ಬಾತ್‌ ರೂಮ್‌ನಲ್ಲಿ ಸೂರ್ಯ ಹೆಚ್ಚು ಸಮಯ ಕಳೆಯುತ್ತಾರೆ: ಗಂಡನ ಕೆಟ್ಟ ಚಾಳಿ ಬಗ್ಗೆ ರಿವೀಲ್ ಮಾಡಿದ ಜ್ಯೋತಿಕಾ!

ಕಾಲಿವುಡ್ ನಟ ಸೂರ್ಯ ಮತ್ತು ಜ್ಯೋತಿಕಾ ಇಂದು ತಮ್ಮ 18ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದಾರೆ, ಈ ವೇಳೆ ಜ್ಯೋತಿಕಾ ತಮ್ಮ ಪತಿ ಸೂರ್ಯ ಅವರ ಬಗ್ಗೆ ಒಂದು ಸೀಕ್ರೆಟ್ ಮಾಹಿತಿಯನ್ನು ರಿವೀಲ್ ಮಾಡಿದ್ದಾರೆ.

ನಟ ಸೂರ್ಯ ಮತ್ತು ನಟಿ ಜ್ಯೋತಿಕಾ 'ಕಾಕ ಕಾಕ' ಚಿತ್ರದಲ್ಲಿ ನಟಿಸುವಾಗ ಪ್ರೀತಿಸಲು ಪ್ರಾರಂಭಿಸಿದರು. ಇದಾದ ನಂತರ 2006ರಲ್ಲಿ ಕುಟುಂಬದವರ ಒಪ್ಪಿಗೆಯೊಂದಿಗೆ ಸೂರ್ಯ ಅವರನ್ನು ಜ್ಯೋತಿಕಾ ವಿವಾಹವಾದರು. ಸಿನಿಮಾದಲ್ಲಿ ಉತ್ತುಂಗದಲ್ಲಿದ್ದಾಗಲೇ ವಿವಾಹವಾದ ಜ್ಯೋತಿಕಾ ಆ ನಂತರ ಸಿನಿಮಾದಿಂದ ದೂರ ಸರಿದರು. ಇದಾದ ನಂತರ ಅವರಿಗೆ ದಿಯಾ ಎಂಬ ಮಗಳು ಮತ್ತು ದೇವ್ ಎಂಬ ಮಗ ಜನಿಸಿದರು. ಇಬ್ಬರೂ ಬೆಳೆದ ನಂತರ ಮತ್ತೆ ಸಿನಿಮಾ ರಂಗಕ್ಕೆ ಜ್ಯೋತಿಕಾ ಮರಳಿದರು.  36ನೇ ವಯಸ್ಸಿನಲ್ಲಿ ಮತ್ತೆ ತಮಿಳು ಸಿನಿಮಾದಲ್ಲಿ ತಮ್ಮ ಎರಡನೇ ಇನ್ನಿಂಗ್ಸ್ ಅನ್ನು ಪ್ರಾರಂಭಿಸಿದರು ಜ್ಯೋತಿಕಾ. ನಂತರ ನಾಯಕಿ ಪ್ರಾಧಾನ್ಯತೆಯಿರುವ ಚಿತ್ರಗಳಲ್ಲಿ ನಟಿಸುತ್ತಿರುವ ಜ್ಯೋತಿಕಾ, ಕಥೆ ಇಷ್ಟವಾಗದಿದ್ದರೆ ಯಾವುದೇ ದೊಡ್ಡ ನಟನ ಚಿತ್ರವಾದರೂ ನೋ ಎಂದು ಹೇಳುತ್ತಾರೆ. 

ಇತ್ತೀಚೆಗೆ ಬಿಡುಗಡೆಯಾದ ಗೋಟ್ ಚಿತ್ರದಲ್ಲಿ ನಟ ವಿಜಯ್ ಅವರ ಪತ್ನಿಯಾಗಿ ನಟಿಸಲು ಚಿತ್ರತಂಡ ಮೊದಲು ಸಂಪರ್ಕಿಸಿದ್ದು ಜ್ಯೋತಿಕಾ ಅವರನ್ನೇ. ಆದರೆ ಅದರಲ್ಲಿ ತನಗೆ ಸ್ಕೋಪ್ ಇಲ್ಲ ಎಂದು ಹೇಳಿ ನಟಿಸಲು ನಿರಾಕರಿಸಿದರು. ಅದೇ ರೀತಿ ಅಟ್ಲಿ ನಿರ್ದೇಶನದ 'ಮೆರ್ಸಲ್' ಚಿತ್ರದಲ್ಲೂ ವಿಜಯ್ ಅವರಿಗೆ ಪತ್ನಿಯಾಗಿ ನಟಿಸಬೇಕಾಗಿತ್ತು ಜ್ಯೋತಿಕಾ. ಆದರೆ ಆ ಪಾತ್ರ ಅವರಿಗೆ ತೃಪ್ತಿ ನೀಡದ ಕಾರಣ ಅವರು ಹಿಂದೆ ಸರಿದರು, ಅವರ ಬದಲಿಗೆ ನಿತ್ಯಾ ಮೆನನ್ ನಟಿಸಿದರು. ಈ ರೀತಿ ಕಥೆ ಆಯ್ಕೆಯಲ್ಲಿ ಜಾಗರೂಕರಾಗಿರುವ ಜ್ಯೋತಿಕಾ, ಕಳೆದ ವರ್ಷ ಮಲೆಯಾಳಂನಲ್ಲಿ ಮಮ್ಮುಟ್ಟಿ ಜೊತೆ ನಟಿಸಿದ 'ಕಾದಲ್ ದಿ ಕೋರ್' ಚಿತ್ರ ಬ್ಲಾಕ್‌ಬಸ್ಟರ್ ಹಿಟ್ ಆಯಿತು. ಅದೇ ರೀತಿ ಹಿಂದಿಯಲ್ಲಿ ಅವರ ನಟನೆಯ 'ಶೈತಾನ್' ಚಿತ್ರಕ್ಕೂ ಉತ್ತಮ ಪ್ರಶಂಸೆ ಸಿಕ್ಕಿತು.

ಮತ್ತೊಂದೆಡೆ ಜ್ಯೋತಿಕಾ ಅವರ ಪತಿ ಸೂರ್ಯ, ಕಂಗುವಾ ಎಂಬ ಬೃಹತ್ ಐತಿಹಾಸಿಕ ಕಥಾ ಹಂದರ ಹೊಂದಿರುವ ಚಿತ್ರದಲ್ಲಿ ನಟಿಸಿದ್ದಾರೆ. ಸಿರುತೈ ಶಿವ ನಿರ್ದೇಶಿಸಿರುವ ಈ ಚಿತ್ರ ಬರುವ ನವೆಂಬರ್‌ನಲ್ಲಿ ತೆರೆಗೆ ಬರಲಿದೆ. ಇದಲ್ಲದೆ ನಟ ಸೂರ್ಯ ಅವರ ಬಳಿ ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಒಂದು ಚಿತ್ರ, ವೆಟ್ರಿಮಾರನ್ ಅವರ ಹೊಸ ಚಿತ್ರ, ಲೋಕೇಶ್ ಕನಕರಾಜ್ ನಿರ್ದೇಶನದ 'ರೋಲೆಕ್ಸ್' ಹೀಗೆ ಹಲವು ಚಿತ್ರಗಳಿವೆ. ಇದಲ್ಲದೆ ಹಿಂದಿಯಲ್ಲೂ ಒಂದು ಚಿತ್ರದಲ್ಲಿ ಸೂರ್ಯ ನಟಿಸಲು ಅವರು ಸಹಿ ಹಾಕಿದ್ದಾರೆ ಎನ್ನಲಾಗಿದೆ.

ಸದ್ಯ ಪತಿ ಪತ್ನಿ ಇಬ್ಬರೂ ಸಿನಿಮಾದಲ್ಲಿ ಬ್ಯುಸಿಯಾದ್ದು, ಇಂದು 18ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸೂರ್ಯ - ಜ್ಯೋತಿಕಾ ಜೋಡಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿವೆ. ಈ ನಡುವೆ ಹಳೆಯ ಸಂದರ್ಶನವೊಂದರಲ್ಲಿ ನಟಿ ಜ್ಯೋತಿಕಾ, ತಮ್ಮ ಪ್ರೀತಿಯ ಪತಿ ಸೂರ್ಯ ಮಾಡುವ ಕೆಲಸಗಳಲ್ಲಿ ತಾವು ಸಹಿಸಲಾಗದ ವಿಷಯ ಯಾವುದೆಂದು ಬಹಿರಂಗವಾಗಿ ಹೇಳಿದ್ದಾರೆ.

ಹೌದು! ಸೂರ್ಯ ಅವರಲ್ಲಿ ತಮಗೆ ತುಂಬಾ ಇಷ್ಟವಾದ ವಿಷಯಗಳ ಬಗ್ಗೆ ಮೊದಲು ಮಾತನಾಡಿದ ಜ್ಯೋತಿಕಾ, ಅವರು ಸ್ನೇಹಪರರಾಗಿ ತಮ್ಮೊಂದಿಗೆ ಬೆರೆಯುವುದು, ತನಗೆ ತುಂಬಾ ಗೌರವ ನೀಡುವುದು ತುಂಬಾ ಇಷ್ಟ ಎಂದು ಹೇಳಿದ್ದಾರೆ. ಅನಂತರ ಸೂರ್ಯ ಅವರು ಮಾಡುವುದರಲ್ಲಿ ಸಹಿಸಲಾಗದ ವಿಷಯ ಯಾವುದು ಎಂಬ ಪ್ರಶ್ನೆಗೆ, ಅವರು ಬಾತ್‌ ರೂಮ್‌ನಲ್ಲಿ ಹೆಚ್ಚು ಸಮಯ ಕಳೆಯುತ್ತಾರೆ. ಅದನ್ನು ನಾನು ಸಹಿಸಲಾರೆ. ಅದರಿಂದ ಪ್ರತಿದಿನ ಬೆಳಿಗ್ಗೆ ಇಬ್ಬರಿಗೂ ಜಗಳ ನಡೆಯುತ್ತದೆ ಎಂದು ನಗುತ್ತಲೇ ಹೇಳಿದ್ದಾರೆ ಜ್ಯೋತಿಕಾ.