ಸಿನಿಮಾ ರಿಲೀಸ್ ದಿನವೇ ಮೊಬೈಲ್‌ನಲ್ಲಿ ನೋಡಲು ಇಲ್ಲಿದೆ ಆ್ಯಪ್!

ಕರ್ನಾ​ಟ​ಕ​ದಲ್ಲಿ ಕನ್ನಡ ಸಿನಿ​ಮಾ​ಗ​ಳಿಗೆ ಚಿತ್ರ​ಮಂದಿ​ರ​ಗಳು ಸಿಗು​ತ್ತಿಲ್ಲ ಎಂಬುದು ಅನಾದಿ ಕಾಲ​ದಿಂದಲೂ ಕೇಳಿ​ಬ​ರು​ತ್ತಿ​ರುವ ಬಹು ಪುರಾ​ತನ ಸಮಸ್ಯೆ ಮತ್ತು ಪ್ರಶ್ನೆ. ಹೊಸ​ಬರು ಮಾಡಿ​ದ ಹಾಗೂ ಕಡಿಮೆ ಬಜೆಟ್‌ ಸಿನಿ​ಮಾ​ಗಳನ್ನು ಹೇಗೆ ಪ್ರೇಕ್ಷ​ಕ​ರಿಗೆ ತಲು​ಪಿ​ಸ​ಬೇಕು ಎಂಬು​ದರ ಬಗ್ಗೆ ಚಿತ್ರೋ​ದ್ಯಮ ಗಮ​ನ ಕೊಡು​ತ್ತಿಲ್ಲ ಎಂಬುದು ಚಿತ್ರ​ಮಂದಿ​ರ​ಗಳ ವಂಚಿತ ಸಿನಿ​ಮಾ ನಿರ್ಮಾ​ಪ​ಕ​ರು​ಗ​ಳ ಅರೋಪ. ಆದರೆ, ಈ ಎಲ್ಲ​ದರ ನಡುವೆ ಕನ್ನಡ ಸಿನಿ​ಮಾ​ಗ​ಳಿಗೆ ಥಿಯೇ​ಟ​ರ್‌​ಗಳ ಹೊರ​ತಾ​ಗಿಯೂ ಸಾಕಷ್ಟುದಾರಿ​ಗಳು, ವೇದಿ​ಕೆ​ಗಳು ಹುಟ್ಟಿ​ಕೊ​ಳ್ಳು​ತ್ತಿವೆ. ಅಲ್ಲಿ ತಮ್ಮ ಪ್ರದ​ರ್ಶ​ನದ ತಾಕತ್ತು ತೋರಿ​ಸು​ತ್ತಿ​ವೆ. ಈ ಪೈಕಿ ಡಿಜಿ​ಟಲ್‌ ಮಾರು​ಕಟ್ಟೆಕೂಡ ಒಂದು. ಈಗ ಕನ್ನಡ ಚಿತ್ರ​ಗ​ಳಿ​ಗಾ​ಗಿಯೇ ಒಂದು ಬಾರ್‌​ಕೋಡ್‌ ಆ್ಯಪ್‌ ತಂದಿ​ದ್ದಾರೆ ಒಗ್ಗ​ರಣೆ ಡಬ್ಬಿ ಕಾರ್ಯ​ಕ್ರ​ಮದ ರೂವಾರಿ ಮುರಳಿ.

ಈ ಬಾರ್‌​ಕೋಡ್‌ ಆ್ಯಪ್‌ ಮೂಲಕ ನೇರ​ವಾಗಿ ನಿಮ್ಮ ನೆಚ್ಚಿನ ಹೊಸ ಸಿನಿ​ಮಾ​ಗ​ಳನ್ನು ಬಿಡು​ಗ​ಡೆ ದಿನವೇ ಮೊಬೈ​ಲ್‌​ಗ​ಳಲ್ಲಿ ನೋಡ​ಬ​ಹುದು. ಮೊದಲು ಪ್ಲೇ ಸ್ಟೋರಿನಲ್ಲಿ ಕ್ಯೂಸ್ಟಾರ್‌ ಎನ್ನುವ ಆ್ಯಪ್‌ ಡೌನ್‌​ಲೋಡ್‌ ಮಾಡಿ​ಕೊಳ್ಳಿ. ಅದಾದ ಮೇಲೆ ಇದಕ್ಕೆ 120 ರುಪಾಯಿ ಕೊಟ್ಟು ನೋಂದಣಿ ಮಾಡಿ​ಸಿ​ಕೊಳ್ಳಿ. ಹಾಗೆ ಮಾಡಿ​ಸಿ​ಕೊಂಡ ಮೇಲೆ ನಿಮ​ಗೊಂದು ಬಾರ್‌​ಕೋಡ್‌ ಸಿಗು​ತ್ತದೆ. ಅದ​ರಿಂದ ನೀವು ಸ್ಕಾ್ಯನ್‌ ಮಾಡಿ​ದರೆ ಕನ್ನಡ ಚಿತ್ರ​ಗಳನ್ನು ವೀಕ್ಷಣೆ ಮಾಡ​ಬ​ಹುದು. ಹಾಗಂತ ಇದು ಹಳೆಯ ಸ್ಟಾಕ್‌ ಸಿನಿ​ಮಾ​ಗ​ಳಲ್ಲ. ಶುಕ್ರ​ವಾರ ಚಿತ್ರ​ಮಂದಿ​ರಕ್ಕೆ ಬರುವ ಹೊಸ ಚಿತ್ರ​ಗ​ಳನ್ನೇ ಇಲ್ಲಿ ಅಪ್‌​ಲೋಡ್‌ ಮಾಡ​ಲಾ​ಗು​ತ್ತದೆ. ಶುಕ್ರ​ವಾರ, ಶನಿ​ವಾರ, ಭಾನು​ವಾರ ಹಾಗೂ ಸೋಮ​ವಾರ ರಾತ್ರಿ 12 ಗಂಟೆ ವರೆಗೂ ಹೊಸ ಸಿನಿ​ಮಾ​ಗಳು ಈ ಆ್ಯಪ್‌​ನಲ್ಲಿ ಲಭ್ಯ ಎನ್ನುತ್ತಾರೆ ಮುರಳಿ.

ಈಗ ಒಂದು ಸಿನಿಮಾ ನೋಡ​ಬೇಕು ಎಂದರೆ ಕನಿಷ್ಟ400ರಿಂದ 500 ರುಪಾಯಿ ವೆಚ್ಚ ಮಾಡ​ಬೇಕು. ಅಷ್ಟೇ ವೆಚ್ಚದ, ಅಷ್ಟೇ ಹೊಸ ಸಿನಿ​ವæäಂದು ಕೇವಲ 30 ರುಪಾ​ಯಿಗೆ ನಮ್ಮ ಆ್ಯಪ್‌​ನಲ್ಲಿ ಸಿಗು​ತ್ತದೆ. ಈ ಆ್ಯಪ್‌​ನಲ್ಲಿ 5ಲಕ್ಷಕ್ಕೂ ಹೆಚ್ಚು ಚಂದ​ದಾ​ರರು ಇದ್ದಾರೆ. ಒಂದು ಚಿತ್ರ​ದಿಂದ ಬರುವ 30 ರುಪಾ​ಯಿ​ನ​ಲ್ಲಿ 15 ರುಪಾಯಿ ನಿರ್ಮಾ​ಪ​ಕ​ರಿಗೆ ನೀಡ​ಲಾ​ಗು​ವುದು. ನಾಲ್ಕು ದಿನ ನಾಲ್ಕು ಶೋ ಪ್ರದ​ರ್ಶ​ನದ ಹಕ್ಕು​ಗ​ಳನ್ನು ನಾನು ಪಡೆ​ದು​ಕೊ​ಳ್ಳು​ತ್ತೇನೆ. ಮೇ.1 ರಿಂದ ಈ ಹೊಸ ಆ್ಯಪ್‌ ಜಾರಿ​ಯಾ​ಗ​ಲಿದೆ. - ಒಗ್ಗರಣೆಣಿ ಡಬ್ಬಿ ಮುರ​ಳಿ

ಒಮ್ಮೆ ಬಾರ್‌​ಕೋಡ್‌ ಸ್ಕಾ್ಯನ್‌ ಮಾಡಿ​ಕೊಂಡ ಮೇಲೆ ನಾಲ್ಕು ದಿನ ಒಂದು ಚಿತ್ರ​ವನ್ನು ಎಷ್ಟುಬಾರಿ​ಯಾ​ದರೂ ನೋಡ​ಬ​ಹುದು. ಆದರೆ, ಎಷ್ಟುಸಲ​ವಾ​ದರೂ ನೋಡ​ಬ​ಹು​ದಾದ ಒಂದು ಚಿತ್ರಕ್ಕೆ ಮೂವತ್ತು ರುಪಾಯಿ ನೀಡ​ಬೇಕು. ಈ ಆ್ಯಪ್‌​ನಲ್ಲಿ ಹೀಗೆ ತಿಂಗ​ಳಿಗೆ ನಾಲ್ಕು ಸಿನಿ​ಮಾ​ಗ​ಳನ್ನು ನೋಡ​ಬ​ಹು​ದಾ​ಗಿದೆ. ಮುಂದಿನ ತಿಂಗಳು ಮೇ 1ರಿಂದ ಈ ಕ್ಯೂಸ್ಟಾರ್‌ ಆ್ಯಪ್‌ ಜಾರಿಗೆ ಬರ​ಲಿದೆ. ಚಿತ್ರ​ಮಂದಿ​ರಕ್ಕೆ ಹೋಗಿಯೇ ಹೊಸ ಸಿನಿ​ಮಾ​ಗ​ಳನ್ನು ನೋಡುವ ಬದಲು 30 ರುಪಾಯಿ ಕೊಟ್ಟರೆ ನಿಮ್ಮ ಮೊಬೈ​ಲ್‌​ನಲ್ಲೇ ನೋಡ​ಬ​ಹುದು.