'ತಾರಕ್' ಟೀಸರ್ ಇಂದು; ತಾರಕೋತ್ಸವ ನಾಳೆ
ಸಾರಾಂಶ
ದಾಸ ದರ್ಶನ್'ಗೆ ಜೋಡಿಯಾಗಿ ಶೃತಿ ಹರಿಹರನ್ ಮತ್ತು ಕಿರಿಕ್ ಹುಡುಗಿ ಶಾನ್ವಿ ಶ್ರೀವಾಸ್ತವ ನಟಿಸಿದ್ದಾರೆ. ದರ್ಶನ್ ಅವರ 49ನೇ ಸಿನಿಮಾವಾಗಿರುವ "ತಾರಕ್" ಇದೇ ಸೆಪ್ಟೆಂಬರ್ 29ರಂದು ಥಿಯೇಟರ್'ಗಳಲ್ಲಿ ರಿಲೀಸ್ ಆಗುತ್ತಿದೆ.
ಬೆಂಗಳೂರು(ಸೆ. 08): ಚಾಲೆಂಜಿಂಗ್ ಸ್ಟಾರ್ ಅಭಿನಯದ ಬಹುನಿರೀಕ್ಷೆಯ "ತಾರಕ್" ಸಿನಿಮಾದ ಟೀಸರ್ ಇಂದು ಬಿಡುಗಡೆಯಾಗುತ್ತಿದೆ. ಶುಕ್ರವಾರ ಸಂಜೆ 5ಗಂಟೆಯಿಂದ ತಾರಕ್'ನ ಪ್ರಪ್ರಥಮ ಟ್ರೇಲರ್ ಯೂಟ್ಯೂಬ್'ನಲ್ಲಿ ಸಿಗಲಿದೆ. ದುಷ್ಯಂತ್ ನಿರ್ಮಿಸಿರುವ ಹಾಗೂ ಮಿಲನ ಪ್ರಕಾಶ್ ನಿರ್ದೇಶಿಸಿರುವ "ತಾರಕ್" ಸಿನಿಮಾ ಈ ವರ್ಷದ ಮೆಗಾ ಸಿನಿಮಾಗಳಲ್ಲೊಂದು. ಅರ್ಜುನ್ ಜನ್ಯಾ ಕಂಪೋಸ್ ಮಾಡಿರುವ ಎಲ್ಲಾ 6 ಹಾಡುಗಳೂ ಜನಪ್ರಿಯವಾಗಿವೆ. ವ್ಯಾಸರಾಜ್ ಸೋಸಲೆ ಹಾಡಿರುವ "ಬಾ ಬಾರೋ ಗೆಳೆಯ" ಹಾಡಂತೂ ಬಹಳಷ್ಟು ಅಭಿಮಾನಿಗಳ ಮನಸೂರೆಗೊಂಡಿದೆ.
ದಾಸ ದರ್ಶನ್'ಗೆ ಜೋಡಿಯಾಗಿ ಶೃತಿ ಹರಿಹರನ್ ಮತ್ತು ಕಿರಿಕ್ ಹುಡುಗಿ ಶಾನ್ವಿ ಶ್ರೀವಾಸ್ತವ ನಟಿಸಿದ್ದಾರೆ. ದರ್ಶನ್ ಅವರ 49ನೇ ಸಿನಿಮಾವಾಗಿರುವ "ತಾರಕ್" ಇದೇ ಸೆಪ್ಟೆಂಬರ್ 29ರಂದು ಥಿಯೇಟರ್'ಗಳಲ್ಲಿ ರಿಲೀಸ್ ಆಗುತ್ತಿದೆ.
ಮೈಸೂರಿನಲ್ಲಿ ತಾರಕೋತ್ಸವ:
ಇದೇ ವೇಳೆ, ನಾಳೆ ಶನಿವಾರ ಮೈಸೂರಿನಲ್ಲಿ "ತಾರಕೋತ್ಸವ" ಕಾರ್ಯಕ್ರಮ ನಡೆಯುತ್ತಿದೆ. ಮೈಸೂರಿನ ಮಾನಸ ಗಂಗೋತ್ರಿಯಲ್ಲಿರುವ ಸಂಸ ಬಯಲು ರಂಗಮಂದಿರದಲ್ಲಿ ಶನಿವಾರ ಸಂಜೆ 6ಗಂಟೆಯಿಂದ ತಾರಕೋತ್ಸವ ನಡೆಯಲಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್, ನಾಯಕಿರಾದ ಶ್ರುತಿ ಹರಿಹರನ್ ಮತ್ತು ಶಾನ್ವಿ ಶ್ರೀವಾಸ್ತವ ಸೇರಿದಂತೆ ಚಿತ್ರತಂಡದವರೆಲ್ಲರೂ ಈ ಭರ್ಜರಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.