200 ಕೋಟಿ ರೂ. ಆಸ್ತಿ ಖರೀದಿಸಲು ಮುಂದಾದ ಚಿರಂಜೀವಿ ಸೊಸೆ ಉಪಾಸನಾ?

200 ಕೋಟಿ ಬೆಲೆ ಬಾಳುವ ಆಸ್ತಿ ಖರೀದಿಸಲು ಮುಂದಾದ ರಾಮ್‌ ಚರಣ್ ಪತ್ನಿ ಉಪಾಸನಾ. ಇಷ್ಟೊಂದು ಹಣ ನಿಜಕ್ಕೂ ಇದ್ಯಾ? 

ಟಾಲಿವುಡ್ ಮೆಗಾ ಸ್ಟಾರ್ ಚಿರಂಜೀವಿ ಸೊಸೆ, ರಾಮ್‌ ಚರಣ್ ಪತ್ನಿ, ಸಿರಿವಂತನ ಪುತ್ರಿ ಉಪಾಸನಾ ಇದೀಗ ಆಸ್ತಿ ವಿಚಾರವಾಗಿ ದೊಡ್ಡ ನಿರ್ಧಾರ ಕೈಗೊಳ್ಳಲು ಮುಂದಾಗಿದ್ದಾರೆ. ಆಸ್ತಿ ಬೆಲೆ ಕೇಳಿ ಶಾಕ್ ಆದ ನೆಟ್ಟಿಗರು ಇಷ್ಟೊಂದು ಹಣ ಎಲ್ಲಿದೆ ನಿಮಗೆ ಎಂದು ಪ್ರಶ್ನೆ ಮಾಡಿದ್ದಾರೆ. 

ನಟಿ ಜೀವಿತಾ ರಾಜಶೇಖರ್ ತಮ್ಮ 200 ಕೋಟಿ ರೂಪಾಯಿ ಮೊತ್ತದ ಆಸ್ತಿಯನ್ನು ಮಾರಲು ಮುಂದಾಗಿದ್ದಾರೆ. ಮಾರಲು ಚದರ ಅಡಿಗೆ 15,000 ರೂಪಾಯಿ ಎಂದು ಬೆಲೆ ಕಟ್ಟಿದ್ದಾರೆ. ಆದರೆ ಫೀನಿಕ್ಸ್ ಗ್ರೂಪ್‌ ಕೂಡ ಈ ಆಸ್ತಿಯಲ್ಲಿ ಶೇರ್ ಹೊಂದಿದೆ. ಹೀಗಾಗಿ ಯಾರು ಖರೀದಿ ಮಾಡಲಿದ್ದಾರೆ ಎಂದು ಕಾದು ನೋಡಬೇಕಿದೆ. ಈ ಆಸ್ತಿ ಪಕ್ಕದಲ್ಲಿ ಫೀನಿಕ್ಸ್ ಅವರ ಕಟ್ಟಡವೂ ಇದೆ. ಆಸ್ತಿ ಮಾರಬೇಕೆಂದರೆ ಅಲ್ಲಿ ಬಾಡಿಗೆ ಇರುವವರು ಮೊದಲು ಖಾಲಿ ಮಾಡಬೇಕು ಆನಂತರ ಸಾಕಷ್ಟು ವ್ಯವಹಾರಗಳು ಮುಗಿಯಬೇಕಿದೆ. 

ಉಪಾಸನಾ ಬಳಿ ಅಷ್ಟೊಂದು ಹಣ ಇದ್ಯಾ? 

ಅಪೋಲೋ ಆಸ್ಪತ್ರೆಯ ಒಡೆಯರಾಗಿರುವ ಅನಿಲ್ ಕಾಮೆನೇನಿ ಅವರ ಪುತ್ರಿ ಉಪಾಸನಾ. ಲಂಡನ್ ವಿಶ್ವವಿದ್ಯಾಲಯದ ಪದವೀಧರೆ. ವಿದ್ಯಾಭ್ಯಾಸದ ನಂತರ ಅಫೋಲೋ ಆಸ್ಪತ್ರೆಯಲ್ಲಿ ವೈಸ್ ಪ್ರೆಸಿಡೆಂಟ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು.  ಚಿರಂಜೀವಿ ಪುತ್ರ ರಾಮ್ ಚರಣ್ ಜೊತೆ ವಿವಾಹವಾದ ಬಳಿ ಸಿನಿಮಾ ಕ್ಷೇತ್ರದಲ್ಲಿ ತೊಡಿಗಿಸಿಕೊಂಡರು. ಸೆಲೆಬ್ರಿಟಿಗಳ ಜೊತೆ ಕೆಲವು ಅಡುಗೆ, ಫಿಟ್ನೆಸ್ ಹಾಗೂ ಆರೋಗ್ಯದ ಬಗ್ಗೆ ತಮ್ಮದೇ ಯುಟ್ಯೂಬ್‌ ಚಾನೆಲ್‌ನಲ್ಲಿ ವಿಡಿಯೋ ಮಾಡುತ್ತಾರೆ. ಬಿ ಪಾಸಿಟಿವ್ ಮ್ಯಾಗಜೀನ್ ಸಂಪಾದಕಿಯೂ ಆಗಿದ್ದಾರೆ.  ಸುಮಾರು 50 ಮಿಲಿಯನ್ ಡಾಲರ್ ಆದಾಯವನ್ನು ಹೊಂದಿದ್ದಾರೆ.