ಪ್ರಿಯಕರನ ಕೈಲಿ ಸೀರೆಯುಡಿಸಿಕೊಂಡು ಟ್ರೋಲ್ ಆದ ಹಾರ್ದಿಕ್ ಪಾಂಡ್ಯಾ ಮಾಜಿ ಪತ್ನಿ

ಬಾಲಿವುಡ್ ನಟಿ ನತಾಶಾ ಸ್ಟಾಂಕೋವಿಕ್ ತಮ್ಮ ಗೆಳೆಯ ಅಲೆಕ್ಸಾಂಡರ್ ಅಲೆಕ್ಸ್‌ರಿಂದ ಸೀರೆ ಉಡಿಸಿಕೊಳ್ಳಲು ಸಹಾಯ ಪಡೆದಿದ್ದಕ್ಕೆ ಹಾರ್ದಿಕ್ ಪಾಂಡ್ಯ ಅಭಿಮಾನಿಗಳಿಂದ ಟ್ರೋಲ್ ಆಗಿದ್ದಾರೆ.

ನತಾಶಾ ಸ್ಟಾಂಕೋವಿಕ್ 2020 ರಲ್ಲಿ ಹಾರ್ದಿಕ್ ಪಾಂಡ್ಯರನ್ನು ವಿವಾಹವಾದರು, ಮತ್ತು ಅವರು 2023 ರಲ್ಲಿ ಅವರು ಮತ್ತೆ  ವಿವಾಹವಾದರೂ ಆದರೂ. ಒಂದು ವರ್ಷದ ನಂತರ, ಅವರು ಪರಸ್ಪರ ವಿಚ್ಛೇದನ ಪಡೆದುಕೊಂಡಿದ್ದರು.. ನತಾಶಾ ಮತ್ತು ಹಾರ್ದಿಕ್ ಬೇರ್ಪಟ್ಟಿದ್ದರಿಂದ ಅಭಿಮಾನಿಗಳು ಬೇಸರಗೊಂಡಿದ್ದು, ಇದಕ್ಕೆಲ್ಲಾ ನತಾಶಾನೇ ಕಾರಣ ಎಂದು ದೂಷಣೆ ಮಾಡಿದ್ದರು.

ವಿಚ್ಛೇದನದ ನಂತರ, ನತಾಶಾ ತನ್ನ ಗೆಳೆಯ ಅಲೆಕ್ಸಾಂಡರ್ ಅಲೆಕ್ಸ್ ಇಲಿಕ್ ಜೊತೆ ಆಗಾಗ ಕಾಣಿಸಿಕೊಳ್ಳುತ್ತಿದ್ದು, ಇತ್ತೀಚೆಗೆ ಅವರು ದೀಪಾವಳಿ ಆಚರಣೆಗೆ ಸಿದ್ಧರಾಗುತ್ತಿರುವ ವೀಡಿಯೋ ವೈರಲ್ ಆಗಿದೆ.  ನತಾಶಾ  ಸೀರೆ ಉಡಲು ಅಲೆಕ್ಸಾಂಡರ್  ಸಹಾಯ ಮಾಡಿದ್ದು, ಈ ವೀಡಿಯೋ ಹಾರ್ದಿಕ್ ಪಾಂಡ್ಯ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ. 

ಇತ್ತೀಚಿನ ವೈರಲ್ ವೀಡಿಯೊದಲ್ಲಿ, ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಅವರ ಮಾಜಿ ಪತ್ನಿ ನತಾಶಾ ಸ್ಟಾಂಕೋವಿಕ್, ಫಿಟ್‌ನೆಸ್ ತರಬೇತುದಾರ ಅಲೆಕ್ಸಾಂಡರ್ ಅಲೆಕ್ಸ್ ಇಲಿಕ್ ಜೊತೆ ಮುದ್ದಾದ ಒಡನಾಟವನ್ನು ಎಂಜಾಯ್ ಮಾಡಿದ್ದಾರೆ. ದೀಪಾವಳಿ ಆಚರಣೆಗೆ ಹೋಗುವ ಮೊದಲು ನತಾಶಾಳಿಗೆ ಕಪ್ಪು ಸೀರೆಯನ್ನು ಉಡಲು ಅಲೆಕ್ಸ್  ಸಹಾಯ ಮಾಡುತ್ತಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು. ಅಲೆಕ್ಸ್ ಪೋಸ್ಟ್ ಮಾಡಿದ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ತೀವ್ರ ಚರ್ಚೆಗೆ ಕಾರಣವಾಗಿದೆ.

ಹಾರ್ದಿಕ್‌ನ ಕೆಲ ಬೆಂಬಲಿಗರು ಅಲೆಕ್ಸ್ ಹಾಗೂ ನತಾಶಾ ಒಡನಾಟಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ ಮತ್ತು ತಕ್ಷಣ ನತಾಶಾಳನ್ನು ಟ್ರೋಲ್ ಮಾಡಲು ಆರಂಭಿಸಿದ್ದಾರೆ. ನತಾಶಾ ಮತ್ತು ಅಲೆಕ್ಸ್ ಅವರ ಸಂಬಂಧ ಬಹಳ ದೀರ್ಘಕಾಲದಿಂದಲೂ ಹಲವು ಊಹಾಪೋಹಗಳಿಗೆ ಕಾರಣವಾಗಿದೆ.

ಈ ವೀಡಿಯೊ ನೆಟ್ಟಿಗರಲ್ಲಿ ಹೊಸ ಗೊಂದಲವನ್ನು ಸೃಷ್ಟಿಸಿದೆ,  ಜೊತೆಗೆ ಅನೇಕರು ಈ ವೀಡಿಯೋಗೆ ಕಾಮೆಂಟ್ ಮಾಡಿದ್ದಾರೆ.  ವಿಚ್ಚೇದನಕ್ಕೆ ಕಾರಣವಿದೆ ಎಂದು ಒಬ್ಬರು ಕಾಮೆಂಟ್ ಮಾಡಿದ್ದರೆ ಮತ್ತೆ ಕೆಲವರು ಇವರನ್ನು ಯಾರೋ  ಅಣ್ಣ ತಂಗಿ ಅಂತ ಹೇಳ್ತಿದ್ರು ಎಂದು ಬರೆದಿದ್ದಾರೆ. ಹಾರ್ದಿಕ್ ಪಾಂಡ್ಯ ಅವರ ಬೆಂಬಲಿಗರು ನತಾಶಾ ಮತ್ತು ಅಲೆಕ್ಸಾಂಡರ್ ಅವರನ್ನು ಅವರ ಹತ್ತಿರದ ತೀರಾ ಆತ್ಮೀಯವಾದ ಒಡನಾಟಕ್ಕಾಗಿ ಟೀಕಿಸಿದ್ದಾರೆ.

ಈ ಆರೋಪಗಳ ನಡುವೆಯೂ, ನತಾಶಾ ಮತ್ತು ಅಲೆಕ್ಸ್ ಅವರು ಮುಂಬೈನಲ್ಲಿ ಇತ್ತೀಚೆಗೆ ನಡೆದ ತಾರೆಗಳೇ ತುಂಬಿದ್ದ ದೀಪಾವಳಿ ಆಚರಣೆ ಸೇರಿದಂತೆ ಸಾಮಾಜಿಕ ಪಾರ್ಟಿಗಳಲ್ಲಿ ಆಗಾಗ್ಗೆ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಇಬ್ಬರೂ ಒಂದೇ ರೀತಿಯ ಬಟ್ಟೆಗಳನ್ನು ಧರಿಸಿ  ಈ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.

ಹಾರ್ದಿಕ್ ಪಾಂಡ್ಯರಿಂದ ಬೇರ್ಪಟ್ಟ ನಂತರ ನತಾಶಾ ಅವರ ಜೀವನ ಮತ್ತು ಪ್ರೇಮ ಜೀವನದ ಬಗ್ಗೆ ನೆಟ್ಟಿಗರು ವ್ಯಾಪಕವಾಗಿ ಚರ್ಚೆ ಮಾಡ್ತಿದ್ದಾರೆ. 2020 ರಲ್ಲಿ ವಿವಾಹವಾಗಿದ್ದ ನತಾಶಾ ಹಾಗೂ ಹಾರ್ದಿಕ್ ಈ ವರ್ಷದ ಆರಂಭದಲ್ಲಿ, ವಿಚ್ಛೇದನ ಪಡೆದುಕೊಂಡಿದ್ದು, ಇದು ತಮ್ಮ ಮಗ ಅಗಸ್ತ್ಯನ ಯೋಗಕ್ಷೇಮಕ್ಕಾಗಿ ಮಾಡಿದ ಪರಸ್ಪರ ನಿರ್ಧಾರ ಎಂದು ಹೇಳಿಕೊಂಡಿದ್ದರು.