ಎಷ್ಟೇ ಅದ್ಧೂರಿಯಾಗಿ, ಸಂಭ್ರಮದಿಂದ ಮದುವೆ ಮಾಡಿರಲಿ, ಕೆಲವರ ವಿವಾಹ ವಿಚ್ಛೇದನಕ್ಕೆ ಬಂದು ನಿಂತು ಮಾಡಿದ ಖರ್ಚೆಲ್ಲ ನೀರಿನಲ್ಲಿ ಹೋಮ ಮಾಡಿದಂತಾಗುತ್ತದೆ. ಇದಕ್ಕೆ ಜಾತಕದಲ್ಲಿ ಇದ್ದಿರಬಹುದಾದ ವಿಚ್ಚೇದನ ಯೋಗವೇ ಕಾರಣ.
ಜನರು ವಿಚ್ಛೇದನವನ್ನು ದೊಡ್ಡ ವಿಷಯವೆಂದು ಪರಿಗಣಿಸುವ ಸಮಯವಿತ್ತು. ಎಂತಹ ಪರಿಸ್ಥಿತಿ ಬಂದರೂ ಮದುವೆಯಲ್ಲಿ ಹೊಂದಿಕೊಂಡೇ ಹೋಗಬೇಕು ಎಂಬ ನಿಯಮವಿತ್ತು. ಆದರೆ ಇಂದಿನ ದಿನಗಳಲ್ಲಿ ಅದು ಹಾಗಲ್ಲ, ಅರೇಂಜ್ಡ್ ಮ್ಯಾರೇಜ್ ಆಗಿರಲಿ, ಲವ್ ಮ್ಯಾರೇಜ್ ಆಗಿರಲಿ, ಮದುವೆಯಾದ ಕೆಲವೇ ತಿಂಗಳುಗಳಲ್ಲಿ ದಂಪತಿ ವಿಚ್ಛೇದನ ಪಡೆಯುವುದು ಮಾಮೂಲು ಎಂಬಂತಾಗಿದೆ.
ಅರಮನೆ ಮೈದಾನದಲ್ಲೇ ಮದುವೆ ಮಾಡಿರಲಿ ಅಥವಾ ಮನೆಯವರ ವಿರೋಧ ಕಟ್ಟಿಕೊಂಡು ರಿಜಿಸ್ಟರ್ ಮ್ಯಾರೇಜ್ ಆಗಿರಲಿ- ವಿಚ್ಚೇದನಕ್ಕೆ ಬಂದು ನಿಂತು ವಿವಾಹಕ್ಕಾಗಿ ಹಾಕಿದ ಎಲ್ಲ ಪ್ರಯತ್ನಗಳು, ಹಣ ವ್ಯರ್ಥವೆಂಬಂತಾಗುತ್ತಿದೆ. ಎಲ್ಲರೂ ಒಪ್ಪಲಿ, ಒಪ್ಪದಿರಲಿ- ಈ ವಿಚ್ಛೇದನಕ್ಕೆ ಜಾತಕದಲ್ಲಿರುವ ಕೆಲವು ಯೋಗಗಳು ಕಾರಣವಾಗುತ್ತವೆ.
ಹೌದು, ಜಾತಕದ ಕೆಲ ಯೋಗಗಳ ಕಾರಣದಿಂದಾಗಿ ಮದುವೆಯಲ್ಲಿ ಯಾವಾಗಲೂ ಸಮಸ್ಯೆ ಇರುತ್ತದೆ ಮತ್ತು ವಿಷಯವು ವಿಚ್ಛೇದನಕ್ಕೆ ತಲುಪುತ್ತದೆ.
ಕಾರಣ ಗ್ರಹ
ಜಾತಕದಲ್ಲಿ ಮಂಗಳವು ಎರಡನೇ, ನಾಲ್ಕನೇ, ಸಪ್ತಮ, ಎಂಟನೇ ಅಥವಾ ಹನ್ನೆರಡನೇ ಮನೆಯಲ್ಲಿದ್ದಾಗ ವೈವಾಹಿಕ ಸಮಸ್ಯೆಗಳು ಉಂಟಾಗುತ್ತವೆ, ಹಾಗೆಯೇ ಎರಡು, ಆರನೇ, ಸಪ್ತಮ, ಎಂಟನೇ ಅಥವಾ ಹನ್ನೆರಡನೇ ಮನೆಯ ಸ್ಥಾನ ಮತ್ತು ಜಾತಕದಲ್ಲಿ ಅದರ ಅಧಿಪತಿ ವಿಚ್ಛೇದನದ ಸಾಧ್ಯತೆಯನ್ನು ಸೃಷ್ಟಿಸುತ್ತಾನೆ. ಸೂರ್ಯ, ಮಂಗಳ, ಶನಿ, ರಾಹು ಮತ್ತು ಕೇತು ಮುಂತಾದ ಗ್ರಹಗಳು ವಿಚ್ಛೇದನ ಯೋಗವನ್ನು ರೂಪಿಸುತ್ತವೆ.
Jyotish Remedy: ದುಷ್ಟ ಶಕ್ತಿಯ ಪ್ರಭಾವದಿಂದ ತಪ್ಪಿಸಿಕೊಳ್ಳಲು ಇಲ್ಲಿವೆ ಪರಿಹಾರ..
ಆರೋಹಣ ಜಾತಕ
ಜಾತಕದಲ್ಲಿ ಏಳನೇ ಮನೆಯ ಅಧಿಪತಿಯೊಂದಿಗೆ ಆರನೇ ಅಥವಾ ಎಂಟನೇ ಮನೆಯ ಅಧಿಪತಿಯ ಸಂಯೋಗವು ವೈವಾಹಿಕ ಸಮಸ್ಯೆಗಳನ್ನು ಸೃಷ್ಟಿಸುತ್ತದೆ. ಮತ್ತೊಂದೆಡೆ, ಒಬ್ಬರ ಜಾತಕದಲ್ಲಿ ಮೊದಲ, ನಾಲ್ಕನೇ, ಏಳನೇ, ಎಂಟನೇ ಮತ್ತು ಹನ್ನೆರಡನೇ ಮನೆಯಲ್ಲಿ ಮಂಗಳವು ಇತರ ಯಾವುದೇ ಅಶುಭ ಗ್ರಹಗಳೊಂದಿಗೆ ಸಂಬಂಧ ಹೊಂದಿದ್ದರೆ ಮತ್ತು ಲಗ್ನ ಜಾತಕದಲ್ಲಿ ಏಳನೇ ಮನೆಯ ಅಧಿಪತಿ ಆರನೇ ಮನೆಯಲ್ಲಿ ಸ್ಥಿತರಿದ್ದರೆ ಮತ್ತು ಅವರ ಅಂಶದಿಂದ ವಿಚ್ಛೇದನದ ಸಾಧ್ಯತೆಗಳಿವೆ.
ಇದರೊಂದಿಗೆ, ಒಬ್ಬರ ಜಾತಕದಲ್ಲಿ ಆರನೇ, ಎಂಟನೇ ಅಥವಾ ಹನ್ನೆರಡನೇ ಮನೆಯಲ್ಲಿ ಗ್ರಹಗಳ ಸ್ಥಿತಿಯು ಮದುವೆಯಲ್ಲಿ ವಿಚ್ಛೇದನವನ್ನು ಉಂಟು ಮಾಡಬಹುದು. ಮತ್ತೊಂದೆಡೆ, ಪುರುಷನ ಜಾತಕದಲ್ಲಿ ಶುಕ್ರನು ಪೀಡಿತನಾಗಿದ್ದರೆ ಮತ್ತು ಮಹಿಳೆಯ ಜಾತಕದಲ್ಲಿ ಮಂಗಳವು ಬಾಧಿತವಾಗಿದ್ದರೆ, ಮದುವೆಯಲ್ಲಿ ವಿವಿಧ ರೀತಿಯ ಸಮಸ್ಯೆಗಳು ಉದ್ಭವಿಸುತ್ತವೆ.
ಶನಿ-ಮಂಗಳ
ಕನ್ಯಾ ರಾಶಿಯವರ ಜಾತಕದಲ್ಲಿ ಶನಿ ಮತ್ತು ಮಂಗಳವು ಮೊದಲ ಮತ್ತು ಏಳನೇ ಮನೆಯಲ್ಲಿ ಅಥವಾ ಐದು ಮತ್ತು ಹನ್ನೊಂದನೇ ಮನೆಯಲ್ಲಿ ಪರಸ್ಪರ ದೃಷ್ಟಿ ಹೊಂದಿದ್ದರೆ, ವೈವಾಹಿಕ ಸಮಸ್ಯೆಗಳಿರುತ್ತವೆ. ಇದರೊಂದಿಗೆ, ಏಳನೇ ಅಥವಾ ಎಂಟನೇ ಮನೆಯಲ್ಲಿ ಶನಿ ಮತ್ತು ಮಂಗಳ ಇಬ್ಬರ ದೃಷ್ಟಿಯು ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳನ್ನು ಉಂಟು ಮಾಡುತ್ತದೆ.
ಎಂಥ ಮಂಗಳಕರ ದಿನವಾದರೂ ಈ ಬಾರಿ Akshaya Tritiyaದಂದು ವಿವಾಹಕ್ಕಿಲ್ಲ ಮುಹೂರ್ತ!
ಈ ಕೆಲವು ಜ್ಯೋತಿಷ್ಯ ಸಂಯೋಜನೆಗಳು ವಿಚ್ಛೇದನ ಅಥವಾ ಪ್ರತ್ಯೇಕತೆ ಅಥವಾ ಜೀವನ ಪಾಲುದಾರರ ನಡುವೆ ನಿರಂತರ ಜಗಳವನ್ನು ಉಂಟು ಮಾಡಬಹುದು. ಆದರೆ ಇದು ಯಾವಾಗಲೂ ಅಂತಹ ಸಂದರ್ಭಗಳನ್ನು ಸೃಷ್ಟಿಸುತ್ತದೆ ಎಂದು ಅರ್ಥವಲ್ಲ. ಏಕೆಂದರೆ ಜಾತಕದಲ್ಲಿ ಹಲವಾರು ಉತ್ತಮ ಸಂಯೋಜನೆಗಳು ಈ ಕೆಟ್ಟ ದೋಷಗಳನ್ನು ಹೊಡೆಯುವ ಸಾಧ್ಯತೆಯೂ ಇರುತ್ತದೆ. ಆದ್ದರಿಂದ ಅಂತಿಮವಾಗಿ ಏನನ್ನೂ ನಿರ್ಧರಿಸುವ ಮೊದಲು ಜಾತಕವನ್ನು ನುರಿತರಿಗೆ ತೋರಿಸಿ ತಿಳಿಯಬೇಕು.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.