* ಏಕದಿನ ವಿಶ್ವಕಪ್ ಟೂರ್ನಿಗೆ ದಿನಗಣನೆ ಆರಂಭ
* ವಿಶ್ವಕಪ್‌ಗೂ ಮುನ್ನ ಶುರುವಾಗಿದೆ ಟೀಂ ಇಂಡಿಯಾಗೆ ದೊಡ್ಡ ತಲೆಬಿಸಿ
* ನಾಯಕ ರೋಹಿತ್ ಶರ್ಮಾ ಜತೆ ಟೀಂ ಇಂಡಿಯಾ ಪರ ಇನಿಂಗ್ಸ್‌ ಆರಂಭಿಸೋರು ಯಾರು?
ಬೆಂಗಳೂರು(ಜು.21): ಏಕದಿನ ವಿಶ್ವಕಪ್ ಸಮರಕ್ಕೆ ಕೌಂಟ್ಡೌನ್ ಶುರುವಾಗಿದೆ. ಇದಕ್ಕಾಗಿ ಎಲ್ಲಾ ತಂಡಗಳು ಭರ್ಜರಿ ಸಿದ್ಧತೆ ನೆಡಸಿವೆ. ಟೀಂ ಇಂಡಿಯಾ ಕೂಡ ಈ ಮೆಗಾ ಟೂರ್ನಿಗಾಗಿ ರೆಡಿಯಾಗ್ತಿದೆ. ಆದ್ರೆ, ಹಲವು ಸಮಸ್ಯೆಗಳು, ಗೊಂದಲಗಳು ತಂಡವನ್ನ ಕಾಡ್ತಿವೆ. ಅದರಲ್ಲೂ ಆರಂಭಿಕ ಜೋಡಿಯದ್ದೇ ದೊಡ್ಡ ತಲೆ ನೋವಾಗಿದೆ. ಕ್ಯಾಪ್ಟನ್ ರೋಹಿತ್ ಶರ್ಮಾ ಜೊತೆ ಯಾರು ಇನ್ನಿಂಗ್ಸ್ ಆರಂಭಿಸಿದ್ರೆ ಸೂಕ್ತ ಅನ್ನೋ ಪ್ರಶ್ನೆ ಎದ್ದಿದೆ.
ಈ ಮೂವರಲ್ಲಿ ರೋಹಿತ್ಗೆ ಸಾಥ್ ನೀಡೋರ್ಯಾರು .?
undefined
ಸದ್ಯ ಒನ್ಡೇ ಫಾರ್ಮೆಟ್ನಲ್ಲಿ ರೋಹಿತ್ ಜೊತೆಗೆ ಶುಭ್ಮನ್ ಗಿಲ್ ಇನ್ನಿಂಗ್ಸ್ ಆರಂಭಿಸ್ತಿದ್ದಾರೆ. ಈ ಇಬ್ಬರು ಬಲಗೈ ಬ್ಯಾಟರ್ಸ್ ಆಗಿದ್ದಾರೆ. ಆದ್ರೆ, ವಿಶ್ವಕಪ್ನಲ್ಲಿ ರೈಟ್ ಮತ್ತು ಲೆಫ್ಟ್ ಹ್ಯಾಂಡ್ ಕಾಂಬಿನೇಷನ್ ಇದ್ರೆ ಸೂಕ್ತ. ಎದುರಾಳಿ ಬೌಲರ್ಗಳ ಮೇಲೆ ಒತ್ತಡ ತರಲು ಸಾಧ್ಯ. ಇದರಿಂದ ರೋಹಿತ್ ಜೊತೆಗೆ ಇಶಾನ್ ಕಿಶನ್ ಆರಂಭಿಕರಾಗಿ ಆಡ್ಬೇಕು ಅನ್ನೋ ಮಾತುಗಳು ಕೇಳಿಬರ್ತಿವೆ. ಓಪನರ್ ಆಗಿ ಇಶಾನ್ ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ. ಟೀಂ ಇಂಡಿಯಾ ಪರ ದ್ವಿಶತಕ ಸಿಡಿಸಿದ ಏಕೈಕ ಎಡಗೈ ಬ್ಯಾಟ್ಸ್ಮನ್ ಆಗಿದ್ದಾರೆ.
ಏಕದಿನ ವಿಶ್ವಕಪ್ ರೋಡ್‌ ಮ್ಯಾಚ್‌ ಚರ್ಚಿಸಲು ವಿಂಡೀಸ್‌ಗೆ ಹಾರಿದ ಅಜಿತ್ ಅಗರ್ಕರ್..!
ಆರಂಭಿಕರಾಗಿ ಅಬ್ಬರಿಸ್ತಿದ್ದಾರೆ ಪಂಜಾಬ್ ಪುತ್ತರ್..!
ಯೆಸ್, ಸದ್ಯ ಈ ಪಂಜಾಬ್ ಪುತ್ತರ್ ಶುಭ್ಮನ್ ಗಿಲ್ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಆರಂಭಿಕ ಬ್ಯಾಟ್ಸ್ಮನ್ ಆಗಿ ಅಬ್ಬರಿಸ್ತಿದ್ದಾರೆ. IPLನಲ್ಲೂ ಧೂಳೆಬ್ಬಿಸಿದ್ದಾರೆ. ಇದರಿಂದ ರೋಹಿತ್ ಶರ್ಮಾಗೆ ಗಿಲ್ ಪರ್ಫೆಕ್ಟ್ ಪಾಟ್ನರ್ ಅಂತ ಹೇಳಲಾಗ್ತಿದೆ. ಜನವರಿಯಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧ ಏಕದಿನ ಸರಣಿಯಲ್ಲಿ ಆರಂಭಿಕರಾಗಿ ಇವರಿಬ್ಬರು ಮಿಂಚಿದ್ರು. ಮೂರನೇ ಏಕದಿನ ಪಂದ್ಯದಲ್ಲಿ 210 ರನ್ ಬಾರಿಸಿದ್ರು.
499 ಅಂತಾರಾಷ್ಟ್ರೀಯ ಪಂದ್ಯಗಳ ನಂತರ ಕ್ರಿಕೆಟ್‌ ದೇವರು ಸಚಿನ್ಗಿಂತ ಕೊಹ್ಲಿಯೇ ಟಾಪ್..!
ರೋಹಿತ್ಗೆ ಮತ್ತೆ ಜೊತೆಯಾಗ್ತಾರಾ ಧವನ್..?
ಈ ಹಿಂದಿನ ಎರಡು ವಿಶ್ವಕಪ್ ಟೂರ್ನಿಗಳಲ್ಲಿ ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್ ಇನ್ನಿಂಗ್ಸ್ ಆರಂಭಿಸಿದ್ರು. ಈ ರೈಟ್ ಮತ್ತು ಲೆಫ್ಟ್ ಹ್ಯಾಂಡ್ ಕಾಂಬಿನೇಷನ್ ಸಖತ್ ವರ್ಕೌಟ್ ಆಗಿತ್ತು. ವಿಶ್ವಕಪ್ನಲ್ಲಿ ಮಾತ್ರವಲ್ಲ. ಹಲವು ಟೂರ್ನಿಗಳಲ್ಲಿ, ರೋಹಿತ್ ಮತ್ತು ಧವನ್ ಜೋಡಿ ಮಿಂಚಿತ್ತು. 2013ರ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಇವರಿಬ್ಬರು ತಂಡಕ್ಕೆ ಅದ್ಭುತ ಆರಂಭ ತಂದುಕೊಟ್ಟಿದ್ರು. ಆದ್ರೆ, ಈ ಬಾರಿ ಧವನ್ ವಿಶ್ವಕಪ್ ತಂಡಕ್ಕೆ ಆಯ್ಕೆಯಾಗೋದು ಅನುಮಾನವೆನಿಸಿದೆ.
ಶಿಖರ್ ಧವನ್ರನ್ನ ಏಕದಿನ ತಂಡದಿಂದ ಕೈಬಿಡಲಾಗಿದೆ. ಆದ್ರೆ, ಆಯ್ಕೆ ಸಮಿತಿಯ ವಿಶ್ವಕಪ್ ಪ್ಲಾನ್ ಶಿಖರ್ ಧವನ್ ಸ್ಥಾನ ಪಡೆದಿದ್ದಾರೆ. ಮೇನ್ ತಂಡದಲ್ಲೂ ಶಿಖರ್ ಧವನ್ ಸ್ಥಾನ ಸಿಕ್ರೆ, ಮತ್ತೆ ರೋಹಿತ್ - ಧವನ್ ಇನ್ನಿಂಗ್ಸ್ ಆರಂಭಿಸೋದು ಪಕ್ಕಾ..!
ಒಟ್ಟಿನಲ್ಲಿ ವಿಶ್ವಕಪ್ ಮಹಾಯುದ್ಧದಲ್ಲಿ ಹಿಟ್ಮ್ಯಾನ್ಗೆ ಯಾರು ಬೆಸ್ಟ್ ಜೋಡಿಯಾಗಲಿದ್ದಾರೆ. ಯಾರನ್ನ ಆಡಿಸಿದ್ರೆ ತಂಡಕ್ಕೆ ಸಕ್ಸಸ್ ಸಿಗಲಿದೆ ಅಂತ, ಕೋಚ್ ದ್ರಾವಿಡ್ ಮತ್ತು ಟೀಮ್ ಮ್ಯಾನೇಜ್ಮೆಂಟ್ ತಲೆಕೆಡಿಸಿಕೊಂಡಿದೆ.
ಬಹುನಿರೀಕ್ಷಿತ ಐಸಿಸಿ ಏಕದಿನ ವಿಶ್ವಕಪ್ ಅಕ್ಟೋಬರ್ 5ರಿಂದ ಆರಂಭಗೊಳ್ಳಲಿದ್ದು, ಭಾರತ ತನ್ನ ಮೊದಲ ಪಂದ್ಯವನ್ನು ಅಕ್ಟೋಬರ್ 8ರಂದು ಆಸ್ಟ್ರೇಲಿಯಾ ವಿರುದ್ಧ ಚೆನ್ನೈನಲ್ಲಿ ಆಡಲಿದೆ. ಫೈನಲ್‌ ಪಂದ್ಯವು ನವೆಂಬರ್ 19ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ.