ಮಹೇಶ್ ಬಾಬು ಜೊತೆ ನಟಿಸುವುದೇ ತನ್ನ ದೊಡ್ಡ ಕನಸು: ಮನದಾಸೆ ಬಿಚ್ಚಿಟ್ಟ ನಟಿ ಮೃಣಾಲ್ ಠಾಕೂರ್

ತೆಲುಗು ಸ್ಟಾರ್ ಮಹೇಶ್ ಬಾಬು ಜೊತೆ ನಟಿಸುವುದೇ ತನ್ನ ದೊಡ್ಡ ಕನಸು ಎಂದು ನಟಿ ಮೃಣಾಲ್ ಠಾಕೂರ್ ಮನದಾಸೆ ಬಿಚ್ಚಿಟ್ಟಿದ್ದಾರೆ. 

ಬಹುಭಾಷಾ ನಟಿ ಮೃಣಾಲ್ ಠಾಕೂರ್ ಒಂದಲ್ಲೊಂದು ವಿಚಾರಕ್ಕೆ ಗಮನ ಸೆಳೆಯುತ್ತಿರುತ್ತಾರೆ. ಸೀತಾ ರಾಮಂ ಸಿನಿಮಾ ಬಳಿಕ ಸೌತ್ ಸಿನಿಮಾರಂಗದಲ್ಲೂ ದೊಡ್ಡ ಮಟ್ಟದ ಖ್ಯಾತಿ ಗಳಿಸಿರುವ ಮೃಣಾಲ್ ಠಾಕೂರ್ ತನ್ನ ಬೇಡಿಕೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ಬಿಗ್ ಸಕ್ಸಸ್ ಬಳಿಕ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಮೃಣಾಲ್ ಇತ್ತೀಚೆಗಷ್ಟೆ ಲಸ್ಟ್ ಸ್ಟೋರಿ 2 ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದರು. ಸದ್ಯ ತೆಲುಗು ಸಿನಿಮಾರಂಗದ ಬೇಡಿಕೆಯ ನಟಿಯರಲ್ಲಿ ಮೃಣಾಲ್ ಕೂಡ ಒಬ್ಬರು. ಸೀತಾ ರಾಮಂ ಖ್ಯಾತಿಯಲ್ಲಿಯೇ ಮೃಣಾಲ್ ಅನೇಕ ಸಿನಿಮಾಗಳಿಗೆ ಸಹಿ ಮಾಡಿದ್ದಾರೆ. ಸಕ್ಸಸ್ ಬೆನ್ನಲ್ಲೇ ಮೃಣಾಲ್ ತನ್ನ ಸಂಭಾವನೆಯನ್ನು ಏರಿಸಿಕೊಂಡಿದ್ದಾರೆ. 

ಸೌತ್ ಸಿನಿಮಾರಂಗದಲ್ಲಿ ಅನೇಕ ಸಿನಿಮಾಗಳನ್ನು ಮಾಡುವ ಕನಸು ಕಂಡಿರುವ ಮೃಣಾಲ್ ಅವರಿಗೆ ಮತ್ತೊಂದು ದೊಡ್ಡ ಆಸೆ ಇದೆ. ಈ ಬಗ್ಗೆ ಮೃಣಾಲ್ ಬಹಿರಂಗ ಪಡಿಸಿದ್ದಾರೆ. ಮಹೇಶ್ ಬಾಬು ಜೊತೆ ನಟಿಸುವುದು ತನ್ನ ದೊಡ್ಡ ಕನಸು. ವೃತ್ತಿ ಜೀವನದ ಪ್ರಾರಂಭದಿಂದನೂ ಈ ಆಸೆಯಿದೆ. ಕನಸು ನನಸು ಮಾಡಿಕೊಳ್ಳುವತ್ತ ಗಮನ ಹರಿಸುತ್ತಿರುವುದಾಗಿ ಹೇಳಿದ್ದಾರೆ. 

ಮೃಣಾಲ್ ಅವರಿಗೆ ಮಹೇಶ್ ಬಾಬು ಎಂದರೆ ತುಂಬಾ ಇಷ್ಟ. ತನ್ನ ಅದ್ಭುತ ಅಭಿನಯದ ಮೂಲಕ ಪ್ರೇಕ್ಷಕರನ್ನು ಸೆಳೆಯುವ ಉತ್ತಮ ನಟ. ಅವರ ಜೊತೆ ನಟಿಸುವುದು ದೊಡ್ಡ ಆಸೆ ಎಂದು ಹೇಳಿದ್ದಾರೆ. ತನ್ನ ನಟನಾ ಕೌಶಲ್ಯ ಹೆಚ್ಚಿಸಿಕೊಳ್ಳಲು ಪ್ರತಿ ದಿನ ಶ್ರಮ ಹಾಕುತ್ತಾರೆ. ಹಾಗಾಗಿಯೇ ಮೃಮಾಲ್ ಪರ್ತಿ ಸಿನಿಮಾದಲ್ಲೂ ಅದ್ಭುತವಾಗಿ ನಟಿಸುತ್ತಾರೆ. ಯಾವುದೇ ಪಾತ್ರವಾದರೂ ಲೀಲಾಜಾಲವಾಗಿ ನಟಿಸುತ್ತಾರೆ. 

ಒಂದಲ್ಲೊಂದು ದಿನ ಮಹೇಶ್ ಬಾಬು ಜೊತೆ ನಟಿಸುತ್ತೇನೆ ಎನ್ನುವ ಭರವಸೆಯಲ್ಲಿದ್ದಾರೆ. ಮೃಣಾಲ್ ಮತ್ತು ಮಹೇಶ್ ಬಾಬು ಅವರನ್ನು ಒಟ್ಟಿಗೆ ನೋಡಲು ಅಭಿಮಾನಿಗಳು ಸಹ ಕಾತರರಾಗಿದ್ದಾರೆ. ಇಬ್ಬರೂ ಆದಷ್ಟು ಬೇಗ ಒಟ್ಟಿಗೆ ಸಿನಿಮಾ ಮಾಡಲಿ ಎಂದು ಅಭಿಮಾನಿಗಳು ಸಹ ಹಾರೈಸುತ್ತಿದ್ದಾರೆ. ಮಹೇಶ್ ಬಾಬು ಸದ್ಯ ಗುಂಟೂರು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾಗೆ ತ್ರಿವಿಕ್ರಮ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಸಿನಿಮಾದಲ್ಲಿ ಕನ್ನಡದ ನಟಿ ಶ್ರೀಲೀಲಾ ನಟಿಸುತ್ತಿದ್ದಾರೆ. 

ಮೃಣಾಲ್ ಸದ್ಯ ಪೂಜಾ ಮೇರಿ ಜಾನ್, ಪಿಪ್ಪಾ, ಆಂಕ್ ಮಿಚೋಲಿ, ನಾನಿ 30 ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಸೀತಾ ರಾಮಂ ಬಳಿಕ ಬಂದ ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಸಕ್ಸಸ್ ಕಂಡಿಲ್ಲ. ಹಾಗಾಗಿ ಮತ್ತೊಂದು ಸಕ್ಸಸ್‌ಗಾಗಿ ಮೃಣಾಲ್ ಕಾಯುತ್ತಿದ್ದಾರೆ. ಸೌತ್ ಪ್ರೇಕ್ಷಕರು ಮೃಣಾಲ್ ಕೈ ಹಿಡಿಯುತ್ತಾರಾ ಕಾದುನೋಡಬೇಕಿದೆ.