ISL 7: 3ನೇ ಪಂದ್ಯ ಡ್ರಾಮಾಡಿಕೊಂಡ ಬೆಂಗಳೂರು FC!
ಸಾರಾಂಶ
ಬೆಂಗಳೂರು ಎಫ್ಸಿ ತಂಡ ಇದೀಗ 3ನೇ ಪಂದ್ಯವನ್ನು ಡ್ರಾ ಮಾಡಿಕೊಂಡಿದೆ. ನಾರ್ಥ್ ಈಸ್ಟ್ ವಿರುದ್ಧದ ಕಠಿಣ ಹೋರಾಟ ನೀಡಿದ ಬೆಂಗಳೂರು ತಂಡ ಆರಂಭದಲ್ಲಿ ಅಬ್ಬರಿಸಿ ಬಳಿಕ ಹಿಡಿತ ಸಡಿಲಗೊಳಿಸುವ ಸಂಪ್ರದಾಯ ಮುಂದುವರಿಸಿದೆ.
ಗೋವಾ(ಡಿ.8) : ನಾರ್ಥ್ ಈಸ್ಟ್ ಯುನೈಟೆಡ್ ಪರ ಲೂಯಿಸ್ ಮಚಾಡೋ ( 4 ಮತ್ತು 78ನೇ ನಿಮಿಷ) ಮತ್ತು ಬೆಂಗಳೂರು ಎಫ್ ಸಿ ಪರ ಜುವಾನ್ (13 ನೇ ನಿಮಿಷ) ಹಾಗೂ ಉದಾಂತ್ ಸಿಂಗ್ (70ನೇ ನಿಮಿಷ) ಗಳಿಸಿದ ಗೋಲುಗಳ ನೆರವಿನಿಂದ ಹೀರೋ ಇಂಡಿಯನ್ ಸೂಪರ್ ಲೀಗ್ ನ 21ನೇ ಪಂದ್ಯ 2-2 ಗೋಲಿನಿಂದ ಸಮಬಲಗೊಂಡಿತು.
ಐಎಸ್ಎಲ್ 7: ಟೂರ್ನಿಯಲ್ಲಿ ಚೊಚ್ಚಲ ಗೆಲುವು ದಾಖಲಿಸಿದ ಬಿಎಫ್ಸಿ.
ಸಮಬಲದ ಹೋರಾಟ:
ಲೂಯಿಸ್ ಮಚಾಡೋ (4ನೇ ನಿಮಿಷ)ದಲ್ಲಿ ನಾರ್ಥ್ ಈಸ್ಟ್ ಯುನೈಟೆಡ್ ಪರ ಗಳಿಸಿದ ಗೋಲು ಹಾಗೂ ಜುವಾನ್ ಗೊನ್ಸಾಲೀಸ್ ಫೆರ್ನಾಂಡೀಸ್ (13ನೇ ನಿಮಿಷ) ಬೆಂಗಳೂರು ಪರ ಗಳಿಸಿದ ಗೋಲಿನಿಂದ ಹೀರೋ ಇಂಡಿಯನ್ ಸೂಪರ್ ಲೀಗ್ ನ 21ನೇ ಪಂದ್ಯದ ಪ್ರಥಮಾರ್ಧ 1-1ರಲ್ಲಿ ಸಮಬಲಗೊಂಡಿತು.
ನಾರ್ಥ್ ಈಸ್ಟ್ ಪಂದ್ಯದ ಆರಂಭದಲ್ಲೇ ಬೆಂಗಳೂರಿಗೆ ಆಘಾತ ನೀಡುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಆದರೆ 4ನೇ ನಿಮಿಷದಲ್ಲಿ ಚಾರ್ ತುಳಿದ ಚೆಂಡು ಮಚಾಡೋ ಅವರ ಬುಜಕ್ಕೆ ತಗಲಿ ಗೋಲ್ ಕೀಪರ್ ಸಂಧೂ ಅವರನ್ನು ವಂಚಿಸಿತು. ನಾರ್ಥ್ಈಸ್ಟ್ ನ ಸಂಭ್ರಮ ಹೆಚ್ಚು ಕಾಲ ಉಳಿಯಲಿಲ್ಲ. ಜುವಾನ್ ಗಳಿಸಿದ ಗೋಲು ಸಮಬಲಗೊಳಿಸಿತು. ಪಂದ್ಯದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿದ ಬೆಂಗಳೂರಿಗೆ ಬಳಿಕ ನಾಲ್ಕೈದು ಅವಕಾಶಗಳು ಸಿಕ್ಕರೂ ಗೋಲಾಗಿ ರೂಪುಗೊಳ್ಳಲಿಲ್ಲ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.