ಒಂದು ತಿಂಗಳಿಗೆ ಕೋಟ್ಯಂತರ ರೂಪಾಯಿ ಸಂಪಾದಿಸುವ ವ್ಯಕ್ತಿಯನ್ನು ಶ್ರೀಮಂತ ಮತ್ತು ಅತ್ಯಂತ ಯಶಸ್ವಿ ಎಂದು ಪರಿಗಣಿಸಲಾಗುತ್ತದೆ. ಆದರೆ ನೀವು ಒಂದು ಗಂಟೆಯಲ್ಲಿ ಕೋಟಿ ಕೋಟಿ ಗಳಿಸುವ ವ್ಯಕ್ತಿಯ ಬಗ್ಗೆ ತಿಳಿದುಕೊಂಡಿದ್ದೀರಾ? ಅವರು ಮುಕೇಶ್ ಅಂಬಾನಿ, ಗೌತಮ್ ಅದಾನಿ ಯಾರೂ ಅಲ್ಲ.
ಒಂದು ತಿಂಗಳಿಗೆ ಕೋಟ್ಯಂತರ ರೂಪಾಯಿ ಸಂಪಾದಿಸುವ ವ್ಯಕ್ತಿಯನ್ನು ಶ್ರೀಮಂತ ಮತ್ತು ಅತ್ಯಂತ ಯಶಸ್ವಿ ಎಂದು ಪರಿಗಣಿಸಲಾಗುತ್ತದೆ. ಆದರೆ ನೀವು ಒಂದು ಗಂಟೆಯಲ್ಲಿ ಕೋಟಿ ಕೋಟಿ ಗಳಿಸುವ ವ್ಯಕ್ತಿಯ ಬಗ್ಗೆ ತಿಳಿದುಕೊಂಡಿದ್ದೀರಾ? ಅವರು ಮತ್ಯಾರೂ ಅಲ್ಲ, ಟೆಸ್ಲಾ, Xcom ಮತ್ತು SpaceXನ ಸಂಸ್ಥಾಪಕ ಮತ್ತು CEO ಎಲೋನ್ ಮಸ್ಕ್.
ಎಲೋನ್ ಮಸ್ಕ್, ಬರೋಬ್ಬರಿ 198.9 ಶತಕೋಟಿ ಮೌಲ್ಯದ ನಿವ್ವಳ ಮೌಲ್ಯದೊಂದಿಗೆ ಸತತವಾಗಿ ವಿಶ್ವದ ಶ್ರೀಮಂತ ಜನರ ಲಿಸ್ಟ್‌ನಲ್ಲಿ ಸ್ಥಾನ ಪಡೆದಿದ್ದಾರೆ. ಇತ್ತೀಚಿನ ಫಿನ್‌ಬೋಲ್ಡ್ ವರದಿಯ ಪ್ರಕಾರ, ಬಿಲಿಯನೇರ್ ಎಲೋನ್ ಮಸ್ಕ್ ಪ್ರತಿ ನಿಮಿಷಕ್ಕೆ ಸುಮಾರು 6,887 ಎಂದರೆ ಅಂದಾಜು 5 ಲಕ್ಷ ರೂ., ಗಂಟೆಗೆ 413,220 ಎಂದರೆ ಅಂದಾಜು 3 ಕೋಟಿ ರೂ. ಗಳಿಸುತ್ತಾರೆ. ದಿನಕ್ಕೆ 9,917,280 ಕೋಟಿ ಗಳಿಸುತ್ತಾರೆ.
ಟೆಸ್ಲಾದಲ್ಲಿ 20.5 ಪ್ರತಿಶತ, ಸ್ಟಾರ್‌ಲಿಂಕ್‌ನಲ್ಲಿ 54%, ಸ್ಪೇಸ್‌ಎಕ್ಸ್‌ನಲ್ಲಿ 42 ಪ್ರತಿಶತ, ಎಕ್ಸ್‌ನಲ್ಲಿ ಅಂದಾಜು 74 ಪ್ರತಿಶತ (ಹಿಂದೆ ಟ್ವಿಟರ್), ದಿ ಬೋರಿಂಗ್ ಕಂಪನಿಯಲ್ಲಿ 90 ಪ್ರತಿಶತಕ್ಕಿಂತ ಹೆಚ್ಚು, ಎಕ್ಸ್‌ಎಐನಲ್ಲಿ 25 ಪ್ರತಿಶತ ಪಡೆಯುತ್ತಾರೆ.
ಎಲೋನ್ ಮಸ್ಕ್ 1971ರಲ್ಲಿ ದಕ್ಷಿಣ ಆಫ್ರಿಕಾದ ರಾಜಧಾನಿ ಪ್ರಿಟೋರಿಯಾದಲ್ಲಿ ಜನಿಸಿದರು. ಶ್ರೀಮಂತ ಕುಟುಂಬದಿಂದ ಬಂದ ಮಸ್ಕ್ ಕಂಪ್ಯೂಟರ್ ಮತ್ತು ವಿನ್ಯಾಸದಲ್ಲಿ ಯಾವಾಗಲೂ ಆಸಕ್ತಿ ಹೊಂದಿದ್ದರು. 17ನೇ ವಯಸ್ಸಿನಲ್ಲಿ, ಕೆನಡಾದ ಕ್ವೀನ್ಸ್ ವಿಶ್ವವಿದ್ಯಾಲಯಕ್ಕೆ ಸೇರಿಕೊಂಡರು, ನಂತರ ವ್ಯಾಪಾರ ಮತ್ತು ಭೌತಶಾಸ್ತ್ರವನ್ನು ಅಧ್ಯಯನ ಮಾಡಲು ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯಕ್ಕೆ ತೆರಳಿದರು.
ಎಲೋನ್ ಮಸ್ಕ್ ಮತ್ತು ಅವರ ಸಹೋದರ ಕಿಂಬಾಲ್ ಅವರು ಆನ್‌ಲೈನ್ ವ್ಯವಹಾರ ಡೈರೆಕ್ಟರಿಯಾದ Zip2ನ್ನು ಸ್ಥಾಪಿಸಿದರು. ಇಂಟರ್‌ನೆಟ್ ಮಸ್ಕ್‌ಗೆ ಹೆಚ್ಚು ಆಸಕ್ತಿಕರ ವಿಷಯವಾಗಿತ್ತು. 1999ರಲ್ಲಿ, ಸಹೋದರರು Zip2ನ್ನು ಕಾಂಪ್ಯಾಕ್‌ಗೆ 307 ಮಿಲಿಯನ್‌ಗೆ ಮಾರಾಟ ಮಾಡಿದರು. ಎಲೋನ್ ಮಸ್ಕ್ Zip2 ಮಾರಾಟದಿಂದ 22 ಮಿಲಿಯನ್ ಗಳಿಸಿದರು.
ನಂತರ McLaren F1 ಸೂಪರ್‌ಕಾರ್‌ಗಾಗಿ 1 ಮಿಲಿಯನ್ ಖರ್ಚು ಮಾಡಿದರು. ಆ ಬಳಿಕ, ಎಲೋನ್ ಮಸ್ಕ್ ಬ್ಯಾಂಕಿಂಗ್ ಸ್ಟಾರ್ಟ್ಅಪ್‌ನ್ನು ಸ್ಥಾಪಿಸಿದರು. ಅದು ಅಂತಿಮವಾಗಿ ಮತ್ತೊಂದು ವ್ಯವಹಾರದೊಂದಿಗೆ ವಿಲೀನಗೊಂಡಿತು.
ಇದನ್ನು ಪೇಪಾಲ್ ಎಂದು ಹೆಸರಿಸಲಾಯಿತು. ಎಲೋನ್ ಮಸ್ಕ್ ಆ ಕಂಪನಿಯ CEO ಆದರು. ಇಬೇ 2002ರಲ್ಲಿ 1.5 ಶತಕೋಟಿಗೆ PayPalನ್ನು ಖರೀದಿಸಿದಾಗ 180 ಮಿಲಿಯನ್ ಗಳಿಸಿದರು.
ಬಿಲಿಯನೇರ್‌ಗಳ ಜಗತ್ತಿನಲ್ಲಿ ಮಸ್ಕ್ ನಿವ್ವಳ ಮೌಲ್ಯವು ಅತೀ ಹೆಚ್ಚು ಎಂದು ಗುರುತಿಸಿಕೊಂಡಿದೆ. 192.5 ಬಿಲಿಯನ್ ನಿವ್ವಳ ಮೌಲ್ಯವನ್ನು ಹೊಂದಿರುವ ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಮತ್ತು 166.6 ಬಿಲಿಯನ್ ನಿವ್ವಳ ಮೌಲ್ಯ ಹೊಂದಿರುವ ಮೆಟಾದ ಸಂಸ್ಥಾಪಕ ಮತ್ತು CEO ಮಾರ್ಕ್ ಜುಕರ್ಬರ್ಗ್ ಅವರಂತಹ ವ್ಯಕ್ತಿಗಳಿಂದ ತೀವ್ರ ಸ್ಪರ್ಧೆ ಎದುರಿಸುತ್ತಾರೆ.
ಬರ್ನಾರ್ಡ್ ಅರ್ನಾಲ್ಟ್ ಅವರು ಜಾಗತಿಕ ಐಷಾರಾಮಿ ಸರಕುಗಳ ಕಂಪನಿಯಾದ LVMH ನ ಅಧ್ಯಕ್ಷರು ಮತ್ತು CEO ಆಗಿದ್ದಾರೆ ಮತ್ತು ಪ್ರಸ್ತುತ $219.1 ಶತಕೋಟಿಯಷ್ಟು ನಿವ್ವಳ ಮೌಲ್ಯದೊಂದಿಗೆ ವಿಶ್ವದಲ್ಲಿ ಅತ್ಯಂತ ಹೆಚ್ಚು ಶ್ರೀಮಂತ ವ್ಯಕ್ತಿಯೆಂದು ಕರೆಯಲ್ಪಡುತ್ತಾರೆ.