‘ವೀರ ಮಹಾದೇವಿ’ ಎಂಬ ಕನ್ನಡ ಹೆಸರಿನ ಪೋಸ್ಟರ್‌ಗಳನ್ನು ನೀವು ಅಲ್ಲಲ್ಲಿ ನೋಡಿರುತ್ತೀರಿ. ನೋಡಿ ಅಚ್ಚರಿಯೂ ಆಗುತ್ತೀರಿ. ಅದಕ್ಕೆ ಕಾರಣ ಪೋಸ್ಟರ್‌ಗಳಲ್ಲಿ ಕಾಣಿಸಿಕೊಂಡಿರುವ ಸನ್ನಿ ಲಿಯೋನ್.
‘ವೀರ ಮಹಾದೇವಿ’ ಎಂಬ ಕನ್ನಡ ಹೆಸರಿನ ಪೋಸ್ಟರ್‌ಗಳನ್ನು ನೀವು ಅಲ್ಲಲ್ಲಿ ನೋಡಿರುತ್ತೀರಿ. ನೋಡಿ ಅಚ್ಚರಿಯೂ ಆಗುತ್ತೀರಿ. ಅದಕ್ಕೆ ಕಾರಣ ಪೋಸ್ಟರ್‌ಗಳಲ್ಲಿ ಕಾಣಿಸಿಕೊಂಡಿರುವ ಸನ್ನಿ ಲಿಯೋನ್.
ಆಧುನಿಕ ದಿರಿಸುಗಳಲ್ಲೇ ಕಾಣಿಸಿಕೊಳ್ಳುತ್ತಿದ್ದ ಸನ್ನಿ ಲಿಯೋನ್ ಈ ಸಲ ಮಾತ್ರ ಯುದ್ಧ ಭೂಮಿಯಲ್ಲಿ ಖಡ್ಗ ಹಿಡಿದುಕೊಂಡಿದ್ದಾರೆ. ನೋಡಿದವರನೇಕರು ಇದು ಡಬ್ಬಿಂಗ್ ಸಿನಿಮಾ ಅಂದುಕೊಂಡಿದ್ದರು. ಆದರೆ ಇದು ಬೇರೆ ಯಾವುದೋ ಭಾಷೆಯಿಂದ ಡಬ್ ಆಗುತ್ತಿರುವ ಸಿನಿಮಾ ಅಲ್ಲ. ಕನ್ನಡ ಸೇರಿದಂತೆ ಏಕಕಾಲಕ್ಕೆ ಐದು ಭಾಷೆಗಳಲ್ಲಿ ತಯಾರಾಗುತ್ತಿರುವ ಸಿನಿಮಾ. ಸದ್ಯಕ್ಕೆ ಶೂಟಿಂಗ್ ಹಂತದಲ್ಲಿರುವ ಈ ಚಿತ್ರಕ್ಕೆ ಬೆಂಗಳೂರು, ಮೈಸೂರು ಸೇರಿದಂತೆ ಉತ್ತರ ಕರ್ನಾಟಕದ ಕೆಲ ಭಾಗಗಳಲ್ಲಿ ಚಿತ್ರೀಕರಣ ನಡೆಯಲಿದೆ.
100 ಕೋಟಿ ರೂಪಾಯಿ ವೆಚ್ಚದಲ್ಲಿ ಸಿದ್ದವಾಗುತ್ತಿರುವ ಈ ಐತಿಹಾಸಿಕ ನೆರಳಿನ ಚಿತ್ರಕ್ಕೆ ಸಿ ವಡಿವುದೈಯನ್ ಎಂಬುವವರು ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಪೋಸ್ಸೇ ಸ್ಟೀಫನ್ ನಿರ್ಮಾಣ ಮಾಡುತ್ತಿದ್ದಾರೆ. 150 ದಿವಸಗಳ ಚಿತ್ರೀಕರಣ ನಡೆಯಲಿದೆ. ವೀರ ಮಹಾದೇವಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಸನ್ನಿ ಲಿಯೋನ್ ಲುಕ್ ಈಗಾಗಲೇ ಬಿಡುಗಡೆಯಾಗಿದೆ.
ಕನ್ನಡ, ತೆಲುಗು, ಮಲಯಾಳಂ, ತಮಿಳು ಹಾಗೂ ಹಿಂದಿ ಭಾಷೆಯಲ್ಲಿ ಈ ಚಿತ್ರವನ್ನು ನಿರ್ಮಾಣ ಮಾಡಲಾಗುತ್ತಿದೆ. ಎಲ್ಲಾ ಭಾಷೆಗೂ ಸಲ್ಲುವಂತಹ ಕಲಾವಿದರನ್ನು ಆಯ್ಕೆ ಮಾಡಿಕೊಳ್ಳಲಾಗುತ್ತಿದೆ. ಈ ಚಿತ್ರದ ಯುದ್ಧ ಸನ್ನಿವೇಶಗಳಿಗೆ ಆಂಧ್ರ ಪ್ರದೇಶ, ಕೇರಳ, ತಮಿಳುನಾಡು ರಾಜ್ಯಗಳಿಂದ ಕುದುರೆ ಹಾಗೂ ಆನೆಳನ್ನು ತರಿಸಿ ಚಿತ್ರೀಕರಣ ಮಾಡಲಾಗುವುದು ಎಂದು ಮೂಲಗಳು ಹೇಳಿವೆ. ಕೇರಳ ರಾಜ್ಯದ ಕಾಡುಗಳಲ್ಲಿ ಚಿತ್ರೀಕರಣ ನಡೆಯಲಿದೆ.