ಭಾರತದಲ್ಲಿ ತಾಜ್ಮಹಲ್ ಮಾತ್ರವೇ ಪ್ರೇಮದ ಸಂಕೇತವಲ್ಲ, ಮತ್ತೊಂದು ಮಂದಿರವಿದೆ.. ಈ ಪ್ರೇಮಮಂದಿರಕ್ಕೆ ಜೋಡಿಗಳು ಹೋದರೆ ಅವರ ನಡುವೆ ಪ್ರೀತಿ ಹೆಚ್ಚಾಗುವುದಲ್ಲದೆ ಸಂಬಂಧ ಗಟ್ಟಿಯಾಗುತ್ತದೆ. ಎಲ್ಲಿದೆ ಆ ಮಂದಿರ?
ಪ್ರೇಮಿಗಳೆಲ್ಲರಿಗೂ ಪ್ರೇಮದ ಪ್ರತೀಕವೆನಿಸಿರುವ ತಾಜ್ಮಹಲ್ ಮುಂದೆ ನಿಂತು ಜೋಡಿ ಫೋಟೋ ತೆಗೆಸಿಕೊಳ್ಳುವ ಹಂಬಲವಿರುತ್ತದೆ. ಪ್ರೇಮಿಗಳ ದಿನದಂದು ತಾಜ್ ಮಹಲ್ ನೋಡಲು ಪ್ರೀತಿಯ ಜೋಡಿ ಹೋಗುವುದಿದೆ. ತಾಜ್ ಮಹಲ್ ಅನ್ನು ಪ್ರಪಂಚದ 7 ನೇ ಅದ್ಭುತವೆಂದು ಪರಿಗಣಿಸಲಾಗಿದೆ ಮತ್ತು ಪ್ರೀತಿಯ ಸಂಕೇತವಾಗಿದೆ. ಆದರೆ, ನಿಮಗೆ ಗೊತ್ತಾ ಪ್ರೇಮದ ಪ್ರತೀಕ ಕೇವಲ ತಾಜ್ಮಹಲ್ ಅಲ್ಲ.. ಮತ್ತೂ ಒಂದಿದೆ. ಅದೇ ಪ್ರೇಮ ಮಂದಿರ.
ಪ್ರೇಮ ಮಂದಿರ
ಕೃಷ್ಣ ರಾಧೆಯ ಪ್ರೀತಿಗೆ ಸಾಕ್ಷಿಯಾದ ವೃಂದಾವನದ ಪುಣ್ಯ ಭೂಮಿಯಲ್ಲಿ ಈ ಪ್ರೇಮಮಂದಿರದಲ್ಲಿದೆ.. ವೃಂದಾವನದ ‘ಪ್ರೇಮ ಮಂದಿರ’ ಭಾರತ ಮಾತ್ರವಲ್ಲದೆ ಜಗತ್ತಿನಾದ್ಯಂತ ಪ್ರಸಿದ್ಧಿ ಪಡೆದಿದೆ. ಈ ದೇವಾಲಯವು ರಾಧಾ-ಕೃಷ್ಣರ ಪ್ರೀತಿಯ ಸಂಕೇತವಾಗಿದೆ. ದೇವಾಲಯದ ಸೌಂದರ್ಯವು ನಿಮ್ಮನ್ನು ಆಕರ್ಷಿಸುತ್ತದೆ ಮತ್ತು ಮಂತ್ರಮುಗ್ಧಗೊಳಿಸುತ್ತದೆ. ಈ ದೇವಾಲಯಕ್ಕೆ ಜೋಡಿಯಾಗಿ ಭೇಟಿ ನೀಡುವುದರಿಂದ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತದೆ ಮತ್ತು ಪರಸ್ಪರ ಪ್ರೀತಿ ಹೆಚ್ಚಾಗುತ್ತದೆ.
Hindu Tradition: ಈ ಆಚರಣೆ ಪೂರ್ಣವಾಗದೆ, ವಧು ಪತ್ನಿಯಾಗೋಲ್ಲ!
ಮಥುರಾ ಮತ್ತು ವೃಂದಾವನದಲ್ಲಿ ಶ್ರೀ ಕೃಷ್ಣ ಮತ್ತು ರಾಧೆಯ ಅನೇಕ ಪ್ರಸಿದ್ಧ ದೇವಾಲಯಗಳಿವೆ. ಈ ಎಲ್ಲ ದೇವಾಲಯಗಳೊಂದಿಗೆ ಇತಿಹಾಸ ಮತ್ತು ಪೌರಾಣಿಕ ನಂಬಿಕೆಗಳು ಸಂಬಂಧಿಸಿವೆ. ಅನೇಕ ದೇವಾಲಯಗಳ ವಾಸ್ತುಶಿಲ್ಪವು ಅದ್ಭುತವಾಗಿದೆ, ಇದು ಜನರನ್ನು ಆಕರ್ಷಿಸುತ್ತದೆ. ಆದರೆ ವೃಂದಾವನದಲ್ಲಿರುವ ಪ್ರೇಮ ಮಂದಿರ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ. ದೇವಾಲಯದ ವೈಭವ ಮತ್ತು ಸೌಂದರ್ಯಕ್ಕಾಗಿ ದೇಶ-ವಿದೇಶಗಳಿಂದ ಜನರು ಬರುತ್ತಾರೆ.
ಈ ದೇವಾಲಯವು ಎಷ್ಟು ಸುಂದರವಾಗಿದೆ ಎಂದರೆ ನೀವು ಗಂಟೆಗಟ್ಟಲೆ ನೋಡಿದರೂ ನಿಮಗೆ ತೃಪ್ತಿಯಾಗುವುದಿಲ್ಲ. ಪ್ರೇಮ ಮಂದಿರವನ್ನು ಪ್ರೀತಿಯ ಸಂಕೇತವೆಂದು ಪರಿಗಣಿಸಲಾಗಿದೆ. ಅಂದಹಾಗೆ, ಇಲ್ಲಿ ಪ್ರತಿದಿನವೂ ಅಪಾರ ಜನಸಂದಣಿ ಕಂಡುಬರುತ್ತದೆ. ಆದರೆ ವಿಶೇಷವಾಗಿ ಪ್ರೇಮಿಗಳ ದಿನದ ಸಂದರ್ಭದಲ್ಲಿ, ನೀವು ಪ್ರೀತಿಯನ್ನು ಸಂಕೇತಿಸುವ ಈ ದೇವಾಲಯಕ್ಕೆ ಭೇಟಿ ನೀಡಬೇಕು. ಪ್ರೇಮ ಮಂದಿರದ ಬಗ್ಗೆ ಕೆಲವು ನಿಗೂಢ ವಿಷಯಗಳು ಇಲ್ಲಿವೆ.
ಪ್ರೇಮಮಂದಿರದ ವಿಶೇಷತೆ
ವೃಂದಾವನದ ಪ್ರೇಮ ಮಂದಿರವು ಶ್ರೀ ಕೃಷ್ಣ ಮತ್ತು ರಾಧೆಯ ಪ್ರೀತಿಗೆ ಸಮರ್ಪಿತವಾಗಿದೆ. ಇದರೊಂದಿಗೆ, ಈ ದೇವಾಲಯವು ಭಗವಾನ್ ರಾಮ ಮತ್ತು ತಾಯಿ ಸೀತೆಗೆ ಸಮರ್ಪಿತವಾಗಿದೆ. ದೇವಾಲಯದ ರಚನೆಯನ್ನು ಐದನೇ ಜಗದ್ಗುರು ಕೃಪಾಲು ಮಹಾರಾಜ ಸ್ಥಾಪಿಸಿದರು. ಈ ದೇವಾಲಯವು 11 ವರ್ಷಗಳ ಅವಧಿಯಲ್ಲಿ ಒಂದು ಸಾವಿರ ಕಾರ್ಮಿಕರ ನಿರಂತರ ಕಾರ್ಯದಿಂದ ಪೂರ್ಣಗೊಂಡಿತು.
ಪ್ರೇಮಮಂದಿರದ ನಿರ್ಮಾಣ ಕಾರ್ಯವು 2001ರಲ್ಲಿ ಪ್ರಾರಂಭವಾಯಿತು. ಪ್ರೇಮ ಮಂದಿರದ ಎತ್ತರ 125 ಮತ್ತು ಉದ್ದ 122 ಅಡಿ. ಇದರ ಅಗಲ ಸುಮಾರು 115 ಅಡಿ. ಇಟಲಿಯಿಂದ ಆಮದು ಮಾಡಿಕೊಂಡ ಅಮೃತಶಿಲೆಯ ಕಲ್ಲುಗಳಿಂದ ಈ ದೇವಾಲಯವನ್ನು ನಿರ್ಮಿಸಲಾಗಿದೆ.
ನಿಮ್ಮ ರಾಶಿ ಬ್ರೇಕಪ್‌ ಮಾಡಿಕೊಳ್ಳಲೇನು ಕಾರಣ?
ದೇವಾಲಯದಲ್ಲಿ ಶ್ರೀ ಕೃಷ್ಣನ ಸುಂದರವಾದ ಮೇಜುಗಳ ಜೊತೆಗೆ ರಾಮ-ಸೀತೆಯ ಸುಂದರವಾದ ಹೂವಿನ ಬಂಗಲೆಯೂ ಇದೆ. ದೇವಾಲಯವನ್ನು 2018ರಲ್ಲಿ ಸಾರ್ವಜನಿಕರಿಗೆ ತೆರೆಯಲಾಯಿತು.
ಪ್ರೇಮ ಮಂದಿರದ ವಿಶೇಷತೆ ಎಂದರೆ ಹಗಲಿನಲ್ಲಿ ಬಿಳಿಯಾಗಿ, ಸಂಜೆ ವಿವಿಧ ಬಣ್ಣಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ಪ್ರತಿ 30 ಸೆಕೆಂಡಿಗೆ ದೇವಸ್ಥಾನದ ಬಣ್ಣ ಬದಲಾಗುವ ರೀತಿಯಲ್ಲಿ ದೇವಸ್ಥಾನದಲ್ಲಿ ದೀಪಾಲಂಕಾರ ಮಾಡಲಾಗಿದೆ.
ಪ್ರೇಮ ಮಂದಿರಕ್ಕೆ ಭೇಟಿ ನೀಡಲು, ನೀವು ಮಥುರಾ ರೈಲು ನಿಲ್ದಾಣದಿಂದ ಸುಮಾರು 12 ಕಿ.ಮೀ. ಮತ್ತು ವಿಮಾನ ನಿಲ್ದಾಣದಿಂದ ದೇವಾಲಯದ ದೂರವು 54 ಕಿಲೋಮೀಟರ್ ಆಗಿದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.