ಆಸ್ಕರ್ ಸ್ಪರ್ಧೆಗೆ ’ವಿಲೇಜ್ ರಾಕ್ಸ್ಟಾರ್ಸ್’ ಆಯ್ಕೆ
ಸಾರಾಂಶ
ಮುಂದಿನ ವರ್ಷದ ಆಸ್ಕರ್ ಪ್ರಶಸ್ತಿ ಸ್ಪರ್ಧೆಗೆ ಭಾರತವನ್ನು ಪ್ರತಿನಿಧಿಸಲು ರೀಮಾ ದಾಸ್ರ ರಾಷ್ಟ್ರ ಪ್ರಶಸ್ತಿ ವಿಜೇತ ಅಸ್ಸಾಮಿ ಚಿತ್ರ ‘ವಿಲೇಜ್ ರಾಕ್ಸ್ಟಾರ್ಸ್’ ಆಯ್ಕೆಯಾಗಿದೆ.
ಮುಂಬೈ (ಸೆ. 23): ಮುಂದಿನ ವರ್ಷದ ಆಸ್ಕರ್ ಪ್ರಶಸ್ತಿ ಸ್ಪರ್ಧೆಗೆ ಭಾರತವನ್ನು ಪ್ರತಿನಿಧಿಸಲು ರೀಮಾ ದಾಸ್ರ ರಾಷ್ಟ್ರ ಪ್ರಶಸ್ತಿ ವಿಜೇತ ಅಸ್ಸಾಮಿ ಚಿತ್ರ ‘ವಿಲೇಜ್ ರಾಕ್ಸ್ಟಾರ್ಸ್’ ಆಯ್ಕೆಯಾಗಿದೆ.
ಫಿಲಂ ಫೆಡರೇಶನ್ ಆಫ್ ಇಂಡಿಯಾದ ಆಸ್ಕರ್ ಪ್ರಶಸ್ತಿ ಆಯ್ಕೆ ಸಮಿತಿ ಅಧ್ಯಕ್ಷ ಎಸ್.ವಿ. ರಾಜೇಂದ್ರ ಸಿಂಗ್ ಬಾಬು ಈ ವಿಷಯ ಶನಿವಾರ ಪ್ರಕಟಿಸಿದ್ದಾರೆ. 91 ನೇ ಅಕಾಡೆಮಿ ಪುರಸ್ಕಾರದ ಅತ್ಯುತ್ತಮ ವಿದೇಶಿ ಭಾಷಾ ವಿಭಾಗಕ್ಕೆ ಭಾರತದ ಪರವಾಗಿ ‘ವಿಲೇಜ್ ರಾಕ್ಸ್ಟಾರ್ಸ್’ ಪೈಪೋಟಿ ನೀಡಲಿದೆ. ಅಸ್ಸಾಮಿ ಚಿತ್ರವೊಂದಕ್ಕೆ ಇದೇ ಮೊದಲ ಬಾರಿ ಇಂತಹ ಮಾನ್ಯತೆ ಸಿಕ್ಕಿದೆ.
ಚಿತ್ರಕತೆ:
ಬಡತನದಲ್ಲಿ ಹುಟ್ಟಿದ ಧುನು ಎಂಬ ಬಾಲಕಿಯು ರಾಕ್ ಬ್ಯಾಂಡ್ ತಂಡ ಕಟ್ಟಬೇಕು, ಗಿಟಾರ್ ಹೊಂದಬೇಕು ಎಂಬ ತನ್ನ ಕನಸನ್ನು ನನಸಾಗಿಸಲು ಪಡುವ ಪರಿಪಾಟಲು ಚಿತ್ರಕತೆಯ ಸಾರ. ಬಾಲನಟಿ ಭನಿತಾ ದಾಸ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾಳೆ. ಚಿತ್ರ 2017 ರ ಟೊರೊಂಟೊ ಇಂಟರ್ನ್ಯಾಶನಲ್ ಫಿಲಂ ಫೆಸ್ಟಿವಲ್ನಲ್ಲಿ ಪ್ರದರ್ಶನ ಕಂಡಿತ್ತು. ಅಲ್ಲದೆ, 70 ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಮತ್ತು ರಾಷ್ಟ್ರೀಯ ಚಿತ್ರೋತ್ಸವಗಳಲ್ಲಿ ‘ವಿಲೇಜ್ ರಾಕ್ಸ್ಟಾರ್ಸ್’ ಮೆಚ್ಚುಗೆಗೆ ಪಾತ್ರವಾಗಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.