December Planet Transit 2022: ಈ ಮಾಸದಲ್ಲಿ ಯಾವ ಗ್ರಹದ ಸ್ಥಿತಿ ಹೇಗಿರುತ್ತದೆ ಎಂದು ತಿಳಿಯೋಣ.
ಜ್ಯೋತಿಷ್ಯದಲ್ಲಿ, ಗ್ರಹಗಳ ರಾಶಿಚಕ್ರ ಬದಲಾವಣೆ ಮತ್ತು ಅವುಗಳ ಚಲನೆಯ ಬದಲಾವಣೆಯನ್ನು ಪ್ರಮುಖವೆಂದು ಪರಿಗಣಿಸಲಾಗುತ್ತದೆ. ಗ್ರಹಗಳ ರಾಶಿ ಬದಲಾವಣೆಯು ಎಲ್ಲಾ 12 ರಾಶಿಚಕ್ರ ಚಿಹ್ನೆಗಳ ಮೇಲೆ ಮತ್ತು ಇಡೀ ಭೂಮಿಯ ಮೇಲೆ ಪರಿಣಾಮ ಬೀರುತ್ತದೆ. ಡಿಸೆಂಬರ್ 2022ರ ಕೊನೆಯ ತಿಂಗಳು ಪ್ರಾರಂಭವಾಗಲು ಕೆಲವೇ ದಿನಗಳು ಉಳಿದಿವೆ. ಈ ತಿಂಗಳಿನಲ್ಲಿ ಸೌರವ್ಯೂಹದ ಪ್ರಮುಖ ಗ್ರಹಗಳಾದ ಸೂರ್ಯ, ಬುಧ ಮತ್ತು ಶುಕ್ರ ತಮ್ಮ ರಾಶಿಚಕ್ರ ಚಿಹ್ನೆಯನ್ನು ಬದಲಾಯಿಸಲಿವೆ. ಈ ಗ್ರಹಗಳ ಸಂಚಾರದಿಂದಾಗಿ ಎಲ್ಲಾ 12 ರಾಶಿಗಳ ಸ್ಥಳೀಯರ ಜೀವನದಲ್ಲಿ ಅನೇಕ ಬದಲಾವಣೆಗಳಾಗುತ್ತವೆ.
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಸೂರ್ಯನ ಸಂಚಾರವು ತನ್ನ ಸಕಾರಾತ್ಮಕ ಫಲಿತಾಂಶಗಳಲ್ಲಿ ಖ್ಯಾತಿ, ಸ್ಥಾನ ಮತ್ತು ಯಶಸ್ಸನ್ನು ಹೆಚ್ಚಿಸಲಿದೆ. ಆದರೆ ಬುಧದ ಮಂಗಳಕರ ಪ್ರಭಾವದಿಂದಾಗಿ ವ್ಯಾಪಾರ ಮತ್ತು ಉದ್ಯೋಗದಲ್ಲಿ ಪ್ರಗತಿ ಕಂಡುಬರುತ್ತದೆ. ಜ್ಯೋತಿಷ್ಯದಲ್ಲಿ, ಶುಕ್ರನನ್ನು ಆನಂದ ಮತ್ತು ಐಶ್ವರ್ಯದ ಅಂಶವೆಂದು ಪರಿಗಣಿಸಲಾಗುತ್ತದೆ. ಶುಕ್ರವು ತನ್ನ ಧನಾತ್ಮಕ ಪ್ರಭಾವದಿಂದ ಸ್ಥಳೀಯರಿಗೆ ದೈಹಿಕ ಸೌಕರ್ಯ ಮತ್ತು ಸೌಲಭ್ಯಗಳನ್ನು ಒದಗಿಸುತ್ತದೆ.
ಡಿಸೆಂಬರ್ 2022ರಲ್ಲಿ ಗ್ರಹಗಳ ರಾಶಿಚಕ್ರದ ಬದಲಾವಣೆ
ಬುಧ ಸಂಕ್ರಮಣ 2022 (Mercury Transit 2022): ಬುಧ ಗ್ರಹವು ಡಿಸೆಂಬರ್‌ನಲ್ಲಿ ತನ್ನ ರಾಶಿಯನ್ನು 3 ಬಾರಿ ಬದಲಾಯಿಸಲಿದೆ. ಡಿಸೆಂಬರ್‌ನ ಮೊದಲ ಬುಧ ರಾಶಿಚಕ್ರ ಬದಲಾವಣೆಯು ಡಿಸೆಂಬರ್ 3ರಂದು ಸಂಭವಿಸುತ್ತದೆ. ಬುಧ ಗ್ರಹವು ಡಿಸೆಂಬರ್ 3ರಂದು ಶನಿವಾರ ಬೆಳಿಗ್ಗೆ 6.56ಕ್ಕೆ ವೃಶ್ಚಿಕ ರಾಶಿಯಿಂದ ಹೊರಟು ಧನು ರಾಶಿಯನ್ನು ಪ್ರವೇಶಿಸಲಿದೆ. ಇದಾದ ಬಳಿಕ ಬುಧವಾರ (ಡಿಸೆಂಬರ್ 28) ಬೆಳಗ್ಗೆ 6 ಗಂಟೆಗೆ ಧನು ರಾಶಿಯಿಂದ ಮಕರ ರಾಶಿಗೆ ಸಂಕ್ರಮಣ ಮಾಡಲಿದ್ದಾರೆ. 2 ದಿನಗಳ ನಂತರ, ಡಿಸೆಂಬರ್ 30 ರಂದು ಅಂದರೆ ಶುಕ್ರವಾರ, ಬುಧ ಗ್ರಹವು ಮತ್ತೆ ಹಿಮ್ಮುಖವಾಗಿ ರಾತ್ರಿ 11.11ಕ್ಕೆ ಧನು ರಾಶಿಯನ್ನು ಪ್ರವೇಶಿಸುತ್ತದೆ. ಡಿಸೆಂಬರ್‌ನಲ್ಲಿ ಬುಧಗ್ರಹದ ಮೂರು ಬಾರಿ ರಾಶಿ ಬದಲಾವಣೆಯಿಂದ ವ್ಯಾಪಾರ ಮತ್ತು ಉದ್ಯೋಗದಲ್ಲಿ ಹಲವು ಬದಲಾವಣೆಗಳಾಗಲಿವೆ.
Astrology Tips: ಈ ರಾಶಿಯವರು ಅಪ್ಪಿತಪ್ಪಿಯೂ ಕೆಂಪು ತಿಲಕ ಹಚ್ಬೇಡಿ
ಶುಕ್ರ ಸಂಕ್ರಮಣ 2022(Venus Transit 2022): ಡಿಸೆಂಬರ್‌ನಲ್ಲಿ ಎರಡನೇ ರಾಶಿಚಕ್ರ ಬದಲಾವಣೆಯು ಶುಕ್ರನದ್ದಾಗಿದೆ. ಇದು ಡಿಸೆಂಬರ್ 5ರಂದು ಸೋಮವಾರ ಸಂಜೆ 6.07ಕ್ಕೆ ವೃಶ್ಚಿಕ ರಾಶಿಯಿಂದ ಧನು ರಾಶಿಗೆ ಸಾಗಲಿದೆ. ಇದಾದ ಬಳಿಕ ಡಿಸೆಂಬರ್ 29, ಗುರುವಾರ ಸಂಜೆ 4.13ಕ್ಕೆ ಶುಕ್ರ ಗ್ರಹವು ಧನು ರಾಶಿಯಿಂದ ಹೊರಟು ಮಕರ ರಾಶಿಗೆ ಪ್ರವೇಶಿಸಲಿದೆ.
ಸೂರ್ಯ ಗೋಚಾರ 2022 (Sun Transit 2022): ಗ್ರಹಗಳ ರಾಜ ಸೂರ್ಯ ವೃಶ್ಚಿಕ ರಾಶಿಯನ್ನು ತೊರೆದು ಶುಕ್ರವಾರ, ಡಿಸೆಂಬರ್ 16ರಂದು ಬೆಳಿಗ್ಗೆ 10.11ಕ್ಕೆ ಧನು ರಾಶಿಯನ್ನು ಪ್ರವೇಶಿಸುತ್ತಾನೆ. ಇದು ಧನು ಸಂಕ್ರಾಂತಿಯನ್ನು ಸೃಷ್ಟಿಸುತ್ತದೆ. ಅವನು ಸುಮಾರು ಒಂದು ತಿಂಗಳ ಕಾಲ ಇಲ್ಲಿಯೇ ಇರುತ್ತಾನೆ.
ಪ್ರೇಮಿಗೆ ಗಿಫ್ಟ್ ಕೊಟ್ಟು ಇಂಪ್ರೆಸ್‌ ಮಾಡೋದ್ರಲ್ಲಿ ಈ ರಾಶಿಯವರು ಎತ್ತಿದ ಕೈ!
ಇತರ ಗ್ರಹಗಳ ಸ್ಥಾನ
ಬುಧ, ಶುಕ್ರ ಮತ್ತು ಸೂರ್ಯನ ಹೊರತಾಗಿ, ಮಂಗಳವು ವೃಷಭ ರಾಶಿಯಲ್ಲಿ, ದೇವಗುರು ಗುರು ಮೀನದಲ್ಲಿ, ಸೂರ್ಯನ ಮಗ ಶನಿ ಮಕರ ರಾಶಿಯಲ್ಲಿ, ರಾಹು ಮೇಷದಲ್ಲಿ ಮತ್ತು ಕೇತು ತುಲಾ ರಾಶಿಯಲ್ಲಿ ಡಿಸೆಂಬರ್ ತಿಂಗಳಿನಲ್ಲಿ ಸಾಗುತ್ತಾರೆ.