ರಶ್ಮಿಕಾ ನನ್ನ ಕ್ರಶ್ ಅಂತಲೇ ಶ್ರೀದೇವಿ, ಸೌಂದರ್ಯಗೆ ಹೋಲಿಸಿದ ಚಿರಂಜೀವಿ, ನಾಗಾರ್ಜುನ!

ಟಾಲಿವುಡ್ ಸ್ಟಾರ್ ನಟಿ ರಶ್ಮಿಕಾ ಮಂದಣ್ಣ ಕೇವಲ ನ್ಯಾಷನಲ್ ಕ್ರಶ್ ಅಷ್ಟೇ ಅಲ್ಲ, ಮೆಗಾಸ್ಟಾರ್ ಚಿರಂಜೀವಿ ಮತ್ತು ಕಿಂಗ್ ನಾಗಾರ್ಜುನ ಅವರಿಗೂ ಕ್ರಶ್ ಆಗಿದ್ದಾರೆ. ಈ ವಿಷಯವನ್ನು ಸ್ವತಃ ಇಬ್ಬರು ನಟರು ಒಂದು ಕಾರ್ಯಕ್ರಮದಲ್ಲಿ ಬಹಿರಂಗಪಡಿಸಿದ್ದು ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. 

ಧನುಷ್, ನಾಗಾರ್ಜುನ ಅಕ್ಕಿನೇನಿ, ರಶ್ಮಿಕಾ ಮಂದಣ್ಣ ನಟಿಸಿರುವ ‘ಕುಬೇರ’ ಚಿತ್ರ ಜೂನ್ 20 ರಂದು ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆ ಪಡೆಯಿತು. ಶೇಖರ್ ಕಮ್ಮುಲ ನಿರ್ದೇಶನದ ಈ ಸಾಮಾಜಿಕ ಥ್ರಿಲ್ಲರ್ ಚಿತ್ರ 100 ಕೋಟಿಗೂ ಹೆಚ್ಚು ಗಳಿಸಿ ಯಶಸ್ಸಿನ ನಗೆ ಬೀರಿದೆ. ಇತ್ತೀಚೆಗೆ ನಡೆದ ಯಶಸ್ಸಿನ ಸಮಾರಂಭದಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ರಶ್ಮಿಕಾ ಮಂದಣ್ಣ ಬಗ್ಗೆ ಚಿರಂಜೀವಿ ಮತ್ತು ನಾಗಾರ್ಜುನ ಮಾಡಿದ ಹೇಳಿಕೆಗಳು ವೈರಲ್ ಆಗಿವೆ.

ರಶ್ಮಿಕಾ ಬಗ್ಗೆ ನಾಗಾರ್ಜುನ ಹೇಳಿಕೆ

ಈ ಕಾರ್ಯಕ್ರಮದಲ್ಲಿ ನಾಗಾರ್ಜುನ ಮಾತನಾಡಿ, "ತೆರೆಯ ಮೇಲೆ ರಶ್ಮಿಕಾ ಅವರನ್ನು ನೋಡುತ್ತಿದ್ದರೆ ಶ್ರೀದೇವಿ ಅವರು 'ಕ್ಷಣಕ್ಷಣಂ'ನಲ್ಲಿ ಹೇಗೆ ಕಾಣಿಸಿಕೊಂಡಿದ್ದರೋ ಹಾಗೇ ನೆನಪಾಗುತ್ತಿದೆ. ನಿಜವಾಗಲೂ ಅನೇಕ ದೃಶ್ಯಗಳಲ್ಲಿ ಅದ್ಭುತವಾಗಿ ಕಾಣಿಸಿಕೊಂಡಿದ್ದಾರೆ ರಶ್ಮಿಕಾ. ಅದಕ್ಕಾಗಿಯೇ ಪುಷ್ಪ ನಂತರ ಎಲ್ಲರೂ ಅವರನ್ನು ನ್ಯಾಷನಲ್ ಕ್ರಶ್ ಎಂದು ಕರೆಯುತ್ತಿದ್ದಾರೆ. ಈ ಚಿತ್ರದಿಂದ ಅವರು ನನ್ನ ಕ್ರಶ್ ಕೂಡ ಆಗಿದ್ದಾರೆ. ನೀವು ಈ ಚಿತ್ರದಲ್ಲಿ ತುಂಬಾ ಸುಂದರವಾಗಿ ಕಾಣಿಸಿಕೊಂಡಿದ್ದೀರಿ. ನಾವೆಲ್ಲರೂ ನಿಮ್ಮನ್ನು ಪ್ರೀತಿಸುತ್ತೇವೆ," ಎಂದು ಹೇಳಿ ನಾಗಾರ್ಜುನ ಅಚ್ಚರಿ ಮೂಡಿಸಿದರು. ಈ ಹೇಳಿಕೆಗಳಿಂದ ಎಲ್ಲರೂ ಆಶ್ಚರ್ಯಚಕಿತರಾದರು. ರಶ್ಮಿಕಾ ಸಂತೋಷದಿಂದ ತೇಲಾಡುತ್ತಿದ್ದರು.

ಸೌಂದರ್ಯ ನೆನಪಿಸಿದ್ರು ಚಿರು

ನಾಗಾರ್ಜುನ ನಂತರ ಮೆಗಾಸ್ಟಾರ್ ಚಿರಂಜೀವಿ ಕೂಡ ಇದೇ ರೀತಿಯ ಅಭಿಪ್ರಾಯ ವ್ಯಕ್ತಪಡಿಸಿದರು. ರಶ್ಮಿಕಾ ಮೇಲೆ ಪ್ರಶಂಸೆಗಳ ಸುರಿಮಳೆಗೈದರು. ಮೆಗಾಸ್ಟಾರ್ ಮಾತನಾಡಿ “ನೀನು ನನ್ನ ಡೈಲಾಗ್ ಹೇಳಿದೆ ನಾಗ್. ರಶ್ಮಿಕಾ ನಿನ್ನ ಕ್ರಶ್ ಮಾತ್ರವಲ್ಲ, ನನ್ನ ಕ್ರಶ್ ಕೂಡ. ನಿನ್ನ ಮೊದಲ ಚಿತ್ರದ ಕಾರ್ಯಕ್ರಮಕ್ಕೂ ನಾನೇ ಅತಿಥಿಯಾಗಿ ಬಂದಿದ್ದೆ. ಅಂದಿನಿಂದ ನಿನ್ನ ನಟನೆಯನ್ನು ಗಮನಿಸುತ್ತಿದ್ದೇನೆ. ಚಿತ್ರದಿಂದ ಚಿತ್ರಕ್ಕೆ ನಿನ್ನ ಇಮೇಜ್ ಹೆಚ್ಚುತ್ತಲೇ ಇದೆ. ಕುಬೇರ ಚಿತ್ರದಲ್ಲಿ ರಶ್ಮಿಕಾ ಮೊದಲಿಗೆ ಮೋಸ ಹೋಗುವ ದೃಶ್ಯ ನೋಡಿದರೆ ನನಗೆ ಸೌಂದರ್ಯ ನೆನಪಾದರು. ಕ್ಲೈಮ್ಯಾಕ್ಸ್‌ಗೆ ಮುಂಚೆ ಪುಟ್ಟ ಮಗುವನ್ನು ಕೈಯಲ್ಲಿ ಹಿಡಿದಾಗ ನಿನ್ನ ನಟನೆ ಅಸಾಧಾರಣವಾಗಿತ್ತು. ಸ್ಕ್ರೀನ್ ಮೇಲೆ ನೀನು ಕಾಣಿಸಿಕೊಂಡರೆ ನಿನ್ನ ಕಣ್ಣಿಗೇ ಬಿದ್ದು ಹೋಗುತ್ತೇವೆ. ನೀನು ಕಣ್ಣಿನಿಂದಲೇ ನಟಿಸಬಲ್ಲೆ. ನೀನು ನ್ಯಾಷನಲ್ ಕ್ರಶ್ ಅಲ್ಲ… ಇಂಟರ್‌ನ್ಯಾಷನಲ್ ಕ್ರಶ್’’ ಎಂದು ಚಿರಂಜೀವಿ ರಶ್ಮಿಕಾ ಅವರನ್ನು ಹೊಗಳಿದರು. ಈ ಮಾತುಗಳನ್ನು ಕೇಳಿ ರಶ್ಮಿಕಾ ಖುಷಿಪಟ್ಟರು.

ಪವರ್‌ಹೌಸ್ ಆಫ್ ಟ್ಯಾಲೆಂಟ್ ಎಂದ ನಾಗಾರ್ಜುನ

ಇದು ಮೊದಲ ಬಾರಿಯಲ್ಲ. ನಾಗಾರ್ಜುನ ಈ ಹಿಂದೆಯೂ ರಶ್ಮಿಕಾ ಅವರನ್ನು ಹೊಗಳಿದ್ದಾರೆ. ‘ಕುಬೇರ’ದ ಮೂರನೇ ಹಾಡು ‘ಪಿಪ್ಪಿ ಪಿಪ್ಪಿಡಮ್ ಡಮ್ ಡಮ್’ ಆಡಿಯೋ ಬಿಡುಗಡೆ ಸಂದರ್ಭದಲ್ಲಿ ಅವರನ್ನು "ಪವರ್‌ಹೌಸ್ ಆಫ್ ಟ್ಯಾಲೆಂಟ್" ಎಂದು ಬಣ್ಣಿಸಿದ್ದಾರೆ. ಕಳೆದ ಮೂರು ವರ್ಷಗಳಲ್ಲಿ ಅವರ ಸಿನಿಮಾ ಜರ್ನಿ ತುಂಬಾ ಪ್ರಬಲವಾಗಿದೆ ಮತ್ತು 2000–3000 ಕೋಟಿ ಮೌಲ್ಯದ ಯೋಜನೆಗಳಲ್ಲಿ ಯಾವುದೇ ಇತರ ನಟರಿಲ್ಲ ಎಂದು ಅವರು ಹೇಳಿದರು.

ಕುಬೇರ ಚಿತ್ರದ ವಿವರಗಳು

‘ಕುಬೇರ’ ಚಿತ್ರವನ್ನು ಶ್ರೀ ವೆಂಕಟೇಶ್ವರ ಸಿನಿಮಾಸ್, ಅಮಿಗೋಸ್ ಕ್ರಿಯೇಷನ್ಸ್ ಜಂಟಿಯಾಗಿ ನಿರ್ಮಿಸಿದ್ದು, ತೆಲುಗು, ತಮಿಳು, ಹಿಂದಿ ಭಾಷೆಗಳಲ್ಲಿ ನಿರ್ಮಾಣವಾದ ಈ ಚಿತ್ರ ಕನ್ನಡ, ಮಲಯಾಳಂನಲ್ಲಿ ಡಬ್ ಆಗಿ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ಧನುಷ್ ಭಿಕ್ಷುಕನ ಪಾತ್ರದಲ್ಲಿ ಕಾಣಿಸಿಕೊಂಡರೆ, ನಾಗಾರ್ಜುನ ಬುದ್ಧಿವಂತ ಸಿಬಿಐ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಾರೆ. ಬಲಿಷ್ಠ ವ್ಯಾಪಾರಿ ಟೈಕೂನ್‌ಗೆ ಸಂಬಂಧಿಸಿದ ದೊಡ್ಡ ಹಗರಣದ ಹಿಂದಿನ ಸತ್ಯವನ್ನು ಇವರಿಬ್ಬರೂ ಹೇಗೆ ಬಯಲು ಮಾಡುತ್ತಾರೆ ಎಂಬುದೇ ಕಥೆ. ಜಿಮ್ ಸರ್ಬ್, ದಲೀಪ್ ತಾಹಿಲ್, ಸಯಾಜಿ ಶಿಂಧೆ ಮುಂತಾದವರು ಇತರ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ.

ಕುಬೇರ ಕಲೆಕ್ಷನ್‌ಗಳು

ಕುಬೇರ ಚಿತ್ರ ವಿಶ್ವಾದ್ಯಂತ ಮೊದಲ ವಾರದಲ್ಲಿ 104 ಕೋಟಿ ಗಳಿಸಿದೆ, ಇದರಲ್ಲಿ ಭಾರತದಿಂದ 78 ಕೋಟಿ, ಉಳಿದ 26 ಕೋಟಿ ವಿದೇಶಿ ಮಾರುಕಟ್ಟೆಗಳಿಂದ ಬಂದಿದೆ. ಒಟ್ಟಾರೆಯಾಗಿ ಈ ಚಿತ್ರ ವಿಶ್ವಾದ್ಯಂತ 132 ಕೋಟಿ ಗಳಿಸಿದೆ, ಬ್ರೇಕ್-ಈವೆನ್ ಸಾಧಿಸಿ ಬಾಕ್ಸ್ ಆಫೀಸ್‌ನಲ್ಲಿ ಯಶಸ್ವಿಯಾಗಿದೆ.