ದಕ್ಷಿಣ ಭಾರತದ ಪ್ರಸಿದ್ಧ ನಿರ್ದೇಶಕ ಸುಂದರ್ ಸಿ ಅವರು ನಟಿ ಖುಷ್ಬೂ ಅವರ ಪತಿಯಾಗಿದ್ದಾರೆ. ಖುಷ್ಬೂ ಅವರ ಸೌಂದರ್ಯ ಹಾಗೂ ನಟನೆಗಾಗಿ ಅಭಿಮಾನಿಗಳು ದೇವಸ್ಥಾನವನ್ನೇ ನಿರ್ಮಾಣ ಮಾಡಿದ್ದಾರೆ. ಆದರೆ, ಸ್ವತಃ ಅವರ ಗಂಡನೇ ನನಗೆ ನಟಿ ಸೌಂದರ್ಯ ಅವರ ಮೇಲೆ ಮನಸ್ಸಾಗಿತ್ತು ಎಂದು ಸಂದರ್ಶನದಲ್ಲಿ ಬಹಿರಂಗವಾಗಿ ಹೇಳಿದ್ದಾರೆ.
ದಕ್ಷಿಣ ಭಾರತದ ಪ್ರಸಿದ್ಧ ನಿರ್ದೇಶಕ ಸುಂದರ್ ಸಿ. ಹಾಸ್ಯ ಚಿತ್ರಗಳಿಗೆ ಹೆಸರುವಾಸಿ. ಉಳ್ಳತೈ ಅಳ್ಳಿತ್ತಾ, ಅರುಣಾಚಲಂ, ಅನ್ಬೇ ಶಿವಂ, ವಿನ್ನರ್, ಕಲಕಲಪ್ಪು, ಅರಣ್ಮನೈ ಸೇರಿದಂತೆ ಹಲವು ಹಿಟ್ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಅರಣ್ಮನೈ 3 ಫ್ಲಾಪ್ ಆದರೂ, ಕಳೆದ ವರ್ಷ ಅರಣ್ಮನೈ 4 ಯಶಸ್ಸು ಕಂಡಿತು.
ಅರಣ್ಮನೈ 4ರ ನಂತರ, ಸುಂದರ್ ನಿರ್ದೇಶನದಲ್ಲಿ ಗ್ಯಾಂಗ್‌ಸ್ಟರ್ಸ್ ಸಿನಿಮಾ ತಯಾರಾಗುತ್ತಿದೆ. ಈ ಚಿತ್ರದಲ್ಲಿ ಸುಂದರ್ C ನಾಯಕರಾಗಿ ನಟಿಸುತ್ತಿದ್ದಾರೆ. ಹಾಸ್ಯನಟ ವಡುವೇಲು ಕೂಡ ಒಂದು ಪ್ರಮುಖ ಪಾತ್ರದಲ್ಲಿದ್ದಾರೆ. ಚಿತ್ರೀಕರಣ ಮುಗಿದಿದ್ದು, ಬಿಡುಗಡೆಗೆ ಸಿದ್ಧವಾಗಿದೆ. ಈ ಚಿತ್ರವನ್ನು ಸುಂದರ್ C ಪತ್ನಿ ಖುಷ್ಬೂ ನಿರ್ಮಿಸುತ್ತಿದ್ದಾರೆ. ಈ ವರ್ಷ ಬಿಡುಗಡೆಯಾಗಲಿದೆ. ಇದಲ್ಲದೆ, ಸುಂದರ್ C ಮತ್ತೊಂದು ಚಿತ್ರಕ್ಕೆ ಸಿದ್ಧತೆ ನಡೆಸುತ್ತಿದ್ದಾರೆ.
ಅದೇ ಮೂಕುತಿ ಅಮ್ಮನ್ 2. ಈ ಚಿತ್ರದ ಮೊದಲ ಭಾಗದಲ್ಲಿ ನಯನತಾರ ನಟಿಸಿದ್ದರು. ಆರ್.ಜೆ.ಬಾಲಾಜಿ ನಿರ್ದೇಶನದ ಈ ಚಿತ್ರ ಯಶಸ್ವಿಯಾಗಿತ್ತು. ಎರಡನೇ ಭಾಗವನ್ನು ಸುಂದರ್ C ನಿರ್ದೇಶಿಸಲಿದ್ದಾರೆ. ಇದರಲ್ಲೂ ನಯನತಾರ ನಾಯಕಿ. ವೇಲ್ಸ್ ಫಿಲಂಸ್ ನಿರ್ಮಿಸುತ್ತಿರುವ ಈ ಚಿತ್ರದ ಚಿತ್ರೀಕರಣ ಈ ವರ್ಷ ಆರಂಭವಾಗಲಿದೆ. ಇದಲ್ಲದೆ, ಕಲಕಲಪ್ಪು ಚಿತ್ರದ ಮೂರನೇ ಭಾಗವನ್ನು ನಿರ್ದೇಶಿಸಲು ಸುಂದರ್ C ಯೋಚಿಸುತ್ತಿದ್ದಾರೆ.
ಇತ್ತೀಚಿನ ಸಂದರ್ಶನವೊಂದರಲ್ಲಿ, ಸುಂದರ್ C ಒಬ್ಬ ನಟಿಯ ಮೇಲೆ ಕ್ರಶ್ ಇತ್ತು ಎಂದು ಹೇಳಿದ್ದಾರೆ. “ನಾನು ಕೆಲಸ ಮಾಡದವರಲ್ಲಿ ನನ್ನ ಅಚ್ಚುಮೆಚ್ಚಿನ ನಟಿ ಸೌಂದರ್ಯ. ಖುಷ್ಬೂ ನನ್ನ ಜೀವನಕ್ಕೆ ಬಂದಿಲ್ದಿದ್ರೆ, ಖಂಡಿತ ಸೌಂದರ್ಯಗೆ ಪ್ರಪೋಸ್ ಮಾಡ್ತಿದ್ದೆ. ಅವರು ತುಂಬಾ ಒಳ್ಳೆಯವರು. ಅಂಥ ಒಳ್ಳೆಯ ಹುಡುಗಿ ಸಿಗೋದು ತುಂಬಾ ಕಷ್ಟ. ಅವರ ಅಣ್ಣನನ್ನ ಒಂದು ಕ್ಷಣವೂ ಬಿಟ್ಟಿರ್ಲಿಲ್ಲ. ಅದಕ್ಕೇ ಸಾಯುವಾಗಲೂ ಇಬ್ಬರೂ ಒಟ್ಟಿಗೆ ಸತ್ತರು. ಅವರ ಸಾವು ತುಂಬಾ ದುರದೃಷ್ಟಕರ” ಎಂದಿದ್ದಾರೆ ಸುಂದರ್.