ಬಾಲಿವುಡ್‌ನಲ್ಲಿ ಒಬ್ಬಂಟಿಯಾಗಿ ಮಕ್ಕಳನ್ನು ಬೆಳೆಸುತ್ತಿರುವ ಹಲವು ನಟಿಯರಿದ್ದಾರೆ. ಅವರು ತಮ್ಮ ಏಕಾಂಗಿ ತಾಯ್ತನದ ಬಗ್ಗೆ ಏನು ಹೇಳುತ್ತಾರೆ?
ತಂದೆಯಾಗಲಿ, ತಾಯಿಯಾಗಲಿ, ಏಕಾಂಗಿಯಾಗಿ ಮಕ್ಕಳನ್ನು ಬೆಳೆಸುವುದು ಕಷ್ಟವೇ. ಅದರಲ್ಲೂ ಸಿಂಗಲ್ ಮದರ್‌ಗಳ (Single mothers) ಕಷ್ಟ ತುಂಬಾನೇ ಇರುತ್ತದೆ. ಒಂಧೆಡೆ ವೃತ್ತಿಬದುಕಿನ ಒತ್ತಡಗಳನ್ನು ತಾಳಿಕೊಂಡು, ಇನ್ನೊಂದು ಕಡೆ ಜವಾಬ್ದಾರಿಯುತ ಪ್ರಜೆಗಳಾಗಿ ಮಕ್ಕಳನ್ನು ಬೆಳೆಸಬೇಕಿರುತ್ತದೆ. ಬಾಲಿವುಡ್‌ನಲ್ಲಿ ಇಂಥ ಮಾದರಿ ತಾಯಂದಿರು ತುಂಬಾ ಮಂದಿ ಇದ್ದಾರೆ. ಅವರನ್ನು ಇಲ್ಲಿ ನೋಡೋಣ.
ಕರಿಷ್ಮಾ ಕಪೂರ್ (Karishma Kapoor)
ಉದ್ಯಮಿ, ಪತಿ ಸಂಜಯ್ ಕಪೂರ್ ಅವರಿಗೆ ವಿಚ್ಛೇದನ ನೀಡಿದ ನಂತರ ನಟಿ ಕರಿಷ್ಮಾ ಕಪೂರ್ ತಮ್ಮ ಇಬ್ಬರು ಮಕ್ಕಳನ್ನು ಏಕಾಂಗಿಯಾಗಿ ಬೆಳೆಸುತ್ತಿದ್ದಾರೆ- ಸಮೈರಾ ಮತ್ತು ಕಿಯಾನ್. ಕರಿಷ್ಮಾ ತಮ್ಮ ಮಕ್ಕಳನ್ನು ತಾವೇ ನೋಡಿಕೊಳ್ಳುತ್ತಾರೆ. ಆಗಾಗ್ಗೆ ಮಕ್ಕಳ ಶಾಲಾ ಚಟುವಟಿಕೆಗಳಿಗೆ ಹಾಜರಾಗುತ್ತಾರೆ. ತಾಯ್ತನದ ವಿವಿಧ ಅಂಶಗಳ ಮೇಲೆ ಕೇಂದ್ರೀಕರಿಸಿರುವ ವೆಬ್ ಸರಣಿ "ಮೆಂಟಲ್‌ಹುಡ್‌"ನೊಂದಿಗೆ ಈ ನಟಿ ಈ ವರ್ಷ ಪುನರಾಗಮನ ಮಾಡಿದರು.
ಇಬ್ಬರು ಮಕ್ಕಳನ್ನು ಸ್ವಂತವಾಗಿ ಬೆಳೆಸುವ ಬಗ್ಗೆ ಕರಿಷ್ಮಾ ಹೇಳುತ್ತಾರೆ- “ನೀವು ಒಂಟಿ ಪೋಷಕರಾಗಿದ್ದೀರಿ ಎಂಬ ಕಾರಣಕ್ಕಾಗಿಯೇ ನಿಮ್ಮ ಮಗುವಿಗೆ ಅವಳು ಬಯಸಿದ ಎಲ್ಲವನ್ನೂ ಖರೀದಿಸಿ ಕೊಡಬೇಕು, ಆ ಮೂಲಕ ನೀವು ಸಂಗಾತಿಯ ಪ್ರೀತಿ ಕೊರತೆಯನ್ನು ತುಂಬಬೇಕು ಎಂಬುವ ಅಗತ್ಯವಿಲ್ಲ. ನೀವು ಏನು ನೀಡಬಹುದು ಮತ್ತು ನೀವು ಏನನ್ನು ನೀಡಲು ಬಯಸುವುದಿಲ್ಲ ಎಂಬುದರ ಬಗ್ಗೆ ದೃಢವಾಗಿರಿ. ಸ್ಪಷ್ಟವಾದ ಗಡಿಗಳು, ಸಮಯಗಳು, ರಚನೆಗಳು ಮತ್ತು ದಿನಚರಿಗಳನ್ನು ಹೊಂದಿಸಿ. ನೀವು ದಾಂಪತ್ಯದಲ್ಲಿದ್ದರೆ ಏನಿರುತ್ತದೆಯೋ ಅದೇ ವೇಳಾಪಟ್ಟಿ ಮತ್ತು ಮಾದರಿಯನ್ನು ಇಟ್ಟುಕೊಳ್ಳಿ.''
undefined
ಡಿಸೆಂಬರ್‌ ತಿಂಗಳಿಂದ ಆಚರಣೆ ಜೋರು, ನಟ Yash ಹೊಸ ವರ್ಷದ resolution ಇದಂತೆ!
ಸುಶ್ಮಿತಾ ಸೇನ್ (Sushmitha Sen)
ಮಾಜಿ ವಿಶ್ವ ಸುಂದರಿ ಇಬ್ಬರು ಹೆಣ್ಣು ಮಕ್ಕಳನ್ನು ದತ್ತು ಪಡೆದು ಬೆಳೆಸುತ್ತಿದ್ದಾರೆ. ಸುಶ್ಮಿತಾ ಅವರ ಹಿರಿಯ ಮಗಳು ರೆನೀಗೆ 19 ವರ್ಷ, ಅವರ ಕಿರಿಯ ಅಲಿಸಾಗೆ ಹತ್ತು ವರ್ಷ. ಅವಳು ಕೇವಲ 24 ವರ್ಷದವಳಿದ್ದಾಗ ರೆನೀಯನ್ನು ದತ್ತು ಪಡೆದಳು. ಚಿಕ್ಕ ವಯಸ್ಸಿನಲ್ಲಿ ಮಗುವನ್ನು ದತ್ತು ತೆಗೆದುಕೊಳ್ಳುವ ತನ್ನ ನಿರ್ಧಾರದ ಬಗ್ಗೆ ಮಾತನಾಡಿದ ಸೇನ್, ಹೇಳಿದ್ದು ಹೀಗೆ- “ನಾನು 24ನೇ ವಯಸ್ಸಿನಲ್ಲಿ ಮಾಡಿದ ಬುದ್ಧಿವಂತ ನಿರ್ಧಾರವೆಂದರೆ ತಾಯಿಯಾಗುವುದು. ಇದು ನನ್ನ ಜೀವನವನ್ನು ಸ್ಥಿರಗೊಳಿಸಿತು. ಇದು ಒಂದು ದೊಡ್ಡ ಯೋಗದಾನ ಮತ್ತು ಅದ್ಭುತ ಕ್ರಿಯೆ ಎಂದು ಜನರು ಭಾವಿಸುತ್ತಾರೆ. ಆದರೆ ಇದು ಸ್ವಯಂ ಸಂರಕ್ಷಣೆಯಾಗಿತ್ತು. ಆ ಮೂಲಕ ನಾನು ನನ್ನನ್ನು ರಕ್ಷಿಸಿಕೊಂಡೆ."
ಅಮೃತಾ ಸಿಂಗ್ (Amritha Singh)
80ರ ದಶಕದ ಜನಪ್ರಿಯ ಬಾಲಿವುಡ್ ತಾರೆ ಅಮೃತಾ ಸಿಂಗ್, ನಟ ಸಾರಾ ಅಲಿ ಖಾನ್ ಮತ್ತು ಇಬ್ರಾಹಿಂ ಇವರಿಬ್ಬರ ಹೆಮ್ಮೆಯ ತಾಯಿ. ಅವಳು 2002ರಲ್ಲಿ ಸೈಫ್ ಅಲಿ ಖಾನ್‌ನಿಂದ ಬೇರ್ಪಟ್ಟಳು, ನಂತರ ಅವಳು ತನ್ನ ಮಕ್ಕಳನ್ನು ತಾನೇ ನೋಡಿಕೊಂಡಳು.
ಅಮೃತಾ ಅವರ ಮಗಳು ಸಾರಾ ಸಂದರ್ಶನವೊಂದರಲ್ಲಿ, “ನನ್ನ ತಾಯಿ ನಾನು ಈಗ ಬೆಳೆದಿರುವುದರ ಹಿಂದಿರುವ ದೊಡ್ಡ ಭಾಗ. ನಾನು ಅವಳನ್ನು ತುಂಬಾ ಪ್ರೀತಿಸುತ್ತೇನೆ. ನಾನು ಸ್ಟಾರ್ ಕಿಡ್ ಆಗಿರುವುದರ ಬಗ್ಗೆ ಹೆಚ್ಚೇನೂ ಆಡಂಬರವಿಲ್ಲ, ಆದರೆ ಅವಳ ಮಗಳು ಎಂದುಕೊಳ್ಳುವು ಹೆಮ್ಮೆ. ಅವಳು ಯಾವಾಗಲೂ ತನ್ನ ಜೀವನವನ್ನು ಅತ್ಯಂತ ಸರಳ ಮತ್ತು ನೈಜ ರೀತಿಯಲ್ಲಿ ನಡೆಸುತ್ತಿದ್ದಳು ಅವಳು ನಟಿಯಾಗುವುದಕ್ಕೂ ಮೊದಲು 'ಬಿಂದಾಸ್' ಮತ್ತು ಪ್ರಾಮಾಣಿಕ ಸ್ವಭಾವದ ವ್ಯಕ್ತಿಯಾಗಿದ್ದಳು. ನಾನು ಅವಳೊಂದಿಗೆ 23 ವರ್ಷಗಳ ಕಾಲ ವಾಸಿಸಿದ್ದೇನೆ. ಹಾಗಾಗಿ ಆಕೆಯ ಹಲವು ಸ್ವಭಾವಗಳು ನನ್ನಲ್ಲೂ ಇವೆ ಎಂದು ನಾನು ಭಾವಿಸುತ್ತೇನೆ.''
Ankita Lokhande In Backless Dress: ಬ್ಯಾಕ್ಲೆಸ್ ಬ್ಲಾಕ್‌ ಡ್ರೆಸ್‌ನಲ್ಲಿ ಅಂಕಿತಾ ರೊಮ್ಯಾಂಟಿಕ್ ನೈಟ್
ರವೀನಾ ಟಂಡನ್ (Raveena Tandon)
ರವೀನಾ ಟಂಡನ್ 1995ರಲ್ಲಿ ಛಾಯಾ ಮತ್ತು ಪೂಜಾ ಎಂಬ ಇಬ್ಬರು ಹುಡುಗಿಯರನ್ನು ಒಂಟಿ ತಾಯಿಯಾಗಿ ದತ್ತು ಪಡೆದರು. ಈ ಯುವತಿಯರನ್ನು ದತ್ತು ಪಡೆದುದು ತನ್ನ ಜೀವನದ ಅತ್ಯುತ್ತಮ ನಿರ್ಧಾರ ಎಂದು ದಿವಾ ನಂಬಿದ್ದಾರೆ. ರವೀನಾ ಅವರ ದತ್ತು ಪುತ್ರಿಯರಿಬ್ಬರೂ ಈಗ ಮದುವೆಯಾಗಿ ಸುಖವಾಗಿದ್ದಾರೆ. ಉದ್ಯಮಿ ಅನಿಲ್ ಥಡಾನಿ ಅವರನ್ನು ವಿವಾಹವಾದ ನಟಿ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ - ರಣಬೀರ್ ಮತ್ತು ರಾಶಾ.
ಸಂದರ್ಶನವೊಂದರಲ್ಲಿ ರವೀನಾ ಅವರು ಸಿಂಗಲ್ ಪೇರೆಂಟ್ ಮತ್ತು ತನ್ನ ಹೆಣ್ಣುಮಕ್ಕಳಾದ ಛಾಯಾ ಮತ್ತು ಪೂಜಾ ಅವರನ್ನು ದತ್ತು ಪಡೆದ ನಂತರ ಅವರೊಂದಿಗೆ ಹಂಚಿಕೊಂಡ ಸಮೀಕರಣದ ಬಗ್ಗೆ ಮಾತನಾಡುತ್ತಾ, “ನಾವು ನಮ್ಮ ಮೊದಲ ವಿಮಾನ ಹಾರಾಟ ಮಾಡಿದ ಕ್ಷಣ, ನನ್ನ ಹುಡುಗಿಯರ ಕೈಗಳನ್ನು ಹಿಡಿದ ಸಮಯ, ಹಜಾರದಿಂದ ಕೆಳಗೆ ವಾಕಿಂಗ್ ಮಾಡಿದ ಕ್ಷಣ, ನನ್ನ ಮೊದಲ ಮೊಮ್ಮಗನನ್ನು ನನ್ನ ತೋಳುಗಳಲ್ಲಿ ಹಿಡಿದಿಟ್ಟುಕೊಂಡ ಕ್ಷಣ, ಹೀಗೆ ಎಲ್ಲವೂ ಪ್ರತಿ ಕ್ಷಣವೂ ನನಗೆ ಅಮೂಲ್ಯವಾಗಿದೆ. ಅವರು ನನ್ನ ಜೈವಿಕ ಮಕ್ಕಳಾದ ರಾಶಾ ಮತ್ತು ರಣಬೀರವರ್ಧನ್ ಅವರನ್ನು ಪ್ರೀತಿಸುತ್ತಾರೆ. ಅವರು ಇತರರಿಗೆ ದಯೆ ತೋರುತ್ತಾರೆ. ಪ್ರತಿ ತಾಯಂದಿರ ದಿನದಂದು ಈ ಹುಡುಗಿಯರು ನನಗೆ ಕಾರ್ಡ್‌ಗಳು ಮತ್ತು ಪತ್ರಗಳನ್ನು ಕಳುಹಿಸುತ್ತಾರೆ, ಅವರು ನನ್ನನ್ನು ಎಷ್ಟು ಪ್ರೀತಿಸುತ್ತಾರೆ ಎಂದರೆ ಯಾವುದೇ ತಾಯಿ ಇನ್ನೇನು ಕೇಳಬಹುದು?”
ನೀನಾ ಗುಪ್ತಾ (Neena Guptha)
ನೀನಾ ಗುಪ್ತಾ ಅವರು ಪ್ರಸಿದ್ಧ ಫ್ಯಾಷನ್ ಡಿಸೈನರ್ ಮಸಾಬಾ ಗುಪ್ತಾ ಅವರ ತಾಯಿ. ಅವರ ತಂದೆ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ವಿವಿಯನ್ ರಿಚರ್ಡ್ಸ್. ಹಿರಿಯ ನಟಿ ಒಂಟಿ ತಾಯಿಯಾಗಿದ್ದಕ್ಕಾಗಿ ಅಪಾರ ಟೀಕೆಗಳನ್ನು ಎದುರಿಸಬೇಕಾಯಿತು, ಆದರೆ ಅವರು ದೃಢವಾಗಿ ನಿಂತರು ಮತ್ತು ಎಲ್ಲವನ್ನೂ ಎದುರಿಸಿ ಹೋರಾಡಿದರು.
ಒಮ್ಮೆ ನ್ಯೂಸ್ ಪೋರ್ಟಲ್‌ಗೆ ನೀಡಿದ ಸಂದರ್ಶನದಲ್ಲಿ, ಗುಪ್ತಾ ಮಸಾಬಾ ಅವರೊಂದಿಗಿನ ಸಂಬಂಧದ ಬಗ್ಗೆ ಮಾತನಾಡುತ್ತಾ, “ಮಸಾಬಾ ಇಲ್ಲದೆ ಇದ್ದರೆ ನಾನು ಏನು ಮಾಡುತ್ತಿದ್ದೆ ಎಂದು ನನಗೆ ತಿಳಿದಿಲ್ಲ. ಅವಳಿಗೆ ನಾನಲ್ಲದೆ ಬೇರೆ ಯಾರೂ ಇಲ್ಲ. ಸಾಕಷ್ಟು ಕಷ್ಟಗಳ ನಡುವೆಯೂ ನಾನು ಅವಳ ಬೆಳವಣಿಗೆಯನ್ನು ಆನಂದಿಸಿದೆ. ನಾನು ಸಾಮಾನ್ಯ ಮಹಿಳೆಯ ಜೀವನವನ್ನು ನಡೆಸಲಿಲ್ಲ, ಏಕೆಂದರೆ ನಾನು ಅವಳೊಂದಿಗೆ ಕೆಲಸ ಮಾಡಬೇಕಾಗಿತ್ತು ಮತ್ತು ಅವಳೊಂದಿಗೆ ಸಮಯ ಕಳೆಯಬೇಕಾಗಿತ್ತು, ಆದರೆ ಅದು ನನಗೆ ತುಂಬಾ ತೃಪ್ತಿಯನ್ನು ನೀಡಿದೆ.''
ಪೂಜಾ ಬೇಡಿ (Puja Bedi)
‘ಜೋ ಜೀತಾ ವೋಹಿ ಸಿಕಂದರ್’ ನಟಿ ಪೂಜಾ ಬೇಡಿಗೆ ಅಲಯಾ ಮತ್ತು ಒಮರ್ ಫರ್ನಿಚರ್‌ವಾಲಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆಲಯಾ ಈಗಾಗಲೇ ಸೈಫ್ ಅಲಿ ಖಾನ್ ಅಭಿನಯದ ಜವಾನಿ ಜಾನೆಮನ್‌ನೊಂದಿಗೆ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದಾರೆ, ತಮ್ಮ ತಾಯ್ತನದ ಅವಧಿ ತುಂಬಾ ಆರೋಗ್ಯಕರವಾಗಿತ್ತು, ಪ್ರೇಮಮಯವಾಗಿತ್ತು ಎಂದು ಪೂಜಾ ಹೇಳಿಕೊಂಡಿದ್ದಾರೆ.
ಮದುವೆ ಆಗುವ ಹುಡುಗನ ಬಗ್ಗೆ ರಿವೀಲ್ ಮಾಡಿದ ನಟಿ Aditi Prabhudeva
ಪೂನಂ ಧಿಲ್ಲೋನ್ (Punam Dhillon)
ಬಾಲಿವುಡ್‌ನ ಸೌಂದರ್ಯದ ಖನಿ ಮತ್ತು ಮಾಜಿ ನಟಿ ಅಶೋಕ್ ಠಾಕೇರಿಯಾ ಅವರ ಮಾಜಿ ಪತ್ನಿಯಾದ ಈಕೆಗೆ ಪಲೋಮಾ ಮತ್ತು ಅನ್ಮೋಲ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಅವರು ತಮ್ಮ ದಾಂಪತ್ಯದಲ್ಲಿ ಸಮಸ್ಯೆಗಳನ್ನು ಹೊಂದಿದ್ದರಿಂದ ವಿಚ್ಛೇದನಕ್ಕೆ ಕಾರಣವಾಯಿತು, ನಂತರ ಅವಳು ತನ್ನ ಮಕ್ಕಳನ್ನು ಏಕಾಂಗಿಯಾಗಿ ಬೆಳೆಸಿದಳು. ಈ ಮಕ್ಕಳು ತಾಯಿಯಲ್ಲಿ ಆದರ್ಶವಾಗಿ ಕಂಡುಕೊಂಡಿದ್ದಾರೆ.