'ಸನ್ನಿ'ಗೆ ಅಭಿನಂದನೆ ಸಲ್ಲಿಸಿದ ಸುದೀಪ್
ಸಾರಾಂಶ
ಅಮೆರಿಕಾದ ನ್ಯೂಯಾರ್ಕ್'ನಲ್ಲಿ ಆಕಾಡೆಮಿಕ್ ಆಗಿ ಸಿನಿಮಾ ಅಧ್ಯಯನ ಮಾಡುತ್ತಿರುವ ಸಂಚಿತ್
ಸ್ಯಾಂಡಲ್'ವುಡ್ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್ ತಮ್ಮ ಪ್ರೀತಿಯ 'ಸನ್ನಿ'ಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಸುದೀಪ್ ಅವರ ಸೋದರಿ ಸುಜಾತ ಅವರ ಪುತ್ರ ಸಂಚಿತ್ ಇತ್ತೀಚಿಗಷ್ಟೆ 'ಒಂದಾನೊಂದು ದಿನ' ಎಂಬ ಕಿರು ಚಿತ್ರ ನಿರ್ದೇಶಿಸಿ ಯೂಟ್ಯೂಬ್'ನಲ್ಲಿ ಬಿಡುಗಡೆ ಮಾಡಿದ್ದರು.
ಈ ಕಿರುಚಿತ್ರವನ್ನು ಕೆಲವೇ ದಿನಗಳಲ್ಲಿ 50 ಸಾವಿರ ಮಂದಿ ವೀಕ್ಷಿಸಿದ್ದಾರೆ. ಕಡಿಮೆ ಅವಧಿಯಲ್ಲಿ ಇಷ್ಟು ಜನ ವೀಕ್ಷಿಸಿರುವುದಕ್ಕೆ ಸೋದರ ಮಾವ ಸುದೀಪ್ ಅವರು ಸಂಚಿತ್ ಸಾಧನೆಯ ಬಗ್ಗೆ ಟ್ವಿಟರ್'ನಲ್ಲಿ ಅಭಿನಂದಿಸಿದ್ದಾರೆ. ಅಮೆರಿಕಾದ ನ್ಯೂಯಾರ್ಕ್'ನಲ್ಲಿ ಆಕಾಡೆಮಿಕ್ ಆಗಿ ಸಿನಿಮಾ ಅಧ್ಯಯನ ಮಾಡುತ್ತಿರುವ ಸಂಚಿತ್ ತಮ್ಮ ಅಧ್ಯಯನದ ಭಾಗವಾಗಿ 'ಒಂದಾನೊಂದು ದಿನ' ಎಂಬ ಕಿರುಚಿತ್ರ ನಿರ್ದೇಶಿಸಿದ್ದಾರೆ.
ತಾಯಿ ಮತ್ತು ಮಗಳ ಕಥಾಹಂದರ ಹೊಂದಿರುವ ಈ ಸಿನಿಮಾದಲ್ಲಿ ನಟಿಯರಾದ ಶ್ರದ್ದಾ ಶ್ರೀನಾಥ್ ಹಾಗೂ ಸುಧಾ ಬೆಳವಾಡಿ ನಟಿಸಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.