ಕಿರುತೆರೆಯ ಖ್ಯಾತ ನಟಿ ನಯನಾ ತಾಯಿಯಾಗಿದ್ದಾರೆ. ಗಣೇಶ ಚತುರ್ಥಿಗೂ ಮೊದಲೇ ಮುದ್ದು ಮುದ್ದು ಗಣೇಶ ಮನೆಗೆ ಬಂದಿದ್ದಾನೆ.
ಪುಟ್ಟಗೌರಿ, ಸತ್ಯಂ ಶಿವಂ ಸುಂದರಂ ನಟಿ ನಯನಾ ಮನೆಗೆ ಗಣೇಶ ಹಬ್ಬಕ್ಕೂ ಮೊದಲೇ ಪುಟಾಣಿ ಗಣೇಶ ಆಗಮಿಸಿದ್ದಾರೆ. ನಯನಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.
ನಯನಾ ಪತಿ ವೆಂಕಟೇಶ್ ಪ್ರಸಾದ್ ಈ ಸಂತಸವನ್ನು ಹಂಚಿಕೊಂಡಿದ್ದಾರೆ. ‘ನಮ್ಮ ಮನೆಗೆ ಪುಟಾಣಿ ಅತಿಥಿ ಆಗಮಿಸಿದ್ದಾನೆ. ನಯನಾಗೆ ನಾರ್ಮಲ್ ಹೆರಿಗೆಯಾಗಿದೆ. ಅಮ್ಮ- ಮಗು ಕ್ಷೇಮವಾಗಿದ್ದಾರೆ. ವೈದ್ಯರ ಸಲಹೆ ಮೇರೆಗೆ ನಯನಾ ಮೊಬೈಲ್ ಬಳಸುತ್ತಿಲ್ಲ. ಸದ್ಯದಲ್ಲೇ ಹಿಂತಿರುಗಲಿದ್ದಾರೆ. ನಿಮ್ಮೆಲ್ಲರ ಹಾರೈಕೆ ಧನ್ಯವಾದಗಳು’ ಎಂದಿದ್ದಾರೆ.
’ಚಿಕ್ಕಮ್ಮ’ ಧಾರಾವಾಹಿ ಮೂಲಕ ಕಿರುತೆರೆಗೆ ಕಾಲಿಟ್ಟವರು ನಯನಾ. ಆ ನಂತರ ಮನೆದೇವ್ರು, ಗಾಳಿಪಟ, ಪುಟ್ಟಗೌರಿ ಮದುವೆ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸದ್ಯಕ್ಕೆ ಬ್ರೇಕ್ ತೆಗೆದುಕೊಂಡಿದ್ದಾರೆ.