ರನೌಟ್‌ ನಿಯಮ ಗೊತ್ತಿ​ರ​ದ ಲಂಕಾದ ಸಂಡ​ಕನ್‌ ಎಡ​ವ​ಟ್ಟು!

ಶ್ರೀಲಂಕಾ ಕ್ರಿಕೆಟಿಗ ಲಕ್ಷನ್‌ ಸಂಡ​ಕನ್‌ ನಿಯಮ ಸರಿಯಾಗಿ ಅರ್ಥಮಾಡಿಕೊಳ್ಳದೆ ಎಡವಟ್ಟು ಮಾಡಿಕೊಂಡಿದ್ದಾರೆ. ರನೌಟ್ ನಿಯಮದಲ್ಲಿ ಸಣ್ಣ ತಪ್ಪು ಮಾಡಿದ ಕಾರಣ ಬ್ಯಾಟ್ಸ್‌ಮನ್ ಔಟಾಗದೇ ಉಳಿದುಕೊಂಡರು. ಸಂಡಕನ್ ಮಾಡಿದ ಎಡವಟ್ಟು ವಿವರ ಇಲ್ಲಿದೆ.

ಬ್ರಿಸ್ಬೇನ್‌(ಅ.31) : ಲಂಕಾ-ಆಸ್ಪ್ರೇ​ಲಿಯಾ 2ನೇ ಟಿ20 ವೇಳೆ ತಮಾಷೆಯ ಪ್ರಸಂಗವೊಂದು ನಡೆ​ಯಿತು. ಲಂಕಾ ಇನ್ನಿಂಗ್ಸ್‌ ವೇಳೆ ಲಕ್ಷನ್‌ ಸಂಡ​ಕನ್‌ ಬಾರಿ​ಸಿದ ಚೆಂಡು ನೇರವಾಗಿ ಸ್ಟಂಫ್ಸ್‌ಗೆ ಬಡಿ​ದು ಬೇಲ್ಸ್‌ ನೆಲ​ಕ್ಕು​ರು​ಳಿತು. ಈ ವೇಳೆ ಬ್ಯಾಟ್ಸ್‌ಮನ್‌ಗಳು ರನ್‌ ಕದಿ​ಯಲು ಯತ್ನಿ​ಸಿ​ದರು. ಆದರೆ ಬೌಲರ್‌ ಪ್ಯಾಟ್‌ ಕಮಿನ್ಸ್‌, ಚೆಂಡನ್ನು ಸ್ಟಂಫ್ಸ್‌ಗೆ ತಾಕಿಸುತ್ತಾ ಸ್ಟಂಪ್‌ವೊಂದನ್ನು ಕಿತ್ತರು. ಸಂಡ​ಕನ್‌ ರನೌಟ್‌ ಆಗಿ ಹೊರ​ನ​ಡೆ​ದರು. 

ಇದನ್ನೂ ಓದಿ: ಡೇವಿಡ್ ವಾರ್ನರ್ ಅಪರೂಪದ ದಾಖಲೆ!

ಆದರೆ ಆಸ್ಪ್ರೇ​ಲಿಯಾ ಇನ್ನಿಂಗ್ಸ್‌ ವೇಳೆ ವಾರ್ನರ್‌ ಬಾರಿ​ಸಿದ ಚೆಂಡು ಸ್ಟಂಫ್ಸ್‌ಗೆ ಬಡಿಯಿತು. ನಾನ್‌ ಸ್ಟ್ರೈಕರ್ ಬದಿ​ಯ​ಲ್ಲಿದ್ದ ಸ್ಮಿತ್‌ ಆಗಲೇ ಅರ್ಧ ದೂರ ಓಡಿದ್ದರು. ಆದರೆ ಸಂಡ​ಕನ್‌ ಒಂದು ಕೈಯಲ್ಲಿ ಚೆಂಡನ್ನು ಹಿಡಿದು ಮತ್ತೊಂದು ಕೈಯಲ್ಲಿ ಸ್ಟಂಫ್ಸ್‌ ಕಿತ್ತರು. ಸ್ಮಿತ್‌ ಕ್ರೀಸ್‌ ತಲುಪಿ ಔಟಾ​ಗದೆ ಉಳಿ​ದರು. ನಿಯ​ಮದ ಪ್ರಕಾರ ಬೇಲ್ಸ್‌ ಬಿದ್ದ ವೇಳೆ ಬ್ಯಾಟ್ಸ್‌ಮನ್‌ನನ್ನು ರನೌಟ್‌ ಮಾಡ​ಬೇ​ಕಿ​ದ್ದರೆ ಕ್ಷೇತ್ರ​ರ​ಕ್ಷಕ ಚೆಂಡನ್ನು ಸ್ಟಂಫ್ಸ್‌ಗೆ ತಗ​ಲಿ​ಸುತ್ತಾ ಸ್ಟಂಫ್ಸ್‌ ಕೀಳ​ಬೇಕು.

ಇದನ್ನೂ ಓದಿ: ಬಿಸಿಸಿಐ ಬಳಿಕ ಎಫ್‌ಟಿಪಿಗೆ ಆಸೀಸ್‌ ವಿರೋಧ

ಲಂಕಾ ವಿರುದ್ಧ ಆಸೀಸ್‌ ಜಯ​ಭೇ​ರಿ! 
ಈ ಪಂದ್ಯದಲ್ಲಿ ಡೇವಿಡ್‌ ವಾರ್ನರ್‌ ಹಾಗೂ ಸ್ಟೀವ್‌ ಸ್ಮಿತ್‌ರ ಸ್ಫೋಟ​ಕ ಅರ್ಧ​ಶ​ತಕಗಳ ನೆರ​ವಿ​ನಿಂದ ಶ್ರೀಲಂಕಾ ವಿರು​ದ್ಧದ 2ನೇ ಟಿ20 ಪಂದ್ಯ​ದಲ್ಲಿ ಆಸ್ಪ್ರೇ​ಲಿಯಾ 9 ವಿಕೆಟ್‌ಗಳ ಗೆಲುವು ಸಾಧಿ​ಸಿತು. ಈ ಮೂಲಕ 3 ಪಂದ್ಯ​ಗಳ ಸರ​ಣಿ​ಯಲ್ಲಿ 2-0 ಮುನ್ನಡೆ ಸಾಧಿಸಿ, ಸರಣಿ ವಶ​ಪ​ಡಿ​ಸಿ​ಕೊಂಡಿತು. ಬುಧ​ವಾರ ಇಲ್ಲಿ ನಡೆದ ಪಂದ್ಯ​ದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಶ್ರೀಲಂಕಾ 19 ಓವ​ರ್‌ಗಳಲ್ಲಿ ಕೇವಲ 117 ರನ್‌ಗಳಿಗೆ ಆಲೌಟ್‌ ಆಯಿತು. ಕುಸಾಲ್‌ ಪೆರೇರಾ 27 ರನ್‌ಗಳೊಂದಿಗೆ ತಂಡದ ಪರ ಗರಿಷ್ಠ ರನ್‌ ಸರದಾರನೆನಿ​ಸಿ​ದರು. 

ಸುಲಭ ಗುರಿ ಬೆನ್ನ​ತ್ತಿದ ಆಸ್ಪ್ರೇ​ಲಿಯಾ ಮೊದಲ ಓವ​ರಲ್ಲೇ ನಾಯಕ ಆ್ಯರೋನ್‌ ಫಿಂಚ್‌ (00) ವಿಕೆಟ್‌ ಕಳೆ​ದು​ಕೊಂಡಿತು. 2ನೇ ವಿಕೆಟ್‌ಗೆ ಕ್ರೀಸ್‌ ಹಂಚಿ​ಕೊಂಡ ವಾರ್ನರ್‌ ಹಾಗೂ ಸ್ಮಿತ್‌ 12.3 ಓವ​ರಲ್ಲಿ 117 ರನ್‌ ಜೊತೆ​ಯಾಟವಾಡಿ ತಂಡಕ್ಕೆ ಗೆಲುವು ತಂದು​ಕೊ​ಟ್ಟರು. ವಾರ್ನರ್‌ 41 ಎಸೆ​ತ​ಗ​ಳಲ್ಲಿ 60 ರನ್‌ ಸಿಡಿ​ಸಿ​ದರೆ, ಸ್ಮಿತ್‌ 36 ಎಸೆ​ತ​ಗ​ಳಲ್ಲಿ 53 ರನ್‌ ಚಚ್ಚಿದರು.

ಸ್ಕೋರ್‌: ಶ್ರೀಲಂಕಾ 19 ಓವ​ರಲ್ಲಿ 117/10, ಆಸ್ಪ್ರೇ​ಲಿಯಾ 13 ಓವ​ರಲ್ಲಿ 118/1