ಶ್ರೇಯಸ್ ಫಿಟ್ ಆಗದಿದ್ದರೆ ಒನ್ಡೇ ಕ್ರಿಕೆಟ್ಗೆ ನಂಬರ್ 4 ಸ್ಲಾಟ್ಗೆ ಒಬ್ಬ ಬ್ಯಾಟರ್ ಬೇಕಿತ್ತು. ಅದರಲ್ಲೂ ಎಡಗೈ ಬ್ಯಾಟರ್ ಆಗಿದ್ದರೆ ಉತ್ತಮ ಅನ್ನೋದು ದ್ರಾವಿಡ್ ಅನಿಸಿಕೆಯಾಗಿತ್ತು. ಹೀಗಾಗಿ ಟಿ20ಯಲ್ಲಿ ನಂಬರ್ 4 ಸ್ಲಾಟ್ನಲ್ಲಿ ತಿಲಕ್ ವರ್ಮಾಗೆ ಚಾನ್ಸ್ ಕೊಟ್ಟರು. ಕೊಟ್ಟ ಅವಕಾಶವನ್ನ ಎರಡೂ ಕೈಗಳಿಂದ ಬಾಚಿಕೊಂಡ ತಿಲಕ್, ಮೂರು ಮ್ಯಾಚ್ನಲ್ಲೂ ಮಿಂಚಿದ್ರು.
ಬೆಂಗಳೂರು(ಆ.10) ಏಕದಿನ ವಿಶ್ವಕಪ್ಗೆ ಇನ್ನೆರಡು ತಿಂಗಳು ಬಾಕಿ ಇದೆ. ಆದ್ರೂ ಟೀಂ ಇಂಡಿಯಾ ಇನ್ನೂ ರೆಡಿಯಾಗಿಲ್ಲ. ಏಷ್ಯಾಕಪ್ನಲ್ಲೂ ಕೋರ್ ಟೀಂ ಆಡುವ ನಿರೀಕ್ಷೆಗಳಿಲ್ಲ. ಯಾಕಂದ್ರೆ ಕೆಎಲ್ ರಾಹುಲ್ ಫಿಟ್ ಆಗಿದ್ದು ಏಷ್ಯಾಕಪ್ ಆಡಲಿದ್ದಾರೆ ಅಂತ ಹೇಳಿದ್ರೆ, ಶ್ರೇಯಸ್ ಅಯ್ಯರ್ ಡೌಟ್ ಅನ್ನೋ ಸುದ್ದಿಗಳು ಬಂದಿವೆ. ಈಗ ಶ್ರೇಯಸ್ ಫಿಟ್ ಆಗದಿದ್ದರೆ ಏಷ್ಯಾಕಪ್ನಲ್ಲಿ ನಂಬರ್ 4 ಸ್ಲಾಟ್ನಲ್ಲಿ ಯಾರು ಆಡ್ತಾರೆ. ವಿಶ್ವಕಪ್ ವೇಳೆಗೂ ಅಯ್ಯರ್ ಫಿಟ್ ಆಗಲಿಲ್ಲ ಅಂದ್ರೆ ಅಲ್ಲೂ 4ನೇ ಕ್ರಮಾಂಕಕ್ಕೆ ಖಾಲಿ ಇರಲಿದೆ. ಆ ಪ್ಲೇಸ್ನಲ್ಲಿ ಆಡೋರು ಯಾರು..? ಈ ಎಲ್ಲಾ ಪ್ರಶ್ನೆಗಳಿಗೆ ಕೋಚ್ ರಾಹುಲ್ ದ್ರಾವಿಡ್ ಉತ್ತರ ಕಂಡು ಹಿಡಿದಿದ್ದಾರೆ. ಆ ಉತ್ತರವೇ ತಿಲಕ್ ವರ್ಮಾ.
ಒನ್ಡೇ ಕ್ರಿಕೆಟ್ನಲ್ಲಿ ನಂ. 4 ಸ್ಲಾಟ್ನಲ್ಲಿ ಉತ್ತಮ ಪ್ರದರ್ಶನ ನೀಡುವಲ್ಲಿ ಸಾಕಷ್ಟು ಆಟಗಾರರು ವಿಫಲರಾಗಿದ್ದಾರೆ. ಶ್ರೇಯಸ್ ಅಯ್ಯರ್ ಅನುಪಸ್ಥಿತಿಯಲ್ಲಿ ಸೂರ್ಯಕುಮಾರ್ ಯಾದವ್ (Suryakumar Yadav)ನನ್ನ ಒನ್ಡೇಯಲ್ಲೂ 4ನೇ ಕ್ರಮಾಂಕದಲ್ಲಿ ಆಡಿಸಿ ಪ್ರಯೋಗ ಮಾಡಲಾಯ್ತು. ಆದ್ರೆ ಆಸ್ಟ್ರೇಲಿಯಾ ವಿರುದ್ಧ ಮೂರು ಗೋಲ್ಡನ್ ಡಕೌಟ್ ಆದ ಸೂರ್ಯ, ವೆಸ್ಟ್ ಇಂಡೀಸ್ ಒನ್ಡೇಯಲ್ಲೂ ವಿಫಲರಾದ್ರು. ಆಗ ಕೋಚ್ ರಾಹುಲ್ ದ್ರಾವಿಡ್ (Rahul Dravid) ತಲೆಯಲ್ಲಿ ಹೊಳೆದಿದ್ದೇ ಎಡಗೈ ಬ್ಯಾಟರ್ ತಿಲಕ್ ವರ್ಮಾ ಹೆಸರು.
Asia Cup 2023: ಏಷ್ಯಾಕಪ್ ಟೂರ್ನಿಗೆ ಆತಿಥೇಯ ಪಾಕಿಸ್ತಾನ ತಂಡ ಪ್ರಕಟ..! ಸ್ಟಾರ್ ಕ್ರಿಕೆಟಿಗರಿಗೆ ಸ್ಥಾನ
ನಂ.4 ಸ್ಲಾಟ್ನಲ್ಲಿ ತಿಲಕ್ ವರ್ಮಾರನ್ನು ಆಡಿಸಿದ ರಾಹುಲ್ ದ್ರಾವಿಡ್
ಟಿ20 ಕ್ರಿಕೆಟ್ನಲ್ಲಿ ನಂಬರ್ 4 ಸ್ಲಾಟ್ನಲ್ಲಿ ರನ್ ಹೊಳೆಯನ್ನೇ ಹರಿಸಿ ಎರಡು ಶತಕ ಹೊಡೆದಿರುವ ಸೂರ್ಯಗೆ 3ನೇ ಕ್ರಮಾಂಕಕ್ಕೆ ಬಡ್ತಿ ನೀಡಿ ಆ ಸ್ಲಾಟ್ನಲ್ಲಿ ತಿಲಕ್ ವರ್ಮಾರನ್ನ ಆಡಿಸಿದ್ರು ದ್ರಾವಿಡ್. ಕಾರಣ ಶ್ರೇಯಸ್ ಫಿಟ್ ಆಗದಿದ್ದರೆ ಒನ್ಡೇ ಕ್ರಿಕೆಟ್ಗೆ ನಂಬರ್ 4 ಸ್ಲಾಟ್ಗೆ ಒಬ್ಬ ಬ್ಯಾಟರ್ ಬೇಕಿತ್ತು. ಅದರಲ್ಲೂ ಎಡಗೈ ಬ್ಯಾಟರ್ ಆಗಿದ್ದರೆ ಉತ್ತಮ ಅನ್ನೋದು ದ್ರಾವಿಡ್ ಅನಿಸಿಕೆಯಾಗಿತ್ತು. ಹೀಗಾಗಿ ಟಿ20ಯಲ್ಲಿ ನಂಬರ್ 4 ಸ್ಲಾಟ್ನಲ್ಲಿ ತಿಲಕ್ ವರ್ಮಾಗೆ ಚಾನ್ಸ್ ಕೊಟ್ಟರು. ಕೊಟ್ಟ ಅವಕಾಶವನ್ನ ಎರಡೂ ಕೈಗಳಿಂದ ಬಾಚಿಕೊಂಡ ತಿಲಕ್, ಮೂರು ಮ್ಯಾಚ್ನಲ್ಲೂ ಮಿಂಚಿದ್ರು.
ಮೂರು ಪಂದ್ಯದಲ್ಲೂ ತಿಲಕ್ ಆರ್ಭಟ..!
ಮೊದಲ ಪಂದ್ಯದಲ್ಲಿ 39 ರನ್ ಗಳಿಸಿದ್ದ ತಿಲಕ್ ವರ್ಮಾ (Tilak Verma), 2ನೇ ಪಂದ್ಯದಲ್ಲಿ ಹಾಫ್ ಸೆಂಚುರಿ ಹೊಡೆದು ಮಿಂಚಿದ್ರು. ಆ ಅರ್ಧಶತಕವನ್ನ ಮಾತು ಕೊಟ್ಟಂತೆ ರೋಹಿತ್ ಶರ್ಮಾ ಪುತ್ರಿಗೆ ಅರ್ಪಿಸಿದ್ರು. ಇನ್ನು 3ನೇ ಟಿ20 ಮ್ಯಾಚ್ನಲ್ಲಿ ಅಜೇಯ 49 ರನ್ ಹೊಡೆಯುವ ಮೂಲಕ ಸತತ ಎರಡು ಸೋಲು ಕಂಡಿದ್ದ ಟೀಂ ಇಂಡಿಯಾವನ್ನ ಗೆಲುವಿನ ಹಳಿಗೆ ಮರಳಿಸಿದ್ರು. 3 ಮ್ಯಾಚ್ನಿಂದ 139ರ ಸ್ಟ್ರೈಕ್ರೇಟ್ನಲ್ಲಿ 139 ರನ್ ಹೊಡೆದ ತಿಲಕ್, ರಾಹುಲ್ ದ್ರಾವಿಡ್ ಮನಸ್ಸು ಗೆದ್ದಿದ್ದಾರೆ.
ಯುವ ಕ್ರಿಕೆಟಿಗ ತಿಲಕ್ ವರ್ಮಾ ಫಿಫ್ಟಿ ತಪ್ಪಿಸಿದ ಸ್ವಾರ್ಥಿ ಪಾಂಡ್ಯ..! ಧೋನಿ ನೋಡಿ ಕಲಿಯಿರಿ ಎಂದ ಫ್ಯಾನ್ಸ್
ಏಷ್ಯಾಕಪ್ ನಂ.4 ಸ್ಲಾಟ್ನಲ್ಲಿ ಆಡ್ತಾರಾ ತಿಲಕ್..?
ಒನ್ಡೇಯಲ್ಲಿ ಸೂರ್ಯಕುಮಾರ್ ಯಾದವ್‌ರನ್ನು ನಂಬುವ ಹಾಗಿಲ್ಲ. ಏಷ್ಯಾಕಪ್ಗೆ ಶ್ರೇಯಸ್ ಅಯ್ಯರ್(Shreyas Iyer) ಫಿಟ್ ಆಗೋದು ಅನುಮಾನ. ಹೀಗಾಗಿ ತಿಲಕ್ ವರ್ಮಾಗೆ ಒನ್ಡೇಯಲ್ಲೂ ಸ್ಥಾನ ಸಿಗುವ ಸಾಧ್ಯತೆ ಇದೆ. ಎಡಗೈ ಬ್ಯಾಟರ್ ಮಿಡಲ್ ಆರ್ಡರ್ನಲ್ಲಿ ಆಡಿದ್ರೆ ತಂಡದ ಬ್ಯಾಟಿಂಗ್ ಸ್ಟ್ರಾಂಗ್ ಆಗಲಿದೆ. ಹೀಗಾಗಿ ಒನ್ಡೇಯಲ್ಲೂ ತಿಲಕ್ ಸ್ಥಾನ ಪಡೆಯಲಿದ್ದಾರೆ. ಏಷ್ಯಾಕಪ್ನಲ್ಲಿ (Asia Cup 2023) ತಿಲಕ್ ಕ್ಲಿಕ್ ಆದ್ರೆ ಒನ್ಡೇ ವರ್ಲ್ಡ್ಕಪ್ ಆಡೋದು ಪಕ್ಕಾ. ಅಲ್ಲಿಗೆ ಟೀಮ್ನಲ್ಲಿ ಲೆಫ್ಟಿ ಬ್ಯಾಟರ್ ಕೊರತೆಯನ್ನ ತಿಲಕ್-ಜಡೇಜಾ ನೀಗಿಸಲಿದ್ದಾರೆ.