ಕೋರ್ಟ್ ಮೆಟ್ಟಿಲೇರಿದ್ದ ಜಾಹ್ನವಿ ಕಪೂರ್‌ಗೆ ಸಿಕ್ತು ಸಿಹಿ–ಕಹಿ ಮಿಕ್ಸ್‌.. 'ಫ್ಯಾನ್‌ ಪೇಜ್‌' ಫೋಟೋ ತೆಗೆಸಲ್ಲ ಎಂದ ಕೋರ್ಟ್‌, ಸಿಹಿ ಮ್ಯಾಟರ್ ಏನು?

ಜಾಹ್ನವಿ ಕಪೂರ್‌ ಅವರ ಈ ಕಾನೂನು ಹೋರಾಟವು ಇಂಟರ್ನೆಟ್ ಲೋಕದಲ್ಲಿ ಸೆಲೆಬ್ರಿಟಿಗಳ ಹಕ್ಕುಗಳು ಮತ್ತು ಅಭಿಮಾನಿಗಳ ಸ್ವಾತಂತ್ರ್ಯದ ನಡುವಿನ ತೆಳುವಾದ ಗೆರೆಯನ್ನು ಮತ್ತೊಮ್ಮೆ ಸ್ಪಷ್ಟಪಡಿಸಿದೆ. ಅಶ್ಲೀಲ ವೆಬ್‌ಸೈಟ್‌ಗಳಿಗೆ ಬೀಗ ಬಿತ್ತಾ? ಆದರೆ ನಿಜವಾಗಿ ಏನಾಯ್ತು? ನೋಡಿ..

Janhvi Kapoor court case-Janhvi Kapoor personality rights-Janhvi Kapoor image misuse-Janhvi Kapoor legal battle Result: ಜಾಹ್ನವಿ ಕಪೂರ್‌ ಬದುಕಿನಲ್ಲಿ ‘ಸಿಹಿ-ಕಹಿ’ಯ ಆಟ: ಫ್ಯಾನ್ ಪೇಜ್‌ಗಳ ಮೇಲೆ ಸುಪ್ರೀಂ ಪ್ರೀತಿ, ಅಶ್ಲೀಲತೆಗೆ ಮಾತ್ರ ಕೋರ್ಟ್ ಬ್ರೇಕ್!

ಬಾಲಿವುಡ್‌ನ ಅತಿಲೋಕ ಸುಂದರಿ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್‌ ಸದ್ಯ ಸುದ್ದಿಯಲ್ಲಿದ್ದಾರೆ. ಆದರೆ, ಇದು ಯಾವುದೇ ಹೊಸ ಸಿನಿಮಾದ ಪ್ರಚಾರಕ್ಕಲ್ಲ, ಬದಲಾಗಿ ಅವರು ತಮ್ಮ ಗೌರವ ಮತ್ತು ಖಾಸಗಿತನಕ್ಕಾಗಿ ನಡೆಸಿದ ದೊಡ್ಡ ಕಾನೂನು ಸಮರದ ಫಲಿತಾಂಶಕ್ಕಾಗಿ! ತನ್ನ ಹೆಸರನ್ನು ಮತ್ತು ಫೋಟೋಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದವರ ವಿರುದ್ಧ ಜಾಹ್ನವಿ ಕಪೂರ್‌ ತೊಡೆತಟ್ಟಿದ್ದರು. ಈ ಹೋರಾಟದಲ್ಲಿ ಜಾಹ್ನವಿ ಕಪೂರ್‌ಗೆ ಈಗ ಒಂದೆಡೆ ಜಯ ಸಿಕ್ಕಿದ್ದರೆ, ಇನ್ನೊಂದೆಡೆ ಸಣ್ಣದೊಂದು ನಿರಾಸೆಯೂ ಆಗಿದೆ. ಇದನ್ನೇ ಈಗ ‘ಸಿಹಿ-ಕಹಿ’ ಸುದ್ಧಿ ಎಂದು ಕರೆಯಲಾಗುತ್ತಿದೆ.

ಏನಿದು ಜಾಹ್ನವಿ ಕಪೂರ್‌ ‘ಪರ್ಸನಾಲಿಟಿ ರೈಟ್ಸ್’ ಸಮರ?

ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ಸೆಲೆಬ್ರಿಟಿಗಳ ಫೋಟೋಗಳನ್ನು ಎಲ್ಲೆಂದರಲ್ಲಿ ಬಳಸುವುದು ಕಾಮನ್ ಆಗಿಬಿಟ್ಟಿದೆ. ಆದರೆ, ಕೆಲವರು ಇದನ್ನು ಅತಿರೇಕಕ್ಕೆ ಒಯ್ದು, ಅಶ್ಲೀಲವಾಗಿ ಬಿಂಬಿಸುತ್ತಿದ್ದಾರೆ. ಇದನ್ನು ತಡೆಯಲು ಜಾಹ್ನವಿ ಕಪೂರ್‌ ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿ, ತಮ್ಮ 'ವೈಯಕ್ತಿಕ ಹಕ್ಕುಗಳ' (Personality Rights) ರಕ್ಷಣೆಗಾಗಿ ಅರ್ಜಿ ಸಲ್ಲಿಸಿದ್ದರು. ಈ ಅರ್ಜಿಯಲ್ಲಿ ಅವರು ಬರೋಬ್ಬರಿ 6,884 ಯುಆರ್‌ಎಲ್‌ಗಳನ್ನು (URL) ಉಲ್ಲೇಖಿಸಿ, ಇವೆಲ್ಲವನ್ನೂ ಇಂಟರ್ನೆಟ್‌ನಿಂದ ಅಳಿಸಿಹಾಕಬೇಕು ಎಂದು ಮನವಿ ಮಾಡಿದ್ದರು.

ಸಿಹಿ ಸುದ್ದಿ: ಅಶ್ಲೀಲತೆಗೆ ಬಿತ್ತು ಬ್ರೇಕ್!

ಜಾಹ್ನವಿ ಕಪೂರ್‌ ಅರ್ಜಿಯನ್ನು ಗಂಭೀರವಾಗಿ ಪರಿಗಣಿಸಿದ ನ್ಯಾಯಮೂರ್ತಿ ಅನೂಪ್‌ ಜೈರಾಮ್ ಭಂಭಾನಿ ಅವರು, ಇಂಟರ್ನೆಟ್‌ನಲ್ಲಿರುವ ಗಲೀಜನ್ನು ಸ್ವಚ್ಛಗೊಳಿಸಲು ಆದೇಶ ನೀಡಿದ್ದಾರೆ. ಪ್ರಾಥಮಿಕ ತನಿಖೆಯಲ್ಲಿ ಸುಮಾರು 552 ಲಿಂಕ್‌ಗಳು ಅತ್ಯಂತ ಅಶ್ಲೀಲ ಹಾಗೂ ಪೋರ್ನೋಗ್ರಾಫಿಕ್ ಸ್ವರೂಪದಲ್ಲಿರುವುದು ಪತ್ತೆಯಾಗಿದೆ. ಜಾಹ್ನವಿ ಕಪೂರ್‌ ಅವರ ಫೋಟೋಗಳನ್ನು ಎಡಿಟ್ ಮಾಡಿ ಕೆಟ್ಟದಾಗಿ ಪ್ರದರ್ಶಿಸುತ್ತಿದ್ದ ಈ ಎಲ್ಲಾ 552 ಪೇಜ್‌ಗಳನ್ನು ತಕ್ಷಣವೇ ಡಿಲೀಟ್ ಮಾಡುವಂತೆ ನ್ಯಾಯಾಲಯ ಕಟ್ಟುನಿಟ್ಟಿನ ಆದೇಶ ನೀಡಿದೆ. ಇದು ಜಾನ್ವಿಯ ಘನತೆಗೆ ಸಂದ ಜಯ ಎನ್ನಬಹುದು.

ಕಹಿ ಸುದ್ದಿ: ಫ್ಯಾನ್ ಪೇಜ್‌ಗಳಿಗೆ ಕೋರ್ಟ್ ಅಭಯ!

ಆದರೆ, ಜಾಹ್ನವಿ ಕಪೂರ್‌ ಅವರ ಇನ್ನೊಂದು ಬೇಡಿಕೆಗೆ ಕೋರ್ಟ್ ‘ನೋ’ ಎಂದಿದೆ. ತಮ್ಮ ಹೆಸರಿನಲ್ಲಿರುವ ಎಲ್ಲಾ ಫ್ಯಾನ್ ಪೇಜ್‌ಗಳನ್ನು ಮತ್ತು ಅವುಗಳ ಲಿಂಕ್‌ಗಳನ್ನು ಸಮಗ್ರವಾಗಿ ತೆಗೆದುಹಾಕಬೇಕು ಎಂಬ ಜಾಹ್ನವಿ ಕಪೂರ್‌ ಮನವಿಯನ್ನು ನ್ಯಾಯಾಲಯ ತಿರಸ್ಕರಿಸಿದೆ. ನ್ಯಾಯಮೂರ್ತಿಗಳು ಇಲ್ಲಿ ಒಂದು ಮಹತ್ವದ ಮಾತು ಹೇಳಿದ್ದಾರೆ: "ಯಾವುದೇ ಒಬ್ಬ ಸೆಲೆಬ್ರಿಟಿಯ ಹೆಸರಿನಲ್ಲಿ ಅಭಿಮಾನಿಗಳು ಪೇಜ್ ನಡೆಸುವುದರಲ್ಲಿ ತಪ್ಪಿಲ್ಲ. ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಯ ಫೋಟೋ ಹಾಕುವುದು, ಸಿನಿಮಾ ಬಗ್ಗೆ ಚರ್ಚಿಸುವುದು ಅಥವಾ ಟೀಕೆ-ವಿಮರ್ಶೆ ಮಾಡುವುದು ಅವರ ಹಕ್ಕು. ಕೇವಲ ಒಬ್ಬ ನಟಿಯ ಹೆಸರು ಬಳಸಿದ್ದಾರೆ ಎಂಬ ಕಾರಣಕ್ಕೆ ಸಾವಿರಾರು ಅಭಿಮಾನಿಗಳನ್ನು ಸುಖಾಸುಮ್ಮನೆ ದಂಡಿಸಲು ಸಾಧ್ಯವಿಲ್ಲ."

ಕೋರ್ಟ್ ನೀಡಿದ ಖಡಕ್ ಎಚ್ಚರಿಕೆ:

ಫ್ಯಾನ್ ಪೇಜ್‌ಗಳಿಗೆ ಕೋರ್ಟ್ ರಕ್ಷಣೆ ನೀಡಿದೆಯಾದರೂ, ಒಂದು ಲಕ್ಷ್ಮಣ ರೇಖೆಯನ್ನು ಎಳೆದಿದೆ. "ನೀವು ಅಭಿಮಾನಿಗಳಾಗಿ ಫೋಟೋ ಹಾಕಬಹುದು, ಆದರೆ ಆ ಫೋಟೋಗಳನ್ನು ಬಳಸಿ ವಾಣಿಜ್ಯ ಲಾಭ ಗಳಿಸಲು ಯತ್ನಿಸಿದರೆ ಅಥವಾ ಅಶ್ಲೀಲವಾಗಿ ಪ್ರದರ್ಶಿಸಿದರೆ ಕಾನೂನು ಕ್ರಮ ಅನಿವಾರ್ಯ" ಎಂದು ಎಚ್ಚರಿಸಿದೆ.

ಒಟ್ಟಿನಲ್ಲಿ, ಜಾಹ್ನವಿ ಕಪೂರ್‌ ಅವರ ಈ ಕಾನೂನು ಹೋರಾಟವು ಇಂಟರ್ನೆಟ್ ಲೋಕದಲ್ಲಿ ಸೆಲೆಬ್ರಿಟಿಗಳ ಹಕ್ಕುಗಳು ಮತ್ತು ಅಭಿಮಾನಿಗಳ ಸ್ವಾತಂತ್ರ್ಯದ ನಡುವಿನ ತೆಳುವಾದ ಗೆರೆಯನ್ನು ಮತ್ತೊಮ್ಮೆ ಸ್ಪಷ್ಟಪಡಿಸಿದೆ. ಅಶ್ಲೀಲ ವೆಬ್‌ಸೈಟ್‌ಗಳಿಗೆ ಬೀಗ ಬಿದ್ದಿರುವುದು ಜಾಹ್ನವಿ ಕಪೂರ್‌ಗೆ ಖುಷಿ ತಂದಿದ್ದರೆ, ಫ್ಯಾನ್ ಪೇಜ್‌ಗಳು ಎಂದಿನಂತೆ ಮುಂದುವರಿಯಲಿರುವುದು ಅಭಿಮಾನಿಗಳಲ್ಲಿ ಸಂಭ್ರಮ ತಂದಿದೆ!