ನಿಮ್ಮ ಹೆಸರು ಎ, ಅ ಅಕ್ಷರಗಳಿಂದ ಆರಂಭವಾದರೆ ಗುಣ, ಜೀವನ ಹೇಗಿರುತ್ತೆ?

ಇಂಗ್ಲಿಷಿನ ಎ ಅಥವಾ ಕನ್ನಡದ ಅ ಮತ್ತು ಆ ಅಕ್ಷರಗಳಿಂದ ಪ್ರಾರಂಭವಾಗುವ ಹೆಸರನ್ನು ಹೊಂದಿರುವವರು ಜನರು ಸಾಮಾನ್ಯವಾಗಿ ನಾಯಕತ್ವದ ಗುಣಗಳನ್ನು ಪ್ರದರ್ಶಿಸುತ್ತಾರೆ

ಇಂಗ್ಲಿಷಿನ ಎ ಅಥವಾ ಕನ್ನಡದ ಅ ಮತ್ತು ಆ ಅಕ್ಷರಗಳು ವರ್ಣಮಾಲೆಯ ಅತ್ಯಂತ ಶಕ್ತಿಶಾಲಿ ಅಕ್ಷರಗಳಲ್ಲಿ ಒಂದಾಗಿವೆ. ಎ, ಅ, ಆ ಅಕ್ಷರಗಳಿಂದ ಪ್ರಾರಂಭವಾಗುವ ಹೆಸರನ್ನು ಹೊಂದಿರುವವರು ಜನರು ಸಾಮಾನ್ಯವಾಗಿ ನಾಯಕತ್ವದ ಗುಣಗಳನ್ನು ಪ್ರದರ್ಶಿಸುತ್ತಾರೆ ಎಂದು ಹೇಳಲಾಗುತ್ತದೆ. ಎ, ಅ ಅಕ್ಷರವನ್ನ ಸಂಖ್ಯಾಶಾಸ್ತ್ರದಲ್ಲಿ ನಂಬರ್ 1ಗೆ ಸಮ ಎಂದು ನಂಬಲಾಗುತ್ತದೆ. ಅಂತಹ ಹೆಸರಿನವರು ನಾಯಕರು ಎನಿಸಿಕೊಳ್ಳುತ್ತಾರೆ. ಜೀವನದ ಎಲ್ಲಾ ಕ್ಷೇತ್ರಗಳಲ್ಲಿಯೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಾರೆ.

ಮಹತ್ವಾಕಾಂಕ್ಷೆಯುಳ್ಳವರು

ಸಾಮಾನ್ಯವಾಗಿ, ಹೆಸರು ಎ, ಅ ಅಕ್ಷರದಿಂದ ಹೆಸರು ಪ್ರಾರಂಭವಾಗುವವರು ಸಾಕಷ್ಟು ಮಹತ್ವಾಕಾಂಕ್ಷೆ ಉಳ್ಳವರು, ಆತ್ಮವಿಶ್ವಾಸ, ದೃಢ ನಿರ್ಣಯಿಗಳು, ಸ್ವಾವಲಂಬಿಗಳಾಗಿದ್ದು, ಜೀವನದಲ್ಲಿ ತಮ್ಮ ಎಲ್ಲಾ ಗುರಿಗಳನ್ನು ಸಾಧಿಸಲು ಬಹಳ ಶ್ರಮಿಸಲು ಸಿದ್ಧರಿರುತ್ತಾರೆ. ಧೈರ್ಯದಲ್ಲಿ ವರ್ಣಮಾಲೆಯ ಇತರ ಅಕ್ಷರಗಳಿಗಿಂತ ಎ, ಅ ಅಕ್ಷರವು ಭಿನ್ನ ಎನಿಸುತ್ತದೆ. ಅದು ನಿರ್ಣಾಯಕ ಸ್ವಭಾವದ್ದಾಗಿದ್ದು, ಅವರ ನಿರ್ಣಯಗಳು ಪ್ರಬಲ ಎಂದು ಹೇಳಬಹುದು. ಅವರು ಕಲ್ಪಿಸಿಕೊಳ್ಳುತ್ತಾ ಕಾಲ ಕಳೆಯುವುದಿಲ್ಲ. ಸಮಯ ವ್ಯರ್ಥ ಮಾಡದೆ ಕೆಲಸ ಸಾಧಿಸುತ್ತಾರೆ ಎಂದೇ ಹೇಳಲಾಗುತ್ತದೆ.

ಸಂಬಂಧಗಳು

ಅಂತಹ ವ್ಯಕ್ತಿಗಳು ಸಾಕಷ್ಟು ಮಹತ್ವಾಕಾಂಕ್ಷೆ ಹೊಂದಿದ್ದು , ಅವರು ಜೀವನದಲ್ಲಿ ಸಂಬಂಧಗಳನ್ನು ಸಹ ಗೌರವಿಸುತ್ತಾರೆ. ಅವರ ಈ ಗುಣ ಅವರ ವೈಯಕ್ತಿಕ ಮತ್ತು ವೃತ್ತಿಪರ ಸಂಬಂಧಗಳನ್ನು ವಿಸ್ತರಿಸುತ್ತವೆ ಎನ್ನಬಹುದು. ಇವರು ತಾವು ನಂಬುವ ವ್ಯಕ್ತಿಗೆ ಯಾವುದೇ ಸಂದರ್ಭದಲ್ಲಿಯೂ ಬದ್ಧರಾಗಿರುತ್ತಾರೆ.

ಬದ್ಧತೆಯುಳ್ಳವರು

ಇವರು ತೀವ್ರ ನಿಷ್ಠೆ ಉಳ್ಳವರಾಗಿದ್ದು, ಸಂಗಾತಿಗಳನ್ನು ಎಲ್ ರೀತಿಯಲ್ಲಿಯೂ ಗೌರವಿಸುತ್ತಾರೆ. ದುಬಾರಿ ಉಡುಗೊರೆಗಳು ಮತ್ತು ಮಾತಿಗಿಂತ ಹೆಚ್ಚಾಗಿ ಮೌನವಾಗಿದ್ದು ಕಾರ್ಯ ಸಾಧನೆ ಮಾಡುವುದನ್ನು ಹೆಚ್ಚು ನಂಬುತ್ತಾರೆ. ಇಂತಹವರು ಇತರರ ಬಗ್ಗೆ ಪ್ರೀತಿ ಮತ್ತು ಸಹಾನುಭೂತಿ ತೋರಿಸುತ್ತಾರೆ. ಅವರು ತೊಂದರೆಯಲ್ಲಿರುವ ಯಾರಿಗಾದರೂ ಸಹಾಯ ಮಾಡಲು ಧಾವಿಸಿ ಬರುತ್ತಾರೆ.

ಇಂತಹ ವ್ಯಕ್ತಿಗಳು, ಪ್ರಾಮಾಣಿಕ ಮತ್ತು ವಿಶ್ವಾಸಕ್ಕೆ ಅರ್ಹರಾಗಿದ್ದು, ಕೊಂಚ ಸಿಡಿಯುವ ಸ್ವಭಾವದವರಾಗಿರುತ್ತಾರೆ. ಅಂತಹ ಜನರು ಕೋಪಗೊಂಡಾಗ ಅಥವಾ ಅಸಮಾಧಾನಗೊಂಡಾಗ ಬಹಳ ಹಠಾತ್ತಾಗಿ ವರ್ತಿಸಬಹುದು. ಈ ನಡವಳಿಕೆಯಿಂದ ಅವರನ್ನು ಎದುರಿಸುವುದು ಕಷ್ಟಕರ ಎನಿಸಬಹುದು.

ಭಾವನೆಗಳನ್ನು ಮರೆಮಾಚುವವರು

ಇವರು ತಮ್ಮ ಭಾವನೆಗಳನ್ನು ಇತರ ಜನರಿಂದ ಮರೆಮಾಚುವ ವಿಲಕ್ಷಣ ಸಾಮರ್ಥ್ಯವನ್ನು ಹೊಂದಿರುತ್ತಾರೆ. ಇದರಿಂದ ಆಗಾಗ್ಗೆ ಅವರು ಖಿನ್ನತೆಗೆ ಒಳಗಾಗುತ್ತಾರೆ. ಮತ್ತು ಅವರು ಅಸಮಾಧಾನಗೊಂಡಾಗ ಎಲ್ಲರಿಂದ ದೂರವಿರುತ್ತಾರೆ. ಅವರು ತಮ್ಮ ಭಾವನೆಗಳನ್ನು ಮರೆಮಾಚುವ ಸಾಮರ್ಥ್ಯ ಹೊಂದಿದ್ದರೂ ಸಹ, ಸಂಗಾತಿ ಅಥವಾ ಸ್ನೇಹಿತರಂತಹ ತೀರ ಹತ್ತಿರದವರ ಬಳಿ ಯಾವ ವಿಷಯಗಳನ್ನು ಮುಚ್ಚಿಡದೆ ಹಂಚಿಕೊಳ್ಳುತ್ತಾರೆ.

ಈ 4 ರಾಶಿಯವರಿಗೆ ಭಾರೀ ಸಂಕಷ್ಟ ಸಾಧ್ಯತೆ, ಪರಿಹಾರ ಇಲ್ಲಿದೆ ನೋಡಿ! ...

ಮುನ್ನೆಚ್ಚರಿಕೆ

ಇಂತಹ ವ್ಯಕ್ತಿಗಳು, ಜೀವನದಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಎಚ್ಚರಿಕೆಯಿಂದ ಯೋಚಿಸುತ್ತಾರೆ, ಏಕೆಂದರೆ ಅದು ಅವರ ಮೇಲೆ ಯಾವುದೇ ರೀತಿಯಲ್ಲಿ ಕೆಟ್ಟ ಪರಿಣಾಮ ಬೀರಬಾರದು ಎಂಬುದು ಅವರ ಉದ್ದೇಶವಾಗಿರುತ್ತದೆ. ಎ, ಅ ಅಕ್ಷರವು ಉತ್ಸಾಹ ಮತ್ತು ಆತ್ಮೀಯತೆಯನ್ನು ಸಹ ಸಂಕೇತಿಸುತ್ತದೆ. ಅಂತಹ ವ್ಯಕ್ತಿಗಳು ತಮ್ಮ ಸಂಗಾತಿಯೊಂದಿಗೆ ಆತ್ಮೀಯರಾಗಲು ಇಷ್ಟಪಡುತ್ತಾರೆ ಮತ್ತು ಆದ್ದರಿಂದ, ಅವರ ಸಂಬಂಧವನ್ನು ಹೆಮ್ಮೆಯಿಂದ ಹೆಗಲ ಮೇಲೆ ಹೊತ್ತುಕೊಳ್ಳುತ್ತಾರೆ.

ಉದ್ಯೋಗ

ಇಂತಹ ಹೆಸರಿನ ವ್ಯಕ್ತಿಗಳು ಹಣಕ್ಕೆ ಸಹ ಪ್ರಾಮುಖ್ಯತೆ ನೀಡುತ್ತಾರೆ ಮತ್ತು ಇಂತಹವರು ಉದ್ಯಮ, ರಾಜಕಾರಣ, ಮತ್ತು ಕಲಾವಿದರಾಗಿ ಯಶಸ್ಸು ಪಡೆಯುತ್ತಾರೆ. ಆರ್ಥಿಕ ಸೌಕರ್ಯವು ಅವರಿಗೆ ಬಹಳಷ್ಟು ಅರ್ಥವನ್ನು ನೀಡುತ್ತದೆ. ನಿಮ್ಮ ಮಗುವಿಗೆ ನೀವು ಎ, ಅ, ಆ‌ ಅಕ್ಷರದಿಂದ ಹೆಸರಿಡಲು ನೀವು ನಿರ್ಧರಿಸಿದರೆ, ಮುಂದೆ. ನಿಮ್ಮ ಮಗು ನಿಮಗೆ ಪ್ರೀತಿ, ಖ್ಯಾತಿ ಮತ್ತು ಸಂತೋಷವನ್ನು ತರುತ್ತದೆ. ಆದರೆ ಅದೇ ಸಮಯದಲ್ಲಿ, ಕೋಪದ ಸಮಸ್ಯೆಗಳಿಗೆ ಗುರಿಯಾಗುವ ಕಠಿಣ ಮಗುವಿನೊಂದಿಗೆ ಸಹ ನೀವು ವ್ಯವಹರಿಸಬೇಕಾದರೂ, ನಿಮ್ಮ ಮಗು ಯಶಸ್ಸನ್ನು ಅನುಭವಿಸುತ್ತದೆ, ಮತ್ತು ಉತ್ತಮ ಮಟ್ಟವನ್ನು ಕಂಡುಕೊಳ್ಳಲು ಸಹಾಯ ಮಾಡುವ ಪ್ರತಿಭಾನ್ವಿತ ವ್ಯಕ್ತಿಗಳಿಂದ ಸುತ್ತುವರಿಯಲ್ಪಡುತ್ತದೆ. ಇವರು ಜೀವನದಲ್ಲಿ ಸಮತೋಲನವನ್ನು ಕಂಡುಕೊಳ್ಳಲು ಹೆಣಗಾಡುತ್ತಾರೆ ಮತ್ತು ಆಗಾಗ್ಗೆ ಹೆಣಗಾಡಲೇಬೇಕಾಗುವುದು.