ಹಿರಿಯ ನಟಿಯರು ಚಿತ್ರರಂಗದಲ್ಲಿ ಲೈಂಗಿಕ ಕಿರುಕುಳದ ವಿರುದ್ಧ ದನಿ ಎತ್ತುತ್ತಿದ್ದಾರೆ. ತಮಗಾದ ಕೆಟ್ಟ ಅನುಭವಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ನಟಿ ಖುಷ್ಬು ಮತ್ತು ರಾಧಿಕಾ ತಾವು ಹೇಗೆ ಕಿರುಕುಳವನ್ನು ಎದುರಿಸಿದ್ದೇವೆ ಎಂದು ಬಹಿರಂಗಪಡಿಸಿದ್ದಾರೆ.
ಒಬ್ಬ ಪ್ರಸಿದ್ಧ ನಟಿ ಒಬ್ಬ ಪ್ರಸಿದ್ಧ ನಟನ ವಂಚನೆಗೊಳಗಾಗಬೇಕಾಯಿತು. ನಾಲ್ವರು ಆಕೆಯನ್ನು ಅಪಹರಿಸಿ, ಕಾರಿನಲ್ಲಿ ಆಕೆ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ್ದರು. ಈ ಘಟನೆ 2017 ರಲ್ಲಿ ಮಲಯಾಳಂ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿತ್ತು. ನಂತರ, ಚಲನಚಿತ್ರಗಳಲ್ಲಿ ನಟಿಯರ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣಗಳ ತನಿಖೆಗಾಗಿ ನಿವೃತ್ತ ನ್ಯಾಯಾಧೀಶೆ ಹೇಮಾ ನೇತೃತ್ವದಲ್ಲಿ ಸಮಿತಿಯೊಂದನ್ನು ರಚಿಸಲಾಯಿತು.
ಈ ಸಮಿತಿ ನಟಿಯರಿಗೆ ತಮ್ಮ ಮೇಲೆ ನಡೆದ ಲೈಂಗಿಕ ದೌರ್ಜನ್ಯದ ಬಗ್ಗೆ ಮುಕ್ತವಾಗಿ ಮಾತನಾಡಬಹುದು ಮತ್ತು ಅವರ ಗುರುತನ್ನು ಗೌಪ್ಯವಾಗಿಡಲಾಗುವುದು ಎಂದು ಭರವಸೆ ನೀಡಿತ್ತು. ಇದರ ನಂತರ, ಹಲವಾರು ನಟಿಯರು, ನಿರ್ದೇಶಕರು ಮತ್ತು ನಿರ್ಮಾಪಕರು ನಡೆಸಿದ ಲೈಂಗಿಕ ಕಿರುಕುಳದ ಘಟನೆಗಳ ಬಗ್ಗೆ ಮಾತನಾಡಲು ಶುರು ಮಾಡಿದ್ದಾರೆ.
ಕಳೆದ ವಾರ ಈ ವರದಿ ಬಿಡುಗಡೆಯಾದ ನಂತರ, ಕೆಲವು ಹಿರಿಯ ನಟಿಯರು ತಮ್ಮ ಮೇಲೆ ನಡೆದ ಲೈಂಗಿಕ ಕಿರುಕುಳದ ಬಗ್ಗೆ ಮತ್ತೆ ಮಕ್ತವಾಗಿ ಮಾತನಾಡಲು ಪ್ರಾರಂಭಿಸಿದ್ದಾರೆ, ಆದರೆ ಅವರು ಅದನ್ನು ಹೇಗೆ ಎದುರಿಸಿದರು ಎಂಬುದನ್ನೂ ಬಹಿರಂಗಪಡಿಸಿದ್ದಾರೆ. ಉದಾಹರಣೆಗೆ, ನಟಿ ಖುಷ್ಬು ಅವರು ಒಂದು ಸಂದರ್ಶನದಲ್ಲಿ, ಒಬ್ಬ ನಿರ್ಮಾಪಕರು ತಪ್ಪು ಉದ್ದೇಶದಿಂದ ತಮ್ಮ ಕೋಣೆಗೆ ಬಂದಾಗ, ಅವರು ತಮ್ಮ ಶೂಗಳನ್ನು ತೆಗೆದು ಅವರ ಮುಂದಿಟ್ಟು, ಎಲ್ಲಿ ಹೊಡೆಯಲು ಬಯಸುತ್ತೀರಿ ಎಂದು ಕೇಳಿದ್ದರಂತೆ. ಇದರಿಂದ ಮುಜುಗರಕ್ಕೊಳಗಾದ ನಿರ್ದೇಶಕರು ಜಾಗ ಖಾಲಿ ಮಾಡಿದರಂತೆ.
ಅದೇ ರೀತಿ, ನಟಿ ರಾಧಿಕಾ ಕೂಡ ವ್ಯಾನಿಟಿ ವ್ಯಾನ್‌ಗಳಲ್ಲಿಯೂ ನಟಿಯರಿಗೆ ತಿಳಿಯದಂತೆ ಕ್ಯಾಮೆರಾಗಳನ್ನು ಅಳವಡಿಸಲಾಗುತ್ತದೆ ಎಂಬ ಕ್ರೂರ ಸತ್ಯವನ್ನು ಬಹಿರಂಗಪಡಿಸಿದ್ದಾರೆ. ಹಿರಿಯ ನಟಿಯರು ಈ ರೀತಿಯ ಘಟನೆ ಬಗ್ಗೆ ಮುಕ್ತವಾಗಿ ಮಾತನಾಡುತ್ತಿರುವಾಗ, ನಟಿ ರಾಧಿಕಾ ಅವರು ತಮ್ಮ ಹಳೆಯ ಸಂದರ್ಶನವೊಂದರಲ್ಲಿ ತಮ್ಮನ್ನು ಮತ್ತು ಅವರ ಸಹೋದರಿಯನ್ನು ಒಬ್ಬ ಪ್ರಸಿದ್ಧ ನಟನ ಚಿತ್ರದಲ್ಲಿ ಕಿಸ್ಸಿಂಗ್ ದೃಶ್ಯಕ್ಕಾಗೆ ಹೇಗೆ ಫೋರ್ಸ್ ಮಾಡಿದರೆನ್ನುವುದನ್ನೂ ಹೇಳಿ ಕೊಂಡಿದ್ದಾರೆ.
'ಸಾಮಾನ್ಯವಾಗಿ ಕಮಲ್ ಹಾಸನ್ ಅವರ ಚಿತ್ರಗಳಲ್ಲಿ ಕಿಸ್ಸಿಂಗ್ ದೃಶ್ಯಗಳು ಸಾಮಾನ್ಯವಾಗಿತ್ತು. ನಿರ್ದೇಶಕರು ಮತ್ತು ನಿರ್ಮಾಪಕರು ಯುವ ಪ್ರೇಕ್ಷಕರನ್ನು ಆಕರ್ಷಿಸಲು ಅಂತಹ ದೃಶ್ಯಗಳನ್ನು ಸೇರಿಸಲು ಆಸಕ್ತಿ ಹೊಂದಿದ್ದರು. ಹಾಗಾಗಿ, ಕಮಲ್ ಹಾಸನ್ ಅವರ ಚಿತ್ರಗಳಲ್ಲಿ ಕಿಸ್ಸಿಂಗ್ ದೃಶ್ಯಗಳು ಒಂದು ರೀತಿಯ ಅಲಿಖಿತ ನಿಯಮವಾಗಿತ್ತು. ಕೆಲವು ನಟಿಯರು ಅಂತಹ ದೃಶ್ಯಗಳನ್ನು ಸಹಿಸಿಕೊಳ್ಳುತ್ತಿದ್ದರು, ಆದರೆ ಕೆಲವು ನಟಿಯರು ಕಿಸ್ಸಿಂಗ್ ದೃಶ್ಯಗಳ ಕಾರಣದಿಂದಾಗಿಯೇ ಕಮಲ್ ಹಾಸನ್ ಅವರ ಚಿತ್ರಗಳಲ್ಲಿ ನಟಿಸಲು ಹಿಂಜರಿಯುತ್ತಿದ್ದರು,' ಎಂದೂ ಹೇಳಿದ್ದಾರೆ.
ಕಿಸ್ಸಿಂಗ್ ದೃಶ್ಯಗಳಿಗೆ ಹೆದರಿ, 'ಸಿಪ್ಪಿಕ್ಕುಲ್ ಮುತ್ತು' ಚಿತ್ರದ ನಂತರ ಕಮಲ್ ಹಾಸನ್ ಅವರೊಂದಿಗೆ ಕೆಲಸ ಮಾಡುವುದನ್ನು ಕಡಿಮೆ ಮಾಡಿದೆ. ನನ್ನನ್ನು ಮಾತ್ರವಲ್ಲ, ನನ್ನ ಸಹೋದರಿಯನ್ನೂ ಸಹ ಲಿಪ್-ಲಾಕ್ ಕಿಸ್ಸಿಂಗ್ ದೃಶ್ಯವನ್ನು ಮಾಡಲು ಒತ್ತಾಯಿಸಲಾಯಿತು. ನಾನು ಅದನ್ನು ವಿರೋಧಿಸಿದಾಗ, ಕೆಲವರು ನನ್ನ ಮೇಲೆ ಕೋಪಗೊಂಡರು. ಇದರಿಂದ ನಾನು ಹಲವು ಅವಕಾಶಗಳನ್ನು ಕಳೆದುಕೊಳ್ಳಬೇಕಾಯಿತು,'