11 ಮಾರ್ಚ್ 2022, ಶುಕ್ರವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮಿಥುನಕ್ಕೆ ಸಂತೋಷಕ್ಕಾಗಿ ಹೆಚ್ಚುವ ಖರ್ಚು
ಮೇಷ(Aries): ಆಲಸ್ಯ ನಿಯಂತ್ರಿಸಿಕೊಂಡರೆ ದಿನವು ಉತ್ತಮವಾಗಿರುತ್ತದೆ. ಉದ್ಯೋಗದಲ್ಲಿ ಹೊಸ ವ್ಯಕ್ತಿಗಳ ಪರಿಚಯವಾಗುವುದು. ಕಾರ್ಯನಿಮಿತ್ತ ಪ್ರಯಾಣ ಮಾಡಬೇಕಾಗಬಹುದು. ಮನೆಯಲ್ಲಿ ಹೆಂಡತಿ ಮಕ್ಕಳ ಜೊತೆ ಕಳೆಯಲು ಸಮಯ ಸಾಲದೆ ಕಿರಿಕಿರಿಯಾಗಲಿದೆ. ಲಲಿತಾ ಸಹಸ್ರನಾಮ ಪಠಣ ಮಾಡಿ.
ವೃಷಭ(Taurus): ನಿಮ್ಮೆಲ್ಲ ಸಾಹಸಗಳಿಗೆ ಸಂಗಾತಿಯ ಒತ್ತಾಸೆ ಸಿಕ್ಕು ಸಂತಸವಾಗುವುದು. ಆಸ್ತಿ ವ್ಯವಹಾರಗಳಲ್ಲಿ ಜಯ ನಿಮ್ಮದಾಗುವುದು. ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಮಕ್ಕಳಲ್ಲಿ ಮೌಲ್ಯಗಳನ್ನು ಮೈಗೂಡಿಸುವ ಕಡೆ ಗಮನ ಹರಿಸಿ. ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ಮಿಥುನ(Gemini): ಸಂತೋಷಕ್ಕಾಗಿ ಹಾಗೂ ಮನೆಯ ಒಳಾಂಗಣ ಸೌಂದರ್ಯ ಹೆಚ್ಚಿಸಲು ಖರ್ಚು ಮಾಡುವಿರಿ. ಉದ್ಯೋಗ ಸ್ಥಳದಲ್ಲಿ ನಿಮ್ಮ ಕೆಲಸಕ್ಕೆ ಹೆಚ್ಚಿನ ಮನ್ನಣೆ ದೊರಕುವುದು. ದೈವ ಕೃಪೆ ಇರಲಿದೆ. ನಿರುದ್ಯೋಗಿಗಳಿಗೆ ಅವಕಾಶ ಒಲಿಯುತ್ತದೆ. ಮನೆ ದೇವರಿಗೆ ತುಪ್ಪದ ದೀಪ ಹಚ್ಚಿ.
ಕಟಕ(Cancer): ಮಕ್ಕಳಿಂದ ಉತ್ತಮ ಸುದ್ದಿ ಕೇಳುವ ಭಾಗ್ಯವಿದೆ. ದಾಂಪತ್ಯ ಸುಧಾರಿಸಲಿದೆ. ಹೂಡಿಕೆಯಲ್ಲಿ ಅಪಾರ ಲಾಭವಿರಲಿದೆ. ಕೋರ್ಟ್ ವ್ಯಾಜ್ಯಗಳು ನಿಮ್ಮ ಪರ ತೀರ್ಪು ನೀಡಲಿವೆ. ಯಾರಿಗೂ ಕೇಡು ಬಯಸಬೇಡಿ. ಅವಿವಾಹಿತರಿಗೆ ಸಂಬಂಧ ಅರಸಿ ಬರಲಿದೆ. ದುರ್ಗಾಷ್ಟೋತ್ತರ ಹೇಳಿಕೊಳ್ಳಿ.
ಸಿಂಹ(Leo): ಬಿಡುವಿಲ್ಲದ ದಿನ. ನಿಮ್ಮ ಆಹಾರ ಕ್ರಮಗಳ ಬಗ್ಗೆ ಹೆಚ್ಚಿನ ಜಾಗರೂಕತೆ ವಹಿಸಿದರೆ ಆರೋಗ್ಯ ಕಾಪಾಡಿಕೊಳ್ಳಬಹುದು. ಸಹೋದರರ ಸಹಕಾರ ಸಿಗದೆ ಕೋಪ ಬರುವುದು. ಮನೆಯಲ್ಲಿ ಧಾರ್ಮಿಕ ಕಾರ್ಯಗಳನ್ನು ನಡೆಸಲು ಸಿದ್ಧತೆ ಮಾಡುವಿರಿ. ಶಾರದಾಂಬೆ ಸ್ಮರಣೆ ಮಾಡಿ.
ಕನ್ಯಾ(Virgo): ಹಣದ ಹರಿವು ಚೆನ್ನಾಗಿದ್ದು, ಕೆಲ ಬಿಕ್ಕಟ್ಟುಗಳು ಶಮನವಾಗಲಿವೆ. ಮೊದಲು ಸಾಲ ಕೊಟ್ಟವರಿಗೆ ಹಣ ಹಿಂದಿರುಗಿಸಿ. ಇಲ್ಲದಿದ್ದರೆ ನೆಮ್ಮದಿ ಅಸಾಧ್ಯ. ಮಕ್ಕಳ ಕೆಲಸಗಳು ಆತಂಕಕ್ಕೆ ದೂಡುತ್ತವೆ. ವ್ಯಾಪಾರದಲ್ಲಿ ಲಾಭವಿದೆ. ಪಾಲುದಾರಿಕೆ ವ್ಯವಹಾರಗಳು ಧನಾತ್ಮಕ ಫಲಿತಾಂಶ ನೀಡಲಿವೆ. ಅನ್ನಪೂರ್ಣೇಶ್ವರಿಯ ಶ್ಲೋಕ ಹೇಳಿ.
Holi 2022: ಈ ನಗರದಲ್ಲಿ 12 ದಿನ ನಡೆಯುತ್ತೆ ಬಣ್ಣದೋಕುಳಿ, ಇಲ್ಲಾಗಲೇ ಶುರುವಾಗಿದೆ ಹೋಳಿ!
ತುಲಾ(Libra): ಶೈಕ್ಷಣಿಕ ಕ್ಷೇತ್ರದಲ್ಲಿರುವವರು, ಸರ್ಕಾರಿ ಉದ್ಯೋಗಿಗಳಿಗೆ ವರ್ಗಾವಣೆ ಸಾಧ್ಯತೆ ಹೆಚ್ಚಿದೆ. ವ್ಯಾಪಾರ, ವ್ಯವಹಾರಗಳಲ್ಲಿ ಲಾಭವಿರಲಿದೆ. ಉದರ ಸಂಬಂಧಿ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಲಿವೆ. ಪತಿ ಪತ್ನಿಯರ ನಡುವೆ ಸಮನ್ವಯ ಚೆನ್ನಾಗಿರಲಿದೆ. ಬಡವರಿಗೆ ವಸ್ತ್ರ, ದವಸ ಧಾನ್ಯ ದಾನ ಮಾಡಿ.
ವೃಶ್ಚಿಕ(Scorpio): ಔದ್ಯೋಗಿಕ ಕ್ಷೇತ್ರದಲ್ಲಿ ನಿಮ್ಮ ಕೆಲಸ ಹಿರಿಯ ಉದ್ಯೋಗಿಗಳಿಂದ ಮೆಚ್ಚುಗೆಗೆ ಪಾತ್ರವಾಗುವುದು. ಮನೆಯಲ್ಲಿ ಮಂಗಳ ಕಾರ್ಯಗಳು ನಡೆದು ಮನಸ್ಸಿಗೆ ನೆಮ್ಮದಿ ಎನಿಸುವುದು. ಆಹಾರದಲ್ಲಿ ಪಥ್ಯ ತಪ್ಪಿದರೆ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಲಲಿತಾ ಸಹಸ್ರನಾಮ ಪಠಣ ಮಾಡಿ.
ಧನುಸ್ಸು(Sagittarius): ಸ್ನೇಹಿತರ ಭೇಟಿಯಿಂದ ಸಂತಸ. ಕುಟುಂಬದೊಡನೆ ದೂರ ಪ್ರಯಾಣ ಕೈಗೊಳ್ಳುವಿರಿ. ಸಂಗಾತಿಯ ಸಹಕಾರದಿಂದ ಕೆಲಸ ಕಾರ್ಯಗಳಲ್ಲಿ ಯಶಸ್ಸು. ಅನಿರೀಕ್ಷಿತ ಮೂಲಗಳಿಂದ ಆದಾಯ ಹೆಚ್ಚಲಿದೆ. ಮನೆಯಲ್ಲಿ ಶುಭ ಕಾರ್ಯಕ್ಕೆ ಮುನ್ನುಡಿ ಇಡಲಿದ್ದೀರಿ. ಮಹಾಲಕ್ಷ್ಮೀ ಆರಾಧನೆ ಮಾಡಿ.
Sun Transit: ಈ ನಾಲ್ಕು ರಾಶಿಗಳಿಗೆ ಅದೃಷ್ಟ ಬದಲಾಗೋಕೆ ಇನ್ನೈದೇ ದಿನ!
ಮಕರ(Capricorn): ಲೇವಾದೇವಿ ವ್ಯವಹಾರ, ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಸಾಕಷ್ಟು ಲಾಭ ಗಳಿಸುವಿರಿ. ಚಿನ್ನ ಬೆಳ್ಳಿ ವ್ಯಾಪಾರಸ್ಥರಿಗೆ ಶುಭ ಸುದ್ದಿ, ದಾಂಪತ್ಯ ಜೀವನದಲ್ಲಿ ಸಂಯಮ ಅಗತ್ಯ. ಬಾಕಿ ಉಳಿದ ಗೃಹ ಕಾರ್ಯಗಳು ಪೂರ್ಣಗೊಳ್ಳಲಿವೆ. ದುರ್ಗಾ ಅಷ್ಟೋತ್ತರ ಹೇಳಿಕೊಳ್ಳಿ.
ಕುಂಭ(Aquarius): ವಾಹನಗಳು ದುರಸ್ಥಿಗೆ ಬರುವ ಸಾಧ್ಯತೆ ಇದೆ. ಬಹುಕಾಲದಿಂದ ಬಾಧಿಸುತ್ತಿರುವ ಆರೋಗ್ಯ ತೊಡಕುಗಳಲ್ಲಿ ಕೊಂಚ ಸುಧಾರಣೆ. ವೈದ್ಯರ ಭೇಟಿ ಮಾಡುವಿರಿ. ಹಿಂದೆ ತೆಗೆದುಕೊಂಡ ನಿರ್ಧಾರವೊಂದು ತದ್ವಿರುದ್ಧವಾಗಿ ಬದಲಾಗಬಹುದು. ಕುಲದೇವರ ಸ್ಮರಣೆ ಮಾಡಿ.
ಮೀನ(Pisces): ಷೇರು ವ್ಯವಹಾರದಲ್ಲಿ ಧನನಷ್ಟವಾಗುವುದು. ವ್ಯಾಪಾರದಲ್ಲಿ ಮಿಶ್ರಫಲ. ಕುಟುಂಬ ಸದಸ್ಯರ ಜೊತೆ ಹೆಚ್ಚು ಸಮಯ ಕಳೆಯಿರಿ. ಕಚೇರಿ ಕಾರ್ಯಾಲಯಗಳ ಕೆಲಸಗಳಿಂದ ತಾಳ್ಮೆಗೆಡುವಂತಾಗಬಹುದು. ಅಮ್ಮನವರನ್ನು ಪ್ರಾರ್ಥಿಸಿ.