ಹಲವು ತಿಂಗಳು ಮನೆಯಲ್ಲೇ ಉಳಿದ ನಂತರ ಜನರು ಫ್ರೀಡಂಗಾಗಿ ತವಕಿಸಿದ್ದಾರೆ. ಜೀವನದ ಸಣ್ಣಪುಟ್ಟ ಖುಷಿಗಳನ್ನೇ ಮರೆತಿದ್ದ ಜನ ಅದಕ್ಕಾಗಿ ಹಂಬಲಿಸಿದ್ದಾರೆ. ಸೆಲೆಬ್ರಿಟಿಗಳಿಗೂ ಲಾಕ್ಡೌನ್ ನಂತರ ಸ್ವಾತಂತ್ರ್ಯ ಎಂಬುದರ ಅರ್ಥ ಬದಲಾಗಿದೆ ಎನ್ನುತ್ತಾರೆ. ಹೀಗಿದೆ ಕೆಲವು ಸೆಲೆಬ್ರಿಟಿಗಳ ಪ್ರತಿಕ್ರಿಯೆ.
ಹಲವು ತಿಂಗಳು ಮನೆಯಲ್ಲೇ ಉಳಿದ ನಂತರ ಜನರು ಫ್ರೀಡಂಗಾಗಿ ತವಕಿಸಿದ್ದಾರೆ. ಜೀವನದ ಸಣ್ಣಪುಟ್ಟ ಖುಷಿಗಳನ್ನೇ ಮರೆತಿದ್ದ ಜನ ಅದಕ್ಕಾಗಿ ಹಂಬಲಿಸಿದ್ದಾರೆ. ಅನ್‌ಲಾಕ್‌ನಲ್ಲಿ ನಿಧಾನವಾಗಿ ಜನರು ಸಹಜ ಜೀವನದತ್ತ ಮರಳುತ್ತಿದ್ದಾರೆ.
ಒಂದು ತುಂಡು ಪಿಝಾ, ಬೈಟು ಕಾಫಿಯಲ್ಲಿ ಭಾರೀ ಸ್ವಾತಂತ್ರ್ಯವಿದ್ದಂತೆ ಭಾಸವಾಗುತ್ತಿದೆ. ಕೊರೋನಾ ಮಧ್ಯೆ ಈ ಎಲ್ಲ ವಿಚಾರಗಳ ಪ್ರಾಮುಖ್ಯತೆಯನ್ನು ಜನರು ತಿಳಿದುಕೊಂಡಿದ್ದಾರೆ.
ಸ್ವಾತಂತ್ರ್ಯೋತ್ಸವ: ನೀವು ನೋಡಲೇಬೇಕಾದ 5 ವೆಬ್‌ಸಿರೀಸ್‌ಗಳಿವು..!
ಫ್ರೀಡಂನ ಅರ್ಥವೇ ಬದಲಾಗಿದೆ- ಸುಮ್ಮನೆ ಸಮುದ್ರ ನೋಡುತ್ಥಾ ಕೂರುವುದು, ಸ್ನೇಹಿತರ ಜೊತೆ ಕಾಫಿ, ಪಿಝಾ ತಿನ್ನುವುದು, ಪಾನಿಪೂರಿ, ಊಟದ ನಂತರ ವಾಕ್ ಮಾಡುವಂತಹ ಸಮಾನ್ಯ ಸಂಗತಿ ಬಹಳ ವಿಶೇಷವೆನಿಸುತ್ತಿವೆ. ಸೆಲೆಬ್ರಿಟಿಗಳಿಗೂ ಲಾಕ್ಡೌನ್ ನಂತರ ಸ್ವಾತಂತ್ರ್ಯ ಎಂಬುದರ ಅರ್ಥ ಬದಲಾಗಿದೆ ಎನ್ನುತ್ತಾರೆ. ಹೀಗಿದೆ ಕೆಲವು ಸೆಲೆಬ್ರಿಟಿಗಳ ಪ್ರತಿಕ್ರಿಯೆ.
ಸ್ವಚ್ಛ ಗಾಳಿ ಉಸಿರಾಡುವುದು, ಕಡಲು ನೋಡುತ್ತಾ ಕೂರುವುದೇ ನನಗೆ ಸ್ವಾತಂತ್ರ್ಯ: ಟೆರೆನ್ಸ್ ಲೂಯೀಸ್
ನಾನೊಬ್ಬ ಪ್ರಕೃತಿ ಪ್ರೇಮಿಯಾಗಿ ನನ್ನ ಸ್ನೇಹಿತರ ಜೊತೆ ಸಮುದ್ರದ ತೀರದಲ್ಲಿ ಕುಳಿತು ಕಾಫಿ ಹೀರುವುದಕ್ಕೆ ಸಾಧ್ಯವಾಗಿದ್ದೇ ಪುಣ್ಯ. ಈ ಅನುಭವ ಈಗ ಮೊದಲಿಗಿಂತಲೂ ಅಧ್ಬುತ ಮತ್ತು ಬಹಳ ಮುಖ್ಯ ಸಂಗತಿಯಾಗಿದೆ. ಒಂದು ಫ್ಲಾಸ್ಕ್‌ನಲ್ಲಿ ಕಾಫಿ ತೆಗೆದುಕೊಂಡು ಗೆಳೆಯರೊಂದಿಗೆ ತೀರದಲ್ಲಿ ಕುಳಿತು ಲೈಫ್‌ ಬಗ್ಗೆ ಮಾತನಾಡುತ್ತೇವೆ.
ಮನೆಯಿಂದ ಸ್ವಲ್ಪ ದೂರ ಸೈಕ್ಲಿಂಗ್ ಮಾಡೋಕಾಗ್ತಿರೋದೆ ಫ್ರೀಡಂ: ಆದಿತ್ಯ ನಾರಾಯಣ್
ಲಾಕ್‌ಡೌನ್‌ನಿಂದಾಗಿ ಜಿಮ್ ಹೋಗುವುದು ಮೊಟಕಾಗಿತ್ತು. ಲಾಕ್ಡೌನ್ ತೆರವು ಮಾಡಿದ ನಂತರ ನಾನು ಮನೆ ಲೊಖಂಡ್‌ವಾಲಾದಿಂದ ಬಾಂದ್ರಾ ವರ್ಲಿ ಸೀ ತನಕ ಸೈಕ್ಲಿಂಗ್ ಮಾಡಿ ಮರಳುತ್ತಿದ್ದೇನೆ. ಇಷ್ಟು ತಿಂಗಳೂ ಮನೆಯಲ್ಲೇ ಇದ್ದು,ಸೈಕ್ಲಿಂಗ್ ಮಾಡೋಕಾಗೋದೇ ಸ್ವಾತಂತ್ರ್ಯ ಎಂದು ಅನಿಸುತ್ತಿದೆ.
ವಾಲ್ಕ್ ಹೋಗುವುದು ಇಷ್ಟು ಅದ್ಭುತವಾಗಿರಬಹುದೆಂದು ಯಾವತ್ತೂ ಯೋಚಿಸಿರಲಿಲ್ಲ: ಶುಭಾಂಗಿ ಟಂಬಲೆ
ಲಾಕ್ಡೌನ್ ಸಂದರ್ಭ ಜಾಗಿಂಗ್ ಅಥವಾ ವಾಕಿಂಗ್ ಮಾಡಲು ಸಾಧ್ಯವೇ ಇಲ್ಲ ಎಂದುಕೊಂಡಿದ್ದೆ.ಒಮ್ಮೆ ಮಾಸ್ಕ್‌ ಧರಿಸದೇ ಹಿರ ಬಂದಾಗ ಪೊಲೀಸರು ತಡೆದು ಮನೆಗೆ ಕಳಿಸಿದ್ದರು. ಈಗ ಮತ್ತೆ ಹೊರಗೆ ಜಾಗಿಂಗ್ ಮಾಡಲು ಸಾಧ್ಯವಾಗುತ್ತಿರುವುದು ನನಗೆ ಫ್ರೀಡಂ ಎನಿಸುತ್ತಿದೆ.
ಸ್ವಚ್ಛ ಸಮುದ್ರ ಮತ್ತು ಅಲೆಗಳ ಶಬ್ದ ನನ್ನನ್ನು ಸ್ವತಂತ್ರವಾಗಿಸಿದೆ: ಅರ್ಜುನ್ ಬಿಜ್‌ಲಾನಿ
ಲಾಕ್ಡೌನ್ ಸಂದರ್ಭ ನಮ್ಮ ಸ್ವತಂತ್ರವನನ್ನೆಲ್ಲ ಕಿತ್ತುಕೊಂಡಂತೆ ಅನಿಸಿತು. ಹಾಗೆಯೇ ಚಿಕ್ಕ ಚಿಕ್ಕ ವಿಷಯಗಳಲ್ಲಿ ಖುಷಿ ಕಂಡುಕೊಳ್ಳುವುದನ್ನೂ ಹೇಳಿಕೊಟ್ಟಿತು. ಈ ಮೊದಲು ನಗಣ್ಯ ಎನಿಸಿದ್ದ ವಿಚಾರಗಳು ಈಗ ಅದ್ಭುತ ಎನಿಸುತ್ತಿದೆ.
ನನ್ನ ಸಹ ನಟರೂ, ಕಲಾವಿದರೊಂದಿಗೆ ಮತ್ತೆ ಸೇರಿದ್ದೇ ಫ್ರೀಡಂ: ಆದಿತಿ ಸಜ್ವಾನ್
ಅಕ್ಬರ್‌ನ ಬಾಲ್ ಬೀರಬಲ್‌ ಧಾರವಾಹಿಯ ಶೂಟಿಂಗ್‌ಗೆ ತಂಡದೊಂದಿಗೆ ಮತ್ತೆ ಜೊತೆಯಾಗಿದ್ದೇ ನನಗೆ ದೊಡ್ಡ ಫ್ರೀಡಂ. ಕೆಲಸ ನನಗೆ ಸ್ವಾತಂತ್ರ್ಯ ನೀಡುತ್ತದೆ ಎಂದು ಅರಿವಾಗುವುದರ ಜೊತೆ ಜನರ ಜೊತೆ ಸಂಪರ್ಕದಲ್ಲಿರುವುದು ಎಷ್ಟು ಮುಖ್ಯ ಎಂಬುದು ಅರಿವಾಗುತ್ತಿದೆ.
ಒಬ್ಬ ಕಲಾವಿದನಿಗೆ ತನ್ನ ತಂಡದಿಂದ ದೂರ ಇರುವುದೇ ಕ್ವಾರೆಂಟೈನ್. ಈ ಕಷ್ಟದ ಸಂದರ್ಭದಲ್ಲಿ ಮನೆಯಲ್ಲಿ ಲಾಕ್ ಆಗಿರುವುದೇ ಕಷ್ಟ. ಸೆಟ್‌ಗೆ ಮರಳಿ ಬಂದು ಶೂಟ್‌ನಲ್ಲಿ ಭಾಗಿಯಾಗಿದ್ದೇ ದೊಡ್ಡ ಫ್ರೀಡಂ.
ಕೊರೋನಾ ಕಣ್ಣು ಮುಚ್ಚಿ ತೆರೆಯುವಷ್ಟರಲ್ಲಿ ನಮ್ಮ ಬಹಳ ಸ್ವಾತಂತ್ರ್ಯವನ್ನು ಹಸಿದುಕೊಂಡಿದೆ. ಮುಂಬೈನ ಅಪಾರ್ಟ್‌ಮೆಂಟ್‌ನಲ್ಲಿ ಏಕಾಂಗಿ ಎನಿಸುತ್ತಿತ್ತು. ದೆಹಲಿಗೆ ಬಂದು ಸೆಲ್ಫ್‌ ಕ್ವಾರೆಂಟೈನ್ ನಂತರ ಮನೆಯವರನ್ನು ಭೇಟಿಯಾಗಿದ್ದು, ನನಗೆ ಸಿಕ್ಕಿದ ಸ್ವಾತಂತ್ರ್ಯ.
ಲಾಕ್ಡೌನ್ ನಂತರ ಮತ್ತೆ ಕೃಷ್ಣನಾಗಿದ್ದೇ ನನಗೆ ಫ್ರೀಡಂ: ಸುಮೇದ್ ಮುದ್‌ಗಲ್ಕರ್
ಮನಸಿನ ಸ್ವಾತಂತ್ರ್ಯ ಎಲ್ಲಕ್ಕಿಂತ ಮುಖ್ಯ ಎಂಬುದನ್ನು ಲಾಕ್ಡೌನ್ ಹೇಳಿಕೊಟ್ಟಿದೆ. ಮನೆಯಲ್ಲೇ ಕುಳಿತು ಎಲ್ಲೂ ಹೋಗಲಾಗದೆ, ನನಗೆ ಮತ್ತೆ ನನ್ನ ಕೃಷ್ಣ ಪಾತ್ರ ಮಾಡಲು ಆಸೆಯಾಗುತ್ತಿತ್ತು. ಅದಕ್ಕಾಗಿ ಹಂಬಲಿಸುತ್ತಿದ್ದೆ. ಮತ್ತೆ ಕೃಷ್ಣನ ವೇಷ ಧರಿಸಿದಾಗ ವಿಶೇಷ ಚೈತನ್ಯ ಅನುಭವವಾಗುತ್ತಿದೆ ಎಂದಿದ್ದಾರೆ.