಳಿಗೆ ಈ ವರ್ಷ ದೀಪಾವಳಿ ವಿಶೇಷ ಮತ್ತು ಸ್ಮರಣೀಯವಾಗಿರುತ್ತದೆ ಮತ್ತು ಈ ಜೋಡಿಗಳು ತಮ್ಮ ಸಂಗಾತಿಯ ಜೊತೆ ಈ ಬಾರಿ ಅಂದರೆ 2021ರಲ್ಲಿ ಮೊದಲ ದೀಪಾವಳಿಯನ್ನು ಆಚರಿಸುತ್ತಿದ್ದಾರೆ. ಇಲ್ಲಿದೆ ಆ ಜೋಡಿಗಳ ಬಗ್ಗೆ ಮಾಹಿತಿ.
ಸೆಲೆಬ್ರಿಟಿ ಕಪಲ್‌ಗಳಾದ ವರುಣ್ ಧವನ್ ಮತ್ತು ನತಾಶಾ ದಲಾಲ್ , ಯುಜ್ವೇಂದ್ರ ಚಾಹಲ್-ಧನಶ್ರೀ, ಆದಿತ್ಯ ಧರ್ ಮತ್ತು ಯಾಮಿ ಗೌತಮ್ ಈ ವರ್ಷ ವೈವಾಹಿಕ ಝೀವನಕ್ಕೆ ಕಾಲಿಟ್ಟಿದ್ದಾರೆ. ಈ ನವವಿವಾಹಿತರು 2021 ರಲ್ಲಿ ತಮ್ಮ ಮೊದಲ ದೀಪಾವಳಿಯನ್ನು ಆಚರಿಸುತ್ತಿದ್ದಾರೆ.
ಯಾಮಿ ಗೌತಮ್ ಮತ್ತು ಆದಿತ್ಯ ಧರ್: Yami Gautam and Aditya Dhar
ಕರ್ವಾ ಚೌತ್‌ನಂತೆ, ದೀಪಾವಳಿಯು ಈ ವರ್ಷ ದಂಪತಿಗಳಿಗೆ ವಿಶೇಷವಾಗಿರುತ್ತದೆ. ಯಾಮಿ ಗೌತಮ್ ಮತ್ತು ಆದಿತ್ಯ ಧರ್ ಜೂನ್ 4 ರಂದು ಹಿಮಾಚಲ ಪ್ರದೇಶದ ಬಳಿಯ ಸುಂದರ ಸ್ಥಳದಲ್ಲಿ ಮದುವೆಯಾದರು. ಇವರ ಮದುವೆಯಲ್ಲಿ ಕೇವಲ ಆಪ್ತ ಕುಟುಂಬ ಮತ್ತು ಸ್ನೇಹಿತರು ಮಾತ್ರ ಮದುವೆಯಲ್ಲಿ ಭಾಗವಹಿಸಿದ್ದರು.
ವರುಣ್ ಧವನ್ ಮತ್ತು ನತಾಶಾ ದಲಾಲ್: Varun Dhawan and Natasha Dalal
ಬಾಲಿವುಡ್‌ನ ಹ್ಯಾಂಡ್‌ಸಮ್‌ ನಟರಲ್ಲಿ ಒಬ್ಬರಾದ ವರುಣ್ ಧವನ್ ಜನವರಿ 24 ರಂದು ಅವರ ಬಹುಕಾಲದ ಗೆಳತಿ ನತಾಶಾ ದಲಾಲ್ ವಿವಾಹವಾದರು.ಈ ಬಾರಿ ಮೊದಲ ದೀಪಾವಳಿ ಆಚರಿಸುತ್ತಿರುವ ಈ ಕಪಲ್‌ನ ಫೋಟೋಗಳಿಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ.
ದಿಯಾ ಮಿರ್ಜಾ ಮತ್ತು ವೈಭವ್ ರೇಖಿ: Dia Mirza and Vaibhav Rekhi
ದಿಯಾ ಮಿರ್ಜಾ ಮತ್ತು ವೈಭವ್ ರೇಖಿ ದಂಪತಿಗಳಿಗೆ ಮಾತ್ರವಲ್ಲ, ಅವರ ಮಗ ಅವ್ಯಾನ್ ಆಜಾದಿತ್‌ಗೆ ಸಹ ಈ ಬಾರಿ ಹೊಸ ದೀಪಾವಳಿ ಹಬ್ಬವಾಗಿದೆ. ಪತಿ-ಪತ್ನಿಯಾಗಿ ಮತ್ತು ಪೋಷಕರಾಗಿ ಅವರ ಮೊದಲ ದೀಪಾವಳಿಯಾಗಿದೆ. ಈ ವರ್ಷ ಫೆಬ್ರವರಿಯಲ್ಲಿ ದಂಪತಿಗಳು ವಿವಾಹವಾದರು ಮತ್ತು ಮೇ ತಿಂಗಳಲ್ಲಿ ಮಗನನ್ನು ಸ್ವಾಗತಿಸಿದರು.
ರಾಹುಲ್ ವೈದ್ಯ ಮತ್ತು ದಿಶಾ ಪರ್ಮಾರ್:Rahul Vaidya and Disha Parmar
ಬಾಲಿವುಡ್ ಗಾಯಕ ರಾಹುಲ್ ವೈದ್ಯ ಮತ್ತು ಟಿವಿ ನಟಿ ದಿಶಾ ಪರ್ಮಾರ್ ಜುಲೈ 16 ರಂದು ಮುಂಬೈನಲ್ಲಿ ಆತ್ಮೀಯ ಸಮಾರಂಭದಲ್ಲಿ ವಿವಾಹವಾದರು. ಈ ಸೆಲೆಬ್ರಿಟಿ ಕಪಲ್‌ನ ಮದುವೆ ಸಖತ್ ಸದ್ದು ಮಾಡಿತ್ತು. ಮದುವೆಯ ನಂತರ ಹೊಸ ದೀಪಾವಳಿ ಆಚರಿಸುತ್ತಿದ್ದಾರೆ ಈ ಜೋಡಿ.
ಯುಜ್ವೇಂದ್ರ ಚಹಾಲ್ ಮತ್ತು ಧನಶ್ರೀ ವರ್ಮಾ:Yuzvendra Chahal and Dhanashree Verma
ಟೀಮ್‌ ಇಂಡಿಯಾದ ಬೌಲರ್‌ ಯುಜ್ವೇಂದ್ರ ಚಹಾಲ್ ಕಳೆದ ವರ್ಷ ಡಿಸೆಂಬರ್ 22 ರಂದು ನೃತ್ಯ ಸಂಯೋಜಕ ಮತ್ತು ಯುಟ್ಯೂಬರ್ ಧನಶ್ರೀ ವರ್ಮಾ ಅವರನ್ನು ವಿವಾಹವಾದರು. ಸೋಶಿಯಲ್‌ ಮೀಡಿಯಾದಲ್ಲಿ ಸಖತ್ ಆಕ್ಟೀವ್‌ ಇರುವ ಈ ಜೋಡಿ ತಮ್ಮ ಫೋಟೋ ಹಾಗೂ ವಿಡಿಐಓಗಳ ಮೂಲಕ ಫ್ಯಾನ್ಸ್‌ಗೆ ರಂಜಿಸುತ್ತಾರೆ.