ಕೇವಲ 17 ವರ್ಷ ವಯಸ್ಸಲ್ಲೇ 1991 ಪ್ರೇಮ್ ಕೈದಿ ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಕರಿಷ್ಮಾ ಬಾಲಿವುಡ್‌ನ ಸೂಪರ್‌ಸ್ಟಾರ್‌ ಆಗಿ ಹೆಸರು ಮಾಡಿದ ನಟಿ.
ಅನೇಕ ಸೂಪರ್‌ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿದ ಕರಿಷ್ಮಾಬಚ್ಚನ್ ಕುಟುಂಬದ ಸೊಸೆಯಾಗಲಿದ್ದರು.
ಐಶ್ವರ್ಯ ರೈಗಿಂತ ಮೊದಲು ಅಭಿಷೇಕ್ ಬಚ್ಚನ್ ಜೊತೆ ಕರಿಷ್ಮಾಳ ಎಂಗೇಜ್‌ಮೆಂಟ್ ಆಗಿತ್ತು.
ಅಮಿತಾಬ್ ಬಚ್ಚನ್‌ರ 60ನೇ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅವರ ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು. ನಂತರ ಜಯಾ ಬಚ್ಚನ್ ಕರಿಷ್ಮಾ ಮಗನ ಆಯ್ಕೆ ಹಾಗೂ ತಮ್ಮ ಸೊಸೆಯಂತೆ ಇಡೀ ಮಾಧ್ಯಮಗಳ ಮುಂದೆ ಒಪ್ಪಿಕೊಂಡರು. ಅಭಿಷೇಕ್ ಬಚ್ಚನ್ ಮತ್ತು ಕರಿಷ್ಮಾ ಕಪೂರ್‌ರ ನಿಶ್ಚಿತಾರ್ಥವನ್ನು ಆ ಸಂದರ್ಭದಲ್ಲಿಯೇ ಘೋಷಿಸಲಾಯಿತು.
ಈ ಸಂದರ್ಭದಲ್ಲಿ, 'ಬಚ್ಚನ್ ಕುಟುಂಬ ಮತ್ತು ನಂದಾ ಕುಟುಂಬವು ಮತ್ತೊಂದು ಕುಟುಂಬತಮ್ಮೊಂದಿಗೆ ಸೇರಿಕೊಳ್ಳುತ್ತಿದೆ ಮತ್ತು ಅದು ಕಪೂರ್ ಕುಟುಂಬ. ಮತ್ತು ನನ್ನ ಭಾವಿ ಸೊಸೆ ಕರಿಷ್ಮಾ ಕಪೂರ್. ತಂದೆಯ 60ನೇ ಹುಟ್ಟುಹಬ್ಬಕ್ಕೆ ಇದು ಅಭಿಷೇಕ್ ಉಡುಗೊರೆ' ಎಂದು ಸಹ ಹೇಳಿದ್ದರು ಜಯಾ ಬಚ್ಚನ್
ಪರಸ್ಪರ ಪ್ರೀತಿಸುತ್ತಿದ್ದ ಕರಿಷ್ಮಾ ಮತ್ತು ಅಭಿಷೇಕ್ ಸುಮಾರು 5 ವರ್ಷಗಳ ಕಾಲ ಡೇಟಿಂಗ್ ಮಾಡಿದ್ದರು.2002ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. ಎಲ್ಲವೂ ಸರಿಯಾಗಿ ನಡೆದಿತ್ತು. ಕೆಲವೇ ತಿಂಗಳಲ್ಲಿ ಅವರಿಬ್ಬರ ನಿಶ್ಚಿತಾರ್ಥ ಮುರಿದು ಬಿದ್ದಿದೆ ಎಂಬ ಸುದ್ದಿ ಬಂದಿತು.
2003ರಲ್ಲಿ ಕರಿಷ್ಮಾ ವಿಚ್ಛೇದಿತ ಉದ್ಯಮಿ ಸಂಜಯ್ ಕಪೂರ್ ಜೊತೆ ವಿವಾಹವಾದರು.
ಕರಿಷ್ಮಾ ತಾಯಿ ಬಬಿತಾರಿಂದ ಅಭಿಷೇಕ್ ಅವರೊಂದಿಗಿನ ಸಂಬಂಧ ಮುರಿದು ಬಿತ್ತು. ತನ್ನ ಹೆಣ್ಣು ಮಕ್ಕಳನ್ನು ಏಕಾಂಗಿಯಾಗಿ ಬೆಳೆಸಿದ್ದ ಬಬಿತಾ,ಮಗಳನ್ನು ಆರ್ಥಿಕವಾಗಿ ಸಬಲಗೊಳಿಸಬೇಕೆಂದು ಬಯಸಿದ್ದರು. ಆ ಸಮಯದಲ್ಲಿ ಅಭಿಷೇಕ್ ಇನ್ನೂ ನೆಲೆ ನಿಲ್ಲಲು ಹೆಣಗಾಡುತ್ತಿದ್ದ ಮತ್ತು ಕರಿಷ್ಮಾ ನಟಿಯಾಗಿ ಗುರುತಿಸಿಕೊಂಡಿದ್ದರು.ಆದ್ದರಿಂದ ಕರಿಷ್ಮಾ ಭವಿಷ್ಯವನ್ನು ಭದ್ರಪಡಿಸಿಲು ಬಬಿತಾ ಅಭಿಷೇಕ್ ಹೆಸರಿನಲ್ಲಿ ಅರ್ಧದಷ್ಟು ಆಸ್ತಿಯನ್ನು ಮಾಡಲು ಬಚ್ಚನ್ ಫ್ಯಾಮಿಲಿಗೆ ಕೇಳಿಕೊಂಡರು, ಆದರೆ ಅದು ಆಗಲಿಲ್ಲ. ಕೊನೆಗೆ ಸಂಬಂಧವೇಮುರಿಯಿತು.
ನಂತರ 2007ರಲ್ಲಿ ಐಶ್ವರ್ಯಾ ರೈ ಅಭಿಷೇಕ್ ವಿವಾಹ ನೆಡೆಯಿತು.
ನಿರ್ದೇಶಕ ಡೇವಿಡ್ ಧವನ್ ಕರಿಷ್ಮಾ ತಮಗೆ ಅದೃಷ್ಟ ಎಂದು ಭಾವಿಸುತ್ತಾರೆ. ಕರಿಷ್ಮಾ ಡೇವಿಡ್ ಜೊತೆಗೆ ಕೆಲಸ ಮಾಡಿದ ರಾಜ ಬಾಬು, ಅಂದಾಜ್, ಕೂಲಿ ನಂ .1, ಹೀರೋ ನಂ. 1, ಬಿವಿ ನಂ 1, ಹಸೀನಾ ಮಾನ್ ಜಯೇಗಿ, ದುಲ್ಹಾನ್ ಹಮ್ ಲೆ ಜಯೆಂಗೆ, ಚಾಲ್ ಮೇರೆ ಭಾಯ್ ಮುಂತಾದ ಸಿನಿಮಾಗಳು ಬಾಕ್ಸ್‌ ಅಫೀಸ್‌ನಲ್ಲಿ ಸೂಪರ್‌ ಹಿಟ್‌ ಆಗಿವೆ.
ಬಾಲಿವುಡ್‌ನ ನಂ 1 ನಟಿಯಾಗಿ ಮೆರೆದ ಕಪೂರ್ ಕುಟುಂಬದ ಕುಡಿ ಕರಿಷ್ಮಾ ಅದ್ಭುತ ನಟಿ.
ರಾಜ ಹಿಂದೂಸ್ತಾನಿ ಮತ್ತು ಫಿಜಾ ಚಿತ್ರಕ್ಕಾಗಿ ಕರಿಷ್ಮಾ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದಿದ್ದಾರೆ.
ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ ದಿಲ್ ತೋ ಪಾಗಲ್ ಹೈ ಮತ್ತು ಜುಬೈದಾ ಸಿನಿಮಾಕ್ಕೆ ಅತ್ಯುತ್ತಮ ನಟಿ ಫಿಲ್ಮ್ಫೇರ್ ಕ್ರಿಟಿಕ್ಸ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.
ನಟನಾ ಪ್ರಪಂಚದಿಂದ ಬಹಳ ಸಮಯದಿಂದ ದೂರವಾಗಿದ್ದ ಕರಿಷ್ಮಾ 2012ರಲ್ಲಿ 'ಡೇಂಜರಸ್ ಇಷ್ಕ್' ಮೂಲಕ ಪುನರಾಗಮನಕ್ಕಾಗಿ ಪ್ರಯತ್ನಿಸಿದರೂ ಈ ಚಿತ್ರ ಬಾಕ್ಸಾಫಿಸ್‌ನಲ್ಲಿ ನೆಲ ಕಚ್ಚಿತು.
ಪ್ರಸ್ತುತ, ವಿವಿಧ ಮಾಡೆಲಿಂಗ್ ಯೋಜನೆಗಳಲ್ಲಿ ನಿರತರಾಗಿದ್ದಾರೆ ಬಾಲಿವುಡ್‌ ಮಾಜಿ ನಟಿ.