21 ಡಿಸೆಂಬರ್ 2021, ಮಂಗಳವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮೇಷಕ್ಕೆ ಕೆಲಸ ವಿಳಂಬ, ಮೀನಕ್ಕೆ ಅನಾರೋಗ್ಯ
ಮೇಷ(Aries): ಅನಿರೀಕ್ಷಿತ ಕಾರಣಕ್ಕೆ ಕೆಲಸಕ್ಕೆ ವಿಳಂಬಗಳೆದುರಾಗಬಹುದು. ನೆರೆಹೊರೆಯವರ ಜೊತೆ ಜಗಳವಾಡುವ ಸಂಭವವಿದೆ. ಆದಷ್ಟು ಸೌಮ್ಯವಾಗಿ ಮಾತಾನಾಡುವುದರಿಂದ ಸಮಸ್ಯೆ ಬಗೆ ಹರಿವುದು. ಸಾಕುಪ್ರಾಣಿಗಳಿಂದ ಮನಸ್ಸಿಗೆ ಸಮಾಧಾನ. ಗಾಯತ್ರಿ ಜಪ ಮಾಡಿ.
ವೃಷಭ(Taurus): ಬೇಕೋ ಬೇಡವೋ ಯೋಚಿಸದೆ ಕೊಂಡುಕೊಂಡ ವಸ್ತುಗಳಿಂದ ಎದುರಾದ ಸಾಲದ ಹೊರೆ ಕಂಗೆಡಿಸುವುದು. ಹಣ ಕೈಲಿ ನಿಲ್ಲದೆ ಆತಂಕ ಕಾಡುವುದು. ಕಚೇರಿಯಲ್ಲಿ ಸಹೋದ್ಯೋಗಿಗಳ ಕಿರಿಕಿರಿ. ಮಕ್ಕಳ ಆರೋಗ್ಯದ ವಿಷಯದಲ್ಲಿ ಹೆಚ್ಚಿನ ಜಾಗರೂಕತೆ ಅಗತ್ಯ. ಮನೆದೇವರ ಪ್ರಾರ್ಥನೆ ಮಾಡಿ.
undefined
ಮಿಥುನ(Gemini): ಸಂಬಂಧಗಳ ನಡುವೆ ವೈಮನಸ್ಯ ಮೂಡುವ ಸಂದರ್ಭಗಳೆದುರಾಗಬಹುದು. ಯಾರದೋ ಬೆನ್ನ ಹಿಂದೆ ಮಾತಾಡಬೇಡಿ. ಜಗಳ ತಂದು ಹಾಕುವವರು ಸಾಕಷ್ಟು ಮಂದಿ ಇರುತ್ತಾರೆ. ಸಂಗಾತಿಯೊಂದಿಗೆ ಕೂಲಂಕುಶವಾಗಿ ಸಮಸ್ಯೆಗಳನ್ನು ಚರ್ಚಿಸಿ. ಲಕ್ಷ್ಮೀ ಪ್ರಾರ್ಥನೆ ಮಾಡಿ.
ಕಟಕ(Cancer): ಅವಿವಾಹಿತರಿಗೆ ಸಂಬಂಧ ಅರಸಿ ಬರುವುದು. ಉದ್ಯೋಗದಲ್ಲಿ ಲಾಭವೂ ಇಲ್ಲ, ನಷ್ಟವೂ ಇಲ್ಲ- ಏರುಪೇರಿಲ್ಲದ ದಿನ. ವ್ಯಾಪಾರ ವಹಿವಾಟಿನಲ್ಲಿ ಕೊಂಚ ಲಾಭ. ವಿದ್ಯಾರ್ಥಿಗಳು ಹಿರಿಯರ ಸಹಾಯದಿಂದ ಓದಿನಲ್ಲಿ ಮುನ್ನಡೆ ಸಾಧಿಸುವರು. ಗಣಪತಿಗೆ ದೂರ್ವೆ ಸಲ್ಲಿಸಿ.
Weekly Horoscope: ಈ ವಾರ ನಿಮ್ಮ ಜಾತಕ ಫಲವೇನಿದೆ ನೋಡಿ..
ಸಿಂಹ(Leo): ಮಾಡಿದ ಹಳೆಯ ತಪ್ಪಿಗೆ ಕೊರಗುತ್ತಲೇ ಇರುವುದನ್ನು ಬಿಡಿ. ಹಾಗೆ ಬಿಟ್ಟರಷ್ಟೆ ನೆಮ್ಮದಿ. ವಾಹನಗಳಲ್ಲಿ ಹೋಗುವಾಗ ಹೆಚ್ಚಿನ ಜಾಗರೂಕತೆ ಅಗತ್ಯ. ಸ್ತ್ರೀಯರಿಗೆ ಶುಭದಿನ. ಆರೋಗ್ಯ ಸ್ಥಿರವಾಗಿರುವುದು. ಮಕ್ಕಳ ಮೇಲೆ ವಿನಾ ಕಾರಣ ರೇಗದಿರಿ. ತಾಯಿಯ ಆಶೀರ್ವಾದ ಪಡೆಯಿರಿ.
ಕನ್ಯಾ(Virgo): ವಾತಾವರಣ ಸಂಬಂಧಿ ಕಾಯಿಲೆಗಳು ಕಂಡು ಬಂದಾವು. ಹೃದಯ ಸಮಸ್ಯೆ ಇರುವವರು ಹೆಚ್ಚು ಜಾಗರೂಕತೆ ವಹಿಸಬೇಕು. ನಿರುದ್ಯೋಗಿಗಳಿಗೆ ಅವಕಾಶ ಬರಬಹುದು. ಪರಿಚಿತರಿಂದ ಉದ್ಯಮಕ್ಕೆ ಸಹಾಯ ದೊರೆಯುವುದು. ಹಕ್ಕಿಗಳಿಗೆ ನೀರು, ಕಾಳುಗಳನ್ನು ನೀಡಿ.
ತುಲಾ(Libra): ಎಷ್ಟೇ ಹತ್ತಿರದವರಾದರೂ ಸಾಲ ನೀಡಬೇಡಿ. ಮುಂದೆ ಅದೇ ಕಾರಣಕ್ಕೆ ವೈಮನಸ್ಸುಗಳು ಸೃಷ್ಟಿಯಾಗುತ್ತವೆ. ಉದ್ಯೋಗದಲ್ಲಿ ಹಿರಿಯ ಅಧಿಕಾರಿಗಳಿಂದ ಪ್ರಶಂಸೆ. ಕ್ರೀಡಾಪಟುಗಳಿಗೆ ಹೆಚ್ಚುವ ಉತ್ಸಾಹ. ಪ್ರವಾಸ ಹೋಗುವ ಸಾಧ್ಯತೆ. ಲಲಿತಾ ಪರಮೇಶ್ವರಿಯ ಸ್ಮರಣೆ ಮಾಡಿ.
Success Mantras For Children: ಮಕ್ಕಳ ಯಶಸ್ಸಿಗೆ ಹೀಗ್ ಮಾಡಿ ಅನ್ನುತ್ತೆ ಜ್ಯೋತಿಷ್ಯ
ವೃಶ್ಚಿಕ(Scorpio): ಇನ್ನೊಬ್ಬರ ವಿಷಯದಲ್ಲಿ ಅನಗತ್ಯ ಮೂಗು ತೂರಿಸಿ ಕಷ್ಟಕ್ಕೆ ಸಿಲುಕುವಿರಿ. ನಿಮ್ಮ ಪಾಡಿಗೆ ನೀವಿರುವುದನ್ನು ರೂಢಿ ಮಾಡಿಕೊಳ್ಳಿ. ಮತ್ತೊಬ್ಬರ ಗುಟ್ಟುಗಳನ್ನು ಬಿಟ್ಟುಕೊಡಬೇಡಿ. ಮನೆಗೆಲಸದಿಂದ ದೇಹಾಯಾಸ. ಅತಿಥಿಗಳ ಆಗಮನ ಸಂತಸ ತರದು. ಲಲಿತ ಸಹಸ್ರನಾಮ ಪಠಣ ಮಾಡಿ.
ಧನುಸ್ಸು(Sagittarius): ಹತ್ತಿರದ ಸಂಬಂಧಿಗಳ ಆಗಮನ ಎಷ್ಟು ಸಂತೋಷ ತರುವುದೋ, ಅಷ್ಟೇ ಕೆಲಸಗಳು ಹೆಚ್ಚಿ ದಣಿವಾಗುವುದು. ಬಿಡುವಿಲ್ಲದ ಕೆಲಸ. ಮಕ್ಕಳಿಗೆ ಸಂತಸ. ಆಸ್ಪತ್ರೆ ಭೇಟಿಯಿಂದ ಸಮಾಧಾನ. ವ್ಯಾಪಾರಗಳಲ್ಲಿ ಸಾಮಾನ್ಯ ಲಾಭ. ಆಂಜನೇಯನಿಗೆ ಕೆಂಪು ಹೂವು ಸಮರ್ಪಿಸಿ.
ಮಕರ(Capricorn): ಸಂಗಾತಿಯ ಅನಾರೋಗ್ಯ ಕಾರಣಕ್ಕೆ ಪ್ರಯಾಣ. ನೆಂಟರಿಷ್ಟರ ಭೇಟಿಯಿಂದ ನೆಮ್ಮದಿ. ಷೇರು ವ್ಯವಹಾರಗಳಲ್ಲಿ ಲಾಭ. ಆಸ್ತಿ ವಿಚಾರ ಕೋರ್ಟ್‌ನಲ್ಲಿದ್ದರೆ ತೀರ್ಪು ನಿಮ್ಮ ಪರವಾಗಿ ಆಗುವುದು. ನಿಮ್ಮ ಪ್ರಾಮಾಣಿಕತೆಗೆ ಬೆಲೆ ದೊರೆಯುವುದು. ಹಸುವಿಗೆ ಗೋಧಿ ಹಿಟ್ಟು ತಿನ್ನಿಸಿ.
ಕುಂಭ(Aquarius): ಮಕ್ಕಳ ಪ್ರಗತಿಯಿಂದ ಸಂತಸ. ಸಂಗಾತಿಯ ಸಹಕಾರದಿಂದ ಕೆಲಸಗಳು ಸುಗಮ. ಉದ್ಯೋಗದಲ್ಲಿ ಒತ್ತಡದ ದಿನ. ವಾಹನ ಯೋಗವಿದೆ. ಹೊಸ ವಸ್ತುಗಳನ್ನು ಕೊಳ್ಳುವಿರಿ. ದೇವತಾ ಕಾರ್ಯಗಳಲ್ಲಿ ಭಾಗಿಯಾಗಬಹುದು. ಗಣಪತಿಗೆ ಕಡಲೆ ಸಮರ್ಪಿಸಿ.
ಮೀನ(Pisces): ಆರೋಗ್ಯ ಸಮಸ್ಯೆಗಳು ಬಾಧಿಸುವುವು. ವೈದ್ಯರ ಭೇಟಿ ಮಾಡಿ. ಎಲ್ಲರ ನೆರವು ಸಿಕ್ಕಿ ಸಮಸ್ಯೆಗಳು ದೂರಾಗುವುವು. ವ್ಯಾಪಾರದಲ್ಲಿ ಲಾಭ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ. ಅವಿವಾಹಿತರಿಗೆ ಕಂಕಣಬಲವಿದೆ. ಪ್ರಯಾಣ ಯೋಗವಿದೆ. ಲಕ್ಷ್ಮೀ ವೆಂಕಟೇಶ್ವರ ಪ್ರಾರ್ಥನೆ ಮಾಡಿ.