ಮಂಚು ವಿಷ್ಣು ನಟನೆ ಕಂಡು ಕೈಮುಗಿಯಬೇಕೆನಿಸಿತು: ಕಣ್ಣಪ್ಪ ಚಿತ್ರ ನೋಡಿ ಭಾವುಕರಾದ ರಾಮ್ ಗೋಪಾಲ್ ವರ್ಮಾ

ಕಣ್ಣಪ್ಪ ಸಿನಿಮಾಗೆ ರಾಮ್ ಗೋಪಾಲ್ ವರ್ಮಾ ರಿವ್ಯೂ. ಭಕ್ತಿ ಸಿನಿಮಾಗೆ ವರ್ಮಾ ಕಮೆಂಟ್ಸ್ ಹೇಗಿರುತ್ತೆ? ಪಾಸಿಟಿವ್ ಆಗಿ ಸ್ಪಂದಿಸುತ್ತಾರಾ? ಸಿನಿಮಾ ಬಗ್ಗೆ ಟೀಕೆ ಮಾಡ್ತಾರಾ? ಕಣ್ಣಪ್ಪ ಬಗ್ಗೆ ತಮ್ಮ ಅಭಿಪ್ರಾಯ ತಿಳಿಸಿ ಮಂಚು ವಿಷ್ಣುಗೆ ಮೆಸೇಜ್ ಮಾಡಿದ್ದಾರಂತೆ ಆರ್‌ಜಿವಿ. ಅಷ್ಟಕ್ಕೂ ಏನಂದ್ರು?

ಮಂಚು ವಿಷ್ಣುಗೆ ಆರ್‌ಜಿವಿ ಪ್ರಶಂಸೆ: 'ನನ್ನ ಕಣ್ಣೀರು ತಡೆದುಕೊಳ್ಳೋಕೆ ಆಗ್ತಿಲ್ಲ. ನಾನು ಇದನ್ನು ಸಾಧಿಸಬಲ್ಲೆ ಅಂತ ನಂಬಿದ್ದೆ. ನಾನು ಎಲ್ಲಿಗೆ ಹೋದರೂ, ಈ ಚಿತ್ರದ ಬಗ್ಗೆ ಅನುಮಾನ, ದ್ವೇಷವನ್ನೇ ಕಂಡೆ, ಆದರೆ ಅದಕ್ಕಿಂತ ಹೆಚ್ಚಿನ ಪ್ರೀತಿ ನನಗೆ ಇಲ್ಲಿ ಸಿಕ್ಕಿದೆ' ಎಂದರು ವಿಷ್ಣು.

ರಾಮ್ ಗೋಪಾಲ್ ವರ್ಮಾ ಹೇಳಿದ್ದೇನು?: 'ನಾನು ದೇವರು, ಭಕ್ತರ ಮೇಲೆ ನಂಬಿಕೆ ಇಲ್ಲದ ವ್ಯಕ್ತಿ. ಆದರೆ ಕಾಲೇಜು ದಿನಗಳಲ್ಲಿ 'ಭಕ್ತ ಕಣ್ಣಪ್ಪ' ನಾಲ್ಕು ಬಾರಿ ನೋಡಿದ್ದೆ. ಈಗ ಈ ಚಿತ್ರದಲ್ಲಿ ನೀನು ನಟನೆಯಲ್ಲಿ ಮಾತ್ರವಲ್ಲ, ದೇವಾಲಯದಷ್ಟೇ ಭಕ್ತಿ, ವಿಶ್ವಾಸದ ಪ್ರತೀಕವಾಗಿ ಕಾಣಿಸಿದ್ದೀಯ' ಎಂದು ಮಂಚು ವಿಷ್ಣುವನ್ನು ಹೊಗಳಿದ್ದಾರೆ.

'ಶಿವಲಿಂಗದ ಕಣ್ಣುಗಳಿಂದ ಬರುತ್ತಿರುವ ರಕ್ತವನ್ನು ನಿಲ್ಲಿಸಲು ತನ್ನ ಕಣ್ಣುಗಳನ್ನು ಅರ್ಪಿಸುವ ದೃಶ್ಯದಲ್ಲಿ ನಿನ್ನ ನಟನೆ ಅದ್ಭುತವಾಗಿದೆ. ನಾಸ್ತಿಕನಾಗಿ ನನಗೆ ಇಂಥವು ಇಷ್ಟವಿಲ್ಲ. ಆದರೆ ನಿನ್ನ ನಟನೆ ಆ ದೃಶ್ಯವನ್ನು ಪ್ರೀತಿಸುವಂತೆ ಮಾಡಿದೆ. ಇದು ಮಾಸ್ಟರ್‌ಕ್ಲಾಸ್. ನಿನ್ನ ಮುಖದಲ್ಲಿ ಭಾವನೆಗಳು ನೋಡಿದ ಮೇಲೆ ಕೈಮುಗಿಯಬೇಕು ಅನಿಸಿತು' ಎಂದಿದ್ದಾರೆ ಆರ್‌ಜಿವಿ.

'ಈ ಪ್ರಯಾಣ ಸುಲಭವಾಗಿರಲಿಲ್ಲ. ನಾನು ನಂಬಿಕೆ, ಆತ್ಮವಿಶ್ವಾಸದಿಂದ ಕೆಲಸ ಮಾಡಿದ್ದೇನೆ. ಯಾರೂ ನಂಬದಿದ್ದರೂ, ನಾನು ನಂಬಿದ್ದೆ. ರಾಮ್ ಗೋಪಾಲ್ ವರ್ಮ ಅವರಿಂದ ಬಂದ ಈ ಸಂದೇಶ ನನ್ನ ಜೀವನದಲ್ಲಿ ಮರೆಯಲಾಗದ ಘಟನೆ' ಎಂದು ವಿಷ್ಣು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

'ಕಣ್ಣಪ್ಪ' ಚಿತ್ರ ಪ್ರೇಕ್ಷಕರಿಂದ ಮಾತ್ರವಲ್ಲ, ಚಿತ್ರ ವಿಮರ್ಶಕರಿಂದ, ಟಾಲಿವುಡ್ ತಾರೆಯರಿಂದಲೂ ಪ್ರಶಂಸೆ ಪಡೆಯುತ್ತಿದೆ. ಈ ಚಿತ್ರ ವಿಷ್ಣು ವೃತ್ತಿಜೀವನದಲ್ಲಿ ಮಹತ್ವದ ತಿರುವು ಎಂದು ವಿಶ್ಲೇಷಿಸಲಾಗುತ್ತಿದೆ.