25 ಫೆಬ್ರವರಿ 2022, ಶುಕ್ರವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕುಂಭಕ್ಕೆ ಕಾಡುವ ಚರ್ಮ ಸಮಸ್ಯೆ, ನಿಮ್ಮ ರಾಶಿಯ ಫಲವೇನಿದೆ?
ಮೇಷ(Aries): ನಿಮಗೀಗ ಉತ್ತಮ ಕಾಲ. ಕಚೇರಿಯಲ್ಲಿ, ವ್ಯಾಪಾರ ಉದ್ಯಮಗಳಲ್ಲಿ ಉತ್ತಮ ಹೆಸರು, ಲಾಭ ಮಾಡುವಿರಿ. ಅಹಂಕಾರ ನಿಮ್ಮನ್ನು ತಲುಪಲು ಬಿಡಬೇಡಿ. ಯಶಸ್ಸಿಗೆ ಅಹಂಕಾರವೇ ಅಡ್ಡಿಯಾದೀತು. ಸಂಗಾತಿಯೊಂದಿಗೆ ಸಮಯ ಕಳೆಯಿರಿ. ಲಕ್ಷ್ಮೀ ಪ್ರಾರ್ಥನೆ ಮಾಡಿ.
ವೃಷಭ(Taurus): ಆಸ್ತಿ ಖರೀದಿ ವ್ಯವಹಾರ ಮಾಡಬಹುದು. ಸಂಗಾತಿಯ ಕಡೆಯಿಂದ ಅನಿರೀಕ್ಷಿತ ಸಂತೋಷಗಳು ಸಿಗಲಿವೆ. ಕಚೇರಿಯಲ್ಲಿ ಯಾವುದೇ ಜವಾಬ್ದಾರಿ ಕೊಟ್ಟರೂ ಗೊಣಗದೆ ಹೆಚ್ಚಿನ ಶ್ರಮ ಹಾಕಿ ಕಾರ್ಯ ನಿರ್ವಹಿಸಿ. ಅದಕ್ಕೆ ತಕ್ಕ ಫಲ ಸಿಕ್ಕೇ ಸಿಗುತ್ತದೆ. ದುರ್ಗಾ ಅಷ್ಟೋತ್ತರ ಹೇಳಿ.
ಮಿಥುನ(Gemini): ಹೊರಗಿನ ದ್ವೇಷ ಕಾರುವ ವಿಷಯಗಳಿಗೆ ಮೂಗು ತೂರಿಸಲು ಹೋಗಬೇಡಿ. ನಿಮ್ಮ ಪಾಡಿಗೆ ನೀವು ಬದುಕನ್ನು ಕಟ್ಟಿಕೊಳ್ಳುವತ್ತ ಗಮನ ಹರಿಸಿ. ಇಲ್ಲಸಲ್ಲದ ಪುಡಿ ರಾಜಕೀಯದಿಂದ ಮನಸ್ಸು ಹಾಳು ಮಾಡಿಕೊಳ್ಳಬೇಡಿ. ವಿಪರೀತ ಮೈ ಕೈ ನೋವುಗಳು ಕಾಡಲಿವೆ. ಲಲಿತಾ ಸಹಸ್ರನಾಮ ಹೇಳಿ.
ಕಟಕ(Cancer): ಅವರಿವರ ಮನೆಯ ಸಮಸ್ಯೆ ಬಗೆಹರಿಸುವ ಮುನ್ನ ನಿಮ್ಮ ಮನೆಯಲ್ಲಿ ನೀವು ವಹಿಸಿಕೊಳ್ಳಬೇಕಾದ ಜವಾಬ್ದಾರಿಗಳ ಕಡೆಗೆ ಗಮನ ಹರಿಸಿ. ನಿರುದ್ಯೋಗಿಗಳು ಭರವಸೆ ಕಳೆದುಕೊಳ್ಳುವುದರ ಬದಲು ಹೆಚ್ಚು ಪರಿಶ್ರಮ ಹಾಕಿ ಹೊಸ ಕಲಿಕೆಯಲ್ಲಿ ತೊಡಗುವುದೊಳಿತು. ಶಾರದಾಂಬೆಯನ್ನು ಸ್ಮರಿಸಿ.
ಸಿಂಹ(Leo): ಮನೆಯಲ್ಲಿ ಯಾವೊಂದು ಕಾರ್ಯವೂ ಕೈಗೂಡುತ್ತಿಲ್ಲ ಎಂಬ ಚಿಂತೆಗಳು ಬಾಧಿಸಬಹುದು. ಧನಾತ್ಮಕವಾಗಿ ಯೋಚಿಸಿ, ನಿಮ್ಮಿಂದ ಅದಕ್ಕಾಗಿ ಪ್ರಯತ್ನ ಹೆಚ್ಚಿಸಬೇಕಾಗಿದೆ ಎಂದು ತಿಳಿಯಿರಿ. ನಿಮ್ಮ ಎಚ್ಚರಿಕೆಯಲ್ಲಿ ನೀವಿಲ್ಲದಿದ್ದರೆ ಕ್ಲೇಶಗಳು ಹೆಚ್ಚಲಿವೆ. ಗೃಹಶಾಂತಿಗಾಗಿ ಪಾರಾಯಣ ವ್ರತ ಮಾಡಿಸಿ.
Swapna Shastra : ಕನಸಿನಲ್ಲಿ ಈ ಪ್ರಾಣಿಗಳು ಕಂಡ್ರೆ ಜೀವನದಲ್ಲಾಗಲಿದೆ ಹಣದ ಹೊಳೆ
ಕನ್ಯಾ(Virgo): ಕೂಡಿ ಬಂದ ವಿವಾಹ ಸಂಬಂಧವೊಂದು ಮುರಿದು ಬೀಳುವ ಸಾಧ್ಯತೆ ಇದೆ. ಎಲೆಕ್ಟ್ರಾನಿಕ್ ವಸ್ತುಗಳು ದುರಸ್ತಿಗೆ ಬರಬಹುದು. ರೈತರು, ವ್ಯಾಪಾರಸ್ಥರಿಗೆ ನಷ್ಟದ ದಿನ. ಎದುರಿಂದ ನಯವಾದ ಮಾತುಗಳಾಡುವವರೆಲ್ಲ ಸಾಚಾ ಅಲ್ಲ ಎಂಬುದು ಮನಸ್ಸಿಗೆ ಗೊತ್ತಿರಲಿ. ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ತುಲಾ(Libra): ಹಿರಿಯರಿಗೆ ಅಗೌರವ ತೋರುವುದು, ಅವರ ಬಗ್ಗೆ ಅಪಮಾನಕಾರಿಯಾಗಿ ಮಾತನಾಡುವುದು ಮಾಡಬೇಡಿ. ಹಿರಿಯರ ಆಶೀರ್ವಾದವೇ ಬಲವಾಗುವುದು ಎಂದು ನೆನಪಿಡಿ. ಕಲಿಕೆಯಲ್ಲಿ ಆಸಕ್ತಿ ಹೆಚ್ಚುವುದು. ಪ್ರೀತಿಪಾತ್ರರೊಂದಿಗೆ ಹೆಚ್ಚಿನ ಸಮಯ ಕಳೆಯುವಿರಿ. ತಾಯಿಯ ಕಾಲಿಗೆ ನಮಸ್ಕರಿಸಿ ಆಶೀರ್ವಾದ ಪಡೆಯಿರಿ.
ವೃಶ್ಚಿಕ(Scorpio): ಯಾರನ್ನೋ ಒಂದು ಮಾತಿನಿಂದ ಅಳೆಯಬೇಡಿ. ಕೊಂಚ ಸಮಯ ಕೊಟ್ಟು ನೋಡಿ. ನಿಮ್ಮ ಅಭಿಪ್ರಾಯ ಬದಲಾಗಬಹುದು. ಉದ್ಯೋಗಿಗಳಿಗೆ ಕೆಲಸದಲ್ಲಿ ಸಾಮಾನ್ಯ ಉತ್ಸಾಹ. ವ್ಯಾಪಾರಗಳಲ್ಲಿ ಮಿಶ್ರಫಲ ಇರಲಿದೆ. ಕುಲದೇವರ ಸ್ಮರಣೆ ಮಾಡಿ.
Mars Transit: ಮಂಗಳ ಗೋಚಾರದಿಂದ ಈ ನಾಲ್ಕು ರಾಶಿಗೆ ಲಾಟ್ರಿ
ಧನುಸ್ಸು(Sagittarius): ಜೀವನ ಸಂಗಾತಿಯಿಂದ ಪ್ರೀತಿ ಮತ್ತು ಸಹಕಾರದ ವಿಷಯದಲ್ಲಿ ದಿನವು ಅದ್ಭುತವಾಗಿದೆ. ಹಿರಿಯರ, ಮಕ್ಕಳ ಆರೋಗ್ಯದ ಬಗ್ಗೆ ವಿಚಾರಿಸಿ. ವೈದ್ಯರ ಬಳಿ ಪರಿಶೀಲಿಸುವುದೂ ಒಳ್ಳೆಯದು. ಸಾಮಾಜಿಕ ಮನ್ನಣೆ ಸಿಗಲಿದೆ. ಮಹಾಲಕ್ಷ್ಮೀಯನ್ನು ಪೂಜಿಸಿ.
ಮಕರ(Capricorn): ಗೃಹಸೌಖ್ಯ, ವಾಹನ ಸೌಖ್ಯ ಇರಲಿದೆ. ವ್ಯವಹಾರಗಳು ಸುಲಲಿತವಾಗಿ ಸಾಗುತ್ತವೆ. ಮಕ್ಕಳ ಭವಿಷ್ಯಕ್ಕಾಗಿ ಹೊಸ ಕಲಿಕೆಯಲ್ಲಿ ತೊಡಗಿಸಿ. ನೆಂಟರಿಷ್ಟರು ಮನೆಗೆ ಭೇಟಿ ನೀಡಬಹುದು. ಮಕ್ಕಳ ಕಡೆಯಿಂದ ಶುಭವಾರ್ತೆ ಕೇಳಬಹುದು. ಲಲಿತಾ ಸಹಸ್ರನಾಮ ಪಠಿಸಿ.
ಕುಂಭ(Aquarius): ಚರ್ಮ ಸಂಬಂಧಿ ಕಾಯಿಲೆಗಳು ಇದ್ದಕ್ಕಿದ್ದಂತೆ ಬಾಧಿಸಬಹುದು. ಇದರಿಂದ ಮನಸ್ಸಿನ ಸಮಾಧಾನ ಕದಡಿ ಯಾವ ಕೆಲಸ ಮಾಡಲು ಆಸಕ್ತಿ ಇಲ್ಲದೆ ಹೋಗಬಹುದು. ದೂರ ಪ್ರಯಾಣ ಸಾಧ್ಯತೆಗಳಿವೆ. ಪ್ರಮುಖ ಕಾರ್ಯಗಳನ್ನು ಮುಂದೂಡಬೇಕಾದ ಸಂದರ್ಭ ಎದುರಾಗಬಹುದು. ಗೋವಿಗೆ ಹಸಿರು ತಿನ್ನಿಸಿ.
ಮೀನ(Pisces): ಗೌರವ ಕೊಟ್ಟರೆ ಗೌರವ ತಾನಾಗೇ ಪ್ರಾಪ್ತಿಯಾಗುವುದು ಎಂಬುದು ತಿಳಿದಿರಲಿ. ನಿಮ್ಮ ಆದಾಯವನ್ನು ಗಮನದಲ್ಲಿಟ್ಟು ಖರ್ಚು ಮಾಡಿ. ವೈದ್ಯ ವೃತ್ತಿಯಲ್ಲಿರುವವರಿಗೆ ದೇಹಾಯಾಸ. ಮಹಿಳೆಯರಿಗೆ ಅನಾರೋಗ್ಯ ಕಾಡಬಹುದು. ಸರಸ್ವತಿ ಶ್ಲೋಕ ಹೇಳಿಕೊಳ್ಳಿ. ಬಿಳಿ ವಸ್ತುಗಳು, ಧಾನ್ಯಗಳ ದಾನ ಮಾಡಿ.