2022ರ ಭಾರತ ಪ್ರವಾಸಕ್ಕೆ ಆಸ್ಪ್ರೇಲಿಯಾ ತಂಡ ಸಿದ್ಧತೆ!
ಸಾರಾಂಶ
ಪ್ರತಿ ತಂಡ 2020ರ ಟಿ20 ವಿಶ್ವಕಪ್ ಟೂರ್ನಿಗೆ ಸಿದ್ದತೆ ನಡೆಸುತ್ತಿದೆ. ಆದರೆ ಆಸ್ಟ್ರೇಲಿಯಾ ಟಿ20 ವಿಶ್ವಕಪ್ ಸಿದ್ಧತೆ ಜೊತೆಗೆ 2022ರ ಭಾರತ ಪ್ರವಾಸಕ್ಕೆ ತಯಾರಿ ಆರಂಭಿಸಿದೆ.
ಮೆಲ್ಬರ್ನ್(ನ.16) : ಭಾರತ ಪ್ರವಾಸಕ್ಕೆ ಇನ್ನು 2 ವರ್ಷಕ್ಕೂ ಹೆಚ್ಚಿಗೆ ಸಮಯ ಬಾಕಿ ಇದ್ದರೂ, ತಂಡ ಈಗಾಗಲೇ ಅಭ್ಯಾಸ ಆರಂಭಿಸಿರುವುದಾಗಿ ಆಸ್ಪ್ರೇಲಿಯಾ ಕ್ರಿಕೆಟ್ ತಂಡದ ಪ್ರಧಾನ ಕೋಚ್ ಜಸ್ಟಿನ್ ಲ್ಯಾಂಗರ್ ಹೇಳಿದ್ದಾರೆ. 2022ರಲ್ಲಿ ಆಸ್ಪ್ರೇಲಿಯಾ ತಂಡ ಭಾರತಕ್ಕೆ ಆಗಮಿಸಲಿದ್ದು 4 ಪಂದ್ಯಗಳ ಟೆಸ್ಟ್ ಸರಣಿಯನ್ನು ಆಡಲಿದೆ. ಇದಕ್ಕಾಗಿ ಈಗಿನಿಂದಲೇ ಅಭ್ಯಾಸ ನಡೆಸುವುದಾಗಿ ಕೋಚ್ ಹೇಳಿದ್ದಾರೆ.
ಇದನ್ನೂ ಓದಿ: ಆಸ್ಟ್ರೇಲಿಯಾ ಕ್ರಿಕೆಟರ್ ಆಸೋಸಿಯೇಶನ್ಗೆ ವ್ಯಾಟ್ಸನ್ ಅಧ್ಯಕ್ಷ!
ತವರಿನಲ್ಲಿ ಭಾರತ ತಂಡ ಅತ್ಯಂತ ಬಲಿಷ್ಠವಾಗಿದ್ದು, ಪ್ರತಿ ಎದುರಾಳಿಯನ್ನು ಬಗ್ಗುಬಡಿಯುತ್ತಿದೆ. ಹಲವು ವರ್ಷಗಳಿಂದ ಭಾರತದಲ್ಲಿ ಟೆಸ್ಟ್ ಸರಣಿ ಗೆಲ್ಲದ ಆಸ್ಪ್ರೇಲಿಯಾ, ಕಳೆದ ಬಾರಿ ಭಾರತ ತಂಡ ಪ್ರವಾಸ ಕೈಗೊಂಡಿದ್ದಾಗಲೂ ಸರಣಿ ಕೈಚೆಲ್ಲಿತ್ತು. ‘ಭಾರತದಲ್ಲಿ ಗೆಲ್ಲುವುದು ಯಾವಾಗಲೂ ಕಷ್ಟ. ಆದರೆ ನಾವು ನಿರೀಕ್ಷೆಯೊಂದಿಗೆ ಸಿದ್ಧತೆ ಆರಂಭಿಸಿದ್ದೇವೆ. ಇನ್ನು 2 ವರ್ಷ ಸಮಯವಿದೆ. ಆ ವೇಳೆಗೆ ಯುದ್ಧಗೆ ಸಂಪೂರ್ಣ ಸಿದ್ಧರಾಗುವ ಭರವಸೆ ಇದೆ’ ಎಂದು ಲ್ಯಾಂಗರ್ ಹೇಳಿದ್ದಾರೆ.
ಇದನ್ನೂ ಓದಿ: ರೋಲ್ ಮಾಡೆಲ್ ಅಪ್ಪ ಅಲ್ಲ, ಕೊಹ್ಲಿ ಆಗಲು ಬಯಸಿದ ವಾರ್ನರ್ ಪುತ್ರಿ!
2 ವರ್ಷಕ್ಕೂ ಮೊದಲು ದ್ವಿಪಕ್ಷೀಯ ಸರಣಿಗೆ ಸಿದ್ದತೆ ನಡೆಸುತ್ತಿರುವ ಮೊದಲ ತಂಡ ಆಸ್ಟ್ರೇಲಿಯಾ. ವಿಶ್ವಕಪ್ ಸರಣಿ, ಚಾಂಪಿಯನ್ಸ್ ಟ್ರೋಫಿ ಸೇರಿದಂತೆ ಐಸಿಸಿ ಮಹತ್ವದ ಸರಣಿಗಳಿ ಪ್ರತಿ ತಂಡ ವರ್ಷಕ್ಕೂ ಮೊದಲೇ ಸಿದ್ಧತ ಆರಂಭಿಸುವುದು ವಾಡಿಕೆ. ಆದರೆ ದ್ವಿಪಕ್ಷೀಯ ಸರಣಿಗೆ ಇದೇ ಮೊದಲು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.