ಸುಮ್ನೆ ನಿಂತಿದ್ದ ಪೊಲೀಸಪ್ಪನ ಪುಸಲಾಯಿಸಿದ ಸುಂದ್ರಿ: ಮುಂದಾದದ್ದು ಮಾತ್ರ ದುರಂತ! ವಿಡಿಯೋ ವೈರಲ್
ಸಾರಾಂಶ
ಬಸ್ಸಿನಲ್ಲಿ ಪೊಲೀಸ್ ಸಿಬ್ಬಂದಿಯೊಬ್ಬರ ಮುಂದೆ ಯುವತಿಯೊಬ್ಬಳು ರೀಲ್ಸ್ ಮಾಡುತ್ತಾ ಕುಣಿದಳು. ಪೊಲೀಸರು ಜೊತೆಗೆ ಸ್ಟೆಪ್ ಹಾಕಿದರು. ಈ ವಿಡಿಯೋ ವೈರಲ್ ಆಗಿ, ಸಮವಸ್ತ್ರದಲ್ಲಿ ರೀಲ್ಸ್ ಮಾಡಿದ್ದಕ್ಕೆ ಪೊಲೀಸರನ್ನು ಅಮಾನತುಗೊಳಿಸಲಾಯಿತು. ದೆಹಲಿಯಲ್ಲಿ ನಡೆದ ಈ ಘಟನೆಯಿಂದ ಪೊಲೀಸರು ಕೆಲಸ ಕಳೆದುಕೊಂಡರು. ನೆಟ್ಟಿಗರು ಪೊಲೀಸರ ಪರವಾಗಿ ಸಹಾನುಭೂತಿ ವ್ಯಕ್ತಪಡಿಸಿದ್ದಾರೆ.
ಪಾಪ ಈ ಪೊಲೀಸ್ ಸಿಬ್ಬಂದಿ ತಮ್ಮ ಪಾಡಿಗೆ ತಾವು ಬಸ್ನಲ್ಲಿ ಹೋಗುತ್ತಿದ್ದರು. ಅವರ ಮುಂದೆ ಬಂದ ಈ ಯುವತಿ ಕುಣಿಯಲು ಶುರು ಮಾಡಿದ್ಲು. ಅಷ್ಟಕ್ಕೂ ಅವಳು ಸುಮ್ಮನೇ ಡಾನ್ಸ್ ಮಾಡ್ತಿರಲಿಲ್ಲ. ಬದಲಿಗೆ ರೀಲ್ಸ್ ಮಾಡುತ್ತಿದ್ದಳು. ಅತ್ತ-ಇತ್ತ ಕುಣಿದಳು. ಪೊಲೀಸಪ್ಪನ ಎದುರೇ ಕುಣಿದಾಡಿದಳು. ಇಷ್ಟೆಲ್ಲಾ ಆದರೂ ಆ ಸುಂದರಿಯನ್ನು ನೋಡಿ ಸುಮ್ಮನೇ ಕಣ್ತುಂಬಿಸಿಕೊಳ್ಳುತ್ತಿದ್ದರು ಈ ಪೊಲೀಸ್. ಆದರೂ ಯುವತಿ ಬಿಡಲಿಲ್ಲ. ಅವರ ಸುತ್ತಲೇ ಸುತ್ತುತ್ತು ಡಾನ್ಸ್ ಮಾಡಲು ಪುಸಲಾಯಿಸಿದಳು.
ವಿಶ್ವಾಮಿತ್ರನ ಎದುರು ಮೇನಕೆ ಬಂದ ರೀತಿಯಲ್ಲಿ ಡಾನ್ಸ್ನಿಂದ ಕೊನೆಗೂ ಪೊಲೀಸನ ಮೋಡಿ ಮಾಡಿಯೇ ಬಿಟ್ಟಳು ಈ ಸುಂದ್ರಿ. ಅಲ್ಲಿಯವರೆಗೆ ಸುಮ್ಮನಿದ್ದ ಈ ಪೊಲೀಸ್ಗೆ ಅದೇನಾಯಿತೋ ಗೊತ್ತಿಲ್ಲ. ಯುವತಿಯ ಜೊತೆ ಒಂದಿಷ್ಟು ಸ್ಟೆಪ್ ಹಾಕಿಯೇ ಬಿಟ್ಟರು. ಇಷ್ಟು ಆದರೆ ಏನೂ ಆಗ್ತಿರಲಿಲ್ಲವೇನೋ. ಪೊಲೀಸಪ್ಪನ ಜೊತೆ ಡಾನ್ಸ್ ಮಾಡಿರೋ ವಿಡಿಯೋ ಅನ್ನು ಯುವತಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಳು. ಇದು ಸಕತ್ ವೈರಲ್ ಆಗೋಯ್ತು.
ಹೊಸ ವರ್ಷಕ್ಕೆ ಹೊಸ ಹುಡುಗನ ಜೊತೆ ಫಾರಿನ್ನಲ್ಲಿ ನಿವೇದಿತಾ ಗೌಡ: ಮತಾಂತರಗೊಂಡ್ರಾ ಕೇಳ್ತಿರೋ ಫ್ಯಾನ್ಸ್!
ಸಮವಸ್ತ್ರದಲ್ಲಿ ಇರುವ ಪೊಲೀಸರಿಗೆ ಅವರದ್ದೇ ಆದ ರೀತಿಯ ಪ್ರೊಟೋಕಾಲ್ಗಳು, ನೀತಿ-ನಿಯಮ ಎಲ್ಲವೂ ಇರುತ್ತದೆ. ಈ ರೀತಿಯಾಗಿ ಬೇಕಾಬಿಟ್ಟೆಯಾಗಿ ಅವರು ಡಾನ್ಸ್ ಮಾಡುವಂತಿಲ್ಲ. ಸಮವಸ್ತ್ರ ಧರಿಸಿದ ಸಂದರ್ಭದಲ್ಲಿ ಹೀಗೆಲ್ಲಾ ಮಾಡಿಕೊಂಡರೆ ಅದು ಎಡವಟ್ಟೇ ಆಗೋದು. ಈ ರೀಲ್ಸ್ ಸಾಕಷ್ಟು ವೈರಲ್ ಆಗಿ, ಯುವತಿಗೆ ಅಗತ್ಯಕ್ಕಿಂತ ಹೆಚ್ಚು ವ್ಯೂಸ್, ಲೈಕ್ಸ್ ಬಂದು ಆಕೆ ಫುಲ್ ಖುಷಿಯಾಗಿಯೇ ಇದ್ದಾಳೆ. ಆದರೆ ಗ್ರಹಚಾರ ಬಂದಿದ್ದು ಮಾತ್ರ ಈ ಪೊಲೀಸಪ್ಪನಿಗೆ. ಯೂನಿಫಾರ್ಮ್ನಲ್ಲಿ ರೀಲ್ಸ್ ಮಾಡಿರುವ ಹಿನ್ನೆಲೆಯಲ್ಲಿ, ಈ ಪೊಲೀಸ್ ಮೇಲೆ ಇಲಾಖೆ ಕ್ರಮ ತೆಗೆದುಕೊಂಡಿದೆ.
ಈ ವಿಡಿಯೋ ಸಾಕಷ್ಟು ವೈರಲ್ ಆಗುತ್ತಲೇ ಪೊಲೀಸ್ ಇಲಾಖೆಯ ಗಮನಕ್ಕೂ ಬಂದಿದೆ. ಸಮವಸ್ತ್ರದಲ್ಲಿ ಹೀಗೆ ಸಾರ್ವಜನಿಕ ಸ್ಥಳದಲ್ಲಿ ರೀಲ್ಸ್ ಮಾಡಿರುವ ಹಿನ್ನೆಲೆಯಲ್ಲಿ ಸದ್ಯ ಅವರನ್ನು ಅಮಾನತುಗೊಳಿಸಲಾಗಿದೆ. ಈ ಘಟನೆ ದೆಹಲಿಯಲ್ಲಿ ನಡೆದಿರುವುದು ಎನ್ನಲಾಗಿದೆ. ಪೊಲೀಸ್ ಸದ್ಯ ಕೆಲಸದ ಕಳೆದುಕೊಂಡಿದ್ದಾರೆ. ಸುಮ್ಮನೇ ನಿಂತಿದ್ದ ಪೊಲೀಸ್ಗೆ ಈ ಗತಿಯಾಗಿದ್ದು ನೋಡಿ ನೆಟ್ಟಿಗರು ತುಂಬಾ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಇದರಲ್ಲಿ ಇವರದ್ದು ಏನೂ ತಪ್ಪು ಇಲ್ಲ, ಎಲ್ಲಾ ಯುವತಿಯದ್ದೇ ಎನ್ನುತ್ತಿದ್ದಾರೆ. ಯುವತಿಗೆ ಹೆಚ್ಚೆಚ್ಚು ಲೈಕ್ಸ್, ಕಮೆಂಟ್ಸ್ ಬಂದ್ರೆ ಪೊಲೀಸನಿಗೆ ಮಾತ್ರ ಆಗಬಾರದ್ದು ಆಗಿದ್ದು ಸರಿಯಾದದ್ದಲ್ಲ. ಈ ಬಗ್ಗೆ ಇನ್ನೊಮ್ಮೆ ಯೋಚನೆ ಮಾಡುವ ಅಗತ್ಯವಿದೆ ಎಂದಿದ್ದಾರೆ. ಆದರೆ, ಸದ್ಯ ಯುವತಿಯ ಮೋಡಿಗೆ ಒಳಗಾದ ಪೊಲೀಸ್ ಸ್ಥಿತಿ ಮಾತ್ರ ಯಾರಿಗೂ ಬೇಡ!
ಹುಡುಗಿಯರ ಇಂಪ್ರೆಸ್ ಮಾಡಲು ಭಾಗ್ಯಲಕ್ಷ್ಮಿ ತಾಂಡವ್ ಕೊಟ್ಟ ಟಿಪ್ಸ್ ಕೇಳಿ ಯುವತಿಯರು ಕಿಡಿಕಿಡಿ!
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ