Saptami Gowda B'day: ಕಾಂತಾರ ಬೆಡಗಿಗೆ ವಯಸ್ಸೆಷ್ಟು? ಸಂಭಾವನೆ ಜೊತೆ ಬಾಯ್​ಫ್ರೆಂಡ್​ ವಿಷ್ಯವೂ ರಿವೀಲ್​!

ಕಾಂತಾರ ಬೆಡಗಿ ಸಪ್ತಮಿ ಗೌಡ ಅವರ ಹುಟ್ಟುಹಬ್ಬವಿಂದು. ನಟಿಗೆ ವಯಸ್ಸೆಷ್ಟು? ಅವರ ಸಂಭಾವನೆ ಏರಿಕೆ ಆಗಿದ್ಯಾ? ಬಾಯ್​ಫ್ರೆಂಡ್​ ಯಾರು? ಇಲ್ಲಿದೆ ಫುಲ್ ಡಿಟೇಲ್ಸ್​

ಕಾಂತಾರ ಸಿನಿಮಾ ಬಳಿಕ ನಟಿ ಸಪ್ತಮಿ ಗೌಡ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಇವರಿಗೆ ಬೇರೆ ಬೇರೆ ಭಾಷೆಗಳಿಂದಲೂ ಡಿಮಾಂಡ್​ ಹೆಚ್ಚಾಗಿದೆ. ಸದ್ಯ ನಟಿ ತೆಲುಗಿನ “ತಮ್ಮುಡು' ಚಿತ್ರದಲ್ಲಿ ನಟಿಸಿದ್ದು, ಈ ಚಿತ್ರ ಜುಲೈ 4ರಂದು ತೆರೆಗೆ ಬರುತ್ತಿದೆ. ಇತ್ತೀಚೆಗೆ ಚಿತ್ರದ ಟೀಸರ್‌ ಬಿಡುಗಡೆಯಾಗಿದ್ದು, ಸಪ್ತಮಿ ಗೆಟಪ್‌ ಗಮನ ಸೆಳೆಯುತ್ತಿದೆ. ಅಷ್ಟಕ್ಕೂ, ಕಾಂತಾರ ಚೆಲುವೆಯನ್ನು 'ಕಾಂತಾರ: ಚಾಪ್ಟರ್‌ 1' ನಲ್ಲಿಯೂ ಎಂದುಕೊಂಡಿದ್ದ ಅಭಿಮಾನಿಗಳಿಗೆ ಸಪ್ತಮಿ ನಿರಾಸೆ ಮೂಡಿಸಿದ್ದಾರೆ. ಇದಕ್ಕೆ ಕಾರಣ, ಇದರಲ್ಲಿ ಸಪ್ತಮಿ ಇರಲ್ಲ ಎನ್ನುವುದು. ಈ ಬಗ್ಗೆ ಹಿಂದೊಮ್ಮೆ ಹೇಳಿದ್ದ ನಟಿ, ಈಗ ಬರುತ್ತಿರುವುದು ಇದಾಗಲೇ ರಿಲೀಸ್​ ಆಗಿರುವ ಕಾಂತಾರದ ಮೊದಲ ಭಾಗ. ಇದರಲ್ಲಿ ಲೀಲಾ ಪಾತ್ರ ಅಂದರೆ ಸಪ್ತಮಿ ಗೌಡ ಪಾತ್ರವೇ ಇರುವುದಿಲ್ಲ. ಆದ್ದರಿಂದ ನಾನು ಇದರಲ್ಲಿ ಹೇಗೆ ನಟಿಸಲಿ ಎಂದು ನಟಿ ಪ್ರಶ್ನಿಸುವ ಮೂಲಕ ಈ ಚಿತ್ರದಲ್ಲಿ ತಾವು ಇರುವುದಿಲ್ಲ ಎಂದಿದ್ದರು.

ಇಂತಿಪ್ಪ ನಟಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಅಂದಹಾಗೆ ಇವತ್ತು ಸಪ್ತಮಿ ಗೌಡ ಅವರು ಹುಟ್ಟಿದ್ದು ಗೂಗಲ್​ ದಾಖಲೆಯ ಪ್ರಕಾರ 1996ರ ಜೂನ್​ 8. ಅಂದರೆ ಅವರಿಗೆ ಈಗ 29 ವರ್ಷ ವಯಸ್ಸು. ಹಿಂದೊಮ್ಮೆ ನಟಿ ತಮ್ಮ ಜೀವನದ ಕೆಲವೊಂದು ವಿಷಯಗಳನ್ನು ಬಹಿರಂಗಪಡಿಸಿದ್ದರು. ಅದೇ ವೇಳೆ, ಕಾಂತಾರದ ಬಳಿಕ ಸಂಭಾವನೆ ಹೆಚ್ಚಾಯ್ತಾ ಎನ್ನುವ ಪ್ರಶ್ನೆಗೂ ಉತ್ತರಿಸಿದ್ದರು. ತಮ್ಮ ತಂದೆ ಪೊಲೀಸ್​ ಅಧಿಕಾರಿಯಾಗಿದ್ದವರು. ಅವರೇ ನನಗೆ ಎಲ್ಲಾ ಎಂದಿದ್ದ ನಟಿ, ಅಪ್ಪನಿಗೆ ಹೇಳದೇ ಏನೂ ಕೆಲಸ ಮಾಡ್ತಿರಲಿಲ್ಲ. ರಾತ್ರಿ ಕದ್ದು ಮುಚ್ಚಿ ಎಲ್ಲೂ ಹೋಗಿಲ್ಲ. ಸ್ಕೂಲ್​-ಕಾಲೇಜಿನ ಪರೀಕ್ಷೆಯಲ್ಲಿ ಕಾಪಿ ಅಂತೂ ಮಾಡೇ ಇಲ್ಲ. ಕಾಲೇಜಿಗೆ ಬಂಕ್​ ಮಾಡಿದ್ದೇನೆ ಆದ್ರೆ ಆವಾಗ್ಲೂ ಮನೆಯಲ್ಲಿ ಹೇಳಿದ್ದೆ. ದುಡ್ಡಂತೂ ಕದ್ದೇ ಇಲ್ಲ ಎಂದೆಲ್ಲಾ ಹೇಳಿದ್ದರು.

ಕೊನೆಗೆ ಸಂಭಾವನೆಯ ವಿಷಯದ ಕುರಿತು ಪ್ರಶ್ನೆ ಕೇಳಲಾಗಿತ್ತು. ಸಾಮಾನ್ಯವಾಗಿ ಚಿತ್ರ ತಾರೆಯರು ಒಂದು ಹಿಟ್​ ಚಿತ್ರ ಕೊಟ್ಟರೆ, ಸಹಜ ಎಂಬಂತೆ ಅವರ ಸಂಭಾವನೆ ಕೂಡ ಹೆಚ್ಚಾಗುತ್ತದೆ. ಅದರಂತೆಯೇ, ಕಾಂತಾರದ ಯಶಸ್ಸಿನ ಬಳಿಕ ಸಿನಿಮಾಕ್ಕೆ ಪಡೆಯುವ ಸಂಭಾವನೆ ಎಷ್ಟು ಪಟ್ಟು ಜಾಸ್ತಿ ಆಗಿದೆ ಎಂಬ ಪ್ರಶ್ನೆಯನ್ನು ನಟಿಯ ಮುಂದಿಟ್ಟಾಗ, ​ಕಾಂತಾರ ಚಿತ್ರದ ಪ್ರೊಡಕ್ಷನ್​ ಮಾಡಿದವರೇ ಎರಡನೆಯ ಚಿತ್ರದ ಪ್ರೊಡಕ್ಷನ್​ ಕೂಡ ಮಾಡಿದ್ರು​. ಸೋ ನಾನು ಮೊದಲ ಚಿತ್ರಕ್ಕೂ ಪೇಮೆಂಟ್​ ಕೇಳಿರಲಿಲ್ಲ, ಎರಡನೆಯ ಚಿತ್ರಕ್ಕೂ ಕೇಳಿಲ್ಲ. ಆದರೆ ಅವರಾಗಿಯೇ 7-8 ಪಟ್ಟು ಜಾಸ್ತಿ ಸಂಭಾವನೆ ಕೊಟ್ಟರು ಎಂದಿದ್ದರು. ಆದರೆ ಎಷ್ಟು ಎನ್ನುವ ಬಗ್ಗೆ ಅವರು ರಿವೀಲ್​ ಮಾಡಲಿಲ್ಲ. ಕಾಂತಾರದಲ್ಲಿ ನಾನು ಒಂದೂವರೆ ಕೋಟಿ ರೂಪಾಯಿ ಸಂಭಾವನೆ ಪಡೆದೆ ಎಂದು ದೊಡ್ಡ ಮ್ಯಾಗಜೀನ್​ ಒಂದರಲ್ಲಿ ಪ್ರಕಟವಾಯ್ತು. ಅದನ್ನು ನೋಡಿ ನನಗೆ ತುಂಬಾ ಖುಷಿಯಾಯ್ತು. ಮುಂದೆ ಇಷ್ಟು ದುಡ್ಡು ಪಡೆಯುವ ಹಾಗೆ ಆಗಲಿ ಎಂದು ಮನಸ್ಸಿನಲ್ಲಿಯೇ ಅಂದುಕೊಂಡೆ ಎಂದಿದ್ದರು. ಅದರ ವಿಡಿಯೋಗಳ ಮತ್ತೆ ವೈರಲ್​ ಆಗುತ್ತಿವೆ.

ಕೆಲ ದಿನಗಳ ಹಿಂದೆ ನಟಿಗೆ ಬಾಯ್​ಫ್ರೆಂಡ್​ ಬಗ್ಗೆ ಪ್ರಶ್ನೆ ಕೇಳಲಾಗಿತ್ತು. ಅದೀಗ ಮತ್ತೆ ವೈರಲ್​ ಆಗ್ತಿದೆ. ಅದಕ್ಕೆ ನಟಿ, ಮೊದ್ಲು ಬಾಯ್​ಫ್ರೆಂಡ್​ ಇದ್ರು. ಈಗ ಇಲ್ಲ. ಆದರೆ ಹೊಸ ಅಪ್ಲಿಕೇಷನ್​ಗೆ ಅವಕಾಶವಿಲ್ಲ. ಸದ್ಯ ಸಿಕ್ಕಾಪಟ್ಟೆ ಬಿಜಿ ಇದ್ದೇನೆ, ಅದಕ್ಕೆಲ್ಲಾ ಟೈಂ ಇಲ್ಲ ಎಂದರು. ಹೊಸದಾಗಿ ಅಪ್ಲಿಕೇಷನ್​ ಹಾಕೋದಿದ್ರೆ ಬಾಯ್​ಫ್ರೆಂಡ್​ಗೆ ಏನು ಕ್ವಾಲಿಟಿ ಇರಬೇಕು ಎನ್ನುವ ಪ್ರಶ್ನೆಗೆ ಸಪ್ತಮಿ ಗೌಡ, ಆತ ಬರೀ ಬಾಯ್​ಫ್ರೆಂಡ್​ ಆಗಿದ್ರೆ ಸಾಕಾಗಲ್ಲ, ಗಂಡ ಆಗೋಕೆ ರೆಡಿ ಇರಬೇಕು. ಅವನನ್ನು ನನ್ನ ಅಪ್ಪ-ಅಮ್ಮ ಒಪ್ಪಿಕೊಳ್ಳಬೇಕು ಎಂದರು. ಹಾಗೆನೇ ನನ್ನಪ್ಪ ಯಾವಾಗ್ಲೂ ಒಂದು ಮಾತು ಹೇಳೋರು ಅದೇನೆಂದರೆ, ಹುಡುಗ ಎಷ್ಟೇ ಶ್ರೀಮಂತ ಆಗಿರಲಿ, ಆತನ ಬಳಿ ಎಷ್ಟೇ ಹಣ, ಆಸ್ತಿ ಇರಲಿ ಆತ ಸ್ವಂತ ದುಡಿಯುವ ಛಲ ಹೊಂದಿರಬೇಕು ಎಂದು. ಅದೇ ನನ್ನ ಆಸೆ ಎಂದಿದ್ದಾರೆ.