ಮದುವೆ ಆಗೋ ಮನಸ್ಸಾಗಿದೆಯಂತೆ ಮೊಗ್ಗಿನ ಮನಸು ಹುಡುಗಿಗೆ; ಹುಡುಗ ಹೇಗಿರಬೇಕಂತೆ ಗೊತ್ತಾ?

ಗ್ಲಾಮರಸ್ ನಟಿ ಶುಭಾ ಪೂಂಜಾ ಕೊನೆಗೂ ಮದುವೆ ಆಗಲು ನಿರ್ಧರಿಸಿದ್ದಾರೆ. ಮೊಗ್ಗಿನ ಮನಸ್ಸಿನ ಚೆಲುವೆಗೀಗ ಚೆಂದದ ಹುಡುಗ ಬೇಕಿದೆ. ಸದ್ಯಕ್ಕೆ ಆ ಚೆಂದದ ಹುಡುಗನ ತಲಾಷ್ ನಡೆದಿದೆ.

ಬೆಂಗಳೂರು (ಡಿ.26): ಗ್ಲಾಮರಸ್ ನಟಿ ಶುಭಾ ಪೂಂಜಾ ಕೊನೆಗೂ ಮದುವೆ ಆಗಲು ನಿರ್ಧರಿಸಿದ್ದಾರೆ. ಮೊಗ್ಗಿನ ಮನಸ್ಸಿನ ಚೆಲುವೆಗೀಗ ಚೆಂದದ ಹುಡುಗ ಬೇಕಿದೆ. ಸದ್ಯಕ್ಕೆ ಆ ಚೆಂದದ ಹುಡುಗನ ತಲಾಷ್ ನಡೆದಿದೆ.

ಹೊಸ ವರ್ಷಕ್ಕೆ ಶುಭಾಗೆ ಮದುವೆ ಶುಭಯೋಗ ಕಾದಿದೆ! ಶುಭಾ ಪೂಂಜಾ ಬಗ್ಗೆ ಇಷ್ಟು ಹೇಳಿದ್ರೆ ಅದು ತಮಾಷೆಯ ಸಂಗತಿ ಅಂತಲೋ ಅಥವಾ ಅದೊಂದು ಸಿನಿಮಾದ ಸನ್ನಿವೇಶದ ಸಂಗತಿ ಅಂತಲೂ ತಾತ್ಸಾರ ಮಾಡುವವರೇ ಹೆಚ್ಚು. ಆದರೆ ಇದು ಸತ್ಯ ಸಂಗತಿ. ಶುಭ ಪೂಂಜಾ ಅವರ ನಿಜ ಮದುವೆ ವಿಚಾರ. ಹೊಸ ವರ್ಷ 2018  ಕ್ಕೆ ಅವರು ಒಂದಷ್ಟು ನಿರ್ಣಯ ತೆಗೆದುಕೊಳ್ಳುತ್ತಿದ್ದಾರೆ. ಅದರಲ್ಲಿ ಪ್ರಮುಖವಾದದ್ದು ಅವರ ಮದುವೆ ವಿಚಾರ. ಹೊಸ ವರ್ಷದಲ್ಲಿ ಅವರು ಮದುವೆ ಆಗಲೇಬೇಕು ಅಂತ ಡಿಸೈಡ್ ಮಾಡಿದ್ದಾರೆ. ಆದ್ರೆ ಮದುವೆ ಆಗುವ ಹುಡುಗ ಅವರಿಗೆ ಇನ್ನು ಸಿಕ್ಕಿಲ್ಲ. ಆತನ ಹುಡುಕಾಟ ನಡೆದಿದೆ. ತಾನು ಮದುವೆ ಆಗುವ ಹುಡುಗ ಹೇಗಿರಬೇಕು ಅನ್ನೋದನ್ನು ಅವರೇ ಹೇಳಿಕೊಂಡಿದ್ದಾರೆ. ಅವರ ಪ್ರಕಾರ ಹುಡುಗನಿಗೆ ಇರಬೇಕಾದ ಮಾನದಂಡಗಳೇನು? ಪ್ರಮುಖವಾಗಿ ಅವರು ಮುಂದಿಟ್ಟಿರುವ ಐದು ಮಾನದಂಡ ಇಲ್ಲಿದೆ ಅನ್ನೋದು ಇಲ್ಲಿದೆ ನೋಡಿ. ಅದು ಅವರೇ ಬಹಿರಂಗಪಡಿಸಿದ ಸಂಗತಿ. ಅವರು ಹೇಳುವ ಮಾನದಂಡಗಳಲ್ಲಿ ಅರ್ಹನಾದ ಹುಡುಗ ನಿಮಗೂ ಸಿಕ್ಕರೂ ಹೇಳಬಹುದು.

ಶುಭಾ ಪೂಂಜಾ ತನ್ನ ಹುಡುಗನಲ್ಲಿ ಬಯಸುವ 5 ಗುಣಗಳು

ಪ್ರಾಣಿಗಳನ್ನು ಪ್ರೀತಿಸಬೇಕು

ಹಳ್ಳಿ ಜೀವನಕ್ಕೆ ಸಿದ್ಧವಾಗಿರಬೇಕು

ಮಹತ್ವಾಕಾಂಕ್ಷೆಗಳು ಇರಬಾರದು

ಕಪ್ಪು ಬಣ್ಣ ನನಗಿಷ್ಟ, ತೀರಾ ಕಪ್ಪಗಲ್ಲದಿದ್ದರೂ ಗೋಧಿ ಬಣ್ಣದಲ್ಲಿದ್ದರೆ ಸಾಕು

ಎಲ್ಲಕ್ಕಿಂತ ಮುಖ್ಯವಾಗಿ ಒಳ್ಳೆಯ ಮನುಷ್ಯನಾಗಿರಬೇಕು