23 ಫೆಬ್ರವರಿ 2022, ಬುಧವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಸಿಂಹದ ಗೊಂದಲ ನಿವಾರಣೆಗೆ ಸಕಾಲ
ಮೇಷ(Aries): ಪ್ರೀತಿಪಾತ್ರರಿಂದ ಕೆಲ ಆಶ್ಚರ್ಯ ಆನಂದಗಳು ಕಾದಿವೆ. ಹೊಸ ಕಲಿಕೆಯಿಂದ ಸಂತಸ. ಉದ್ಯೋಗ ಸ್ಥಳದಲ್ಲಿ ಹೊಸ ಯೋಜನೆ ಹೆಗಲಿಗೇರಬಹುದು. ವ್ಯಾಪಾರಸ್ಥರಿಗೆ ಲಾಭ. ತಲೆನೋವು, ಕಾಲುನೋವು ಕಾಡಿಸಬಹುಗು. ಬಡವರಿಗೆ ವಸ್ತ್ರ ದಾನ ಮಾಡಿ.
ವೃಷಭ(Taurus): ಎಲ್ಲರನ್ನೂ ಮೆಚ್ಚಿಸುವ ಕಾರ್ಯ ಅಗತ್ಯವಿಲ್ಲ. ನಿಮ್ಮ ಪಾಡಿಗೆ ಪ್ರಾಮಾಣಿಕವಾಗಿದ್ದರೆ ಸಾಕು. ತೆಗೆದುಕೊಂಡ ಸಾಲ ಹಿಂದೆ ಕೊಡದಿರುವ ಯೋಚನೆಯೇ ಮುಳುವಾದೀತು. ಕಾರ್ಯಕ್ಷೇತ್ರದಲ್ಲಿ ನಿಮ್ಮ ಸಂಪೂರ್ಣ ಪ್ರಯತ್ನ ಹಾಕಿ. ಗಣೇಶನ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಆರ್ಥಿಕ ಪರಿಸ್ಥಿತಿ ಚೆನ್ನಾಗಿರಲಿದೆ. ಉದ್ಯೋಗದಲ್ಲಿ ಬೋನಸ್ ಸಿಗಬಹುದು. ಹೂಡಿಕೆಗಳು ಫಲ ಕೊಡಲಿವೆ. ನಿಮ್ಮ ವೈಯಕ್ತಿಕ ವಿಷಯಗಳಲ್ಲಿ ಮೂರನೇ ವ್ಯಕ್ತಿ ಮಧ್ಯ ಪ್ರವೇಶಿಸಲು ಬಿಡಬೇಡಿ. ವಿವಾಹಾಕಾಂಕ್ಷಿಗಳಿಗೆ ಶುಭ ಸಂಬಂಧ ಕೂಡಿ ಬರಲಿದೆ. ಗಣಪತಿಗೆ ದೂರ್ವೆ ಅರ್ಪಿಸಿ.
ಕಟಕ(Cancer): ಅಪರಿಚಿತರನ್ನು ಕೂಡಾ ಅನುಮಾನ ಪ್ರವೃತ್ತಿಯಿಂದ ನೋಡಬೇಡಿ. ಎಲ್ಲರನ್ನೂ, ಎಲ್ಲವನ್ನೂ ಒಳ್ಳೆಯ ದೃಷ್ಟಿಯಿಂದ ನೋಡಿ. ಒಳ್ಳೆಯದನ್ನೇ ಯೋಚಿಸಿ. ಪ್ರವಾಸ ಯೋಜನೆ ಮಾಡುವಿರಿ. ಪ್ರೇಮಿಗಳಿಗೆ ಶುಭದಿನ. ವ್ಯಾಪಾರಿಗಳಿಗೆ ಸಾಮಾನ್ಯ ಲಾಭ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
ಸಿಂಹ(Leo): ಹೊಸದೊಂದು ಯೋಜನೆಗೆ ಕೈ ಹಾಕುವ ಬಗ್ಗೆ ಗೊಂದಲ ಬಹಳ ಸಮಯದಿಂದ ಕಾಡುತ್ತಲೇ ಇದೆ. ಬಂದದ್ದೆಲ್ಲ ಬರಲಿ, ಆ ದೇವರ ದಯೆಯೊಂದಿರಲಿ ಎಂದುಕೊಂಡು ಮುನ್ನಡಿ ಇಡಿ. ಸಹೋದರಿಯ ವಿವಾಹ ವಿಷಯ ಚಿಂತೆಯಾಗಿ ಕೊರೆಯಬಹುದು. ಕುಟುಂಬ ಸದಸ್ಯರ ನಡುವೆ ಸಮನ್ವಯ ಕೊರತೆಯಿಂದ ಕಸಿವಿಸಿಯಾಗಬಹುದು. ಗಣೇಶನ ದೇವಾಲಯಕ್ಕೆ ಭೇಟಿ ನೀಡಿ.
Saturday Born Personality: ಶನಿವಾರ ಜನಿಸಿದವರಿಗಿರುತ್ತಾ ಶನಿ ಕೃಪೆ?
ಕನ್ಯಾ(Virgo): ವಾಹನಗಳು ದುರಸ್ಥಿಗೆ ಬರುವ ಸಾಧ್ಯತೆ ಇದೆ. ಸಣ್ಣ ವಿಷಯಕ್ಕೆ ಅತಿಯಾಗಿ ಕೊರಗುವುದು ಬಿಟ್ಟರೆ ಮಾತ್ರ ನೆಮ್ಮದಿ ಸಾಧ್ಯ. ಉದ್ಯೋಗರಂಗದಲ್ಲಿ ನಿರ್ಧಾರಗಳು ತಪ್ಪಬಹುದು. ಷೇರು ವ್ಯವಹಾರಗಳು ನಷ್ಟ ಉಂಟು ಮಾಡಲಿವೆ. ಗೋ ಗ್ರಾಸ ನೀಡಿ.
ತುಲಾ(Libra): ಸ್ಥಿರಾಸ್ತಿ ವಿಚಾರದಲ್ಲಿ ವಂಚನೆ ಸಾಧ್ಯತೆ, ಬಾಕಿ ಇರಿಸಿದ ಹಿಂದಿನ ಕೆಲಸ ಕಾರ್ಯಗಳು ಪೂರ್ಣಗೊಳ್ಳುತ್ತವೆ. ಪ್ರಯತ್ನಬಲದಿಂದ ಯೋಜಿಸಿದ ಕೆಲಸ ಕಾರ್ಯಗಳಲ್ಲಿ ಯಶಸ್ಸು ತೋರಿಬರುವುದು. ವ್ಯಾಪಾರಿಗಳಿಗೆ, ಚಾಲಕರಿಗೆ ಸಾಧಾರಣ ಲಾಭ ಇರಲಿದೆ. ಸೊಂಟ, ಬೆನ್ನು ನೋವು ಕಾಡಿಸಬಹುದು. ಗಣಪತಿಗೆ ಕಡಲೆ ನೈವೇದ್ಯ ಮಾಡಿ.
ವೃಶ್ಚಿಕ(Scorpio): ಕಾಯುತ್ತಿರುವ ಯೋಜನೆಗಳು ಕೈ ತಪ್ಪಬಹುದು. ಕೆಲಸದಲ್ಲಿ ಪ್ರತಿಭೆಯನ್ನು ತೋರಿಸುವ ಅಗತ್ಯವಿದೆ. ಮನೆಯಿಂದ ಬೇಡದ ವಸ್ತುಗಳನ್ನು ಹೊರಗೆ ದಾಟಿಸಿ. ಸಿಹಿ ಸುದ್ದಿ ಕಿವಿಗೆ ಬೀಳಲಿದೆ. ಮನಸ್ಸಿನ ಕೊರಗು ಕೊಂಚ ಕಡಿಮೆಯಾಗಲಿದೆ. ಪಕ್ಷಿಗಳಿಗೆ ಕಾಳು ನೀಡಿ.
Zodiac signs and Love: ಆಕಸ್ಮಿಕವಾಗಿ ತಮ್ಮ ಜೀವನಸಂಗಾತಿ ಕಂಡುಕೊಳ್ಳೋ ಅದೃಷ್ಟ ಈ 5 ರಾಶಿಯದು..
ಧನುಸ್ಸು(Sagittarius): ನಿಮ್ಮ ಶತ್ರುಗಳ ಕಾರ್ಯವೈಖರಿ ಮೇಲೆ ಹದ್ದಿನ ಕಣ್ಣಿಡಿ. ಉದ್ಯೋಗಿಗಳಿಗೆ ಒತ್ತಡ ಹೆಚ್ಚು. ಅವಿವಾಹಿತರಿಗೆ ಮಾಂಗಲ್ಯಭಾಗ್ಯಕ್ಕೆ ಸಮಯ ಒದಗಿ ಬರುವುದು. ಅವಮಾನಕರ ಘಟನೆಗಳು ಜರುಗುವ ಸಾಧ್ಯತೆ. ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ.
ಮಕರ(Capricorn): ವೃತ್ತಿ ಸಂಬಂಧ ಸಂಶಯಗಳಿದ್ದರೆ, ಗೊಂದಲದಲ್ಲಿದ್ದರೆ, ಇಂದು ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ. ವಿನಾ ಕಾರಣ ಇನ್ನೊಬ್ಬರನ್ನು ಚುಚ್ಚಿ ಮಾತಾಡಿ ನೋಯಿಸಬೇಡಿ. ನಿಮ್ಮ ಈ ಅಸ್ತ್ರ ನಿಮಗೇ ತಿರುಗುಬಾಣವಾಗಬಹುದು. ಇರುವೆಗಳಿಗೆ ಸಿಹಿ ತಿನ್ನಿಸಿ.
ಕುಂಭ(Aquarius): ಹಿರಿಯರ ಚುಚ್ಚು ಮಾತುಗಳಿಗೆ ಉದಾಸೀನವೇ ಮದ್ದು. ಕಡಿವಾಣವಿಲ್ಲದ ಖರ್ಚಿನಿಂದ ಮನಸ್ಸು ವ್ಯಾಕುಲಗೊಳ್ಳುವುದು. ದಿಢೀರ್ ಪ್ರಯಾಣ ಕೈಗೊಳ್ಳಬಹುದು. ಆದಷ್ಟು ಸಾತ್ವಿಕ ಆಹಾರ ಸೇವಿಸಿ ಆರೋಗ್ಯ ಕಾಪಾಡಿಕೊಳ್ಳಿ. ಸಂಗಾತಿಯ ಮಾತಿಗೆ ಬೆಲೆ ಕೊಡಿ. ತಾಯಿಯ ಆಶೀರ್ವಾದ ಪಡೆಯಿರಿ.
ಮೀನ(Pisces): ಕೆಲಸ ಕಾರ್ಯಗಳಲ್ಲಿ ಎಡವಟ್ಟು, ತಪ್ಪುಗಳು ಇಣುಕಬಹುದು. ಇದರಿಂದ ಮುಜುಗರ ಎದುರಿಸಬೇಕಾಗುವುದು. ಎಲ್ಲ ಕೆಲಸಗಳನ್ನು ಎರಡೆರಡು ಬಾರಿ ಪರಿಶೀಲಿಸಿ ಮುಂದುವರಿಯಿರಿ. ಮನೆಯಲ್ಲಿ ನಿಮ್ಮ ಮನೋಭಾವನೆಗೆ ವಿರೋಧ ವ್ಯಕ್ತವಾಗಬಹುದು. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.