ಈದ್​ ಫ್ಯಾಮಿಲಿ ಫೋಟೋದಲ್ಲಿ ಅತ್ತಿಗೆ ಕರೀನಾರನ್ನೇ ಕಟ್​ ಮಾಡಿದ ಸೈಫ್​ ತಂಗಿ ಸೋನಾ! ಆಗಿದ್ದೇನು?

ಈದ್​ ಫ್ಯಾಮಿಲಿ ಫೋಟೋದಲ್ಲಿ ಅತ್ತಿಗೆ ಕರೀನಾರನ್ನೇ ಕಟ್​ ಮಾಡಿದ ಸೈಫ್​ ತಂಗಿ ಸೋನಾ ಖಾನ್​. ಅಷ್ಟಕ್ಕೂ ಆಗಿದ್ದೇನು?  

 ಇದೇ 11ರಂದು ಮುಸ್ಲಿಂ ಸಮುದಾಯದವರಿಂದ  ಈದ್​ ಹಬ್ಬದ ಸಂಭ್ರಮ. ಸೆಲೆಬ್ರಿಟಿಗಳು ಸೇರಿದಂತೆ ಮುಸ್ಲಿಂ ಸಮುದಾಯದವರು ಮಾತ್ರವಲ್ಲದೇ ಹಲವೆಡೆ ಹಿಂದೂಗಳೂ ಈ ಹಬ್ಬವನ್ನು ಆಚರಿಸಿ ಖುಷಿಪಟ್ಟರು. ಸೋಷಿಯಲ್​ ಮೀಡಿಯಾಗಳಲ್ಲಿ ಈದ್​ ಶುಭಾಶಯಗಳ ಸುರಿಮಳೆಯೇ ಆಗಿದೆ. ಆದರೆ ಇಲ್ಲಿ ಎಲ್ಲರ ಕಣ್ಣು ಕುಕ್ಕಿರುವುದು ನಟಿ ಕರೀನಾ ಕಪೂರ್​ ಗಂಡ ನಟ ಸೈಫ್​ ಅಲಿ ಖಾನ್​ ಅವರ ಸಹೋದರ ಸೋನಾ ಅಲಿ ಖಾನ್​ ಅವರು ಶೇರ್​ ಮಾಡಿರುವ ಫೋಟೋ. ಅಷ್ಟಕ್ಕೂ ಒಂದು ಫೋಟೋದಲ್ಲಿ ಕರೀನಾ ಕಪೂರ್​ ಇದ್ದರೂ ಅವರನ್ನು ಕ್ರಾಪ್​ ಮಾಡಿ ಫೋಟೋ ಶೇರ್​ ಮಾಡಲಾಗಿದೆ. ಇದು ಕರಿನಾ ಅವರ ಅಭಿಮಾನಿಗಳಿಗೆ ವಿಪರೀತ ಸಿಟ್ಟು ತರಿಸಿದೆ. ತಮ್ಮ ಫ್ಯಾಮಿಲಿ ಫೋಟೋ ಎಂದು ಈ ಫೋಟೋ ಶೇರ್​ ಮಾಡಲಾಗಿದೆ. ಅದರಲ್ಲಿ ಕೊನೆಯಲ್ಲಿ ಇರುವ ಕರೀನಾ ಸ್ವಲ್ಪವೇ ಕಾಣುತ್ತಿದ್ದಾರೆ. ಅವರ ಫೋಟೊ ಫ್ರೇಮ್​ ಹೊರಗೆ ಹೋಗಿದ್ದು, ಇದನ್ನು ಬೇಕಂತಲೇ ಮಾಡಲಾಗಿದೆ ಎನ್ನುವುದು ಕರೀನಾ ಅಭಿಮಾನಿಗಳ ಅಭಿಮತ. 

ಅಷ್ಟಕ್ಕೂ  ಬಾಲಿವುಡ್​ನ ಸದ್ಯದ ಯಶಸ್ವಿ ಜೋಡಿಗಳಲ್ಲಿ ಒಂದೆನಿಸಿದೆ ಸೈಫ್​ ಅಲಿ ಖಾನ್​ ಮತ್ತು ಕರೀನಾ ಕಪೂರ್​ ಅವರ ಜೋಡಿ.  ಎಲ್ಲರಿಗೂ ತಿಳಿದಿರುವಂತೆ ಇದು ಸೈಫ್​ ಅಲಿ ಅವರಿಗೆ ಎರಡನೆಯ ಮದುವೆ. ಅವರ ಮೊದಲ ಮದುವೆಯಾದದ್ದು ನಟಿ ಅಮೃತಾ ಸಿಂಗ್​ ಅವರ ಜೊತೆಗೆ. ತಮ್ಮ ಮೊದಲ ಮದುವೆಗೆ ಬಂದಿದ್ದ ಕರೀನಾ ಕಪೂರ್​ ಅವರನ್ನು ಮಗಳೇ ಎಂದು ಕರೆದಿದ್ದ ಸೈಫ್​ ಅಲಿ ನಂತರ ಆಕೆಯನ್ನೇ ಮದುವೆಯಾಗಿ ಟ್ರೋಲ್​ಗೂ ಒಳಗಾಗಿದ್ದಿದೆ. ಅದೇನೇ ಇದ್ದರೂ ಸದ್ಯ ಈ ದಂಪತಿಗೆ ಇಬ್ಬರು ಪುತ್ರರಿದ್ದಾರೆ. ಕೆಲವು ಖ್ಯಾತನಾಮ ನಟರಂತೆಯೇ ಸೈಫ್​ ಅಲಿ ಕೂಡ ಇಬ್ಬರೂ ಹಿಂದೂ ಯುವತಿಯರನ್ನು ಮದುವೆಯಾಗಿ ಸಕತ್​ ಸುದ್ದಿ ಮಾಡಿದವರು. ಸೈಫ್​ ಅಲಿ ಖಾನ್​ ಕರೀನಾರಿಗಿಂತಲೂ 10 ವರ್ಷ ದೊಡ್ಡವರು. 5 ವರ್ಷಗಳ ಕಾಲ ಲಿವ್-ಇನ್ (Live in relation) ಸಂಬಂಧದಲ್ಲಿದ್ದ ಈ ಜೋಡಿ ಕೊನೆಗೆ ಮದುವೆಯಾಗಿತ್ತು. ಅದಾಗಲೇ ಲವ್ ಜಿಹಾದ್ ಎಂಬ ಬಗ್ಗೆಯೂ ದೊಡ್ಡ ಮಟ್ಟದಲ್ಲಿ ಸುದ್ದಿಯೇ ಆಗಿಬಿಟ್ಟಿತ್ತು. 

ಸೋಹಾ ಅಲಿ ಖಾನ್​ ಮತ್ತು ಕರೀನಾ ಕಪೂರ್​ ಖಾನ್​ ಅವರ ನಡುವೆ ಉತ್ತಮ ಒಡನಾಟವೇ ಇದೆ. ಹಾಗಿದ್ದರೂ ಕೂಡ ಅವರು ಒಟ್ಟೊಟ್ಟಿಗೆ ಕಾಣಿಸಿಕೊಳ್ಳುವುದು ಕಡಿಮೆ. ಈಗ ಸೋನಾ ಅಲಿ ಖಾನ್​ ಅವರು ಕರೀನಾ ಕಪೂರ್​ ಖಾನ್​ರ ಫೋಟೋವನ್ನು ಕ್ರಾಪ್​ ಮಾಡಿರುವುದರಿಂದ ಅತ್ತಿಗೆ-ನಾದಿನಿ ನಡುವೆ ಏನೋ ಕಿರಿಕ್​ ಆಗಿರಬಹುದೇ ಎಂದು ಅನೇಕರು ಪ್ರಶ್ನೆ ಮಾಡುತ್ತಿದ್ದಾರೆ. ಹಾಗೆಂದು ಎಲ್ಲಾ ಫೋಟೋಗಳಲ್ಲಿ ಈ ರೀತಿ ಮಾಡಲಾಗಿಲ್ಲ. ಉಳಿದ ಫೋಟೋಗಳಲ್ಲಿ ಕರೀನಾ ಸರಿಯಾಗಿಯೇ ಕಾಣಿಸುತ್ತಾರೆ. ಈ ಫೋಟೋ ಅಡ್ಜಸ್ಟ್​ ಮಾಡುವಾಗ ಏನೋ ಎಡವಟ್ಟಾಗಿರಬಹುದು ಎನ್ನಿಸುತ್ತದೆ ಎನ್ನುವುದು ಇನ್ನು ಕೆಲವರ ಅಭಿಮತ. ಆದರೂ ಈ ಫೋಟೋ ಸೋಷಿಯಲ್​ ಮೀಡಿಯಾದಲ್ಲಿ ಸಕತ್​ ಸೌಂಡ್ ಮಾಡುತ್ತಿದೆ. 

ಅಂದಹಾಗೆ ಕರೀನಾ ಮತ್ತು ಸೈಫ್​ ಅಲಿ ಅವರ ಮದುವೆಯನ್ನು ಲವ್​ ಜಿಹಾದ್​ ಎಂದೇ  ಕರೆಯಲಾಗಿತ್ತು. ಈ ಸಂದರ್ಭದಲ್ಲಿ ಮಾತನಾಡಿರುವ ಸೈಫ್​ ಅಲಿ ಖಾನ್​, ನಾನು ಎಲ್ಲ ಧರ್ಮವನ್ನೂ ಪಾಲಿಸುವವ. ಕರೀನಾ ಜೊತೆ ಪ್ರೀತಿ ಮಾಡಿ ಮದುವೆ ಮಾಡಿಕೊಂಡಿದ್ದೇನೆ. ಯಾವುದೇ  ಕಾರಣಕ್ಕೂ ಆಕೆಯ ಮತಾಂತರಕ್ಕೆ ನಾನು ಬಲವಂತಗೊಳಿಸಲಿಲ್ಲ. ಆಕೆ ಹಿಂದೂ ಧರ್ಮವನ್ನೇ ಪಾಲಿಸುತ್ತಿದ್ದಾಳೆ ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದು, ಅದೀಗ ಮತ್ತೆ ಮುನ್ನೆಲೆಗೆ ಬಂದಿದೆ. ಇದಕ್ಕೆ ಕಮೆಂಟ್​ ಹಾಕಿರುವ ನೆಟ್ಟಿಗರು, ಎಲ್ಲವೂ ಸರಿ, ಹಿಂದೂಗಳನ್ನು ಮದ್ವೆಯಾಗಿರುವ ಖಾನ್​ ನಟರು ತಮ್ಮ ಹಿಂದೂ ಧರ್ಮದ ಬಗ್ಗೆ ಇಷ್ಟೆಲ್ಲಾ ಎದುರುಗಡೆ ಮಾತನಾಡುವವರು ಮಕ್ಕಳಿಗೆ ಮಾತ್ರ ಖಾನ್​ ಎನ್ನುವುದನ್ನು ಇಡಲು ಮರೆಯುವುದಿಲ್ಲ, ಭೇಷ್​ ಭೇಷ್​ ಎನ್ನುತ್ತಿದ್ದಾರೆ.