ಬಾಹುಬಲಿ ರಾಜಮೌಳಿಗೆ ಸವಾಲ್ ಹಾಕುತ್ತಿರುವ ಅನಿಲ್ ರವಿಪುಡಿ: ಈ ನಿರ್ದೇಶಕನ ಸಾಧನೆಗಳೇನು?

ಇಷ್ಟು ದಿನ ಸೈಲೆಂಟ್ ಆಗಿ ಸಾಧನೆ ಮಾಡುತ್ತಾ ಬಂದಿರುವ ನಿರ್ದೇಶಕ  ಅನಿಲ್ ರವಿಪುಡಿ ಇದೀಗ, ಒಂದು ಅಪರೂಪದ ದಾಖಲೆಗಳನ್ನು ಬರೆದು ತೆಲುಗು ಸ್ಟಾರ್ ನಿರ್ದೇಶಕ ರಾಜಮೌಳಿಗೇ ಸವಾಲ್ ಹಾಕುತ್ತಿದ್ದಾರೆ. ಅನಿಲ್ ರವಿಪುಡಿ ಈವರೆಗೆ ಸಾಧಿಸಿದ್ದಾದರೂ ಏನು ನೀವೇ ನೋಡಿ..

ಮಾಮೂಲಿ ಡೈರೆಕ್ಟರ್ ಅಂತಾ ತಿಳ್ಕೋಬೇಡಿ, ಅನಿಲ್ ರವಿಪುಡಿ ಸಾಮಾನ್ಯರಲ್ಲ. ಕಡಿಮೆ ಬಜೆಟ್‌ನಲ್ಲಿ ನಿರ್ಮಾಪಕರಿಗೆ ಭಾರಿ ಲಾಭ ತಂದುಕೊಡ್ತಾರೆ. ಸತತ ಹಿಟ್ ಸಿನಿಮಾಗಳಿಂದ ಹೀರೋಗಳಿಗೂ ನಂಬಿಕಸ್ತ ಡೈರೆಕ್ಟರ್ ಆಗಿದ್ದಾರೆ. ರಾಜಮೌಳಿಗೇ ಸವಾಲ್ ಹಾಕುವಷ್ಟು ಸಾಧನೆ ಮಾಡಿದ್ದಾರೆ. ಅಪರೂಪದ ದಾಖಲೆಗಳನ್ನೂ ಬರೆದಿದ್ದಾರೆ. 

ಮಧ್ಯಮ ಬಜೆಟ್‌ನಲ್ಲಿ ಸ್ಟಾರ್ ಹೀರೋಗಳ ಜೊತೆ ಸಿನಿಮಾ ಮಾಡಿ ಸತತ ಹಿಟ್ ಕೊಡ್ತಿದ್ದಾರೆ ಅನಿಲ್ ರವಿಪುಡಿ. 2005ರಲ್ಲಿ ಟಾಲಿವುಡ್‌ಗೆ ಕಾಲಿಟ್ಟ ಈ ನಿರ್ದೇಶಕ 10 ವರ್ಷಗಳ ಕಾಲ ಸಾಕಷ್ಟು ಕಷ್ಟ ಅನುಭವಿಸಿದ್ದಾರೆ. ನಿರ್ದೇಶನ ವಿಭಾಗದಲ್ಲಿ ಪ್ರಾಮಾಣಿಕವಾಗಿ ಕೆಲಸ ಮಾಡಿ ಮೂರೇ ವರ್ಷದಲ್ಲಿ ಸಹಾಯಕ ನಿರ್ದೇಶಕರಾದರು. 2008ರಲ್ಲಿ 'ಶೌರ್ಯಂ' ಚಿತ್ರಕ್ಕೆ ಸಹಾಯಕ ನಿರ್ದೇಶಕರಾಗಿ ಗುರುತಿಸಿಕೊಂಡರು.

ಇಂಡಸ್ಟ್ರಿಯಲ್ಲಿ ಅನಿಲ್ ಬ್ರ್ಯಾಂಡ್ ಆಗ್ಲೇ ಸೆಟ್ ಆಗಿತ್ತು. ಚಿತ್ರಗಳಿಗೆ ಕಥೆಗಾರ, ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿ 2015ರಲ್ಲಿ ನಿರ್ದೇಶಕರಾದರು. ಎನ್‌ಟಿಆರ್ ಜೊತೆ ಸಿನಿಮಾ ಮಾಡಬೇಕೆಂದು ಕಥೆ ಬರೆದಿದ್ದ ಅನಿಲ್‌ಗೆ ಕಲ್ಯಾಣ್ ರಾಮ್ ಅವಕಾಶ ಕೊಟ್ಟರು. ಸತತ ಫ್ಲಾಪ್‌ನಲ್ಲಿದ್ದ ನಂದಮೂರಿ ಹೀರೋ ಜೊತೆ 'ಪಟಾಸ್' ಚಿತ್ರ ನಿರ್ದೇಶಿಸಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.

ಫ್ಲಾಪ್‌ನಲ್ಲಿದ್ದ ಕಲ್ಯಾಣ್ ರಾಮ್‌ಗೆ 'ಪಟಾಸ್' ಸಿನಿಮಾದ ಮೂಲಕ ಹಿಟ್ ಕೊಟ್ಟು ಅವರ ಸೆಕೆಂಡ್ ಇನ್ನಿಂಗ್ಸ್‌ಗೆ ಕಾರಣರಾದರು ಅನಿಲ್. 'ಪಟಾಸ್' ನಂತರ ಸಾಯಿ ಧರಮ್ ತೇಜ್ ಜೊತೆ 'ಸುಪ್ರೀಮ್', ರವಿತೇಜ ಜೊತೆ 'ರಾಜಾ ದಿ ಗ್ರೇಟ್', ವೆಂಕಟೇಶ್-ವರುಣ್ ತೇಜ್ ಜೊತೆ 'ಎಫ್2', 'ಎಫ್3', ಮಹೇಶ್ ಬಾಬು ಜೊತೆ 'ಸರಿಲೇರು ನೀಕೆವ್ವರು', ಬಾಲಕೃಷ್ಣ ಜೊತೆ 'ಭಗವಂತ್ ಕೇಸರಿ', ವೆಂಕಟೇಶ್ ಜೊತೆ 'ಸಂಕ್ರಾಂತಿಗೆ ವಸ್ತುನ್ನಾಂ' ಸಿನಿಮಾಗಳ ಮೂಲಕ ಸತತ 8 ಹಿಟ್ ಕೊಟ್ಟಿದ್ದಾರೆ.

ಈಗಿನ ಕಾಲದಲ್ಲಿ ರಾಜಮೌಳಿ ನಂತರ ಸತತ 8 ಹಿಟ್ ಕೊಟ್ಟ ನಿರ್ದೇಶಕ ಅನಿಲ್ ರವಿಪುಡಿ. ಜಕ್ಕಣ್ಣನಿಗೇ ಪೈಪೋಟಿ ನೀಡುವಷ್ಟು ಸಾಧನೆ ಮಾಡಿದ್ದಾರೆ. ಪ್ರತಿ ಸಿನಿಮಾದಲ್ಲೂ ಹಾಸ್ಯ ಮುಖ್ಯವಾಗಿಸಿಕೊಂಡು ಮನರಂಜನೆ ಜೊತೆಗೆ ಒಂದು ಸಂದೇಶ ಕೊಡ್ತಾರೆ. ಪ್ರೇಕ್ಷಕರಿಗೆ ಬೇಕಾದ ಮನರಂಜನೆ ನೀಡುತ್ತಲೇ ಒಂದು ಒಳ್ಳೆಯ ಸಂದೇಶ ನೀಡಿ ಆಲೋಚಿಸುವಂತೆ ಮಾಡ್ತಾರೆ. 

ಮಹೇಶ್ ಬಾಬು ನಟಿಸಿದ್ದ 'ಸರಿಲೇರು ನೀಕೆವ್ವರು' 200 ಕೋಟಿ ಗ್ರಾಸ್ ಜೊತೆಗೆ ಅಮೆರಿಕದಲ್ಲಿ 2 ಮಿಲಿಯನ್ ಡಾಲರ್ ಸಂಗ್ರಹಿಸಿದೆ. 'ಸಂಕ್ರಾಂತಿಗೆ ವಸ್ತುನ್ನಾಂ' ಸಿನಿಮಾ ಕೂಡ 200 ಕೋಟಿ  ರೂ. ದಾಟಿದ್ದು, 2 ಮಿಲಿಯನ್ ಡಾಲರ್ ಸಂಗ್ರಹಿಸುವ ನಿರೀಕ್ಷೆಯಿದೆ. ಈಗಿನ ನಿರ್ದೇಶಕರಲ್ಲಿ ರಾಜಮೌಳಿ ನಂತರ ಶೇ.100ರಷ್ಟು ಯಶಸ್ಸು ಕಂಡ ನಿರ್ದೇಶಕ ಅನಿಲ್ ರವಿಪುಡಿ.

ಮುಂದೆ ಏನು ಮಾಡ್ತಾರೋ ಗೊತ್ತಿಲ್ಲ, ಆದರೆ ಮೆಗಾ ಹೀರೋಗಳು ಅನಿಲ್ ಜೊತೆ ಸಿನಿಮಾ ಮಾಡಲು ಕಾಯ್ತಾ ಇದ್ದಾರೆ. ಮೆಗಾಸ್ಟಾರ್ ಚಿರಂಜೀವಿ ಜೊತೆ ಸಿನಿಮಾ ಮಾಡ್ತಿದ್ದಾರೆ. ವೆಂಕಿ, ಬಾಲಯ್ಯ, ಮಹೇಶ್‌ರನ್ನು ನಿಭಾಯಿಸಿದ ಅನಿಲ್ ಚಿರು ಜೊತೆ ಹೇಗೆ ಸಿನಿಮಾ ಮಾಡ್ತಾರೆ ಅಂತಾ ಕಾದು ನೋಡಬೇಕು.