Investor Sachin Tendulkar: ಉದ್ಯಮ ವಿಸ್ತರಿಸಿದ ತೆಂಡುಲ್ಕರ್, ಸ್ಪಿನ್ನಿಯಲ್ಲಿ ಕ್ರಿಕೆಟ್ ದಿಗ್ಗಜನ ಹೂಡಿಕೆ!

ಸ್ಪಿನ್ನಿಯಲ್ಲಿ ಹೂಡಿಕೆ ಮಾಡಿದ ಕ್ರೀಡಾ ದಿಗ್ಗಜ ಸಚಿನ್ ತೆಂಡೂಲ್ಕರ್ ಸಮಗ್ರ ಶ್ರೇಣಿಯ ಕಾರು ಮಾರಾಟ ಪ್ಲಾಟ್‌ಫಾರಂ ಸ್ಪಿನ್ನಿ ಹೂಡಿಕೆ ಜೊತೆ ಬ್ರಾಂಡ್ ಅಂಬಾಸಿಡರ್ ಜವಾಬ್ದಾರಿ

ಮುಂಬೈ(ಡಿ.14): ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್(Sachin Tendulkar) ಈಗಾಲೇ ಹಲವು ಕ್ಷೇತ್ರದಲ್ಲಿ ಹಣ ಹೂಡಿಕೆ ಮಾಡಿದ್ದಾರೆ. ಮಾಜಿ ಕ್ರಿಕೆಟಿಗ ಇದೀಗ ಯಶಸ್ವಿ ಉದ್ಯಮಿ.  ಸಚಿನ್ ಇದೀಗ ತನ್ನ ಉದ್ಯಮ(Business) ಸಾಮ್ರಾಜ್ಯ ವಿಸ್ತರಿಸಿದ್ದಾರೆ. ಆನ್‌ಲೈನ್‌ನಿಂದ ಆಫ್‌ಲೈನ್ ಬಳಕೆದಾರರವರೆಗೆ ಸಮಗ್ರ ಶ್ರೇಣಿಯ ಕಾರು ಮಾರಾಟ ಪ್ಲಾಟ್‌ಫಾರಂ ಆಗಿರುವ ಸ್ಪಿನ್ನಿ(Spinny),  ಸಚಿನ್ ತೆಂಡೂಲ್ಕರ್ ಅವರ ಜತೆ ಪಾಲುದಾರಿಕೆ ಮಾಡಿಕೊಂಡಿದೆ. ಸಚಿನ್ ತೆಂಡೂಲ್ಕರ್, ಕಂಪನಿಯಲ್ಲಿ ಕಾರ್ಯತಂತ್ರದ ಹೂಡಿಕೆದಾರರು ಮತ್ತು ಪ್ರಮುಖ ಬ್ರಾಂಡ್ ಅನುಮೋದಕರಾಗಿ ಕಾರ್ಯ ನಿರ್ವಹಿಸಲಿದ್ದಾರೆ. ಮಾಸ್ಟರ್ ಬ್ಲಾಸ್ಟರ್ ಜೊತೆಗಿನ ಒಡನಾಟವು ಯುವ ಭಾರತೀಯರಿಗೆ ಸರಳ ಮತ್ತು ಸಂತೋಷಕರ ಕಾರು ಖರೀದಿ ಮತ್ತು ಮಾರಾಟದ ಅನುಭವಗಳನ್ನು ನೀಡುವ ಮೂಲಕ ಅವರ ಕನಸುಗಳು ಮತ್ತು ಆಕಾಂಕ್ಷೆಗಳನ್ನು ಸಾಕ್ಷಾತ್ಕಾರ ಮಾಡುವಲ್ಲಿ ಸ್ಪಿನ್ನಿ ಕಂಪನಿಯ ಬದ್ಧತೆಯ ಮತ್ತೊಂದು ಅಧ್ಯಾಯವನ್ನು ಗುರುತಿಸುತ್ತದೆ.

ಸಚಿನ್ ತೆಂಡೂಲ್ಕರ್ ಅವರು ಅತ್ಯುನ್ನತ ಮಟ್ಟದ ನಿರಂತರತೆಯನ್ನು ಕಾಪಾಡಿಕೊಂಡು ಸತತವಾಗಿ ಉನ್ನತ ಮಟ್ಟದಲ್ಲಿ ಪ್ರದರ್ಶನ ನೀಡುವ ಮೂಲಕ ಪ್ರಸಿದ್ಧರಾಗಿದ್ದಾರೆ. ಇದೇ ರೀತಿಯ ಮೌಲ್ಯ ವ್ಯವಸ್ಥೆಯೊಂದಿಗೆ ಯುವ ಭಾರತೀಯರನ್ನು ಪ್ರೇರೇಪಿಸುವ ಗುರಿಯನ್ನು ಹೊಂದಿರುವ ಸ್ಪಿನ್ನಿ, ಕಾರ್ಯಕ್ಷಮತೆ, ಸ್ಥಿತಿಸ್ಥಾಪಕತ್ವ ಮತ್ತು ನಿರಂತರ ಸುಧಾರಣೆಗಾಗಿ ನಿಂತಿರುವ ಸಾರ್ವತ್ರಿಕ ಮಾದರಿಯೊಂದಿಗೆ ಕೆಲಸ ಮಾಡಲು ಸಚಿನ್ ಅವರನ್ನು ಆಯ್ಕೆ ಮಾಡಿದೆ.

ನಮ್ಮ ದೇಶವು ಯುವವಾಗುತ್ತಿದೆ ಮತ್ತು ನಮ್ಮ ಮಹತ್ವಾಕಾಂಕ್ಷೆಗಳು ದೊಡ್ಡದಾಗುತ್ತಿವೆ. ಇಂದಿನ ಉದ್ಯಮಿಗಳು ಈ ಮಹತ್ವಾಕಾಂಕ್ಷೆಯನ್ನು ಪೂರೈಸುವ ಪರಿಹಾರಗಳನ್ನು ಸೃಷ್ಟಿಸುತ್ತಿದ್ದಾರೆ. ಸ್ಪಿನ್ನಿಯೊಂದಿಗೆ ಸಂಬAಧ ಹೊಂದಲು ನನಗೆ ತುಂಬಾ ಸಂತೋಷವಾಗಿದೆ. ಇದು ಸರಿಯಾದ ರೀತಿಯಲ್ಲಿ ಪರಿಹಾರಗಳನ್ನು ಸೃಷ್ಟಿಸಲು ಬಯಸುವ ತಂಡ. ಈ ತಂಡವು ತಮ್ಮ ವ್ಯವಹಾರದಲ್ಲಿ ಶ್ರೇಷ್ಠತೆಯನ್ನು ಸಾಧಿಸಲು ನಂಬಿಕೆ, ಪಾರದರ್ಶಕತೆ ಮತ್ತು ಸಮಗ್ರತೆಯನ್ನು ಒಳಗೊಂಡ ಕಾಲಮಿತಿ ಇಲ್ಲದ ಅಪರಿಮಿತ ಮೌಲ್ಯಗಳನ್ನು ಅಳವಡಿಸಿಕೊಂಡಿದೆ. ನಾನು ಈಗ ಈ ಕುಟುಂಬದ ಭಾಗವಾಗಿದ್ದೇನೆ ಮತ್ತು ನಾವು ಮಾಡುವ ಎಲ್ಲದರಲ್ಲೂ ನಾವು ಪ್ರತಿದಿನ ಉತ್ತಮಗೊಳ್ಳಲು ನಾವು ಆಶಿಸುತ್ತೇವೆ ಎಂದು ಸಚಿನ್ ತೆಂಡುಲ್ಕರ್ ಹೇಳಿದರು.

ಸ್ಪಿನ್ನಿ ನಾಯಕನಾಗಿ ಮತ್ತು ಹೂಡಿಕೆದಾರರಾಗಿ ಸಚಿನ್ ತೆಂಡೂಲ್ಕರ್‌ನ್ನು ಸ್ಪಿನ್ನಿ ಸ್ಥಾಪಕ ಮತ್ತು ಸಿಇಓ ನೀರಜ್ ಸಿಂಗ್ ಆತ್ಮೀಯವಾಗಿ ಸ್ವಾಗತಿಸಿದ್ದಾರೆ.  ಅವರ ಜೀವನ ಮತ್ತು ಪ್ರಯಾಣವು ಸವಾಲುಗಳ ಮುಖಾಂತರ ದೃಢತೆ ಮತ್ತು ನಿರ್ಣಯದ ಮೌಲ್ಯಗಳಿಗೆ ದಾರಿದೀಪವಾಗಿದೆ. ನಾವು ಮಾಡುವ ಪ್ರತಿಯೊಂದರಲ್ಲೂ ಈ ಸಾಮರ್ಥ್ಯಗಳನ್ನು ತುಂಬಲು ನಾವು ಪ್ರಯತ್ನಿಸುತ್ತೇವೆ ಮತ್ತು ನಿಜವಾದ ಗ್ರಾಹಕರ ಸಮಸ್ಯೆಗಳನ್ನು ಪರಿಹರಿಸುವುದು ಸ್ಪಿನ್ನಿಯ ದೃಷ್ಟಿಕೋನ. ಸ್ಪಿನ್ನಿಯೊಂದಿಗೆ ಸಚಿನ್ ಅವರನ್ನು ಹೊಂದುವುದು ಸಂಪೂರ್ಣವಾಗಿ ಹೃದಯಸ್ಪರ್ಶಿಯಾಗಿದೆ ಮತ್ತು ನಮ್ಮ ಟೀಮ್ ಸ್ಪಿನ್ನಿಯ ಹೊಸ ನಾಯಕ ಸಚಿನ್ ರಮೇಶ್ ತೆಂಡೂಲ್ಕರ್ ಅವರನ್ನು ಸ್ವಾಗತಿಸಲು ನಾವು ಹೆಮ್ಮೆಪಡುತ್ತೇವೆ ಎಂದು ನೀರಜ್ ಸಿಂಗ್ ಹೇಳಿದರು.

ಈ ವರ್ಷದ ಆರಂಭದಲ್ಲಿ, ಸ್ಪಿನ್ನಿ ಬ್ರ್ಯಾಂಡ್ ಇತ್ತೀಚೆಗೆ ಒಲಿಂಪಿಕ್ ಪಜಕ ವಿಜೇತ, ಖ್ಯಾತ ಬ್ಯಾಡ್ಮಿಂಟನ್ ತಾರೆ  ಪಿವಿ ಸಿಂಧು ಅವರೊಂದಿಗೆ ತನ್ನ ಒಡನಾಟವನ್ನು ಘೋಷಿಸಿತು.  ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಬೆಳ್ಳಿ ಹಾಗೂ ಕಂಚಿನ ಪದಕ ಸಾಧನೆ ಮಾಡಿರುವ ಪಿವಿ ಸಿಂಧು ಕೂಡ ಸ್ಪಿನ್ನಿ ಜೊತೆ ಕೈಜೋಡಿಸಿದ್ದಾರೆ. ಇದೀಗ ಸಚಿನ್ ಆಗಮನ ಸ್ಪಿನ್ನಿ ಕಂಪನಿಯಲ್ಲಿ  ಹೊಸ ಚೈತನ್ಯ ಮೂಡಿಸಿದೆ. ಮುಂಬರುವ ವರ್ಷದಲ್ಲಿ, ಇತರ ಪ್ರಸಿದ್ಧ ಸ್ಪಿನ್ನಿ ಗ್ರಾಹಕರೊಂದಿಗೆ, ಸ್ಕ್ವಾಡ್ ಸ್ಪಿನ್ನಿಯ ನೇಮಕಗೊಂಡ ಕ್ಯಾಪ್ಟನ್‌ಗಳು ಶತಕೋಟಿ ಕಾರು ಕನಸುಗಳ ಆಕಾಂಕ್ಷೆಗಳನ್ನು ಸಾಕಾರಗೊಳಿಸುವತ್ತ ಗಮನಹರಿಸುವ ಮಾರ್ಕೆಟಿಂಗ್ ಉಪಕ್ರಮಗಳ ಸರಣಿಯನ್ನು ಮುನ್ನಡೆಸುತ್ತಾರೆ.