ಈ ರಾಶಿಯ ಮಹಿಳೆಯರು ಗಂಡನಿಗಾಗಿ ಹುಲಿಯನ್ನು ಎದುರಿಸೋಕೂ ರೆಡಿ!

Astrology Predection in Kannada: ಕೆಲವು ಜನ್ಮರಾಶಿಯ ಸ್ತ್ರೀಯರು ತಮ್ಮ ಸಂಗಾತಿಯನ್ನು ರಕ್ಷಿಸೋಕೆ ಜೀವ ಕೊಡಲೂ ಸಿದ್ಧರಿರುತ್ತಾರೆ. ಅವರು ಯಾವ ರಾಶಿಯವರು? ಇಲ್ಲಿದೆ ವಿವರ.

ಕೆಲವು ಸ್ತ್ರೀಯರು (Ladies) ನೋಡುಗರ ಕಣ್ಣಿಗೆ ವೀಕ್ ಎಂಬಂತೆ ಕಂಡರೂ, ಜೀವನದಲ್ಲಿ ತಮ್ಮ ಸಂಗಾತಿಗಾಗಿ ಕಠಿಣ ಪರಿಸ್ಥಿತಿಗಳನ್ನು ಎದುರು ಹಾಕಿಕೊಳ್ಳಲು ಹಿಂಜರಿಯುವುದಿಲ್ಲ. ಸಂಗಾತಿ ಆಪತ್ತಿನಲ್ಲಿದ್ದಾನೆ ಎಂದು ಗೊತ್ತಾದರೆ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳಲು ರೆಡಿ ಇರುತ್ತಾರೆ. ಯಾರಿವರು? ಬನ್ನಿ ನೋಡೋಣ?

1. ಮೇಷ ರಾಶಿ (Aries):

ಇವರು ಯಾವುದೇ ಕಷ್ಟದ ಸಮಯವನ್ನು ಸಹ ತುಂಬಾನೇ ಸುಲಭವಾಗಿ ನಿಭಾಯಿಸುತ್ತಾರೆ. ಯಾವುದೂ ಇವರನ್ನು ತಡೆಯುವುದಿಲ್ಲ. ಇವರು ಮಹತ್ವಾಕಾಂಕ್ಷೆಯುಳ್ಳವರು ಮತ್ತು ಬಲವುಳ್ಳವರು. ಈ ರಾಶಿಯವರು ಒಳಗಡೆಯಿಂದ ಬೆಂಕಿ ಇದ್ದಂತೆ, ತುಂಬಾ ಬಲಶಾಲಿಗಳಾಗಿರುತ್ತಾರೆ. ಕೆಲವೊಮ್ಮೆ ಮೃದು ಎಂಬಂತೆ ಕಾಣುವ ಇವರ ಗುಣಗಳು ಸವಾಲಿನ ಸನ್ನಿವೇಶಗಳಲ್ಲಿ ಕಠಿಣಕರ ಆಗಿಬಿಡುತ್ತೆ. ಇವರು ತಮ್ಮ ಗಂಡನ ರಕ್ಷಣೆ ಸದಾ ಸಿದ್ಧರಿರುತ್ತಾರೆ. ಎಂಥಾ ಕಠಿಣ ಸನ್ನಿವೇಶದಲ್ಲೂ ಗಂಡನಿಗೆ ಸಪೋರ್ಟಿವ್‌ ಆಗಿರುತ್ತಾರೆ.

2. ಕಟಕ ರಾಶಿ (Cancer):

ಈ ರಾಶಿಯ ಮಹಿಳೆಯರು ಸಂಗಾತಿಯ ಮತ್ತು ಕುಟುಂಬದ ಇತರರ ಬಗ್ಗೆ ತುಂಬಾ ಕಾಳಜಿಯನ್ನು ಹೊಂದಿರುತ್ತಾರೆ. ತಾವು ಕಾಳಜಿ ವಹಿಸುವವರನ್ನು ರಕ್ಷಿಸುವ ಬಗ್ಗೆ ಉಗ್ರವಾಗಿ ಹೋರಾಡಲು ಹಿಂಜರಿಯೊಲ್ಲ. ಇವರನ್ನು ತಾಯಿ ಕರಡಿಗೆ ಹೋಲಿಸಬಹುದು. ಅದು ತನ್ನ ಮರಿಗಳಿಗೆ ಏನಾದರೂ ಸಮಸ್ಯೆ ಬಂದರೆ ಉಗ್ರವಾಗಿ ಬಿಡುತ್ತದೆ. ಹಾಗೇ ಇವರು ತಮ್ಮ ರಕ್ಷಣೆಯನ್ನೂ ಅಷ್ಟೇ ಆರೋಗ್ಯಕರ ರೀತಿಯಲ್ಲಿ ನಿರ್ವಹಿಸಿಕೊಳ್ಳುತ್ತಾರೆ. ಸಂಗಾತಿಯನ್ನು ಬಹಳ ಪ್ರೀತಿಸುವ ಇವರು ಕಣ್ಣಲ್ಲಿ ಕಣ್ಣಿಟ್ಟು ಅವರನ್ನು ಕಾಯುತ್ತಾರೆ. ಸಂಗಾತಿಯ ಎಲ್ಲ ಕೆಲಸಗಳಲ್ಲೂ ಜೊತೆಯಾಗುತ್ತಾರೆ.

ಇದನ್ನೂ ಓದಿ: Gemini: ಇತರ ರಾಶಿಗಳೊಂದಿಗೆ ಮಿಥುನ ರಾಶಿಯವರ ಸ್ನೇಹ, ಲವ್, ಲೈಂಗಿಕ ಲೈಫ್‌ ಹೇಗಿರುತ್ತೆ?

3. ವೃಶ್ಚಿಕ ರಾಶಿ (Scorpio):

ವೃಶ್ಚಿಕ ರಾಶಿಯ ಮಹಿಳೆಯರು ಬಲಶಾಲಿ ಆಗಿರುತ್ತಾರೆ. ಹೋರಾಟಕ್ಕೆ ಇಳಿದರೆ ಬಲಶಾಲಿ ಗಂಡಸನ್ನೂ ಮಣಿಸಬಲ್ಲರು. ಇಂಥ ಸಂಗಾತಿ ಇದ್ದರೆ ಗಂಡನ ಭಾಗ್ಯವೇ ಸರಿ. ಅವನು ಯಾರಿಗೂ ಅಂಜಬೇಕಿಲ್ಲ. ಇವರು ಬಲವಾದ ಆಸೆಗಳನ್ನು ಹೊಂದಿರುವ ತಂತ್ರಗಾರ್ತಿಯಾಗಿರುತ್ತಾರೆ. ಅವರ ಆಸೆಗಳನ್ನು ಈಡೇರಿಸಿಕೊಳ್ಳುವ ವಿಷಯದಲ್ಲಿ ಹಠಮಾರಿ ಆಗಿರುತ್ತಾರೆ. ಒಳ್ಳೆಯ ತಂತ್ರಗಾರಿಕೆ ಮಾಡುವವರು, ಮೌನ ಲೆಕ್ಕಾಚಾರ ಮಾಡಿ ಜಯಿಸುವವರೂ ಹೌದು. ಇವರಿಗೆ ಜಾಣ್ಮೆಯಿಂದ ಪರಿಸ್ಥಿತಿ ನಿಭಾಯಿಸುವುದು ಗೊತ್ತು. ಇದೇ ಜಾಣ್ಮೆಯಿಂದ ಗಂಡನ ಸಮಸ್ಯೆಗಳನ್ನು ಬಗೆಹರಿಸುತ್ತಾರೆ.

4. ಮಕರ ರಾಶಿ ( Capricorn):

ಈ ರಾಶಿಯ ಮಹಿಳೆಯರು ಕಡಿಮೆ ಭಯ ಮತ್ತು ಹೆಚ್ಚು ಆತ್ಮವಿಶ್ವಾಸವನ್ನು ಹೊಂದಿರುವವರು. ಇವರು ಬಯಸಿದ್ದನ್ನು ಪಡೆಯಲು ಅವಿರತವಾಗಿ ಕೆಲಸ ಮಾಡುತ್ತಾರೆ. ಪ್ರೇಮದಲ್ಲಿ ಅಂಜುವ ಗಂಡಸನ್ನು ತಮ್ಮ ಕಡೆಗೆ ಮಣಿಯುವಂತೆ ತಿರುಗಿಸಬಲ್ಲರು. ಒಳ್ಳೆಯ ಕೆಲಸಗಳನ್ನು ಮಾಡುವಾಗ ವಿಫಲರಾಗುವುದಿಲ್ಲ. ಯಶಸ್ವಿ ಮಹಿಳೆಯರಲ್ಲಿ ಒಬ್ಬಳು. ಮುಂದೆ ಹೆಜ್ಜೆ ಹಾಕುವ ಮೊದಲು ಎರಡು ಬಾರಿ ಯೋಚಿಸುವುದಿಲ್ಲ. ಅತ್ಯಂತ ಪ್ರಾಯೋಗಿಕ ಮತ್ತು ಉತ್ಸಾಹಿ.

ಇದನ್ನೂ ಓದಿ: ಈ ನಾಲ್ಕು ರಾಶಿಯ ಪತಿ ಮಹಾಶಯರು ನಿಷ್ಠೆಗೆ ಇನ್ನೊಂದು ಹೆಸರು!

5. ಸಿಂಹ ರಾಶಿ (Leo):

ಇವರು ಆಶಾವಾದಿ ಸ್ವಭಾವವನ್ನು ಹೊಂದಿರುವವರು ಮತ್ತು ಯಾವುದೇ ಸಂದೇಹಗಳಿಲ್ಲದವರು. ಎಂಥ ಸಂಕಷ್ಟದಲ್ಲೂ ಮಣಿಯದೆ ಸಂಗಾತಿಯನ್ನು ಕಾಪಾಡಿಕೊಳ್ಳುತ್ತಾರೆ. ಇವರ ವಿಶ್ವಾಸವೇ ಇವರನ್ನು ಕಾಪಾಡುತ್ತದೆ. ಇವರಲ್ಲಿರುವ ಉತ್ಸಾಹವು ಅವರಿಗೆ ಕೆಲಸ ಮಾಡಲು ಮತ್ತು ಅತ್ಯುತ್ತಮ ಫಲಿತಾಂಶಗಳನ್ನು ತರಲು ಸಹಾಯ ಮಾಡುತ್ತದೆ.

6. ಮೀನ ರಾಶಿ (Pisces):

ಇವರು ತುಂಬಾ ಬಲಶಾಲಿಗಳಾಗಿರದೆ ಇರಬಹುದು, ಆದರೆ ಇವರನ್ನು ಸುಲಭವಾಗಿ ಬೆದರಿಸಲು ಪ್ರಯತ್ನಿಸುವವರಿಂದ ಇವರು ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳುತ್ತಾರೆ. ಈ ರಾಶಿಯ ಮಹಿಳೆಯರು ಅವರಿಗೆ ಬೇಕಾದವರ ಪರವಾಗಿ ಸದಾ ನಿಲ್ಲುತ್ತಾರೆ. ಇವರಲ್ಲಿರುವ ಬುದ್ಧಿವಂತಿಕೆ ಇವರನ್ನು ಹಾಗೂ ಜತೆಗೆ ಇರುವವರನ್ನು ಸದಾ ಎಚ್ಚರವಾಗಿರಿಸುತ್ತದೆ.

ಇದನ್ನೂ ಓದಿ: ಸುಖ ಪ್ರಸವಕ್ಕಾಗಿ 9 ಮಾಸಗಳಿಗೆ 9 ಗ್ರಹಗಳನ್ನು ಮೆಚ್ಚಿಸಿ..