ಕಳೆದ ಬಾರಿ ವಿಶ್ವಕಪ್‌ ಗೆದ್ದಿದ್ದ ಇಂಗ್ಲೆಂಡ್ ತಂಡಕ್ಕೆ 1.6 ಮಿಲಿಯನ್‌ ಯುಎಸ್ ಡಾಲರ್‌(ಈಗಿನ ಅಂದಾಜು 13.2 ಕೋಟಿ ರು.) ನಗದು ಬಹುಮಾನ ಲಭಿಸಿತ್ತು. ಈ ಬಾರಿ ಟೂರ್ನಿಯ ಒಟ್ಟಾರೆ ಪ್ರಶಸ್ತಿ ಮೊತ್ತವನ್ನು ಐಸಿಸಿ 11.25 ಮಿಲಿಯನ್‌ ಯುಎಸ್ ಡಾಲರ್‌(ಅಂದಾಜು 93 ಕೋಟಿ ರು.)ಗೆ ಹೆಚ್ಚಿಸಿದೆ.
ನ್ಯೂಯಾರ್ಕ್‌: ಈ ಬಾರಿ ಟಿ20 ವಿಶ್ವಕಪ್‌ನ ಪ್ರಶಸ್ತಿ ಮೊತ್ತವನ್ನು ಐಸಿಸಿ ದಾಖಲೆ ಪ್ರಮಾಣದಲ್ಲಿ ಹೆಚ್ಚಿಸಿದೆ. ಟ್ರೋಫಿ ವಿಜೇತ ತಂಡಕ್ಕೆ ಈ ಸಲ 2.45 ಮಿಲಿಯನ್‌ ಅಮೆರಿಕನ್‌ ಡಾಲರ್‌(ಅಂದಾಜು 20.35 ಕೋಟಿ ರು.) ನಗದು ಬಹುಮಾನ ಸಿಗಲಿದೆ ಎಂದು ಐಸಿಸಿ ಸೋಮವಾರ ಪ್ರಕಟಿಸಿದೆ.
ಕಳೆದ ಬಾರಿ ವಿಶ್ವಕಪ್‌ ಗೆದ್ದಿದ್ದ ಇಂಗ್ಲೆಂಡ್ ತಂಡಕ್ಕೆ 1.6 ಮಿಲಿಯನ್‌ ಯುಎಸ್ ಡಾಲರ್‌(ಈಗಿನ ಅಂದಾಜು 13.2 ಕೋಟಿ ರು.) ನಗದು ಬಹುಮಾನ ಲಭಿಸಿತ್ತು. ಈ ಬಾರಿ ಟೂರ್ನಿಯ ಒಟ್ಟಾರೆ ಪ್ರಶಸ್ತಿ ಮೊತ್ತವನ್ನು ಐಸಿಸಿ 11.25 ಮಿಲಿಯನ್‌ ಯುಎಸ್ ಡಾಲರ್‌(ಅಂದಾಜು 93 ಕೋಟಿ ರು.)ಗೆ ಹೆಚ್ಚಿಸಿದೆ.
undefined
T20 World Cup 2024: ಲೋ ಸ್ಕೋರ್‌ ಪಂದ್ಯ ಗೆದ್ದ ದಕ್ಷಿಣ ಆಫ್ರಿಕಾ!
ಇದು ಟೂರ್ನಿಯ ಇತಿಹಾಸದಲ್ಲೇ ಗರಿಷ್ಠ. ಈ ಪೈಕಿ ರನ್ನರ್‌-ಅಪ್‌ ತಂಡಕ್ಕೆ 10.6 ಕೋಟಿ ರು. ಸಿಗಲಿದೆ. ಸೆಮಿಫೈನಲ್‌ ಪ್ರವೇಶಿಸುವ ತಂಡಗಳು ತಲಾ ಅಂದಾಜು ₹6.5 ಕೋಟಿ, ಸೂಪರ್‌-8 ಹಂತದಲ್ಲಿ ಹೊರಬಿದ್ದ ತಂಡಗಳು ತಲಾ ಅಂದಾಜು ₹3.17 ಕೋಟಿ ಪಡೆಯಲಿವೆ.
ಟೂರ್ನಿಯಲ್ಲಿ 9ರಿಂದ 12ರ ವರೆಗೆ ಸ್ಥಾನ ಪಡೆದ ತಂಡಗಳು ತಲಾ 2.05 ಕೋಟಿ ರು, 13ರಿಂದ 20 ಸ್ಥಾನಿಯಾದ ತಂಡಗಳು ತಲಾ 1.87 ಕೋಟಿ ರು. ಪಡೆಯಲಿದೆ. ಅಲ್ಲದೆ ಗುಂಪು ಹಂತ ಮತ್ತು ಸೂಪರ್‌-8 ಹಂತದಲ್ಲಿ ಗೆಲ್ಲುವ ಪ್ರತಿ ಪಂದ್ಯಕ್ಕೆ ತಂಡಗಳಿಗೆ 25 ಲಕ್ಷ ರು. ಹೆಚ್ಚುವರಿ ನಗದು ಸಿಗಲಿವೆ ಎಂದು ಐಸಿಸಿ ತಿಳಿಸಿದೆ.
ವಿಶ್ವಕಪ್‌ನ ಬಳಿಕ ಮತ್ತೆ ಕೋಚ್‌ ಆಗಲ್ಲ: ದ್ರಾವಿಡ್‌
ನವದೆಹಲಿ: ಭಾರತ ತಂಡ ಕೋಚ್‌ ಆಗಿರುವ ರಾಹುಲ್ ದ್ರಾವಿಡ್‌, ಟಿ20 ವಿಶ್ವಕಪ್‌ ಬಳಿಕ ಹುದ್ದೆ ತೊರೆಯುವುದಾಗಿ ಸ್ಪಷ್ಟಪಡಿಸಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಟಿ20 ವಿಶ್ವಕಪ್‌ಗೆ ದ್ರಾವಿಡ್‌ ಅವಧಿ ಕೊನೆಗೊಳ್ಳಲಿದೆ. ಬಿಸಿಸಿಐ ಈಗಾಗಲೇ ನೂತನ ಕೋಚ್‌ ಹುದ್ದೆಗೆ ಅರ್ಜಿ ಆಹ್ವಾನಿಸಿದೆ. ಈ ನಡುವೆ ದ್ರಾವಿಡ್‌ ಮತ್ತೊಂದು ಅವಧಿಗೆ ಕೋಚ್‌ ಆಗಲ್ಲ ಎಂದೇ ಮಾಧ್ಯಮಗಳಲ್ಲಿ ವರದಿಯಾಗಿತ್ತು. ಈ ಬಗ್ಗೆ ಸ್ವತಃ ದ್ರಾವಿಡ್‌ ಖಚಿತಪಡಿಸಿದ್ದು, ಟಿ20 ವಿಶ್ವಕಪ್‌ನಲ್ಲಿ ಕೊನೆ ಬಾರಿ ಭಾರತದ ಕೋಚ್‌ ಆಗಿ ಕಾರ್ಯನಿರ್ವಹಿಸಲಿದ್ದೇನೆ ಎಂದಿದ್ದಾರೆ.