13ನೇ ವಯಸ್ಸಿನಲ್ಲಿ ಮಕ್ಕಳು ಆಟ ಆಡ್ತಾ, ಜಾಲಿ ಮಾಡ್ತಿರ್ತಾರೆ. ಆದ್ರೆ ಈ ಬಾಲಕ ಮಾತ್ರ ಬಿಸಿನೆಸ್ ಆರಂಭಿಸಿ ಬರೋಬ್ಬರಿ 100 ಕೋಟಿಯ ಉದ್ಯಮವನ್ನು ಕಟ್ಟಿ ಬೆಳೆಸಿದ್ದಾನೆ. ಆದರೆ ಈ ಬಿಸಿನೆಸ್‌ನ ಐಡಿಯಾ ಹುಟ್ಟಿದ್ದೇ ಒಂದು ರೋಚಕ ಕಥೆ.
13ನೇ ವಯಸ್ಸಿನಲ್ಲಿ ಬಿಸಿನೆಸ್ ಆರಂಭಿಸಿ ಬರೋಬ್ಬರಿ 100 ಕೋಟಿ ಗಳಿಸ್ತಿರೋ ಭಾರತದ ಅತೀ ಕಿರಿಯ ಉದ್ಯಮಿ ತಿಲಕ್ ಮೆಹ್ತಾ. ಆದರೆ ಈ ಬಿಸಿನೆಸ್‌ನ ಐಡಿಯಾ ಹುಟ್ಟಿದ್ದೇ ಒಂದು ರೋಚಕ ಕಥೆ. ತಿಲಕ್ ಬಿಸಿನೆಸ್ ಮಾಡಬೇಕೆಂದು ಹೊರಟವರಲ್ಲ. ಬದಲಿಗೆ ವಿದ್ಯಾಭ್ಯಾಸದಲ್ಲಿ ನಿರತರಾಗಿದ್ದವರು ದಿಢೀರ್ ಆಗಿ ಉದ್ಯಮದತ್ತ ಮುಖ ಮಾಡುವಂತಾಯಿತು.
ತಿಲಕ್ ಮೆಹ್ತಾ, ಒಮ್ಮೆ ತಮ್ಮ ಚಿಕ್ಕಪ್ಪನ ಮನೆಗೆ ಭೇಟಿ ನೀಡಿದರು. ಆದರೆ ಅಲ್ಲಿಂದ ಮರಳಿ ಮನೆಗೆ ಬಂದ ನಂತರ ಅವರಿಗೆ ಪುಸ್ತಕವನ್ನು ಚಿಕ್ಕಪ್ಪನ ಮನೆಯಲ್ಲಿಯೇ ಬಿಟ್ಟು ಬಂದಿರುವುದು ಗಮನಕ್ಕೆ ಬಂತು. ಪರೀಕ್ಷೆಗೆ ಕೆಲವೇ ದಿನಗಳಿದ್ದ ಕಾರಣ ಅವರಿಗೆ ಪುಸ್ತಕಗಳು ತುರ್ತಾಗಿ ಬೇಕಾಗಿತ್ತು. ಹೀಗಾಗಿ ಅವರು ಒಂದು ದಿನದಲ್ಲಿ ಪಾರ್ಸೆಲ್ ತಲುಪಿಸಲು ವಿವಿಧ ಏಜೆನ್ಸಿಗಳನ್ನು ಕಾಂಟ್ಯಾಕ್ಟ್ ಮಾಡಿದರು.
ಆದರೆ ಹಲವು ಏಜೆನ್ಸಿಗಳು ಒಂದೇ ದಿನದಲ್ಲಿ ಪಾರ್ಸೆಲ್ ತಲುಪಿಸಲು ಸಾಧ್ಯವಿಲ್ಲ ಎಂದೇ ತಿಳಿಸಿದವು. ಇನ್ನು ಕೆಲವ ಏಜೆನ್ಸಿಗಳು ಎಕ್ಸ್ಟ್ರಾ ಹಣವನ್ನು ಪಾವತಿಸುವಂತೆ ಒತ್ತಾಯಿಸಿದವು. ಹೀಗಾಗಿ ತಿಲಕ್ ಮೆಹ್ತಾ, ತುರ್ತು ಸಂದರ್ಭಗಳಲ್ಲಿ ತಮ್ಮ ಪಾರ್ಸೆಲ್‌ನ್ನು ಶೀಘ್ರವಾಗಿ ಪಡೆಯುವ ವಿಧಾನಗಳ ಬಗ್ಗೆ ಯೋಚಿಸಲು ಆರಂಭಿಸಿದರು.
ಅದೇ ದಿನ ನಗರದೊಳಗೆ ವಿತರಣಾ ಸೇವೆಗಳನ್ನು ಒದಗಿಸುವ 'ಪೇಪರ್ ಎಂಡ್‌ ಪಾರ್ಸೆಲ್ಸ್' ಎಂಬ ಹೆಸರಿನ ಕಂಪೆನಿಯನ್ನು ಆರಂಭಿಸಿದರು. ಕಡಿಮೆ ಬೆಲೆಯಲ್ಲಿ ವೇಗವಾಗಿ ತಲುಪಿಸುವ ಪಾರ್ಸೆಲ್ ಸೌಲಭ್ಯ ಇದಾಗಿತ್ತು.
ತಂದೆಯ ಆರಂಭಿಕ ಆರ್ಥಿಕ ಬೆಂಬಲದೊಂದಿಗೆ, ಅವರು ಕಡಿಮೆ ವೆಚ್ಚದಲ್ಲಿ ನಗರದೊಳಗೆ ಪಾರ್ಸೆಲ್‌ಗಳನ್ನು ತಲುಪಿಸಲು ಡಬ್ಬಾವಾಲಾಗಳ ಸಹಾಯ ಪಡೆದರು.
ಅದರ ನಂತರ, 2018 ರಲ್ಲಿ ವ್ಯಾಪಾರಗಳಿಗೆ ತಮ್ಮ ಶಿಪ್ಪಿಂಗ್ ಮತ್ತು ಲಾಜಿಸ್ಟಿಕ್ಸ್‌ಗೆ ಸಹಾಯ ಮಾಡುವ ಆನ್‌ಲೈನ್ ಪ್ಲಾಟ್‌ಫಾರ್ಮ್ ಅನ್ನು ಪ್ರಾರಂಭಿಸಿದರು. ಪ್ರಸ್ತುತ ಕಂಪನಿಯು ರೂ 100 ಕೋಟಿಗೂ ಹೆಚ್ಚಿನ ವಹಿವಾಟು ದಾಖಲಿಸಿದೆ. ಕಂಪನಿಯು 200ಕ್ಕೂ ಹೆಚ್ಚು ನೇರ ಉದ್ಯೋಗಿಗಳನ್ನು ಮತ್ತು 300 ಡಬ್ಬಾವಾಲಾಗಳನ್ನು ಹೊಂದಿದೆ,
ಒಟ್ಟಾರೆಯಾಗಿ ಪ್ರತಿದಿನ 1200ಕ್ಕೂ ಹೆಚ್ಚು ಪಾರ್ಸೆಲ್ ವಿತರಣೆಗಳನ್ನು ನಿರ್ವಹಿಸುತ್ತದೆ. ತಿಲಕ್ ಅವರ ನಿವ್ವಳ ಮೌಲ್ಯವು 2021 ರ ವೇಳೆಗೆ 65 ಕೋಟಿ ರೂ.ಗಳನ್ನು ತಲುಪಿದೆ, ಅವರ ಮಾಸಿಕ ಆದಾಯವು 2 ಕೋಟಿ ರೂ.
ಹೀಗಾಗಿ, ತಿಲಕ್ ಮೆಹ್ತಾ ಅವರ 13 ವರ್ಷದ ಯಶಸ್ವಿ ಉದ್ಯಮಿ ದಿಟ್ಟತನಕ್ಕೆ ಉದಾಹರಣೆಯಾಗಿದೆ. ಸಾಧನೆಗೆ ವಯಸ್ಸು ಕೇವಲ ಒಂದು ಸಂಖ್ಯೆ ಎಂದು ಸಾಬೀತುಪಡಿಸುತ್ತದೆ.